伊留加刺身壽司和食專門店 (已結業)

老公早前發現灣仔開了一所和食小店，試食後發現食物質素上好，於是再帶我前往一試。店子很少，全店只有四張四人枱，剛坐下，店員先送上「日本淮山」作小食，隨後我們先點刺身：劍魚、帶子和特大牡丹蝦。刺身很新鮮，有腸胃敏感的老公吃後也沒有不適，不過我最愛那特大牡丹蝦，除了大，還很爽口，蝦頭炸了來吃，香脆多膏，而且味道調得剛好，一絕。吃過刺身，我們再點燒物：鹽燒鯖魚和燒三文魚骨。我就說過，他們的燒物味道真的調得很好，鯖魚夠香，而三文魚骨我就自己再加七味粉，佐酒一流。老公說想吃壽司，我們就點了：葱吞拿魚腩軍艦和鰻魚卷。兩者水準不俗，唯一可挑剔的是，紫菜不夠脆，希望他們可快快改善這點。其實到這一刻，我們都很飽了，但老公說，萬萬不能錯過這裡的湯烏冬，於是我們最後點了：豬軟骨烏冬。老公說得對，他們的湯烏冬真的很好，湯夠濃白，烏冬亦非常彈牙。埋單是三百多塊，很超值。但結果是兩人捧著漲漲的肚子，由譚臣道步行到天樂里，才跳上的士回家！

响灣好未夠鐘見客, 仲夠時間食咗飯先, 行到譚臣道, 又唔想食茶餐廳嘅肥膩, 行行吓突然發現這間和食專門店, 走進去試吓! 細小嘅店鋪整齊清潔, 坐位只有十餘個, 午餐選擇頗豐富, 拉麵壽司刺身便檔定食樣樣有, 大熱天時又唔想食拉麵, 食壽司刺身又驚唔飽, 最終揀咗 生姜燒牛肉飯 $32, 飯跟紙包飲品一盒, 都無乜所謂, 反正食完都會去嘆咖啡... 碗飯唔係好大, 面頭除咗牛肉, 仲有d日式炒什菜, 尚算照顧週到, 牛肉味道一般, 冇乜汁送飯, 比不上吉野家.下次若再有機會嚟食, 我會試吓d拉麵.

我本人好喜歡周圍找新嘢吃, 星期二晚和朋友仔經譚臣道, 見到呢間新日本壽司店, 一心入去試下, 有拉麵, 壽司, 刺身吃, 我和朋友仔當然"安全" D 先叫拉麵吃, 試下好唔好味才試其它, 拉麵有口感冇"淋" 湯底好飲 , 跟住叫左一人壽司餐(都不錯 - 生鮮) RESULT : 食物水準不錯, 全店看上去都清潔, , 其它食客都有同師傅, 樓面有講有笑 好開心似的但係"樓面"小姐的態度........ 要扣分 ... ..

5月尾與班舊同事飯聚, 試下譚臣道新開張的壽司店, 雖然坐位有點擠迫但食物勝在好味, 有驚喜 !1) 珍寶蟹柳及帶子 - 勁大 (吃一件都飽飽地) 2) 炸軟殼蟹 - 好吃 (出面個 d 好都粉) 3) 牛肋骨配凱撒沙律 - 超好味( 有驚喜) 尢其是醬汁4) 燒雞中翼 , 燒鯖魚, 燒三文魚頭都好好吃5) 刺身尚算新鮮, 又有生蠔吃 ** 下次可以試下拉麵, 個個都好飽試不到拉麵 ** (牛助骨掛住食冇影相, 下次吃再影比大家看吧 )

是次第一次幫襯, very good! 今次5人行, 試了一個豬軟骨拉麵, 肉質適中, 麵好彈牙! 沒有章口感覺! 配料有昆布、粟米、什菜、半隻旦. 非常健康。餃子拉麵, 皮簿肉嫩。炸蝦餅拉麵, 分開上, 蝦餅好脆 。牛肋骨凱撒沙律(寫著廚師推介必試)$68, 我們叫了一客, 激好味! 醬汁好特別, 從未食過, 肉質嫩口, 我問過靚仔老板, 原來醬汁是秘制! 好好味! 下次一定再去幫襯! 試吓日本手打烏冬先!

新開無幾耐上次已經想試啦, 可惜要等位無試到間舖一半用左做出品部, 一半for客人全舖4-5張4人檯今次一行4 人, 無試刺身 / sushi叫了lunch set化算d (包飲品)是次午餐:鰻魚湯鳥冬 - 第一口試飲左啖湯, e? 鯹鯹地? (可能鰻魚影響吧?!? 其他人又覺無咩特別可接受) 鰻魚ok, 夠份量, 烏冬是稻庭, 可是吃不出彈性來... 牛肉湯鳥冬 - 與相片完全不符 (相中牛肉大大塊又紅紅地生生地未熟透, 出品的竟然縮水又少...) 炸豬扒湯鳥冬 x 2 (分開上,服務ok) - 豬扒ok, 點沙律醬 不過不失全碗頗大碗, 足夠份量, 味道亦不過不失湯拉麵轉稻庭烏冬加三蚊~坐位頗窄, 坐門口位會較熱下次試拉麵~