仁芝初

營業中

休息中

食完飯點少得食返碗熱辣辣嘅糖水啊！喺旺角搵咗間糖水店，買外賣返屋企食。主打自家手工糖水，每日新鮮製造。店內環境唔大，平日晚上都幾多人幫襯。平均一碗$30幾，幾抵食。選擇好多，亦有雙拼，出面比較少見。糖水亦可以加配料，例如芝麻湯圓，蕃薯，芋圓，蛋。生磨香濃合挑露，合桃味道濃郁，入面無粒粒合桃，老少咸宜，稠厚質感，美味。白果薏米腐竹，清淡又健康之選。唔算太甜，帶有陣陣香味，白果嘅份量亦唔少。椰汁紫米露，口感黏稠，椰香味十足，配料豐富，咬落煙煙韌韌，食完都幾飽肚🤎

雖然旺角滿街都是手打檸檬、X茶、Y茶，但我還是愛中式甜品，尤其飯後，來一碗糖水才是完美。*旺角我會推薦仁芝初，都幫襯咗一段時間了，水準一路都維持到，也從未加過價，值得捧場。*紫薯芋蓉蓮子西米露（$33）~ 真材實料，口感豐富。蓮子陳皮紅豆沙（$30）~ 最愛多豆的紅豆沙。不少糖水店都誤解了「沙」的意思，無錯，是要煮到紅豆爆開起沙，但也要保留粒粒軟綿的口感，其實不矛盾。生磨香滑芝麻糊（$30）加湯丸（+$10）~ 仁芝初招牌作。芝麻糊香滑，充滿芝麻香味。3粒芝麻湯丸都只是十元，抵贊。

仁芝初🫘如果想食中式糖水，旺角有咩地方好推介？ 今次就俾我哋搵到一間主打中式糖水嘅舖頭！✅✅我哋今次就揀咗三款唔同口味嘅中式糖水，包括係生磨香滑芝麻糊 （凍）$30、椰汁紫米露（熱）$32、蛋白杏仁露（熱）$38！其中最有驚喜嘅係芝麻糊💯💯，完全唔係平時糖水舖用粉沖嗰啲芝麻糊，真係逐粒芝麻爆香醬磨成糊狀，咁多個工序都只係收你$30一碗！🉐🉐🉐朋友話佢以前試過喺屋企自己整芝麻糊，都冇呢度整得咁好食！另外呢度既蛋白杏仁露一樣好出色，對比起平時嘅杏仁露，冇咁大陣味，但係一樣都係香滑好味道！😋😋朋友呢間糖水舖一定會encore咁話喎！😆😆

我哋揀咗takeaway, 可以拎返屋企慢慢食～ 呢度嘅中式糖水選擇都好多, 糖水每日新鮮製作, 款款都好出色, 性價比高！💜芋茸西米露拼紅豆沙香濃嘅芋茸搭配Q彈嘅西米, 芋頭口感細軟, 綿甜香糯; 紅豆沙煮至綿密起沙, 每一啖都食到紅豆🫘, 好足料！呢個組合創新又好夾呢～🤎合桃露拼杏仁露有選擇困難症嘅朋友仔可以揀雙拼呢～ 可以一次過試晒兩款糖水, 大滿足😋！生磨合桃露好香濃, 同時又有好香嘅杏仁味, 入口濃稠幼滑。

新年約多咗朋友當然少不免飯後甜品，油麻地呢間仁芝初主打每日鮮製既港式甜品，仲有唔少fusion款式。舖頭仲貼滿 Lolly Talk既應援物同播佢哋嘅歌🍭法式紫米露 $40有果凍+椰汁＋紫米露＋法式燉蛋，🤍💜💛三種顏色好靚。椰汁有少少似泡沫質地，連埋紫米露一齊食都唔會覺得好膩冰花燉蛋 $31朋友叫咗佢淨冰花燉蛋，我試咗好似同我個法式燉蛋一樣，雖然冇法式紫米露咁豐富，但勝在燉蛋質地好滑，蛋香味重又唔會太甜生磨香滑芝麻糊 $30最後叫咗港式糖水代表生磨芝麻糊，都係唔會好甜，芝麻味勁香濃，生磨鮮製$30算好抵食！

