但馬屋 (V City)

營業中

休息中

每次想食日式火鍋放題，首選一定會係但馬屋！因為佢哋嘅牛肉品質有保證，而且加單上菜速度都好快，出邊仲有其他火鍋料可以攞，每次都食得好滿足，而且又唔算好貴，唔錯唔錯！

V city雖然餐廳好多但令我真正想一再encore的就係呢間但馬屋火鍋～我基本上每次都係點佢地最平（有豬同牛）的套餐食，就算唔係貴餐我覺得肉質都算好唔錯！而出面拎的蔬菜及配料種類都算豐富！仲有水果及哈根大師雪糕可以食既～我最愛就係羽衣甘藍🥬每次都食得好滿足！ 而且今次去服務都好好，職員都好貼心好密執碟，值得不斷再encore! 唯一一點係覺得環境較逼，桌與桌的距離太近，桌子又太細，不過除咗呢樣都滿意！

但馬屋 (V City)位於屯門屯門鄉事會路83號V City 1樓L1-8號舖，今日朋友生日，一班人齊齊約咗嚟屯門呢邊慶祝！嚟到呢邊唔係太熟悉，當然要搵返地膽帶路啦！邊個生日邊個話事，然之後朋友就話想食呢間，一人一煲符合每個人嘅口味今次揀嘅套餐就係北海道夢之大地豚肉豚肉，放題90分鐘，五個人五種湯底。唔錯，全部湯底都試到。豚肉都就要叫侍應拎，肉質都唔差，睇的出唔係僵屍肉，真係豚肉自由啊！穀飼牛，肉質鮮嫩，口感都唔錯，朋友都覺得幾好！外邊還有肉丸，飲品，蔬菜，雪糕隨便拎，只要唔浪費就可以！今餐整體都好抵食！

今日朋友介紹我哋嚟咗呢一間屯門嘅shabu shabu, 餐廳嘅特色係每人一個鍋，可以揀自己鍾意嘅湯底，而且食物嘅種類亦都非常繁多，出邊有自助嘅食品區，真係多嘢食到花都眼亂，總括嚟講啲嘢都幾新鮮，而且價錢亦都唔算太貴，如果係放題質素我覺得都可以一試，而且餐廳服務態度都唔錯！✔️牛肉嘅質素非常好，可以睇到佢嘅雪花同埋紋理都係非常平均分布，入口充滿牛肉嘅香味，而且唔會太肥膩，呢一個位非常抵讚，而且餐廳係任叫任食，啱晒鍾意大食嘅朋友

二人進餐，點了日本產黑毛和牛套餐，牛肉質素好好，唔鞋，即點即切的，唔會好似有啲放題嘅牛雪到硬晒。雪糕有四款唔同口味Häagen-Dazs，有士多啤梨同朱古力醬，服務員主動同有笑容，推介

今日係突登去食但馬屋，因為天氣有少少凍，就好想打邊邊，近近地屯門V City的「但馬屋」食又可以順便free泊車，我是第一次來這一間但馬屋火鍋店，平時經過但馬屋都係排晒隊，我係去到Walk in拎飛，所以今日當然都唔例外la，拎飛排左一個鐘隊先入左去，我地一行兩個人，有D人拎埋隔離牛角🥩飛，邊到快就食邊間，咁我地入座之後開始計食90分鐘放題，叫咗普通嗰隻牛套餐，頭一兩碟，牛肉望落就都幾靚既👍🏻，肥膏瘦肉比例OK👍🏻，食得出有牛肉既香味👍🏻。但後來Reorder的🥩牛肉，質素麻麻地，太瘦有啲鞋同韌，放題區，乾淨整齊refill快，菜都新鮮乾淨，甜品方面，🍦冰淇淋好食。整體質素同牛站差不多，除咗90分鐘食得有啲急之外，上菜快，價錢合理，一人一鍋乾淨衛生，坐得舒服性價比高。

