影片
港鐵佐敦站 D 出口, 步行約6分鐘
繼續閱讀
開飯介紹
位於尖沙咀的日本餐廳，選擇多樣，食材新鮮，餐廳破格地將壽司及Pizza融合，口味創新，如牛油果Pizza等。
繼續閱讀
營業時間
星期一至六
12:00 - 15:30
18:00 - 22:00
星期日
12:30 - 15:30
18:00 - 22:00
公眾假期
12:00 - 15:30
18:00 - 22:00
公眾假期前夕
12:00 - 15:30
18:00 - 22:00
以上資料只供參考, 請與餐廳確認詳情
食家推介
夜校課程嚟到尾聲，約同學仔食晚飯先返學，呢間book mark咗未試過又近學校，所以撩埋同學仔去試餐廳晚市開18:00，我哋去到仲未開喺門外坐咗一陣間，店員開門問我哋幾位就帶我哋入座，我哋坐咗最埋嗰張四人枱，餐廳地方唔太大，我哋入座不久好似已經滿座。我哋叫咗兩個定食特式醬豚肉烏冬同學仔呢個餐都好吸引，有烏冬、炸蝦卷、三片刺身、雞翼同中華沙律唐揚龍冷烏冬個餐嚟到我呆咗，咁多嘢邊食得哂呀我已經叫同學仔幫手食啲炸魷魚鬚，最後我真係食唔哂🤦🏻♀️，好彩我帶午飯返工食，有個洗乾淨嘅玻璃飯盒，將炸蝦卷、雞翼同小小炸魷魚鬚帶走，唔好浪費食物同廚師嘅心機真係好好味同抵食，推薦💪🏼💪🏼
繼續閱讀
大熱天時暑氣騰騰🌞完全冇胃口食熱湯麵決定咗去呢間食壽司卷物～經openrice 訂座有85折優惠✨舖頭細細座位唔多 座位之間都有啲迫不過咁啱嗰陣冇乜人職員都安排咗我哋2個去四人座位需然得2個人但係好多嘢都想食因為個餐牌上面嘅相片全部都好吸引😂最後叫左：🦀炸軟殼蟹～ 份量唔錯 有5-6件炸粉有厚度但都可以接受👍🏻🍘蜘蛛$88 （右，餡炸軟殼蟹）🍘午夜牛郎$88 （最上，餡牛油果三文魚）🍘黑龍卷$98 （中間，面鰻魚牛油果🥑）🍣吞拿魚卷🍣海膽壽司🍣鰻魚壽司壽司方面係合格既～海膽鮮甜無怪味吞拿魚卷入面既魚肉都幾大粒👍🏻但黎呢度既重點梗係各式卷物啦！🍘蜘蛛⭐️⭐️⭐️呢款款物相對大件 唔可以一啖食晒炸軟殼蟹可能都放左一段時間所以係唔脆，咬落去無左同壽司飯既反差口感🍘午夜牛郎⭐️⭐️⭐️⭐️三款卷物呢款係最有驚喜！呢個係炸壽司～ 細細粒可以成舊入口外皮既壽司飯炸到脆脆地加埋暖暖地軟綿綿既三文魚同cream cheese我同老公都覺得好好食😋🍘黑龍卷為左鰻魚同牛油果呢兩樣我最鐘意既材料而點😂但唔知係咪午夜牛郎太驚喜食呢個果陣就無咁大滿足感～但係都好食既同埋得兩條友食左咁多飯 開始麻木🤣下次都係同多啲人食share會開心啲又可以試多幾樣最後埋單$470 但有85折🥳會再來的～
繼續閱讀
