仟米 (已結業)

前面兩個客，我等左一陣，一個好快走左，之後有多兩個客。唔算多客，但唔知老闆娘做乜對個個客都講嘢好堀同好串，好燥底咁。本身睇到老闆娘段片幾有心做呢檔生意，所以特登幫襯下，點知啲態度咁樣，無下次。至於小食，叫左燒賣魚旦，好淋好粉。都唔會encore.

夜晚經過見到間仲開緊嘅小食店，比佢個餐牌五香肉丁叉燒粒餐肉蛋炒飯吸引咗，喺銅鑼灣唔想食得太貴，想頹食一下嘅得就決心外賣試一試。味道上喺唔錯，用料都好夠，可以的話加多條生菜切粒中和下應該會更好。炸燒賣就基本操作，唔會特別好食或難食，反而普通魚蛋、燒賣、腸粉就麻麻地，食落口感覺上太軟唔彈牙，麵筋就唔知喺味唔夠入味，即使有沙嗲醬都感覺上太啖，或者係因為食開啲重口味吸哂汁嘅麵筋，喱種健康口味就真喺各人喜歡。

看到網上視頻推介過嚟試下，晚上9點過嚟，仔細看完餐牌，選了青咖喱雜菜雞柳配蕎麥麵，黃咖喱三寶，想叫些炸嘢但炸豬排賣晒，所以叫左炸燒賣。青咖喱個人我較少吃但吃一口沾了咖喱的雞柳後感覺我選對了真很好吃，青咖喱汁香內裡的椰汁味濃小辣配健康爽脆的西蘭花、椰菜花、生菜、雞柳肉嫩滑，啖啖沾滿汁水再配蕎麥麵味道口感刺激著我的味蕾讓我一吃就停不了。黃咖喱三寶的咖喱小辣，魚旦，魷魚，齋，配合咖喱吃得各有各精采。雖然吃得挺多的，但炸燒賣不吃又對不起剛炸起的它，一啖咬落像極那種炸南瓜丸子的口感軟糯軟糯，第二粒我用吃剩的青咖喱汁沽滿全粒炸燒賣，配合著吃咬下去即刻讓我幸福感滿滿，又是讓我吃不停口，又是選對了的食物。一間窄巷小店煮出這般出色的青咖喱，黃咖喱和炸物讓我很有驚喜！！！

睇完youtube先知有間外賣小店隱藏係小巷到😳呢個位置真係唔知有間餐廳係到, 主要做外賣, 都有幾個立食位。吉列豬扒咖哩芝士滑蛋配炒飯 $50是日精選既主食有好多選擇🍚白飯、炒飯、烏冬、蕎麥麵、公仔麵、杯粉同菜🥬雖然係外賣, 但吉列豬扒食時都唔會變到軟身, 仲保持到脆身, 肉質都唔會炸到柴同乾身🍖豬扒下面有芝士同滑蛋🧀芝士溶左係蛋上面又痴住塊豬扒, 一啖可以食到3個味道🍳而主食揀左炒飯底, 應該都係同咖哩去炒, 又或可能係叫左咖哩汁, D汁流左落飯到, 所以食到啖啖都係咖哩味🤭

喺利園附近發現呢間小店除咗腸粉燒賣魚蛋等等小食之外仲有午餐提供選擇都幾多！抵讚嘅位係可以自行配搭唔同嘅主食白飯/炒飯/烏冬/蕎麥麵/米粉/菜如果想減肥避開澱粉質揀菜底真係無敵👍🏼👍🏼【吉列豬扒咖喱芝士撈烏冬】非常滋味吉列豬扒滿滿日本風情啖啖肉外皮都算好香脆咖喱味香濃再加上溶化咗嘅芝士醬令到成個烏冬都好惹味【五香肉丁餐肉叉燒粒炒蛋】配炒飯又係一個每一啖都非常惹味嘅選擇！香噴噴嘅炒飯，用上多款唔同嘅材料啱晒食肉獸同埋貪心嘅人😎😎每一啖都食到唔同嘅配料口感非常豐富，又好食係非常用心製作🥰雖然舖頭唔大但致力提供多款唔同嘅食物實在難得值得支持👍🏼

