任你點車仔麵 (已結業)

一心想食車仔麵但文記實在太多人見到附近都有間車仔麵～望望呢間都係坐滿但係無禁多人就等呢間啦！等在大約15min終於有位啦望望餐牌款式真係好多花多眼亂～果然任係點真係任你點！最後精挑左9款餸出來～鮑汁花膠、鮑魚、手撻墨魚餅、瑞士雞翼、韮菜餃、花菇、豬紅、糖心蛋。試食後小編推介係1. 大大片花膠2. 手撻墨魚餅3. 瑞士雞翼4. 韮菜餃花款非常多而且味道都不錯價格合適，呢間應該都會有之後既2/3/4/5/6次😂😂😂

超巨型花膠呀！價錢勁親民！😏雖然我唔會好鍾意食車仔麵，但係間唔中都會諗起佢哋，始終都由細食到大，有一份情意結喺度🍜因為電腦有啲零件壞咗要去深水埗，唔想扮文青去食Cafe😂所以就走咗嚟呢度食車仔麵👻呢度最出名就係大大隻花膠！同埋價錢真心平💰雖然平價，但係良心小店嘅處理絕對唔係馬虎！花膠同埋牛腩都醃得好入味🥰湯底唔會過咸，響鈴脆卜卜，點少少湯勁正👍🏻仲有小食都係勁出色，個人心水推介係墨魚餅，勁陣牙㗎。能夠喺深水埗眾多美食當中站穩，任你點絕對係高質素😼

鮑汁、腩汁、瑞士汁三種湯汁融為一體，可以把湯底昇華至另一個層次？今次在深水埗享用的車仔麵完全給我有味覺上的新體驗，而且今餐的配料是舖內最熱門的食品。是日午餐：米粉+鮑汁炆花膠+瑞士汁雞翼+手打墨魚餅+菜心（腩汁底），連凍檸蜜，合共$61。鮑汁炆花膠（💵$13）：花膠的鮑汁味頗出，又不會搶太多花膠的味道，應該都炆過一段時間。瑞士汁雞翼🍗（💵$11）：雞翼完全充滿瑞士汁的精華，但又不會太甜；雞翼又不會煮過唸，肉味香濃。手打墨魚餅🦑（💵$13）：小雞認為今餐最好食的配料。墨魚餅非常彈牙，而且入邊充滿墨魚肉，童叟無欺，物超所值。當鮑汁、瑞士汁及腩汁融為一體，令車仔麵的味道更香濃入味，加上有菜心的中和，味道不會太鹹，又唔會太口渴。店舖除了車仔麵外，還有售賣外賣火鍋生料，材料新鮮好食，絕對值得支持！！！💪🏻💪🏻——————————————————————————————好食指數：4.5 / 5 （5分為最高）📍任你點車仔麵 (深水埗)🟡深水埗福華街147號地下

今次我地食得地道啲，貼地啲，黎到深水埗呢間任你點車仔麵，試下佢大過個碗嘅鮑汁花膠👅•👅 薯粉$9+鮑汁炆花膠$13+日式糖心蛋$11+韮菜$8一上到枱，舊花膠簡直係視覺衝擊🤩邊有餐廳可以俾13蚊，就有塊大過塊面嘅花膠嫁😍我點左麻辣腩汁湯底，塊花膠除左本身已經好有鮑汁味之外，仲浸埋啲麻辣腩汁，味道昇華左兩班😚糖心蛋又夠味，食完呢兩個餸已經覺得有啲飽😂韮菜量非常多，貨真價實😍我仲要叫薯粉底，食完呢餐，夜晚都可以慳返啦🤤————————————————

對於🐱而言，比起拉麵，我更鍾情於香港既車仔麵，濃郁既湯底加上自己鍾意既配料，就係爽！之前番part-time, 見人叫外賣就多啦，今次就黎到灣仔既任你點車仔麵黎trytry佢！尼度有車仔飯好搞笑，但好似未見過人叫，比起叫三餸飯吸引d🤣仲可以轉撈麵添～🐱🍜：沙爹湯底+腩汁, 米粉, 鮑汁燜花膠, 韭菜餃, 牛腩 $45🐏🍜：咖哩湯底+腩汁, 粗麵, 日式叉燒, 鮮魚片頭, 溏心蛋 (咩咩表示車仔麵更係粗麵啦）$43p.s. 自選最少三餸沙爹湯底：正，完全唔孤寒，淋左一大pat, 加埋腩汁，十分濃厚，唔辣，食極都唔厭咖哩湯底：米粉：爽口彈牙，食到最尾都keep到口感，但同時都好掛湯，份量好多，加埋餸既份量，一個女仔應該食唔曬粗麵：鮑汁燜花膠：味道濃郁，好入味，口感軟唸，但未到好似煲完湯咁滑嘟嘟，但軟得黎仲保持到有口感都幾岩車仔麵。份量都好多，有2-3大塊，加埋囉沙爹湯都好夾韭菜餃：正常餃子皮，餡料都飽滿，所以好飽肚，但好味程度中等偏低，韭菜感覺唔係太新鮮，比起其實餃子相對無咁有鮮味牛腩：今次瘦肉較多，次次去都唔同，有時會有多肥肉，口感軟唸，味道正常日式叉燒：兩大塊，都算厚，肥瘦比例大概2:

