佐賀山田 · 涮涮鍋 (已結業)

逢星期三AEON都會大減價 時不時都要黎入下貨 不過今晚比較夜先黎到太古 一於就試下呢到嘅餐廳 由於唔太想諗食咩 所以就搵左呢間主打任食嘅日式涮涮鍋！$249/1位 一人一鍋 呢到湯底真心高質 2個人黎就試到2個湯底！美顏玫瑰花膠骨膠原雞白湯 +$10打卡一流📸湯底有一大朵玫瑰花造型嘅湯底🌹而且湯入面仲有好多玫瑰 感覺非常之高貴 加上湯底入面有大量花膠 滿滿嘅骨膠原 相信絕對有美顏嘅功效廣島蠔味噌湯🦪🦪期間限定湯底 唔洗加錢之餘仲足足有5隻大大隻嘅廣島蠔入湯入面 不過記得唔好煮咁耐!任食以下四款牛肉🥩🥩🥩🥩澳洲黑安格斯牛板腱 最重肉味 🥩特選美國CAB牛肩胛肉 油花均勻 🥩特選美肩肉🥩精選美國牛五花 肥牛真係打邊爐必食另外仲有豚肉 雞肉 墨魚仔等等...自助區 有不少丸 蔬菜 菇類 更有極多飲品可以選擇 最後仲有雪櫃同蛋糕仔 建議一定要食玄米茶味雪糕 超重茶味💗除左火鍋配料 仲有小食炸物供應 eg日式章魚燒 珍寶炸帶子 明太子唐揚炸雞等等都相當唔錯 相信係即叫即炸 唔係凍冰冰嘅炸物整體黎講 呢間餐廳非常值得一試 尤其係係AEON瘋狂入貨完嘅你

收工行左去太古城，到晚餐時間去咗康怡嗰邊，諗住食放題，所以就搵了附近嘅呢間餐廳 - 佐賀山田，90分鐘放題，人均$300 幾我同朋友叫咗分別兩個火鍋湯底，一人一鍋，一個係骨膠原美顏玫瑰花膠雞白湯、蟲草花胡椒豬肚湯。食咗好多款唔同嘅肉，呢幾款都好好食，肥瘦均勻，影出嚟顏色顯示到間肥間瘦美國黑毛豚肉美國牛肩胛肉美國牛五花+牛舌飲品櫃佢哋好大個😆😆，有汽水、七喜、忌廉、菊花茶、紅茶、烏龍茶…… 食到今餐嘅最後就是甜品時間：我未食過右邊呢個雪糕，今次第一次食。都幾好食，呢個鹽味雪糕，顏色又colorful，係藍色食食吓冇睇電話時間，過咗90分鐘都唔知道😅😅 最後要佢地店員提醒左下要走先知，有點唔好意思，今晚食個半鐘頭真係一下子就過左😆

2023年 4月20日 下午茶（晚餐）約左女朋友出街，點解佢瞓到晏就先醒，打亂晒行程，唯有食嘢hea足一日。諗起成日喺社交平台睇到佢既下午茶放題廣告 ~ 佐賀山田佐賀山田 90分鐘下午茶放題推薦：收費：每位$118+10%太古地鐵站A2一出，直上商場3樓，環境企理，服務態度良好，客人唔算多，平日坐左一半都冇，兩人都坐4人位，舒服晒揀左個免費壽喜燒湯底，甜甜地唔錯，一人一個鍋，唔洗爭得三款免費肉任食，同埋有出面自助區美國牛肉：大大片，雪花尚算可以，唔喺千年殭屍肉，冇雪藏味，肉味重，涮幾秒啱啱熟好食，間唔中一盤有一片肥D。壽喜燒有粒雞蛋比，問左店員，可以生食，牛肉點蛋液一流豚肉：都唔錯，但對大片豚肉冇感，叫左一轉就算雞肉：好大盤，件件都有雞皮，唔算肥，肉質嫰滑，食一轉就算自助區有好多日本丸類，都唔差，主要都喺攞蔬菜，唔知喺唔喺日本產，全部都好鮮甜，粟米、南瓜都好正。仲有羽衣甘藍，食一盤回血再殺一堆牛先。食飽再食甜品，凍餅泡芙 放題款，好五六款。雪糕有自家製雪條 同 COCO berry杯裝雪糕，自家製牛乳雪糕唔差，達到甜品最高境界，唔甜 怕肥都趙殺P.S. 一分價錢一分貨，唔好期望太高就不