話說本人係附近上堂，每次上堂前都會同同學搜羅銅鑼灣嘅美食。銅鑼灣雖然美食選擇多，但好食得黎又經濟實惠嘅唔多。第一次試《仟米》嘅係炸燒賣同撈烏冬。同學就叫左咖喱三寶。當我同同學擺完粒炸燒賣落口個下，我地嘅反應係一齊哇左聲，因為真係好好味。炸燒賣：$18 / 10粒撈烏冬就不過不失，如果男士們或者大食嘅朋友仔可能要叫兩個先叫食～第二次就同同學試其他嘢食，但依舊一定會叫炸燒賣 XDD自己由於當日全日無嘢落過肚，決定試佢地嘅是日精選，叫左《炭燒雞串雞翼火腿奄列》，又再一次俾到驚喜我，$48一個飯好足料而且份量岩岩好，唔會太多又唔會太少，啲餸多到我同學話點解$48可以咁足料。家下香港地生活指數咁高，除左兩餸/三餸飯外，要食到一個好食又唔頹嘅飯至少都$60起跳。而且仲送紙包嘢飲。所以點解話佢地係業界良心就係咁解～順帶一提，仟米兩位老闆都好nice好健談，直頭可以用一見如故黎形容。好似街坊街里咁吹住水等外賣。其實當晚落堂後有再去買外賣俾屋企人食，結果老闆娘好人到裝左幾粒燒賣魚蛋免費請我食住等。物輕情義重，個下好窩心，感受到好耐無感受到嘅香港本土人情味。老闆娘講：佢地幾乎全年無休，平日會開到夜晚嘅11

如果唔係朋友介紹，都真係唔知道利園附近有條細細的巷仔，係有嘢食買！食物選擇唔算好多，但係香港人最愛嘅燒賣魚蛋腸粉， 依度都有🥰🥰除咗小食，仲有幾款主食供應，可以配炒飯、烏冬、米粉、菜等等，有得自由選擇，好貼心👍🏼五香肉丁叉燒粒餐肉炒飯簡直係瘋狂，材料好豐富！唔係得個名，食得出佢哋用心製作！超足料，五香肉丁辣辣地，然後又食到鹹香嘅餐肉粒，又有甜甜地嘅叉燒粒，仲有埋椰菜，雞蛋，口感味道層次豐富👍🏼👍🏼小小嘅一個炒飯，都好享受🥰🥰同同事分享嘅咖喱三寶亦係非常出色，三寶包括魚蛋，魷魚同埋齋，個咖喱汁唔算超級香濃，但都幾惹味，最欣賞嘅係用咗齋，吸收晒啲咖喱汁，真係超正👍🏼👍🏼 一定要試試！

星期日去咗灣仔行書展，然後再去銅鑼灣逛下搵食。一心諗住行去利園後面條小巷，飲番杯咖啡先。數下手指真係好耐冇嚟，原來隔離間鋪已經轉咗做小食店「仟米」。阿仔睇睇下口痕，又話想食魚肉燒賣、咖喱魚蛋，既然係咁就順便便又掃下街頭小食。《吉列豬扒芝士沙律包》（$30），呢個係店長推介，都係即管一試。豬扒即叫即炸，約等侯十多分鐘後做好，估唔到睇落又幾特別食落亦有驚喜。吉列豬扒配上芝士、蕃茄片及生菜，然後再鋪上蛋沙律醬，賣相已經很吸睛。吉列豬扒炸得剛好，外脆肉嫩，仍保留肉汁。配上厚厚蛋沙律醬一齊食，原來又幾夾幾好味啵。本人幾鍾意，推薦大家值得一試。不過留意番製作需時，需耐心等候。阿仔至愛《咖喱三寶》（$30），三寶係魚蛋、魷魚同齌（生根），老實講我第一次食到齋，感覺幾特別。阿仔特別要一讚個咖喱汁夠香濃，而又唔會太辣，吸收了咖喱汁，入口十分豐富。《魚肉燒賣》細份$10/6粒 ，大份$15/10粒，有蒸燒賣又有炸燒賣，兩款阿都想食，最後各要了一份細份。燒賣肉質ok 爽彈，食蒸嘅一定要配辣椒豉油，先夠滋味。而炸嘅灑上咗椒鹽七味粉，更加香香脆脆。店鋪旁設有坐椅及小枱，可供客人於一旁等候及進食用。食物方面亦有小

