仟億茶餐廳

營業中

休息中

尋晚同朋友在鑽石山搵宵夜食，relax n happy下，佢就帶左我去呢間茶記。 😁一行入去就聞到好香既西檸雞，我們一坐低就即刻叫左晚餐西檸雞，茶記個伯伯好好，提我們如果想食蒸既嘢，要早啲落，因為要等4個字架 (20分鐘)，咁我們就快快諗想食咩魚，最後就揀左梅菜蒸鯇魚😋傾下講下啲餸就黎到啦，真是要分享下個梅菜蒸鯇魚真是好好味，條魚蒸得啱啱好，好滑，配埋切碎左既梅菜，芫茜，葱，薑絲一齊食，真是好正，可能條魚太好食，反而令到西檸雞遜色左，覺得西檸雞啲粉厚左啲，但是雞肉都嫩滑，都係好食既finally 我們2個女仔叫左一個晚餐 - 西檸雞，配白飯及中湯，再叫左梅菜蒸鯇魚 (唔做餐) 再叫左個可樂，埋單都係$107，好食抵食👍👍

轉左手之後食個乾牛河都要50蚊分量仲要雞碎甘多好唔好食就見仁見智喇！飲品仲要一陣漂水味！對俾以前味道，分量，一個係天一個係地，難怪人地隔離車仔面甘好生意，檢討下啦，唔該

今日本想同朋友到西貢游水 之後上車前見到仟億茶餐廳 見價錢吸引 就諗住食小小醫下肚 之後叫左個牛肉面 熱奶茶我覺得佢比出邊既茶記不同因為佢不單止平 野食質素都比出邊既茶記好下次入西貢之前都會去食番個早餐💪

今日行到攰攰地，第一次路經依頭，見到仟億感覺好親切！香港愈黎愈少咁地道嘅茶記喇，即刻入去抖一抖！叫咗一個西多士下午茶餐，凍利繽納西多士d蛋漿好夠，好香！利繽納都唔會淡茂茂！再黎多件奶油多，好足料好好食，個包哄到好鬆脆食食下先記得影相8再者，店內的伙記叔叔們全部都好好禮貌！值得敬佩！

自從餐廳轉咗手之後，食物質素好差。肉醬意粉冇乜肉，得D茄汁撈意粉。叫所有炒飯類D飯炒出黎係林既，唔係一次兩次，係次次都係，叫佢再炒過，佢話冇辦法炒到D飯乾，試話過既食客會知道我想講咩。

次次去襯仟億食飯都唔洗點等位今次lunch就食左雞脾沙律雖然唔太健康 但真係好好味好大隻的雞脾啊!!炸得好靚又好味喎真係啖啖肉 同埋炸得又夠熱夠熟沙律份量又多 嘿嘿而且沙律醬的味度岩岩好唔會太酸 都okay次次食完都好開心好滿足食雞脾沙律一定要配埋紅豆冰啊

fried pork chop spegatti with cream sause-->fried pork is a bit dry and luckily there's not a thick coat of flour, no taste at all as it's a frozen pork chopspegatti is too soft coz it boil for too long and easily to be cut..cream sause is ok and a bit too sticky, there's some mustroom and onion insidered bean icenot much red bean inside and the beans are soft enough, the milk is a bit too dilute and over-sweettened...won't go again =.=

sausages+chicken rice in curry sausesausage is tasty, it fried too long so it's very dry, can tear it into pieces!chicken is a kind of frozen one, no taste at all, but very smooth and not fat....luckily it's in large portionrice is alright, not too soft and not too hard...curry sause is not ok, not spicy, just a kind of yellow in colour sausemilk teatoo much milk so i can't really taste the tea...also it's not hot enough, i'm afraid it is placed on the counter for a long time already...no no n o