意外地星期六lunch time都唔使等位所以果斷去咗食湯底有幾款選擇 一人一鍋澳洲產長期穀飼牛放題套餐 (90分鐘) $219(澳洲產長期穀飼牛 | 嚴選牛肉 | 丹麥皇冠豚肉)我哋揀咗有穀飼牛嗰個餐意式蕃茄芝士鍋唔係好食到芝士味 但蕃茄味好濃郁都幾好味依家變咗用QR code落單 落完之後都幾快上枱牛肉就係任食嘅質素啦 都唔錯配菜都幾多選擇 最鐘意淥西蘭花🥦 唔知幾時出咗自家製炒辣菜莆 唔辣但好惹味幾驚喜~~配肉/麵都夾最後再食埋雪糕

屯門V city 呢間火鍋經常都有人排隊，我哋都唔例外排咗最少30分鐘先入到去。由於我哋差唔多九點先入座入座，佢都講到剩係得一個半小時可以嗌嘢食。於是我哋點咗最穩陣嘅湯底就係壽喜燒湯底同蕃茄湯底食物配料都算齊全同新鮮。雖然沒有什麼驚喜，但係勝在一切都正常唔會中伏

屯門V CITY最值得推介的一間日式放題餐廳 - 但馬屋屯門V CITY有一間新派日式火鍋(Shabu Shabu)餐廳「但馬屋」，提供優質和牛及豚肉，配搭五款人氣特色湯底，任食多款新鮮蔬菜、火鍋配料及Häagen-Dazs雪糕，為食客帶來健康飲食新體驗。但馬屋最近有兩個套餐都幾吸引 ! 「日本黑毛和牛放題套餐」以日本直送的黑毛和牛作主打，配搭番茄壽喜燒汁，番茄中的果酸可以分解油脂；另一「北海道夢之大地豚放題套餐」主打銘柄豚豚肉，有助增強免疫力、促進消化等！落左ORDER後湯鍋同牛肉都好快送上，等待湯底預熱時建議可係近門口位置先取時蔬丸類同飲品。門口既火鍋食物選擇亦算豐富，除左五花八門既菜類同不同丸類外，仲有火鍋必點既響鈴，正中我媽所喜愛。除此以外仲有種類繁多既飲品，如茶包、雜果賓治同其他罐裝飲品等。臨走前記得仲有 Häagen-Dazs 雪糕都係任食架，包你食到好滿足！
但馬屋地址： 屯門屯門鄉事會路83號1樓 L1-8號舖 V city訂座電話 : 2698 2628營業時間 : 星期一至日 12:00 - 23:00

终于这一顿青菜吃过瘾了甘露锅是很纯正的寿喜锅内味儿，🥘虽然吃多了有点甜，但是每一口都仿佛给心上涂了蜜，甜中带咸的风味让青菜是格外的好吃🥦精選牛肉🐮煮过后的牛肉随着脂肪的收缩变得皱皱巴巴，却能裹上了更多的汤汁与蘸料💦，绵软的牛肉载着成吨的香甜，🥢在嘴里入口即化只留下油脂的醇香📌店里自助的青菜和丸子都比内地的少很多，不过食材还挺新鲜实在的

試了這麼多間的打邊爐鋪最愛都是但馬屋～任食90分鐘打邊爐十分多配料選擇我和朋友們選了最平的套餐美國牛肉也不錯喔～最緊要是湯底十分滿意有個是美肌湯底清清的 再加自配的蕃茄 變成蕃茄湯最緊要最緊要的是但馬屋是可以任食Häagen-Dazs雪糕！一定是要前中後咁食一次先抵呢！hahaha

午市60分鐘最平嗰個定量$99套餐，啲牛同豬真係好難食，自取食物區有蟑螂，平時食開既白蘿白栗米欠奉。飲品區既罐裝飲品偏甜，想飲茶要用茶包沖。Haagen Dazs雪糕仲溶溶地咁, 好驚食到肚痛。服務員收碟係收得快嘅，最差係收錢嗰個，我飲緊野，佢好有「禮貌」咁同我講：「你都就嚟夠鐘喇，出嚟買咗張單先啦。」即係請你立刻停止一切動作埋單走人，令人100%反感。我真係好想同佢講，多得佢哋咁積極提醒我夠鐘要走，所以我依家準時埋單走人，1分鐘都冇遲交枱！