仟米Meta Sen銅鑼灣開平道5號地下75-76號舖這兩三年間香港經濟不好, 疫情一直控制反反覆覆民不瞭生, 好多人失業減人工。我就無得好似公務員咁好用市民納稅錢,有得加2.5%啦, 公司都虧損中要涯又停左4個月無工返,只靠打散工接freelance微薄收入同儲蓄勉強撐住生活 ,中午LUNCH 預算大都控制在$50內。食外賣飯盒平過茶餐廳堂食, 最平$38港式頹飯, 要精緻點每日都有特選日式飯, 一樣以平價招徠只係大約$45。$48吉列豬扒滑蛋飯,滑蛋飯都不錯吃, 塊吉列豬扒是熱的, 好多快餐店炸定曬, 放到回油個炸層倒索油。$48 五香肉丁蝦仁蛋炒飯, 都幾足料, 大雜匯炒埋一齊好有港式餐廳FEEL呢! 男生都吃得飽架。$50預算都可以食得美味又飽肚架, 懂飲食之人唔係一定餐餐都大魚大肉,食一餐都要花幾百元,倒不如簡單快捷來得好。仲有腸粉燒賣魚蛋小食, 唔係食正餐, 行過都可以買來過口癮當TEA。

👉在利園三期，星巴克對面🈶️條小巷叫《開平橫町》，看到《COFFEE》招牌走進就對了。。。小巷🈶️咖啡☕️、曲奇🍪、還有港式小食《仟米》。😃 為附迎上班族的救星🌟📌招牌五寶飯 $58 ～ 可選飯、烏冬、蕎麥麵、公仔麵、菜底。。5⃣️寶🈶️香菇肉燥、雞翼、滷蛋、墨丸、貢丸。。各款餸料都做🉐️很入味，下飯一流。📌唐揚炸雞鰻魚粒滑蛋烏冬 $48 ～ 3⃣️件炸雞經過一段時間已經不脆，但肉質嫩滑，仍然味美。厚厚滑蛋，配上鰻魚，日本🇯🇵味🈵️滿‼️📌咖喱三寶 $30 ～ 🈶️魚蛋、齋、魷魚，汁醬是靈魂，咖喱汁香濃少辣，如能提升魚蛋質素會更好。。😄

銅鑼灣開平道小巷咩都有既小店啊～成日以為去到利園果邊無得吉番串魚蛋原來開平道小巷仟米就有無論係 魚蛋燒賣定腸粉，或者想食飽 d, 叫個兩餸或者三餸粉麵飯都得想食健康d 仲可以揀菜底，懶人唔想揀，直接黎個招牌5寶吧-招牌五寶有晒瑞士汁雞翼／沙嗲齋／叉燒粒炒蛋／同雙丸揀埋西蘭花椰菜花mix 埋夠晒健康果份味道同誠意其他餐廳一定搵唔到。-仲有無飯不歡的，不如叫個炒飯食五香肉丁火腿絲蛋炒飯唔好睇小小店 炒飯即叫即炒夠有誠意， 五香肉丁同叉燒份量超多，香辣夠惹味。

做完嘢行經開平道，發現有間小店賣小食同飯盒，小食好高質素，性價比高，行經銅鑼灣時值得幫襯一下👍🏻。🥢魚肉燒賣$15/10粒其中我最鍾意就係魚肉燒賣，大大粒，好彈牙，性價比高，同等樣價錢喺其他店舖未必買到10粒。☺️🥢魚蛋$15/10粒食魚蛋個汁一定唔可以差，呢度秘製嘅咖哩汁又香又濃，唔會太辣，同樣係我喜愛之選❤️。🥢腸粉$13/4條即叫即剪，襯熱食最滑嫩，最能夠掛醬，保持水準。🥢吉列豬扒滑蛋飯$48吉列豬扒炸得金黃色之餘，唔會油淰淰，夠乾身，保持到豬扒嘅軟熟嘅口感。滑蛋係另一個焦點，比起連鎖快餐店早餐炒蛋更滑嫩可口👍🏻。同場有另一個客人見到呢個飯咁吸引，立即幫襯買返個。