份量又少 外賣仲要逐個收2蚊 重點係啲腐竹糖水竟然係無腐竹 店員態度又差 行埋去叫外賣叫兩次都仲唔招呼客人 掛住睇ipad叱咤頒獎禮 如果呢間舖個店長睇到留言 改善下d問題啦

這間中式糖水店位於旺角，主打自家手工糖水，以優質食材每日新鮮製造保持食物質素。店內環境以簡約的木系裝潢為主，擺放不少玩具擺設，亦有本地女團的應援海報及相片等，別具特色。紫薯芋茸蓮子西米露 - $33將芋頭烚熟磨成蓉，幼滑又細膩，加上紫薯特別香甜，更有少少紫薯粒粒綿密軟糯，蓮子芯去得乾淨，晶瑩剔透的西米煙韌彈牙。木瓜燉雪耳 - $32多塊木瓜肉甘甜清香又多汁，帶有淡淡獨特花香，雪耳爽脆清香，滋陰潤肺。冰花燉蛋 - $31傳統的廣東甜品，滑溜而無氣泡，蛋味芬香濃郁。

天氣乾燥都想食啲糖水潤吓，見好多人介紹仁芝初，今日都專登走黎幫襯。小店環境清潔舒適，而且布置咗好多全民造星海報，好適合粉絲打卡。小店甜品系每日新鮮製作，價格都好親民，系CP值好高嘅糖水鋪。法式紫米露系招牌甜品之一，賣相好靚，三層顏色分別係雞蛋布甸、紫米露、椰奶，口感層次豐富，紫米露有咬口，同滑屢屢嘅雞蛋布丁好夾。白果薏米腐竹糖水入口好滋潤，飲到薏米粒粒，富有膳食纖維，口感綿滑。芝麻糊拼綠豆沙黑芝麻味突出，拼綠豆沙解渴清熱。好適合依家天氣飲用。

今日凍凍地決定嗌返碗傳統chinese糖水透過openrice落單竟然要加兩蚊，落完單行過去三分鐘都冇已經搞掂喇一入去就拎得，佢用個碗都裝得幾好，我搭車嗰陣唔小心打橫曬成個碗都冇漏出嚟真係very amazing返到去過咗一陣先食仲係微暖我叫咗合桃露係杰身嘅係咪生磨就唔知喇食落都有合桃味嘅，微微粗粒但整體都滑唔係話好甜起碼唔會係平時嗰啲垃圾糖水舖又稀又冇合桃味有時啲糖水舖將啲芝麻糊呀合桃糊溝咗啲好似膠質咁嘅水落去變到勁稀極冇味

食完晚飯，仍想搵地方坐下，傾吓偈，就不如搵間甜品舖坐下，朋友想食中式甜品，呢間又近近地，就去試下；我地叫左熱芝麻糊，熱綠豆沙，凍既腐竹白果糖水🥚 個芝麻糊夠滑，夠香，只係「杰」小小，唔會好太甜，唔錯，另一碗腐竹糖水，啲腐竹巳煲容哂，都算夠「溶」，豆味夠香，綠豆湯正正常常，無咩驚喜，（我比較喜歡煲到無咩綠豆殻，起沙嗰隻），整體三款大家都覺得幾好。 特別叫多左個湯圓試下，原來可以分開上，呢下貼心，重要係有個糖水湯底裝住，唔會乾爭爭三粒搵個野裝就算。

作為‘’古法芝麻糊‘’，一路食一路有攪唔均勻既粒粒，同小時候超市買的即食開粉芝麻糊十分相似。價錢$30一碗，唔值。仲叫古法令人十分之失望，以為真係用古法製造，點知虛有其表。

