伯爵冰室

營業中

休息中

尋晚行過觀塘，想去附近食咖哩，突然見到呢間餐廳，同埋隔離有間專做燒鵝嘅，心大心細之下，行去睇下有咩食，都係一般茶記嘢，有固定晚市套餐，都係六七十蚊既野，但又唔多啱食，望下見七十幾蚊有小菜套餐，加上門口阿叔係咁推介話入去試下，即管入去試下。有一款未見過，叫做奇妙骨，就即管試下佢有幾奇妙。嚟到啦……原來係類似生炒骨嘅嘢， 只不過用咗豆豉，汁係極甜，可能用咗蜜糖，不過都算係幾好食嘅。72蚊有飯有湯，不過冇送熱飲，如果加埋送飲品，(畀多幾蚊都ok）咁就完美啦。

一份食極都食唔完嘅羊腩煲🫶🏻🥹拯救我係一個六度嘅晚上為我帶嚟溫暖同熱量❤️👍🏻👍🏻👍🏻侍應阿姐仲會不時帶來溫馨嘅問候🥰海量嘅羊腩絕對冇偷工減料，再配上海量嘅枝竹、冬菇、冬筍~絕對比起觀塘同區內附近嘅樂天、紅茶、龍城更加抵食又好味，無論喺美食同服務上面都有過之而無不及，價錢同食物嘅份量達到黃金嘅比例，大碗例湯，配合埋一杯凍檸茶走甜，早前更嘗試過佢哋嘅臘味炒飯，令我齒頰留香回味無窮，大家絕對要試下呀（羊腩煲埋單128蚊凍飲加三蚊）

伯爵冰室"是一家位於駿業街和鴻圖道附近的餐廳，最近進行了裝修。今天我嘗試了他們的涼瓜班腩煲, 味道夠同夠熱，價格為72元。比較貴, 注意到其他桌的食物也看起來很不錯，份量也很足夠。

由之前既雅苑小廚重新裝修後改名為伯爵冰室，保留了大部份之前既款式，亦新增了不少其他新款。一向好喜歡雅苑小廚既小菜，以茶餐廳嚟講係非常上剩既水準，尤其係肉餅類同雞類都好出色，裝修後嚟過兩次水準都不錯。招牌風沙雞，炸得皮脆惹味，拍得住一般酒樓級既炸子雞，裝修後水準依舊，不過依家就無跟飯同湯要另外散，變相價錢略為提高了，但好食最緊要另外試了椒鹽豬扒小菜，同一般茶餐廳用辣豆辦醬加生熟蒜既做法不同，係豬扒塊先上粉炸後只加炸蒜既做法，較為乾身，味道都不錯另外粉麵部亦仔留了，不次再試

見到新開的餐廳，我當然有興趣入去試下啦！伯爵冰室，前身雅苑小廚，位於觀塘駿業街48號新榮大廈地下A號舖。中午放飯時間，滿滿的客人。店內有新裝修，午餐📝 ～ 咖哩牛肉飯$56、 鮮茄湯餐肉通粉+ 火腿松露炒蛋+多士$54、 凍檸茶$3、啡走。 ▫️咖哩牛肉飯🍛 ～ 牛肉好多，咖哩微辣，份量足。 ▫️鮮茄湯餐肉通粉🍜 ～ 湯底酸酸甜甜，厚切餐肉。 ▫️火腿松露炒蛋+多士🍳🍞 ～ 味道正常。 ▫️凍檸茶🥤 ～ 少冰凍檸茶，但好多冰😅。 ▫️啡走☕ ～ 啡味夠，偏甜。 整體ok， 款式多。 🏷️溫馨提示～ 整個用餐體驗均屬個人分享意見， 只作參考😊。