繼續在牛池灣掃場，是日的早餐走了到村的另一處盡頭，一所名為仟億茶餐廳的茶記，心裡立時一問，究竟是仟億個好還是仟億個差先？都是吃過才知道，走了入來，店子的裝潢很街坊很簡陋，環境及衛生都麻麻，都是快吃快走了，此處早餐的選擇有五款，頭三款都是一款粉麵加腸蛋或餐蛋等的東西，尾兩款是不同的扒拼腸蛋或煙肉蛋，另外還有烏冬餐及麥皮餐等選擇，就簡簡單單的點了最常吃的沙嗲牛肉麵吧，跟來的是火腿奄列及麵包。先來的是火腿奄列及麵包，火腿奄列都幾大份，可是有點大而不中用的感覺，火腿奄列明顯是煎得過老了，吃起來又沒多大蛋香，內藏的火腿絲是切得夠粗又夠多的，但沒有煎得香滑的蛋，個餡識飛都冇用；牛油麵包要加一元才有得烘底，但個人認為這塊麵包是非常之有加一元的必要，皆因包身雖未至於硬實，但絕對不能說是鬆軟有包香，予人不新鮮之感，加上牛油塗得很薄，吃起來沒來味道，包的質素就更現形，所以非常後悔沒有加。再來的是沙嗲牛肉麵，用的是較為便宜的大光麵，這個其實問題也不大，但個麵明顯是完全未煮開，吃起來是有點彈的，但怎說都是過硬，個麵不行，個沙嗲牛又如何？所謂的沙嗲不是沙茶醬的味道也見慣不怪的了，可是連醬油味又不夠濃，味道就明顯

考試前一天, 也是先行食飯再回家. 是晚經彩虹轉車, 就在小巴站旁的牛池灣村, 一間非常顯眼的餐廳. 就是一直都很想報告下的, 仟億....是日第一次夜晚入牛池灣村, 做就了這一次的千億個晚上.其實, 這並不是什麼特色茶餐廳, 只是一間經常路過, 見其客似雲來, 應該試下冇問題既. 於是, 是晚, 路經, 入毫不猶疑的, 入來了.一般晚上有小菜小炒供應的茶餐廳. 就是為街坊同一些入西貢的轉車客服務, 店子分了三區, 一個是正鋪內的非吸煙區, 一個是旁邊吉鋪既吸煙區, 另一個是店外地台的吸煙區. 雖不是滿坐, 但每一區, 都起碼有7成滿.餐牌選擇多, 實在令人花多眼亂. 食什麼好呢, 樣樣都好似差不多, 揀不下手. 聽見隔離檯叫滑蛋叉燒飯, 咁我都要一個滑蛋叉燒飯. 實行跟機. 這個飯, 用大碗上, 出來的滑飯汁, 鋪滿哂, 搞到只見汁不見飯. 而味道, 就好似鹹了一點, 感覺上, 鹽同味精, 落得過份了一點, 令到個滑蛋汁失去了其原味. 叉燒則是普通茶餐廳既瘦叉燒, 非常之一般. 快快趣食完, 早點回家好. 不過, 以後路過, 都是不要來這裡好. 夜晚的牛池灣村, 仲有不少車仔麵檔,

尋晚因為少人，所以只係叫咗吉列朱扒飯同三絲抄面同抄菜咁啦!其他兩樣唔講，因為無咩特別；但係個吉列朱扒真係值得一讚，佢啲汁係分開上，夠細心同埋可以要黑椒汁，或者茄汁同咖哩汁；佢塊朱扒上碟時已經切開，等我唔使食得咁輪盡；佢真係炸得個表面好香脆，但係啲肉質又唔乾，其實塊豬扒唔點咖哩汁已經好夠味，但係佢個咖哩汁又幾好，夠香夠spicy，同埋佢加咗薯仔去煮個汁，令個汁再濃啲；但啲飯依然都係咁硬我個朋友話直頭同灣仔果間咖哩有得揮!真係好suprise個吉列朱扒咁好味

因公事8點幾來到彩虹，時間太早，不太想回center雖然出門前已經吃了早餐，但反正閒著，便到附近食多個早餐之前已經來過這裡食佢嘅常餐，還算可以啦，今次來試試早餐來到門前，比想像中多人，好在都仲搭到枱忘了是早餐A定B定C lu，總之也是例牌火腿煎蛋牛油方包炸菜肉絲麵加柸嘢飲後悔忘了交付方包轉多士，方包冷冰冰的，幸好尚算軟熟火腿真的有點失望，是用水灼熟的，還要有點冷.....早知要午餐肉la...起碼一定係煎啦其餘煎蛋、炸菜肉絲麵也是普普通通，冇咩特別印象彩虹附近如果多些食店，也許會使這裡的食物質素高些吧

出發去塔門約係仟億集合雪菜肉絲麵 - 都幾多雪菜火腿煎蛋方包 - 方包新鮮軟棉棉熱朱古力 - 正常