仙跡岩 (西寶城)

營業中

休息中

吃的不是味道，吃的只是回憶。吃時心想，為何年少時的我們會日日吃？回憶總是美好的，現實總是殘酷的，是時候把這些回憶放下。大家不妨去把最後的回憶吃掉，再就一聲。再見👋🏾

人生中第一杯珍珠奶茶就係喺仙跡岩飲，但係近呢幾年仙跡岩分店越來越少，全香港得返四間分店，今日決定同朋友去西環仙跡岩尋找兒時的味道。晏晝一點半去到唔算太多人，等左一陣就可以入去坐。我叫咗一個台式豬頸肉滷蛋飯同珍珠奶茶，朋友就叫咗台式雞翼滷肉飯同水蜜桃高纖果紅茶。朋友話台式雞翼滷肉飯幾好食，滷肉汁仲係回憶嗰種味道，但係比想像中細碗。二杯水蜜桃紅茶都仲係咁好飲，只不過係可能人大左飲少咗甜野，覺得水蜜桃紅茶有少許偏甜。而我個台式豬頸肉滷蛋飯有啲失望，一開始以為有埋滷肉汁喺上面，點知得幾片豬頸肉同半隻滷水蛋喺飯上面。豬頸肉有少少乾，易啲汁淋咗係飯嘅最底部，如果啲汁淋喺豬頸肉同飯面會比較好。珍珠奶茶完全重拾第一杯嘅回憶，有茶味，但都係偏甜。

「仲記得中學時會約埋成班同學去飲仙跡岩嘅珍珠奶茶......」坐喺西環西寶城仙跡岩，一路聽住A姐咁講，我都一路回憶起屬於我嘅仙跡岩童年。原來1994年仙跡岩就開咗香港首間分店，那些年嘅第一杯珍珠奶茶，你還記得嗎？三色小點小食有香口同皮微甜嘅雞中翼、入味嘅滷水蛋同彈牙無雪味嘅炸蝦丸。台式豬頸肉滷肉飯滷肉份量不多不少，咸香味重，撈飯一流。而豬頸肉大塊厚切，外皮微脆，份量唔少。牛筋牛肉麵湯底呈現深啡色，應該用咗大量牛肉餚製而成。而牛筋煙煙韌韌，充滿住骨膠原；而牛肉味香濃。係一碗有份量嘅台式牛肉麫。花生風味吐司台灣吐司係我嘅最大回憶，香脆嘅厚多士，配上花生醬，微微烘過，口感唔錯。芒果果味珍珠紅茶芒果紅茶，唔會太甜。加埋Q彈嘅珍珠，真係好解喝。雙料朱古力雪葩我M佬話嚟到仙跡岩，識飲梗係飲雙料朱古力雪葩。朱古力特別香濃又夠滑，出面真係飲唔到㗎。

放工後要來大學附近辦點事， 於是要急急食個 Quick Lunch剛經過西寶城行上二樓見到   確實是個熟識的名字 , 看看餐廳食物款色也不小，林林種種的台灣食物和飲品 , 所以水我先點了 $61套餐 包一杯   份量夠一個女生食得飽，雞翼和滷肉平分在飯面， 滷肉有咸香無甘香，而且好濕令到成碗飯好似攪左好多汁咁，食到碗底都見到汁。 但雞翼入味, 雞肉有彈性,加分。仙跡岩是 始祖，所以一定要試真啲。 珍珠奶茶 夠凍夠滑，珍珠Q彈， 可惜有奶香、欠茶香。 見胃還有空位,再加添了兩款小食 $18、  $18兩款也是亦點亦做 花生多士用上厚多士，花生醬唔太多, 多士脆邊，微微烘過, 唔錯。 脆豆腐等於一粒麻雀咁大, 脆漿夠薄夠脆, 豆腐軟滑， 非常熨口， $18 可以一試。

今日去香港大學辦事,行返落黎既時候經過西寶城,見到仙跡岩門口有張海報寫住佢原來係由1994年開業,全港首間珍珠奶茶店,又見其他台式小食都幾吸引,於是就入去試下了!燴牛肉加豆腐客飯牛肉煑得剛好,有牛味,不軟不硬,加埋豆腐,配合得很好.台式豬軟骨湯米線有台灣的味道,湯底香濃,豬軟骨無雪味.師大小兵哥牛肉麫典型台式牛肉麫,叫左中辣,夠晒醒神.大塊雞香脆不油,推介.滷水雞中翼雖然較為港式茶餐廳味道,但幾好食的.珍珠奶茶茉香奶茶咁耐都keep到水準,茶香珍珠爽,勝過新進奶茶店.

