京都大酒樓

營業中

休息中

平日最鐘意約朋友飲茶傾計，今日就去了黃大仙一間傳統的中式酒樓，中午以食點心為主。款式很多，大多是傳統點心。而下午茶更有優惠。我點了-蝦球湯伊麵下午茶十幾元一碗很抵食，有2隻大爽口蝦球，伊麵底。-蝦餃（2粒）-燒賣（2粒）大大粒，很多蝦肉餡料。我最鐘意一籠2粒點心，因可選多幾款點心。-下午茶自選孖寶 -菜苗餃 -炸雲吞 雲吞皮炸得香脆-鴻運脆腸粉 腸粉餡料是油炸鬼和 蝦肉。油炸鬼再脆點更有口感。-芝麻卷 芝麻味濃，很難得是蒸熱出來的。

今天遊覽完鑽石山的志蓮靜苑後，到黃大仙豪輝中心的「京都大酒樓」晚膳。酒樓門口在龍翔道地面，由專用扶手電梯上二樓，門面裝修華麗，甚有氣派。裏面空間寬敞，光猛開揚，完全沒有局促的感覺。坐下來，開了茶，便被枱上的餐牌所給引，“十蚊雞”當然要嚐嚐，還加上幾個小菜。“脆皮飛天雞”，超值推廣價$10一整隻雞，賣相很有趣，形似飛天。外皮烤得香脆，裏面雞肉保持嫩滑多汁，加上南乳香味，口感非常好，是必食之選。“杭州東坡肉伴饅頭”，一大件五花腩，肥瘦適中，燜得腍軟，五香入味。一口饅頭一口肉，非常滋味。“菠蘿咕嚕黑豚肉”，新鮮炸好，色香味俱全，而且啖啖肉，又脆口，黑豚肉肉質腍中帶質感。“南乳粗齋煲”，材料豐富，有豆卜、腐皮、粉絲、白菜、草菇、竹筍、雲耳......等，燜得入味。這裏的廚師功力高，食材新鮮，環境舒適，服務態度好，是食晚飯小菜的好地方。

今日要去黃大仙做嘢，中午就順便約埋喺附近返工嘅朋友一齊飲茶。由友人帶路，嚟咗豪苑商場 2 樓呢間「京都大酒樓」，酒家內櫳頗大，而且裝修新淨，環境光亮整潔。點咗兩 Set 百搭自選孖寶點心 ($44.8@)，揀咗蟹籽燒賣皇、香煎韭菜角、鮮蝦菜苗餃 同 鮮蝦腐皮卷。蟹籽燒賣皇：燒賣皇大大粒，好足料，食落肥肉唔多，口感鬆軟彈牙，蝦仁亦相當鮮味，加上面層嘅蟹籽，令層次更豐富。香煎韭菜角：韭菜角煎得好脆口，外表金金黃黃，咬下啖啖韭菜香，勁惹味，但入口又唔會太油膩。鮮蝦菜苗餃：另外呢籠菜苗餃味道亦唔錯，外皮煙韌透光，每粒入面都有成隻鮮蝦同滿滿嘅菜苗，入口皮薄餡靚，絕對係必食之選。鮮蝦腐皮卷：腐皮炸得好鬆脆，入口無多餘油份，蝦肉鮮甜爽彈，點喼汁食更滋味。朋友鍾意食炸物，所以加點咗碟沙律明蝦角 ($30.8)，新鮮即炸，外層香脆可口，內裡包住滿滿嘅鮮蝦，爽口彈牙，好味。最後 Share 埋碗鹹蛋叉燒飯 ($42) 叉燒份量好足，肉質軟腍，入口香甜有肉香，加埋半隻鹹蛋，送飯一流。

