你妳 (已結業)

中午行開經過，見到有得外賣台式野食$53左右有一個set lunch + 飲品 都幾抵食叫左個 🔅夜市鹽酥拼盤便當 + 珍珠奶茶台式香腸 - 唔太乾身，食落有汁，juicy既甜不辣 - 夠煙靭，入味其實呢個價位，個飯盒咁多餸，同區黎講算係咁啦，平時去買杯珍奶都要廿幾蚊啦

叫咗個綜合巨無霸 係仙草凍（招牌凍奶茶底）$51個樣好靚🥳 啲芋丸🍡真係超巨好大粒😳😳😳有成六粒六粒都唔同味道，唔同顏色，打卡一流📸有🍓士多啤梨味 芝麻味 🍠番薯味 🥥芋頭味 🍫朱古力味同埋🍈蜜瓜味，落單嘅時候店員話要等15分鐘，其實每一粒個味道都好出，但係食晒咁多粒，每一粒中間都係未熟😑 可能真係太大粒😮‍💨等於平時啲芋圓嘅四粒黐埋一粒咁大🙈 值得一讚嘅係個仙草底好好食，好滑好香仙草味，而且個奶茶底☕️都好夾，唔會死甜，兩個人食一碗其實都好抵，但係建議戶縣自己攞返屋企再煲下佢😂

行過點咗一份大芋圓仙草、芋泥蛋餅同一杯台飲，收曬錢個女職員先話「大約要等20分鐘㗎喎」，咁錢又俾咗我：「係咪20分鐘內會拎得？」佢答我係，咁就15分鐘後再返去拎。15分鐘後再等等等，等到由俾錢起計成半個鐘都冇聲氣，又走了問一問。個男職員話「做咗㗎啦！」再等五分鐘我見佢枱面都係得果杯一早沖定嘅台飲！我問「係咪未整㗎？未㗎幫我cancel啦等太耐啦」呢個時候另一個職員先放塊蛋餅去煎，另一個就去不啲仙草。做生意嘅，你做曬外送嘅單先都算，你做唔切就唔好呃人話做好曬啦！賺多過幾十蚊，係度呃人等，話二十分鐘，最後等咗40分鐘！有枱有凳但只做外賣都算！餐具唔齊，仙草又冇俾到奶！封膠面嘢飲又冇飲管！唔係話唔做環保，但係條街到好難搵嘢整開塊膠飲。最嚴重係件蛋餅嘅芋泥硬到成舊芋頭咁，明顯係煮唔切！唔明點解應付唔嚟要咁樣去欺騙顧客，坦坦白白，係收錢前講好要等幾耐唔得㗎咩？

🇭🇰你妳🇭🇰#foodxxe_台灣#foodxxe_紅磡#foodxxe_小食有一排好想瘋狂食#台式三文治 點知發覺唔易搵到🥺之前book mark左呢間好耐！終於試到🥰😍/🌟整體🌟✔️價格偏便宜 大件夾抵食😍✔️超多唔同款嘅#台灣小食 🤤❌只有外賣 唯有攞去海邊食🙈🐮1. 芋泥白兔糖麻薯#三文治🐰✔️真心好大份 兩個人share食岩岩好🤩✔️#吐司 有烘底 較曬脆口 唔會太單調✔️#芋泥 濃郁 食到一粒粒#芋頭 😝✔️#白兔糖#麻薯 偏似#牛奶凍 牛奶味好重 滑捋捋❌但唔太煙靭 同佢麻薯個名唔太match🤣 亦都偏甜評分：4.5/5🧀2. 芝士玉米蛋餅🌽❌好硬唔好食🥺❌食唔到有#芝士❌賣相都唔吸引評分：1/5🥤3.飲品🥛我叫左：❤️ 芋泥珍珠#小芋圓❤️#高雄#紅茶 小芋圓✔️兩杯都只係加$15 好抵飲✔️質素正正常常/大家有冇好食嘅台灣餐廳推介🥺🥰好想食好多好多台式三文治🤩回頭指數：4.4/5
食物質素：4.4/5
性價比：4.5/5 人均消費：HKD60📱搜尋:#Foodxxe_你妳💻分類:#Foodxxe_restaurant多謝您睇到呢道❤️#HKfoodie#HkGoodWest#GoodWe