今日來試試屋企附近的日式火鍋放題。美國極品黑毛豚肉放題 $279放題有90分鐘。叫了set C，可以同時享用set A及B的食物。Set B主要是牛肉，set C是豚肉和海鮮。醬油吧日本櫻花蝦沙嗲濃湯壽喜燒風味湯底 (附雞蛋一隻)因為是一人一鍋的關係，兩個人可以叫兩款湯底，試多啲味道。櫻花蝦沙嗲味會比較濃郁一點，壽喜燒偏清新，配上鮮雞蛋一流。Set B - 特選美國CAB牛肩胛肉Set B - 特選美國牛肩肉Set B - 精選美國牛五花火鍋必食的一定是牛，可以根據自己的喜好選擇不同部位，牛肉花紋分布均勻，牛肉味濃。Set C - 蟹籽墨魚滑Set C - 北海道帆立貝肉Set C - 海虎蝦海鮮很新鮮，虎蝦肉質緊實。Set C - 極品黑毛豚肉黑毛豚肉肉質軟熟，豚肉味濃郁，完全不會比沙爹湯底蓋過。Set C - 牛舌十分推薦牛舌，肉質彈牙。建議不要煮得太熟，保留少少粉紅色，肉質會比較嫩實有咬口。蔬菜蔬菜有娃娃菜、油麥菜和唐生菜。另一邊還有其他火鍋配料。珍寶炸帶子唐揚池魚仔炸薯角除了蔬菜和火鍋配料，還有小食可以叫！飲品最後甜品還有雪糕、雪條和泡芙等等。

平時經過康怡廣場佐賀山田都見到好多人幫襯。既然老媽都想試下，今晚便帶她去試下。我們6:30pm前到，等了約5分鐘便被安排入座。我們都選了美國極品黑毛䐁肉放題，成人$269再加一，媽媽是長者，只收$219再加一。食物選擇多，90分鐘可任吃多款精選肉類，海鮮，蔬菜，不同火鍋配料，小食，甜品等，飲品也有多款任揀。日本博多雞白湯甜，完熟番茄湯清新。食物質素佳，衛生新鮮，用barcode落單方便，上火鍋料快，店員服務有效率，90分鐘有充份時間吃到滿足。極品黑毛䐁肉肉味鮮有咬口。美國䐁肉和美國䐁五花都正。除了豬肉，牛舌，特選美國CAB牛肩胛肉，特選美國牛肩肉和精選美國牛五花都好食。海虎蝦，蟹籽墨魚滑，北海道帆立貝肉，墨魚仔，纽西蘭半殼青口都要試下。小食我們喜歡珍寶炸帶子，日式章魚燒和枝豆。蔬菜新鮮，椰菜花，苦瓜，粟米仔，粟米，鮮菇，翠肉瓜，羽衣甘藍等都合我們口味。甜品的明治雪條好味。今晚吃得很滿意。走時門外有多人等位。

這個價錢嚟講算係咁，我一大2小來，$118 下午茶火鍋放題，包一份牛肉/豬肉/雞，小朋友就一定食唔哂，下次可以不點雞肉，因為雞肉太多雞皮，好彩我亦都唔係一次過要晒六碟肉。牛肉唔算靚但可接受。甜品選擇唔多，不過2款雪條都幾好食，咖啡機可以提供奶茶/朱古力/加個雪糕係上面都係一個唔錯嘅選擇。不過最開心係一人一個湯底。總括嚟講係合格嘅，店員服務唔算好好，但可接受。其實單點一份肉60分鐘放題已夠食，不過為咗食90分鐘，所以等2:30入座。

員工不考慮客人感受和香港市場。 座位不夠，建議盡快取消訂位和加設排隊名額。不要浪費客人寶貴時間沒有到點開始晚飯， 已經沒有位和不禮貌要求離開。 補充排了1個多小時，沒有人給號碼

黎到太古康怡食晚飯，選左位於3樓的佐賀山田打邊爐，原因係被餐廳的超抵食火鍋放題吸引，價錢$249就有齊火鍋配料、甜品同飲品任飲任食！店舖座位寬敞舒適，簡潔明亮！湯底選左日式廣島蠔味增湯同九洲風味豬骨濃湯！廣島蠔味增湯足足有5-6隻大大廣島蠔，每隻都好肥美鮮甜，令湯底更鮮味！而豬骨湯超濃豬骨味，骨膠原滿滿！湯底到後職員會立即送上唔同的肉類！首先有澳洲黑安格斯牛板腱、特選美國Choice牛肩肉、特選美國Cab牛肩胛肉同精選美國牛五花！澳洲黑安格斯牛板腱超重牛味，油脂分布好平均；而其他三款牛都唔錯，尤其係精選美國牛五花，肉質好嫩滑！除左牛肉外，仲有美國豚肉、特選美國雞腿肉同美國豚五花肉！雞腿肉好滑，完全唔韌；美國豚肉同牛五花食落好爽，豬味都幾濃！而海鮮一定要叫墨魚仔同青口，墨魚仔大大隻好爽口；青口同樣大隻好鮮甜！蔬菜好新鮮，有生菜、白菜、苦瓜、菇類、木耳、萵荀等等。亦有多款唔同的丸類同午餐肉，超多選擇！另外仲有生雞蛋、碎紫菜同白飯可以自製山田紫菜飯！飲品種類好多，包括汽水、汽泡水、果汁、茶類，甚至加錢仲有啤酒飲！當中飲左個翡翠檸檬綠茶都唔錯！甜品有唔同的一小口蛋糕、泡芙、糯米糍同雪條！超級推