好朋友生日，佢又鍾情傳統中式酒樓既中菜，貪佢夠晒地道有氣氛，於是揀左間近近地既酒樓賀一賀佢！脈皮飛天雞$10（⭐⭐⭐⭐⭐）我地未點菜就已經留意到附近幾枱既客人都會點呢款燒雞，全晚都見到d傳菜姐姐不停由廚房拎出剛燒好既雞比客人。我地見10蚊呢個震撼價都點左一隻。一上菜賣相十分驚喜，原隻燒雞就棟係眼前。由於無斬件關係，每下抓d肉出黎都流晒肉汁，皮脆肉嫩，唔講唔知只係$10炸！石鍋醬皇班腩$128（⭐⭐⭐⭐⭐）好鍾意石鍋菜式，貪佢熱辣辣又惹味！適逢近日冷風襲港，我地都點左呢款菜。一般石班腩都會係d雪藏既魚塊，無味又霉，但酒樓既班腩就用左新鮮既原件班腩，雖然有骨，但仍然好多肉地。配合先炸後煨煮既煮法，班腩件件肉質彈牙、十分入味，絕對有驚喜！菠蘿咕嚕黑豚肉$108（⭐⭐⭐⭐⭐）良朋歡聚點會少得中菜必選既咕嚕肉！相信好多朋友都有經驗，咕嚕肉最怕就係骨同脆粉多過肉，但酒樓既咕嚕肉真係要比十個讚，先唔講味道，件件咕嚕肉都近乎啖啖肉，肉質亦都唔係肥膏或者勁鞋，而係彈牙肉嫩，脆漿亦都十分簿。味道方面，唔會太酸或太甜，送飯一流！龍蝦湯雲耳浸勝瓜$108（⭐⭐⭐⭐💢）除左肉之外，當然要叫返d菜中和下。餐廳既上

今日假日同屋企人一齊飲茶，去咗黃大仙嘅京都大酒樓! 酒樓好近黃大仙站，A出口直行五分鐘就到！ 京都大酒樓裝修得好輝煌，地方好大，午市非常熱鬧！ 星期六日茶位12蚊 午市百搭自選孖寶$48.8 幾抵食有好多款可任選點心兩款鮮蝦菜苗餃菜苗餃大大舊， 有大大粒蝦肉，充滿菜苗，  皮薄餡靚， 好入味！🥰香煎韭菜角韭菜角金黃香脆， 入面係爆餡韭菜，好惹味，又唔會太油膩👍🏻 清灼靚菜芯$31.8菜芯嫩滑，用了清湯所以唔會好濃味，好新鮮，夠嫩滑！ 銀芽肉絲炒脆麵 $98非常大碟，  麵底脆卜卜，面層有豐富材料， 充滿肉絲，銀芽及配菜， 賣相非常靚又吸引！ 亦配有紅醋好開胃， 分量好夠， 食完好滿足！   酒樓食物質素唔錯，坐位多容易搵位，以後會同親朋戚友多嚟！

京都的食物係好食的，但在現今的香港社會，智能電話使用已是人人不可或缺的東西，奈何處於佈置精美的京都大酒樓貴賓廳，卻收唔到電話訊號，有什麼意思呢…………………………

來到黃大仙，晚飯被附近一間食中菜的京都大酒樓反通脹晚飯三選一吸引住了，有脆皮飛天雞$10、蒜蓉蒸加拿大龍蝦$28 、沙巴老虎斑$38。餐廳裝修華麗，座位寬敞。沙巴老虎斑$38三選一中，要了沙巴老虎斑。沙巴老虎斑十多分鐘就上枱，廚師都很快手。沙巴老虎斑蒸到剛剛好，肉質嫩滑。..鮑魚野菌雞煲$138 煲內有蒜粒、洋蔥、及蔥，秀珍菇、茶樹菇……等，調味咸甜度剛剛好，令雞肉好惹味。鮑魚份量有4隻，軟腍中有少少煙靭，沾著濃濃的雞汁，令鮑魚味道更豐富。豉椒炒蟶子皇$168廚師放了較多的蒜蓉及豆鼓調味炒，所以入口已感覺有鑊氣的香，不過有少少偏咸，蟶子新鮮爽口，很鮮味！餐廳寬敞舒適，價錢平民，扺食！