今次外賣點左呢間位於紅磡既「你妳」，本身見到餐廳套餐好多選擇，點知就係中伏既開始首先我叫左份二人精選套餐魯肉飯超級驚嚇，一打開個顏色以為發左霉味道就係肉碎鋪係面，無咩味，食左兩啖已經超唔想食加錢叫鮮蕃茄蒜香牛肉麵黎錯左，比左個原味我芝土蛋餅黎到又硬又無咩芝士味，激氣最好食只左氣炸鍋都整到既台灣香腸同酥炸甜不辣澎湖花枝丸表現一般白桃冰烏龍茶已經係成個餐最好味既，真可憐金鑽鳳梨𣲙綠茶好似藥水味超級失望，呢間餐廳無下次！！

今次就黎到紅磡試下人氣台式吐司外賣小店你妳😉佢地有幾款套餐都幾抵食所以買個外賣坐低食下先😎🍴肉鬆芋泥吐司吐司真心幾大份 係會食得飽肚的包身烘到外面脆卜卜芋泥綿密得黎唔會太甜肉鬆份量都幾充足不過食到中間會覺得有啲乾如果整體濕潤啲會更好🍴芝士玉米蛋餅餅皮煙煙韌韌中間有芝士，玉米粒同蛋塊趁熱食特別好食🍴金鑽鳳梨綠茶唔會係死甜嗰隻鳳梨味都幾清新茶底味道偏淡🍴魯肉飯魯肉飯中規中矩醬汁鹹鹹香香份量很大 但就咁食有啲寡建議都係加番啲配料食會好啲🍴仙草2號有齊三色芋圓+小芋圓+水晶 材料十分豐富不過其實食完會吐司已經七分飽食埋呢碗就十分飽了芋圓水晶夠Q彈煙靱 不過原材料既味道唔算突出甜度岩岩好 好岩夏天或初秋食📍你妳 You You紅磡必嘉街103-105號寶石戲院大廈地下L號舖

𝙱𝚘𝚘𝚔𝚖𝚊𝚛𝚔 左呢間小店好一陣子睇相見到佢嘅芋泥吐司好吸引結果親身試過之後大失所望(つ .•́ _ʖ •̀.)つ-♡︎肉鬆芋泥吐司 $𝟺𝟸首先同𝙾𝚙𝚎𝚗𝚛𝚒𝚌𝚎 睇到嘅照片相比我呢份肉鬆嘅份量明顯有分別完全冇相中嘅爆餡效果～至於芋泥，份量都幾充足嘅但味道過甜，而且係死甜芋頭味欠奉ᕕ༼✿•̀︿•́༽ᕗ食飽左但完全唔滿足個種感覺你明唔明⋯⋯-唔知呢度嘅鹹食質素如何但芋泥吐司就真係唔推薦了～

台式餐廳啲麵通常都好好食 (唔係刀削麵)🤣 但係好有咬口好正正子🥰 藥膳排骨湯麵 (手工麵條) 呢個排骨麵又幾好食喎😎 啲肉軟林林 超易咬！個湯底又好似幾健康咁 啱唒想食台灣野又驚卡路里超標既女人👩🤣 (雖然小編唔知呢個藥膳湯底卡路里會唔會少啲😝) 唔好炸嘢嘅客人都可以揀呢個餐😍🥰台式滷水雞扒 可轉乾拌麵朋友食嘅滷水雞扒都好正😎 仲有半舊雞蛋🥚 雞扒上晒色可見非常入味🍗 仲有啲小滷肉係個麵上面，撈埋底啲汁朋友表示一流😝炭培烏龍珍珠奶茶 跟餐加$8呢個珍珠奶茶就有啲失望，完全冇味😫同埋太多冰 唔建議大家特登加錢飲珍珠奶茶~~聽講佢哋嘅芋泥吐司同仙草甜品都好出名🤪 下次有機會試下先!! 有機會都會再回頭😋