AEON行完街見餓 就行上康怡廣場北座3樓食shabu shabu啦見佢新出左澳洲黑安格斯牛板腱 X 日式廣島蠔味噌鍋，所以試下。一人一鍋幾正，自己可以揀放咩料，唔洗遷就他人放咩材料。澳洲黑安格斯牛幾好食，牛味濃郁，而且油脂分佈均勻，食落嫩滑多汁，配上味噌鍋後，仍能保留原本的鮮味及甜味。湯底還會送上原隻日本廣島蠔，起碼都兩三隻，粒粒蠔肉好飽滿、又肥美!!湯底濃郁美味。另一個湯底，我們點了壽喜燒湯底，用來吃黑安格斯牛都啖啖滋味。醬料區炸蒜、蔥花...最正係仲有日本溫泉蛋!用黎撈飯、撈醬料都好正!配料區有多款丸類、瓜類、芋絲、腸類飲品櫃有多款飲品可選，包括汽水、茶、韓式飲品。另外，雪櫃內有多款菜、豆腐及日式小食，包括芝麻八爪魚及辣味螺肉。雪糕櫃有2款雪條及2款雪糕選擇，岩哂大食又心大心細既各位。

好日都唔會去太古，今日約左朋友黎打邊爐，試左佢既北海道牛之後，一試就愛上了。開頭見到佢店外有推介，本身對牛無乜特別喜好，點知食過返唔到轉頭，連平時好少食肉既我都encore左好多碟！係真正既雪花，非常重牛香味，唔太厚又唔太薄，入口即浴。就算食左幾多碟都唔會覺得膩！同場加映其他款式的牛：另外仲有海鮮提供架。自助區以蔬菜丸類為主，款式都多。食完仲有唔同款既甜品雪糕雪條添。推介佢地既牛乳味雪條，濃濃的奶香味，不自覺地食左二條。

📣📣佐賀山田 💰星期一至四 $249另加一近排天氣轉番凍，一於約阿仔落樓下打邊爐，暖一暖！♨️♨️♨️🫕🫕🫕餐廳好光猛又闊落，座位舒適，一人一鍋好自由咁揀自己鍾意嘅食物！90分鐘"放題" 七款精選肉類任你食個飽：1） 澳洲黑安格斯牛板腱2） 特選美國Choice 牛肩肉3） 特選美國CAB牛肩胛肉4） 精選美國牛五花5） 美國豚肉6） 特選美國雞腿肉7） 美國團五花肉澳洲黑安格斯牛板腱~ 牛味濃郁而且油花分佈均勻！肉紋好靚，肥瘦均勻！大大塊一啖口感一流！😋😋😋😋香濃味噌湯底配上原隻日本廣島蠔，蠔肉肥美飽滿！湯底味道既鮮又濃，打邊爐很不錯！🦪🦪🦪🦪🦪除了有QR Code 落單外， 有凍飲品櫃🧃🧋🥤🍺、蔬菜類櫃🥬🥦🍄🌶、甜品櫃🍰🍪🍩🍮、雪條櫃🍦🧁🍨🍧及不同種類嘅丸類、木耳、金菇及小食等， 今晚實行食過飽🤩😍🥰🤩😍🥰最欣賞店內有溫泉蛋供應！真係煮得剛剛好半生熟！🥚🥚🥚🥚🥚🥚阿仔同我食到超級飽！非常滿足