今晚同老公去一年一度的中環盛事-香港美酒佳餚節! 咁啱佢喺西環呢邊放工，咁我哋就喺西寶城到先食個early dinner先啦!地鐵開通之後, 過嚟西環真係好方便。西寶城就係香港大學站外面! 但原來西寶城入面都冇乜食店可以選擇。仙跡岩係最早期進駐香港的台式食府，係我中學時代放學經常都去hea的地方，充滿回憶!點菜都係用呢張格仔紙!，10幾年不變。甜不辣$29甜不辣,讀音近似日式天婦羅tempura, 即炸墨魚餅。墨魚餅好彈牙，帶有少少辣味， 旁邊有甜醬，是一道又甜又辣的香口小食。台風大塊雞$29大大塊雞扒，粉漿很薄，炸得非常鬆脆。台式滷肉飯$43滷肉略嫌有點乾身，油香不足，很開心的這裡遇到了醃蘿蔔和滷蛋。招牌小兵哥三牛麵$59一碗麵有齊牛展,牛筋，牛肉，煮得夠腍。湯底雖然有色但比較清淡。 惠顧飯麵用半價換購了一杯重量級苿香珍珠奶茶$15!!!食飽飽回憶完中學年代，就搭小巴飛奔入去中環海濱，準備入場品嚐美酒。

今日放工去咗西環搵個舊同學食晚餐，咁佢住西寶城附近，所以就去咗行西寶城睇下有咩食，咁就見到呢間台式餐廳「仙跡岩」，相信大家都唔陌生，以級重拾左兒時嘅回憶睇下餐牌都有好多不同嘅選擇：我們睇完餐牌後就點了這些：台式豬頸肉鹵蛋飯豬頸切得不夠薄片，味道普通炸雞排超香脆可口，味道不會過份咸味脆豆腐名字非常匹配，的確很香脆可口，外脆內軟的口感十分美味炭燒雞串美味多汁，加上檸檬汁更突顯味道，減低了油膩感珍珠奶茶的味道很好，沒有失準，珍珠一粒粒分明非常彈牙

今日家母工作太累，不想煮飯，於是在她公司附近吃個方便晚餐。在西寶城2樓的仙跡岩，相信香港的八、九十後人人都識，想當年它的「大腳板」招牌遍佈香港大街小巷。今晚決定帶家母試下台灣菜，順便為自己來個小的「尋味之旅」。餐廳的裝修帶點古色古香味道，空間闊落，環境舒適。餐牌設計很有心思，就像一本活的飲食雜誌。仙跡岩作為珍珠奶茶的始祖，當然要點返一杯。珍珠奶茶順滑茶味足，而苿香奶茶的甘味會更突出。甜不辣是墨魚餅。墨魚夠彈牙，墨魚餅上灑上辣粉，不用點醬食已經很惹味。三色小點有雞中翼，滷水蛋和炸蝦丸，滷水蛋入味，炸蝦丸彈牙無雪味。糖醋排骨飯的排骨入口鬆化，肥瘦均勻，酸甜的糖醋汁夠醒胃，撈飯正!雞中翼讚岐烏冬，烏冬爽口，無酸味，湯底清甜，雞中翼煎得香脆。仙跡岩的價錢公道，食物質素不俗。平日晚飯無頭緒的話，不妨一試!       

老牌子仙跡岩嘅珍珠奶茶十年如一日保持水準，比起近年坊間潮興的茶店，濃郁有茶味。今日飲了胚芽奶茶，順滑有麥香。隨了奶茶出名，原來牛肉麵一樣了得。點了牛筋牛肉麵。從湯底色澤來看，毫無疑問用了大量材料餚製而成，嚐了一口，果然清甜有脂香。麺倏韌度適怡。牛筋滑滑溜溜充滿著骨膠原，食完皮膚都覺彈性好啲....呵呵！孖寶雙輝是滷水蛋和炸雞翼雙拼。咪以為蛋細細隻，其實蛋味好香濃。炸雞翼熱辣辣，皮脆肉嫰好滋味。寶刀始終未老，仍然屹立不倒。

珍珠奶茶 茶味夠 奶味淡d好難想像係佢地94年已經引入珍珠奶茶黎香港 好似好大個先普及炸豬排套餐幾好喎 配粟米 夠健康 不過台灣野好似無食過配粟米豬排炸得幾嫩 唔會成口油 配飯勁夾佢話係甜不辣 但記得台灣嘅甜不辣係麵粉野 呢個似炸魚餅多d魯肉飯 都係偏淡 肉少 精髓肥肉都無乜 有d炸菜 健康版奶凍 出奇地好 幼滑 味夠真價錢公道 街坊街里 算係咁不過8點45last order 無話比人知想加都唔得Staff講野都講得唔清楚...解釋都聽唔到唔明...