之前已經試過佢地嘅鐵路便當外賣，覺得相當唔錯❤️最近見到佢地出咗幾款套餐，睇落好抵食喎😺見咁多人打卡讚佢地嘅招牌吐司，今次一定要試下先😋可以WhatsApp落單，非常方便，雖然即叫即造，但落完單後10分鐘左右就有得取了，好快手👏🏻3號套餐 ($65):🥪肉鬆芋泥吐司 - 賣相已經💯分😻厚厚嘅吐司外脆內軟，夾有味道濃郁，綿密香甜嘅芋泥，同份量爆多又惹味嘅肉鬆，估唔到一鹹一甜味道會咁配合，有驚喜☺️另外建議可以兩人share食，因為食落真係好飽肚🙊🤎仙草1號(三色芋圓+紅豆+水晶) - 材料十分豐富，有充滿嚼勁嘅三色芋圓，口感順滑嘅仙草，質感軟綿嘅紅豆，同Q彈嘅水晶，食完超級滿足😚雖然紅豆本身偏甜，但連同其他配料一齊食，甜度就變得岩岩好👍🏻🧋白桃烏龍茶加珍珠(+$3) - 白桃味香甜突出🍑烏龍茶濃度適中，珍珠咬落煙韌👏🏻🌯芝士玉米蛋餅 ($36) - 好鍾意佢煙煙韌韌嘅餅皮，夾有大量芝士，玉米粒同蛋塊，鹹鹹香香有咬口，熱熱地食特別好食😍本身想試埋佢地評價甚高嘅韭菜腐皮卷，可惜已經賣晒了，唯有下次再試啦😺整體黎講係好特別嘅體驗，鍾意食台灣菜嘅朋友仔不防一試💁🏻‍♀️

呢度最吸引到我嘅 一定係佢哋嘅人氣爆餡台式吐司🍞肉鬆芋泥吐司真係好正💕兩個配料都分量十足🤩肉鬆嘅鹹香味 再加埋清甜嘅芋泥 鹹鹹甜甜嘅味道 真係好好食😋吐司烘到脆卜卜 整體口感好豐富～～

芋泥吐司 現在四圍都有得買，但是有白兔糖的芋泥吐司 真的沒有吃過，聽到都覺得特別 即刻好想試。芋泥白兔糖麻薯吐司：芋泥的顏色不像加色素，麻糬煙韌，不過整體略甜，可能要加白兔糖的關係。一份吐司兩個人吃，都幾飽肚。

細細個最鍾意就係食白兔糖🐰唔到呢一間台式餐廳🍴有一款台式吐司用咗白兔糖嚟做主題 將芋泥麻糬吐司包到一粒白色糖咁🍞芋泥綿密清甜 麻糬口感煙靭 再加埋烘到香脆吐吐司 口感好正💕

平時食開嘅台式芋泥吐司🍞多數都係甜味 但係呢度竟然有鹹味✨即刻嗌咗嚟試～試咗芋泥炒蛋芝士吐司 包身烘到外面脆卜卜 內餡嘅芋泥綿密香甜 再加埋炒蛋同芝士 口感都幾豐富🥚🧀

呢一間台式餐廳🍴最吸引到我嘅一定係佢哋個紫薯白兔糖鮮奶麻薯吐司🍞真係好有童年嘅回憶 成粒白兔糖咁🍬吐司烘到脆卜卜 內餡包住勁厚嘅牛奶麻薯同清甜嘅紫薯 食落個味道都幾夾！

超值招牌套餐1號$45咋！我覺得好抵食！夜市鹽酥拼盤便當有台灣香腸、芋頭海鮮餅、甜不辣、滷蛋，仲有個台式飲品，我叫咗冬瓜茶！除咗飯個汁我覺得鹹咗少少之外，其他嘢我都覺得好好食，尤其是係個甜不辣！口感好好！台式飲品雖然係送，但係唔會係死甜嗰隻