今和 地方細細, 但都佈置得乾淨整齊充滿心思, 有日本居酒屋風味 🍶Menu 上有各式各樣特別嘅創意卷物, 每款菜式賣相精緻, 好有特色, 好吸引🥰今次嗌左兩款卷物金龍卷🍤 (𝐆𝐨𝐥𝐝𝐞𝐧 𝐃𝐫𝐚𝐠𝐨𝐧 𝐑𝐨𝐥𝐥) ($92): 4.2/5係用咗炸蝦、芝士🧀同三文魚卷成嘅新鮮炸起嘅炸蝦同埋芝士一齊食好夾 𝐣𝐞𝐧𝐠加埋卷物上面鋪上嘅一片片新鮮三文魚, 千島醬同燒汁, 令味道更加昇華🤤更豐富十分推介鍾意食炸物同三文魚嘅人💞🍣煙花 🎆(𝐟𝐢𝐫𝐞𝐰𝐨𝐫𝐤𝐬) ($98): 3.9/5係用辣味三文魚、辣味吞拿魚, 同脆片卷成嘅味道唔算好辣, 反而三文魚同吞拿魚味道比較重, 每件卷物上面都鋪上脆片嚟增加口感😆壽司飯味道口感都唔錯, 而且三文魚同吞拿魚都俾得好足料, 唔錯另外嗌咗軟殼蟹沙律 🥗($89): 3.8/5估唔到沙律都幾豐富幾抵食, 配芝麻醬入面有一啲脆片、大量海苔沙律、牛油果片🥑、蟹籽、生菜、羽衣甘藍🥬⋯⋯同一隻新鮮炸起嘅軟殼蟹🦀軟殼蟹好香口, 好脆, 唔會覺得太油膩🤤🤤一定會再encore嘅日式小店🥰🥰Yumyum📍 今和壽司(尖沙咀)🐰: 4.3/5
繼續閱讀
因為朋友指明要食日本菜，就搵左附近呢間日式餐廳，間餐廳細細間，座位就迫左啲。入到去個店員好忙咁，又做緊外賣單，都唔太得閒理我地！間餐廳午市都有定食套餐最低價由45蚊起，都抵食，我就揀左個雜錦刺身丼$72+$4 紙包250ml飲品有啲貨不對版，明明餐牌上係有兩片玉子，但無左刺身又薄小食：炸軟殼蟹 $70岩岩炸出黎，都脆，幾好食油甘魚鮫定食 $138魚鮫都唔錯，但刺身薄同埋刺身有魚骨囉最嬲係明明訂枱食飯，入去時同佢講訂左枱，個待應忙又無乜點理我地，安排個座位又大風又凍吹住，食完都快快要走，最後竟然仲要係OpenRice 呢度顯示我缺席囉，最衰就忘記影今日張收據
繼續閱讀
特色精緻，以食卷物為主嘅小店。賣相好吸引，有d配搭食落幾特別！相樸力士$92雜錦刺身，芝士，蟹柳嘅卷物。刺身上有辣汁調味，配搭卷物裏面嘅軟身芝士，入口軟滑。可能會覺得加咗芝士，食落會好飽膩，但微微嘅辣汁發揮作用，中和番下芝士，食落唔會好膩！配搭得幾好！👍🏻黑龍卷$95芝士，炸蟹柳，鰻魚，牛油果嘅卷物。有別於其他卷物加上脆片為壽司增加口感，呢個黑龍卷特別在於卷物裏面嘅炸蟹柳，令壽司食落又有軟又鬆脆，口感豐富～牛油果三文魚卷$55中規中矩，同朋友稱為omega 之選😆劍魚腩壽司$44厚薄適中，魚腩位置突顯魚肉甘香👍🏻帆立貝壽司$47帆立貝size 並唔係好大，但肉厚，正！炸蝦天婦羅$74熱辣辣，即叫即炸！炸蝦大大隻，天婦羅炸漿酥脆又唔油膩😋炒野菜$68諗住食d菜，但估唔到普通嘅炒野菜都有驚喜！椰菜絲，冬菇絲，紅蘿蔔絲，洋蔥絲，青椒絲，金菇絲，分量都幾多！但重點係炒得好惹味，有洋蔥嘅甜，又有金菇爽脆感👍🏻總括🔹人均消費大概$250，平時成日食手額壽司，如果想有新嘗試，呢間都不失為一個幾好嘅選擇！有好多唔同款式配搭嘅卷物。不過要注意⚠️小店經營，地方比較狹窄同有限時用餐～
繼續閱讀