之前屋企人介紹過黃大仙呢間酒樓好抵食，趁今日放假，我又嚟試吓。門面同內在環境一樣好大，坐滿好多茶客，都唔會感覺壓迫即叫即蒸，每籠點心上枱都熱到出煙叫到成枱都係，計埋茶錢、加一，埋單先係二百蚊左右，係超級抵食，唔怪得平日都咁多人啦✨六福點心拼盤蝦餃．燒賣．粉果．菜苗餃．蒸饅頭．紅棗糕如果人少少， 1-2個人叫呢款非常適合✨蠔皇鮮竹卷鮮竹卷嘅精華在於個汁，濃郁得嚟又唔會太鹹✨鮮竹牛肉球牛肉球加入少許馬蹄，加倍爽口，墊底嘅枝竹索哂牛肉香味✨香荽牛肉腸腸粉皮超滑，口感又軟又煙靭唔會蒸得過腍，下次要試蝦腸✨北菰棉花雞最鍾意嗰片厚厚嘅魚肚，咬一啖勁Juicy雞肉份量都好多，幾嫩滑✨蜜味叉燒酥裡面粒粒叉燒，外層酥皮香脆，重點係夠乾身，唔會好油膩見到長腳蟹好吸引，下次晚市要再嚟

今晚和同事食飯。叫咗一個套餐。呢頭落 order，十分鐘之內，套餐內十個餸（除咗甜品），全部上晒。啲餸好快凍曬 🙄本來係好開心嘅一餐飯，而家變咗焗住食快餐 🙄上到第四道菜嘅時候，已經叫 hold，唔好再上之後嘅餸住。但你有你講，佢有佢繼續上餸 😒 張枱都唔夠擺放，有兩碟飯餸要擺開。廚房趕住收工嗎？或是套餐一早整定，所以一叫即可上餸 🤔同事一致食評，話似係兩餸飯嘅餸 除咗蒸魚同埋炒甜豆，似係即叫即做。其他餸都疑似一早整定 😬

又黎到大閘蟹季啦！一年得一次唔食反個放題點對得住自己！😹今次呢間酒樓姐姐態度好好，一次過叫6隻蟹都真係上咁多隻，仲要食足兩個鍾😻🫶🏻，同大家分享我上陣殺敵既戰績啦😼（蟹蓋x12)👆🏻蛇羹或花膠雞湯😼蛇羹似碗仔翅，唔算太重味，而個花膠雞湯幾足料，味道濃郁，潤而不燥👆🏻蠔皇鮑魚扣玉掌😻大大隻鮑魚，蠔汁好鮮味，鮑魚亦都煮得啱啱好👆🏻清蒸大閘蟹&花雕蒸大閘蟹😻兩款蒸蟹來講，唔算好大分別，花雕蒸嘅話，只係略略有少少酒味，而最緊要係入邊隻隻都爆蟹膏！👆🏻京式片皮鴨 😻另外仲有片皮鴨食，新鮮蒸好塊皮，鴨皮脆卜卜，肉質都唔算鞋口👆🏻臘味糯米飯😼飯就一般般啦，油香味唔算好重👆🏻養顏紅棗糕（熱）& 暖胃薑汁糕（熱）兩個糕都係新鮮蒸，冇送到薑茶，所以建議胃寒人士食多啲薑汁糕，兩款糕點都依然煙煙靭靭，略嫌紅棗味唔算好濃👆🏻MOVENPICK雪 糕（一客）最後仲送埋雪糕，食埋朱古力味，圓滿！...💸.消費. $562（連加一茶芥）🈵.回頭率. 9.6/ 10📸.打卡率. 0/10

自從放寬12人同枱聚餐，多咗去酒樓晚飯順便睇吓啲飲宴酒席夾吓價睇菜單，嚟緊約返好耐冇見的親朋戚友聚會。工作關係去完黃大仙交收順道搵酒樓食晚飯。行到新光中心見到「京都大酒樓」招牌大大個，好似翻新過來，非常光猛，大堂超闊落。入內地方更大，四周都有大電視，近牆更有超大螢幕。有幾款抵食12人酒席，晚市仲有超值三寶、三選一等優惠。清蒸沙巴虎斑仔$38揀了其中一款優惠「清蒸沙巴虎斑仔」😋好耐冇係酒樓蒸海鮮，目測應該超過一斤重，火喉啱啱好，魚肉嫩滑有魚香，蒸魚豉油調味啱啱好，優惠實在抵食！古法羊腩煲$288天氣漸涼都係時候來一個羊腩煲禦寒。羊腩份量不少，腩位部份肥瘦相間夠稔又入味！配料豐富，有枝竹、馬蹄、冬菇、筍。另配唐生菜一碟，落鍋後更吸滿湯汁非常惹味😋腐乳醬唔會太鹹但略欠酒香。今晚有糖水附送，陳皮紅豆沙，綿滑香甜😋👍🏻超完滿😍