銅鑼灣利園嗰邊有條咖啡小巷，又名「開平橫町」🤣，我陪咗朋友去朝聖。不過我唔飲咖啡，反而被隔離間小店「仟米」所吸引。估唔到橫街窄巷開舖之餘，仲有一間賣飯盒嘅外賣店🥡。目測廚房細細，但竟然煮到咁多熟食，並唔係只得輕食。小店人情味濃郁，老闆娘好親切😊，食物配搭彈性高，可以配合客人口味，自由揀拼飯麵。食物份量多，男仔食都夠晒飽👍。青咖喱雜菜豬柳炒飯($48)，炒飯同餸分開兩邊上，唔食飯都可以配麵。🍛青咖喱色水唔深，但好惹味，辣度顯住，感覺正宗。咖喱唔係好多汁嗰種，而係滲透喺西蘭花同椰菜花之中🥦，再撈埋炒飯一齊食，變成咖喱炒飯，每啖都好入味😋。豬柳係切絲豬肉，而非急凍漢堡扒，口感唔錯。最後，炒飯本身炒至粒粒分明，好好食，抵讚！鰻魚滑蛋紫菜撈烏冬($48)，外賣賣相精致，🐟鰻魚切成條狀鋪上大大片滑蛋之上，另外再配搭紫菜絲同生菜。鰻魚細嫩無骨，而蛋就好滑好香。🍜烏冬墊喺底，應該有成兩個麵餅，掛上鰻魚燒汁食好夾。咖喱三寶($30)，三寶包括魚蛋、齋(麵筋)同魷魚，咖喱看似好辣，不過其實都OK，青咖喱仲辣好多。🦑水魷魚口感彈牙，一啲都唔韌。麵筋係幾款之中最索味，吸盡咖喱汁精華。魚蛋有四粒，但略嫌粉咗啲。

位於銅鑼灣的隱蔽外賣小食店，地點不太易找，要走入咖啡店的小巷中就找到小店。一個小窗口，外面就貼滿不同的餐牌，兩位店員忙著製作食物。除了供應街頭小食外，還有冷烏冬、公仔麵等，蠻多元化的。小食：魚蛋、燒賣香港的街頭小食孖寶，魚蛋及燒賣，各款十粒。燒賣沾上豉油及辣醬，魚肉燒賣煙韌有嚼勁。魚蛋則沾上秘製咖喱汁，魚蛋彈牙，有口感。小食：咖喱齋、腸粉 腸粉有四條，腸粉皮滑溜，店員更毫不吝嗇地加了大量的甜醬、麻醬、海鮮醬及芝麻粒；咖喱齋份量較少，咖喱汁很香口。是日精選：照燒雞扒鰻魚粒滑蛋菜底（西蘭花，椰菜花）食材有鰻魚、雞肉及幾塊唐揚炸雞，上面蓋上照燒醬汁，菜底就是西蘭花，椰菜花 。撈烏冬配料：厚切餐肉、火腿片、煎雙蛋、五香肉丁一共選了四款配料，相當豐富，底下就是烏冬，烏冬彈牙。撈烏冬的醬汁是沙茶醬，乾拌烏冬配上簡單的配料。

仟米🍚If you work in cwb and is looking for quality take out that won’t break your bank then you’ve got to try this! Got the unagi and teriyaki chicken rice but had it exchanged for udon. They gave me a good amount of unagi and chicken, it was saucy it went so well with the udon. The plus is, you don’t have to pay extra to exchange for udon! 🥳I also got the fried pork chop on rice (which I swapped out for broccoli). The pork chop was still crispy even tho I travelled 30 min with it. The sauce went