旺角食糖水的選擇多，但要係傳統糖水又要好味的就寥寥可數… 其中仁芝初的糖水就不錯，糖水的用料十足，而且糖水款式多不勝數，看起來都超吸引的，總有一碗啱你同我食😚🎈紫薯芋茸蓮子西米露糖水可凍可熱😌 熱呼呼的西米露最誘人，飄散著紫薯芋茸的奶香氣🤤 口感濃稠，而且很滑順，又有料👍 必須要食晒成配呀！🎈古法養顏燉桃膠看見滿滿的材料，就覺得這糖水值回票價😂 糖水入口清甜，飲得出紅棗桂圓的香甜，仲有桃膠😋😋😋

味道同埋店員態度都有待改善嘅小店…夜晚經過諗住試試呢間廣受好評嘅糖水舖，點知中晒伏。叫咗兩碗熱糖水，腐竹蛋味道正常但似飲豆漿多過食糖水（比較甜而且冇乜腐竹香），但係芝麻糊同佢講嘅香滑有幾大出入，苦澀多渣得嚟係冇芝麻香，有啲失望！另外坐隔離有兩個妹妹好禮貌咁問佢哋有冇水，店主同店員有啲嘲諷咁話「我哋舖頭冇水喎」妹妹就話佢（俾糖水燙親）想要杯水，如果要收錢嘅都冇問題。店主同店員重複佢哋冇水供應，之後就兩個傾計講「咩我哋menu有寫賣水咩？糖水就有😂」「想要水去隔離便利店買囉。」唔使咁樣講嘢掛？就算係都等人哋走咗先或者細聲小小啊😯呢個價錢係旺角大把選擇，唔會再有下次

喺附近食完嘢 行咗陣想食碗糖水就上openrice睇下有咩選擇見到呢間評價唔錯 就嚟試下～嗰陣大概十點 都幾full下得返2枱可以坐舖頭仲貼滿唔少香港歌手同YouTuber嘅poster鼓勵大家支持香港創作人👍👍👍（仲有post陳蕾 加分😝）一向都鍾意食傳統糖水多啲見呢度主sell傳統糖水多又見到佢寫住鎮店招牌🌟！就叫咗生磨合桃露加芝麻湯丸試下我fd就叫咗芒果西米露🥭合桃露好大碗😱味道香濃又夠滑 口感細膩試過出面有啲整得唔好嘅會有酸味又唔夠細滑😖或者慳成本嘅 就會整到好稀但呢度真係整得好好食！不過粒芝麻湯丸就爭少少稍嫌個皮太厚 皮>餡但味道都OK偷食咗兩啖我fd嘅芒果西米露😛同樣同足料 芒果又大大粒本來以為而家唔係當造時候芒果會帶酸 點知又冇甜得嚟有芒果味好味又價錢又非常合理絕對會再Encore🥰！

唔知點解，秋冬天係要食啲中式傳統糖水暖吓個胃先安樂😆早排同朋友向旺角食完晚飯，途經遇見呢間《仁芝初》，見佢Menu好靚好吸引，所以一於試吓佢。佢哋有每人最低消費要求（$30位），我哋一人叫咗一款糖水，佢哋嘅生磨芝麻糊，食落真係好香又滑，杏仁露嘅杏味好強，兩個加埋一齊好好味🤤另外麥米粥都好足了，整體來講佢啲糖水唔會太甜，好啱我哋口味，正。❤︎︎生磨香濃芝麻糊＋生磨滋潤杏仁露 $32❤︎︎生磨香濃合桃露＋生磨香濃杏仁露 $32❤︎︎花生糯米麥米粥+蓮子陳皮紅豆沙 $30＋加芝麻湯丸（三粒）$10大大大力推👍🏾推介指數：9.5/10