何必館 (已結業)

如果大家有研究，都知呢間其實係灣仔福記🤣🤣水準當然有返咁上下啦！呢個蜜汁真係幾特別，佢個汁其實係似叉燒汁，甜甜地所以作為前菜都幾開胃！呢個雞潤煮完之後口感硬硬地滷水牛展例牌！個質感好林得來又有口感，滷水嘅火候啱啱好，唔會太鹹又夠味！食落有啲麻油嘅味道半肥瘦叉燒係水準之上呢個成為$320一位嘅蛋白蒸蟹鉗！點解佢咁貴？因為個蟹鉗真係好大好大！蒸蛋白都好大份，而且蒸嘅火候冇得頂！非常之咁滑溜，仲彈下彈下咁架呢個生菜鴿鬆特別，但係我又唔係太大興趣，叫做試咗啲新奇野呢個蚊牛筋腩都幾搶手！牛腩溫度好林而且唔似牙，牛筋亦都好有口感彈牙，但係又唔會太硬！個蘿蔔亦都係有牛腩汁嘅味道又夾雜着蘿蔔嘅清香炸子雞好滑口荷葉蒸雞更加冇得頂，好多配料一齊整，有厚嘅冬菇，木耳，同埋金華火腿非常之足料！最後如果大家唔知甜品食咩好，我就非常之推介呢個茶果！佢個皮超級煙銀但係有軟熟！個紅豆餡亦都好香好滑！為呢餐晚餐畫上一個超級完美嘅句號依家睇返都好想食呀真係！！！！

早前係FB見到有關佢地的報導廚師的故事相當吸引這係咪我們一行四人決定去豪一次一到步就跟其他餐廳一樣量體溫 之後好快就安排入座可能我們較早入座 所以人不算太多釀焗蟹蓋 必食之選!炸到香口 蟹肉仲有肉汁同香味 好似將成隻蟹精華放晒入去...過左二日諗起都流口水脆皮炸子雞皮脆肉𣙙 連骨都入埋味又不至放過鹽 喜歡食雞的一定要試下因屋企人鐘意食魚 所以問下伙記有咩推介介紹左這條海東星斑 我自己對魚沒有研究但屋企人食得出是海魚蒸的時間剛好我只覺得佢 D豉油好出色 可以用嚟送二碗飯最後仲有燉湯同甜品餐飯唔算平 但我地一行幾人食得都幾開心耐不耐去豪一下 當幫自己打下氣

相約好友到私隱度高以及獨立廂房 嘅何必館， 簡約嘅中式裝修乾淨舒服。 地點位於灣仔， 不難找。 食物方面其中 令我最印象嘅係花膠湯味道濃郁花膠超大塊，也夠厚度 六個月嘅乳豬亦都好嫩滑 甜品方面蓮蓉茶果非常有驚喜， 皮薄餡靚唔會太甜

即燒乳豬超正，皮脆肉嫩，冇得輸！👏👏👏 蒸魚滑溜，其他菜式食材新鮮，餐後甜點有不常見的黑芝麻卷、蒸紅豆茶粿、多款美味糖水😋😋😋。服務人員殷勤招待👍👍。值得再度光顧的食店。😍😍😍