同朋友出去諗唔到食咩就會揀火鍋放題，今次去咗但馬屋，因為不嬲都知佢哋地方舒服，食物質素好❤️😋！而且佢哋最近仲出咗蕃茄壽喜燒，所以一定要試吓🍅！📌午市-北海道夢之大地豚肉放題套餐$239呢個套餐係配搭他們夏日限定的夏祭蕃茄壽喜燒鍋🍅🍅野菜配搭相當吸晴，健康好味；蕃茄湯底相當優秀🍅🍅，濃郁，蕃茄鮮甜，而且抗氧化👍🏻👍🏻👍🏻肉類方面，牛肉都係任食的🐮👍🏻，牛肉就如一貫的高水準🙏🏻👍🏻，不過今次呢個套餐嘅豚肉都相當優秀，豚肉味香濃，脂香油香，配搭蕃茄湯優秀！🐷🐷最後就是無限的Häagen-Dazs雪糕，輕易回本！🍦🍦🍦

間中都會去但馬屋打邊爐，佢地最近出左夏日限定的夏祭蕃茄壽喜燒鍋😍 湯底蕃茄壽喜燒，比起一般壽喜燒加入咗香濃蕃茄湯🍅有酸酸甜甜的感覺，十分適合炎熱的夏天，沒有半點油膩，食呢個湯底好夠味，醬油都唔使點。呢個壽喜燒鍋同其他湯底的鍋都唔同，用左淺平啲既鐵鍋，比得上日本正宗嘅壽喜燒鍋，同埋上菜嘅時候都已經放咗其他蔬菜，成件事賣相好靚😍店員都好好會幫忙倒湯。揀左日本產黑毛和牛及北海道夢之大地豚放題套餐，黑毛和牛真係好好食💯同一般牛肉無得比，脂肪分布平均，質感軟嫩😍 北海道夢之大地豚都唔錯，色澤粉嫩，味道甘甜，要encore多幾碟先得！自助吧都有超過30款配料，丸、蔬菜🥬🥦等等都好新鮮👍🏻甜品係第二個胃，呢到Häagen-Dazs雪糕任食🍨超正！呢個就食咗咖啡同cookie and cream口味😋埋單之後仲玩左日本的拉繩抽獎遊戲，睇吓自己好唔好彩抽中啲咩，有現金卷、小朋友玩具等，都幾得意😛📍#但馬屋 (#Vcity) (#屯門美食)#屯門 V City1樓L1-8號舖

夏日野菜 x 壽喜燒 🍅🍲相乘創出夏日新滋味👉🏻 蕃茄壽喜燒😛😛夏天熱辣辣🌞酸酸甜甜嘅 蕃茄壽喜燒最啱🤤再配搭埋精挑細選過嘅夏日當造野菜有菌類、蓮藕、娃娃菜、秋葵等 加上新鮮蕃茄粒粒十分濃味 清新又開胃ଘ(੭´･∀︎･`)੭今次我地試咗日本產黑毛和牛🐮及北海道夢之大地豚🐖放題套餐配上蕃茄壽喜燒 清甜解膩嘆多啲和牛都冇問題🤪🤪๑日本產黑毛和牛๑澳洲產長期榖飼牛๑北海道夢之大地豚梅肉๑北海道夢之大地豚西冷黑毛和牛脂肪比例均勻、牛味香、肉質細嫩😛北海道夢之大地豚色澤粉嫩、肉味濃郁，肉質鮮嫩有彈性！自取吧都有多款精選蔬菜🥬、餃、丸、麵類有黃金蝦餃、蝦味丸、芝士魚豆腐等等必食日本紅心蘿蔔😛脆甜爽口另外一定要留肚食Haagen Dazs雪糕🍦同時令水果🍉依家仲有夏祭拉繩抽獎遊戲🤩勁有氣氛🎏有現金券🤩