今日去了深水埗行街，非常熱。我們多會去這店食車仔麵。在香港這店也有分店，但總覺得深水埗這店的出品比較好味。我們當然有食名物炆花膠，大大塊也只是$13,全港也食不到，又平又好味。其它一碗是清湯底一碗是番茄湯底，餸有荳卜，牛腩，蘿蔔,鮮腐皮，魚肉春卷。。。。真是太豐富，美味的餐。因實大熱，所以便叫了一杯凍奶茶也只是套餐價加$8. 兩個人也只是$84.有質的午餐，物有所值。 我們認識了其中一個女侍應梅姐，佢好有善又好招呼，便客人食得更加開心。有人情味的香港車仔麵店。太好。

果日諗住去試間新車仔麵店，深水埗成日食X記。去到呢間係食物非常多款式，價錢亦比X記平少少，但可惜份量非常少，只係X記3分之2，。。。但四餸連凍O茶都要盛惠五十一蚊！🙄🙄湯底味道又冇層次，唉，下次我寧願等位都係去番X記。。😑😑😢😢。。。。。。😩😩😩起碼抵食先！

任你點車仔麵，餸係大大件今日之選：炆花菇、清甜蘿蔔、咖哩豬皮我最中意食炆花菇，花菇炆得好林又入味，又大大舊，夠咬口！清甜蘿蔔又係整得好林，無渣，大大舊，咬落去都好多水，好清甜🤪 另外，咖哩豬皮俾左好多份量，我見我個碗嘅豬皮都無豬皮毛，不過我覺得咖哩豬皮嘅咖哩味唔太重！我個人係較中意清湯配腩汁，食米線簡直係一流大家真係可以去試下！每一碗都好多餸，又大舊！好抵食啊！同埋任你點係起碼要三樣餸，仲有炆花膠都值得一試架！

疫情下沒有堂食，天寒地凍又不想自己出去買，便叫外送。又沒有飯引，便叫車仔麵，和一些小食，很快便送到來，熱騰騰的。湯和麵分開盛，不會浸到啲麵淋晒，很週到，值得一讚。每款餸的分量也不少，牛腩和豬軟骨都是大大件，曾在某些時常都要排隊的車仔麵舖食過，每樣餸都只得兩件，而且價錢都不便宜。小食叫左墨魚餅同韮菜朱紅，墨魚餅由其好吃，彈牙爽口，韮菜朱紅分量都很多，如在打冷店食定要雙倍嘅價錢先至可以食到，真是物超所值，定會再幫襯。

疫情搞到日日係屋企咁滯，勁想食車仔麵，於是就同老公碌下外賣app睇下屋企附近有咩車仔麵店可以試😍 而呢間任你點勁多配料揀，令到我既選擇困難症又嚴重左💛 可能係用外賣app 既關係， 佢d配料唔算平，12-23蚊一樣配料。我最後揀左水餃咖喱魚蛋生菜粗麵跟清湯加腩汁，而老公揀左花膠蘿蔔牛柏葉薯粉跟清湯加腩汁😍 等候時間唔係好耐就送到屋企了，可以一解我對車仔麵既掛念🥰🥰d麵同個d湯汁係分開嘅，而配料就浸住左。湯汁仲係好夠熱，我已經心急仔咁倒埋我d粗麵落去😋麵既質地岩我口味，硬硬地有d咬口。我最愛既餃子有2大隻，佢地係韮菜豬肉餃嚟，味道唔錯，都幾新鮮下，可惜浸淋左💔 而d咖喱魚蛋都算大粒，都彈牙嘅，不過又係浸到d咖喱汁味落左個湯汁度，變左魚蛋相對冇咁重咖喱味😅生菜可以多少少就好了😋😋老公個碗鮑汁花膠勁大舊，仲要有2大舊，佢比左舊我食😍😍😍 花膠好入味又勁大隻，我食完一舊就已經飽飽地，好抵食。 而牛栢葉就夠爽脆，不過就唔算大舊同量唔多，細細舊咁容易咀嚼😋 下次要試埋佢個墨魚餅同魚肉春卷得😍😍