今晚同朋友去康怡廣場食晚餐，本來打算食泰國菜，怎知道店已結束營業，於是便去隔離新開的佐賀山田吃火鍋放題，等了5分鐘有位。火鍋火題有數款可供選擇，由$199至$499，豐儉由人，湯底也有特色和選擇多。我們揀了中等價錢的今期推介澳洲黑安格斯牛板腱X日式廣島蠔味噌鍋($249再加一)。個味噌鍋惹味鮮甜，裏面有5隻廣島蠔，蠔幾大隻，新鮮美味，不腥。澳洲黑安格斯牛板腱好味道，有牛肉味，質感佳，食落唔韌，我哋食咗好多碟。其他精選肉類，包括美國䐁肉，美國特選雞腿肉，美國䐁五花，特選美國CAB牛肩胛肉，特選美國牛肩肉和精選美國牛五花都不錯。如你愛吃肉，這個餐吃肉已值回票價。除了肉類，青口和墨魚仔都好食。我們欣賞這放題，因為除了肉類海鮮質素佳，蔬菜都好新鮮，有我們喜歡的唐生菜，鮮冬菇，金菇，芋頭，蓮藕，粟米，銀芽，木耳等。豆腐和響鈴都好食。丸子有多款，丸子控可以大飽口褔。小食我們推介珍寶炸帶子，唐揚池魚仔和唐揚炸雞。飲品放在雪櫃任飲，石榴汁唔錯。雖然好飽，忍不住食埋雪條和泡芙，明天再減肥。店座位舒適通風佳，落單後上火鍋料快，90分鐘放題有足夠時間吃個夠。兩個人吃飽飽，人均消費$270左右，抵食好食。

係太古行完街食咩好呢，今晚去到康怡打邊爐。嚟到都門口見到佢哋做緊澳洲黑安格斯 味噌廣島蠔湯，每位$249依個價錢咁抵食，當然要試吓。一坐低上咗堂就會送上包左三款牛肉，有澳洲黑安格斯牛板腱、牛五花同牛肩肉。湯底入邊足足有五隻廣島蠔，肉質飽滿，攞嚟食或者繼續喺湯度播煲都可以提升鮮味，用嚟煮菜同面就更加鮮甜。自助區有擺放蔬菜類、丸類、前菜沙律、醬料區、甜品同飲品。試咗各款特色丸類，包括魚腐芝士豆腐貢丸，我最中意芝士流心雞肉丸，台灣黑椒腸好巨型又幾好味。QR code 落單嘅會有牛肉、青口、墨魚仔同炸物熟食、炸雞薯角枝豆等等甜品櫃有朱古力泡芙、mousse cake、朱古力蛋糕，不同口味嘅明治雪條，滿足唒甜品胃。環境乾淨企理，食物擺放衛生，餐廳通道夠寬，出去攞嘢食都唔會人逼人或者跣親。好適合同朋友或者屋企人嚟輕輕鬆鬆食一餐

呢排太古區做嘢，lunch time 想打邊爐但我地得兩個人，太古區除咗溫x菜，另一個選擇就係 佐賀山田涮涮鍋。呢間餐廳位於康怡北商場，是一家以涮涮鍋為主打的餐廳。這裡有promote未來牛。不過我點了普通牛，味道也十分不錯。這裡的用餐方式是任飲任食，每人一鍋。雖然選擇不算多，但足夠滿足飢腸轆轆的胃口。我特別鍾意任飲可樂，讓我可以盡情暢飲。除了美味的食物外，這裡的環境也很舒適。店內裝修簡約大方，氣氛輕鬆愉快。此外，服務員也友善 helpful。Overall, 普普通通，但係如果想喺太古區食一人一鍋,呢一間都係唔錯嘅選擇。

前幾日去完呢間位於太古嘅「佐賀山田」一人一鍋火鍋放題店，整體用餐體驗良好，同大家推介下～ 餐廳位於康怡商場裡面，連接地鐵站、非常方便。餐廳裝修雖然簡簡單單，但檯與檯之間唔會太窄，喺火鍋放題店裡面算係頗舒服嘅！餐廳呢期做緊呢個主打「黑安格斯牛板腱」cross over「廣島蠔味噌湯底」嘅主題（$249），咁啱兩樣都係我嘅最愛，梗係要試下啦！另外仲可以試埋其他6種肉，當中嘅「USDA Choice牛肩肉」同埋「美國CAB 牛肩肉」都係牛魔王回本之選！啲牛肉攞上黎就知道好新鮮，牛肉同脂肪比例唔錯，所以好好食！而啲廣島蠔好鮮味爽口，亦令到湯底好甜！呢度嘅丸類、蔬菜都係喺出面任攞，擺得好整齊易睇。值得一讚係佢哋啲丸類有個蓋，感覺比較衛生！飲品選擇都好多，比較驚喜嘅係呢度有OOHA無糖汽水，便利店賣一罐都幾貴架！甜品有個專門甜品櫃擺，裡面有啲泡芙、蛋糕仔，但我最後都係俾呢個主打日本雪條嘅雪糕櫃吸引左。佢地嘅明治雪條任食，好正呀！呢間火鍋店食物高質，價錢合理，值得一來！