今天又派去西環處理d手尾， 經過西寶城，竟然發現了我細細個就食嘅台式餐廳，綠色腳印的仙跡岩，當年台風盛行，放學就會被同學邀約去食台灣食物，最愛滷肉飯見到不用等位，今晚就入去回味一下，一坐下就有侍應生遞上菜單菜單以雜誌形式介紹，感覺新鮮， 還有真的有“隨便”這種飲品點仲有一張簡單菜單介紹套餐原來出左新野： 墨魚丸麵同玫瑰特飲睇來睇去，樣樣都想試，可惜胃得一個， 所以最後決定點豬頸肉滷肉飯配玫瑰荔枝特飲豬頸肉滷肉飯：份量適中，豬頸肉彈牙，滷肉味濃，肉碎多，唔鹹玫瑰荔影特飲：賣相吸引，用高杯載，像個白裡透紅的少女，將底下的玫瑰醬搞勻，立即變身Pink lady, 味道方面荔枝味較重，略帶微玫瑰味

對上一次去仙跡岩應該已經是N年前的事了，今天突然即興到屋企附近的仙跡岩，一於試試尋找當年的風味。豬軟骨米線豬軟骨非常入味軟綿，入口即溶，帶有脂香，湯頭有少許麻辣，不錯。台式滷肉飯肉噪滷得尚算入味，不會太鹹味道剛剛好，肉噪與飯的比例也恰到好處，不會太多也不會太少。珍珠奶茶喝了一口珍珠奶茶後，立即尋找到腦海內當年的回憶，奶與茶比例做到很平衡，質感幼滑，珍珠也夠煙韌，相比起開到成行成市的珍珠奶茶鋪頭，這裏的珍珠奶茶感覺經典別有風味。朋友叫了百香果珍珠，也感到非常滿意。

小時候常常都來這裡買珍珠奶茶，當時真的覺得超好喝的，超久沒有來了，現在來試一下質素有沒有變差炸得很香很脆喔~裡面是墨魚肉，很有彈性喔～而且味道很濃。醬汁甜甜的，比較辣一點喔~米線比較軟，湯比較清淡喔~加了點白菜甜甜的。豬軟骨超好吃~肉很軟，超入味，軟骨的很軟，保留了一點脆脆的口感，膠質超重的囉~飯比較軟了一點，豬軟骨跟米線的味道是一樣的喔~淋了點滷汁，很好配飯蛋很入味，蛋黃的部份鬆鬆的喔～珍珠在杯裡，奶茶的部份自己倒喔~珍珠超q的，有一點微微的甜味。奶茶的甜度也剛剛好，芋頭的味覺很濃郁很香喔～

同朋友去完西環碼頭影相之後 我地就去左西寶城附近 去回憶下朋友曾經住過既地方不知不覺又到晚飯時間 我地就近近地去左西寶城食飯 大家又想食台灣野 所以就揀左呢間仙跡岩環境都不錯 很熱鬧 不斷有好多客人入座咁我地就叫左個豬軟骨麵同雞翼魯肉飯未到檯面已經聞到好香我叫既雞翼魯肉飯 d雞翼好香 肉燥鹹度岩岩好 撈飯食一流！而我朋友就叫左個豬軟骨麵豬軟骨既份量剛剛好 一啖一件 肥瘦剛好 唔會好油膩 最後叫左個鹽酥花枝 配上孜然粉 鬆鬆脆脆 呢度仲有個特色就係 如果唔知飲咩飲品好 可以叫個「隨便」 師傅就會隨意調一杯特色飲品 好似酒吧咁 真係可以解決我唔知飲咩呢個問題 值得一讚

今日朋友要開會，黎西寶城附近，諗下食咩好，行過仙跡岩，好耐無食過，就一於入去試一試~環境幾舒服，一貫台式既格局~ Menu 好似本雜誌咁喎~招牌小兵哥三牛麵 $59 - 有牛肉 ，牛筋，牛，牛好淋，有牛味，有台灣既牛肉麵既感覺，湯底都算濃，麵煮得適中，不硬不軟~ 花枝招展 $49 + 意大利蕃茄 $3花枝丸幾彈牙，朋友係蕃茄怪，特別喜愛蕃茄，佢話意大利蕃茄幾鮮甜~ 甜不辣 - 即墨魚煎餅，墨魚幾彈牙，辣辣地幾惹味~熱香芋珍珠 - 成壺上 好抵飲，熱辣辣有重重嘅香芋味道， 珍珠煙靭有咬口~熱薑母奶茶 - 朋友話好重薑味，熱辣辣暖下胃，啱曬~最後叫埋個法式原味奶凍，奶凍好香牛奶味，亦好軟滑，每餐最後整返個甜品，一個完美嘅完結~ 好耐冇黎，今次重試番，覺得可以再encore，實在係慢慢傾計嘅好地方~