仟米 (已結業)

出開銅鑼灣都知～利園區附近比人嘅感覺都係高檔今次竟然比我發現到一間平價日式便當係巷仔裡面 一唔留神就會miss 咗雖然選擇未至於好多但就勝在夠百搭而且想食下港式小食都有～滑蛋吉列豬扒飯～～塊豬扒夠晒厚身唔會好油膩麻醬烏冬配唐揚炸雞個烏冬好有我中學時代食嘅風味最正係配埋少少雞蛋同昆布炸雞🍗好入味食落都好juicy叫個三寶勁喇有沙嗲雞扒、厚切午餐肉、仲有一條好長嘅腸仔添個沙嗲汁好香口～冇得彈如果唔想食咁多澱粉質主食仲可以隨意搭配我呢個就配左菜底有椰菜花同西蘭花🥦

📍仟米 (銅鑼灣)一段時間冇嚟銅鑼灣，估唔到喺開平道一條後巷開咗幾間外賣店。有簡單枱櫈方便開餐。環境經過壁畫嘅點綴煥然一新✨。🔸吉列豬扒滑蛋飯$48豬扒炸得香脆，軟腍易咬。滑蛋真係滑捋捋，加埋冇諗過會有嘅咖喱汁，白飯都變得超好食。🔸麻醬冷烏冬配唐揚炸雞$48麻醬冷烏冬令人喺夏天都食慾大增，仲有唔少雞蛋、火腿、海帶。炸雞份量多，而且嫩滑多汁。🔸咖喱三寶$30有齊魚蛋、齋、魷魚，三樣比例差唔多。魚蛋普普通通。魷魚幾爽口。齋吸晒咖喱汁超惹味。🔸魚肉燒賣$15/10燒賣大粒又幾有魚肉味，好食過市面大多數來貨。📍仟米 (銅鑼灣)銅鑼灣開平道5號地下75-76號舖

利園3期對面的小巷。咪以為依條小巷得咖啡。唔八卦行多兩步，都唔知呢度近來開左間小食店，燒賣魚蛋，日式炸野。仲有飯麵食，就試下個唐揚炸雞配芝麻醬冷烏冬。炸雞唔會乾身。老闆好大方。個烏冬落左好多芝麻醬比我。我本人比較鐘意多醬係附近既朋友仔多個選擇，不過依條小巷就好多人係度呼吸。我買完即返office。

經過巷仔去搭小巴，見到新開左間野：有魚蛋燒賣腸粉賣，有五香肉丁煎蛋公仔麵，又有麻醬冷烏冬。。。好多選擇喎！今日試左個是日精選$45唐揚炸雞鰻魚粒滑蛋炒飯。味道都唔錯，下次再試其他野