成日行過都見到它有晚飯優惠，$10 一隻脆皮雞、$28半隻加拿大龍蝦，趁一晚家中沒有煮飯，跟家人來吃個晚飯。晚市幾旺，大部份枱都坐滿。脆皮飛天雞 | $10$10一隻脆皮雞極超值，星期六日加$20，沒有任何其他條款。雖然是優惠價，但品質絕對不差。一落枱已經聞到好香，外皮炸得脆，雞肉多汁滑溜，值得一試。上海素鵝 | $48份量幾多，外層的腐皮炸得很脆，內裏的腐皮每層都十分結實。蒜蓉粉絲蒸元貝 | $138 4隻元貝開邊蒸，一點也不韌，粉絲夠淋，蒜蓉味香，鹹味適中。豉汁蒸鱔 | $138例鱔肉肥厚滑溜，豉汁味濃郁，餸飯一流。侍應服務好，會主動換碟。

本身都覺得抵食，味道唔錯，服務都ok的，但到最後諗住外賣個鴛鴦炒飯返去俾屋企人食，個樓面同我講俾個盒我自己裝，都算了，但要好似好恩賜咁話個盒送嘅，真係多九謝哂喎，咁很大方

** 京都大酒樓 - 黃大仙天氣開始凍，想食返個羊腩煲。老公就帶咗我去黃大仙嘅京都大酒樓， 位置鄰近地鐵站， 地方富麗堂皇， 設計新穎，是宴請賓客的好地方。1） 滋補羊腩煲 $288 熱騰騰的端上枱， 而且用爐加熱， 真材實料，食完個人好温暖。有冬菇、馬蹄、枝竹、筍、大蒜，仲送埋生菜一份， 真係好超值。羊肉都唔少，羊腩肥瘦相間, 帶著羊皮， 非常滑溜,沒有一點羶味, 好香羊肉味！2）脆皮飛天雞 $10十蚊雞就可以食一隻雞，當然要叫返一份試下。雖然平但係質素都很好，雞都幾大，個皮好香脆同埋啲肉都夠嫩滑，有好香嘅雞油味。3）原籠馬拉糕 $38食返個甜品，份量都夠多。馬拉糕好鬆軟好香，但又唔會太甜，咬感都好實在。色彩呈深啡色，且有焦香味。#嚟到先知原來呢到仲有大閘蟹放題，$498位兩個鐘任飲任食，下次再嚟試埋佢先。

今晚唔想煮，就落酒樓食飯，他們的晚飯套餐有很多選擇，價錢抵食夾大碟。點了晚飯3寶，$318有小炒皇，蒜蓉粉絲蒸元貝4隻及龍蝦湯花蛤浸菜苗。龍蝦湯花蛤浸菜苗，大大碟，湯底清甜，花蛤乾淨無沙，內邊有菇菌，香芹，紅蘿白絲及白菜仔，十分豐富。蒜蓉粉絲蒸元貝，鮮甜的元貝加上索晒元貝鮮味的蒜蓉粉絲，簡單又好味。小炒皇有九菜花，魷魚鬚，蝦乾，腰果，銀魚，紅椒等，口感豐富，夠鑊氣，咸咸香香夠惹味，九菜花嫩口無渣。另外有三款反通脹的菜式，其中脆皮飛天雞只係$10隻，好多枱都有叫，隻雞都頗大隻，皮薄而炸得香脆金黃，用手套撕開後，肉汁滿滿。最後仲有糖水贈送。