不能出門最愁除了不可以去喝咖啡之外，還有不能去吃車仔麵呀呀呀呀，忍不了叫外賣當然是要任我點哈哈哈😚(是任你點車仔麵哈哈哈🤣)超多多多多選擇呀，每樣item都要選超久因為是太吸引了🤩雖然主打平價大大塊花膠及其他新式車仔麵餸，不過良久沒吃還是想吃自己的例牌：豬紅、大腸、還有最愛的魚皮餃！三樣餸都好好好吃超高水準的，而這次試了重口味的沙嗲加腩汁是超級好吃的喔！而且份量也夠大份，好好好好吃呀💛下次我要吃手打墨魚餅🤤

🍜車仔麵🍜車仔麵我真係好鐘意食車仔麵🤤出開深水埗，又係要搵下食，係app見到呢間💛店車仔麵，就決定去試試。任你點車仔麵 💛💛💛佢地就係深水埗黃金附近。雖然一街之隔就有間幾出名既車仔麵，但我都係選擇「任你點」真係無選擇錯，抵食又好味，個沙嗲湯底又係好啱我口味🤤😋真係好大碗，第一次食車仔麵係大碗到我食唔哂啲麵😂😂個手打墨魚餅無得輸，堅好味🤤🤤🤤食車仔麵食到大滿足😋😋😋佢地門口仲有yellcard扭，食飽飽可以抽返幾張💛

深水埗文記排唔到位都可以嚟呢間任你點食車仔麵， 起碼唔使畀啲文記阿姐串，文記其中一樣主打呢就係巨大花膠，講大呢任你點呢嚿呢分分鐘仲大過佢。揀咗兩餸另外一個餸呢就係鮑魚，咁圖片可見呢都係罐頭鮑魚仔唔係太特別。湯底嚟講叫咗蕃茄湯，可能我唔識叫，蕃茄湯同呢兩樣嘢呢就真係唔係好夾呀。不過個湯本身都幾好味，然後花膠都幾索湯。去到間舖頭賣呢原來車仔麵之外，呢仲有呢個車仔飯，可以叫淨係可以叫咁配料嘅飯，咁我就未試過啦，但係我覺得車仔麵下次有機會都可以翻兜嘅。

推介！係深水埗，大碗又高質車仔麵啊！小編已經回頭數次架喇，終於肯介紹吓比大家。✨味道80分，食物質素高，份量又多👏🏾.🔸河粉：好滑，係粗幼不一果隻河粉。最少要嗌三個餸，揀咗豬紅，白蘿蔔，手打墨魚餅。🔸豬紅： 正啊正！本身有調味，少少甜，唔會有一陣怪味。🔸白蘿蔔： 非常清甜，又煮得好稔。🔸手打墨魚餅：紮實得來，又好彈牙。🔸泡椒辣湯：有泡椒香味，嗌中辣都算幾辣。.💈深水埗福華街147號地下

落去深水埗尋寶時，無意經過呢間車仔麵檔。大大個餐牌放大晒貼係門口成幅玻璃，人就係咁衰，自然八卦下喇！哇！呢間咩車仔麵檔嚟㗎，竟然有車仔飯？你睇下真係好過份噃，淨係揀要咩麵底都有成11款，好冷門嘅韓國粉絲都有。再望下。。。頂。。。使唔使咁多湯底咁多汁吖。有麻辣有雲南酸辣有泡椒辣，唔知以為係雲南米線鋪。當你好煩惱，揀好咗要食邊款麵同邊款汁嘅時候，又開始煩惱要揀啲咩餸！原來有日式叉燒喎，咁如果自己嗌個烏冬或者拉麵底，再加日式叉燒加糖心蛋，就已經等於去食咗成舊水嘅日本拉麵㗎喇，但喺呢度食就抵好多囉！聽人講最好食就係『花膠』『手打墨魚餅』我嗱嗱聲圈咗先。台灣肉燥、魚肉春卷、台式蜜糖腸都好吸引，好煩吖！諗左好鬼耐終於揀好咗食咩，最後再加多一杯冇冰凍奶茶。是日消費66大元！下午茶來講都唔係平㗎，不過就可以一次過滿足晒個胃。最後附上香港人圖片，等大家回味下