佰天麻辣串

營業中

休息中

放工時，朋友突然來訪，我臨時決定買些涼伴，並準備了一條魚和一份青菜。這次我買了六款涼伴，讓我們的晚餐更加豐富。### 麻辣雞腳雞腳煙韌有咬勁，搭配麻辣香料，讓人忍不住一口接一口。### 涼拌豬肚切成細條的豬肚肉香四溢，口感滑嫩，十分誘人。### 口水雞中翼這道菜的雞翼皮爽肉滑，鮮麻的味道讓人食指大動，令人垂涎。### 蒜泥白肉蒜香和醋香交織，再加上麻香，配上白肉，不僅解膩，還非常下酒。### 泰式酸辣鳳爪這道菜的酸、香、辣完美結合，沒有骨頭的雞腳特別開胃，讓人欲罷不能。### 涼伴豬耳切成絲的豬耳軟骨與脆口的搭配，加上醬汁，無論單吃還是配菜都非常美味。「佰天」的涼伴充滿了各種風味，讓我這沒有準備的聚會變得輕鬆自在。

今晚去咗朋友屋企作客，佢哋響佰天叫咗好多外賣。位於柴灣道樂軒臺既佰天麻辣串，老闆娘係貴州人，出品非常地道，用料上乘。一間會食上穩既川味小店。麻辣雞腳，味道濃郁，辣得過癮；雞翼尖香辣可口，肉質嫩滑。涼拌豬耳同豬肚更係開胃，搭配上蒜泥白肉，蒜泥超香，肉片又薄又爽。手拍青瓜清新又解辣，絕對係個好選擇。佢哋嘅麵食配搭，有超過60款配菜、肉類及丸類可以選擇！你可以自由配搭，無論係寬粉、米粉，番薯粉.......，定係各式各樣嘅肥牛片、肉類，真係好似車仔麵咁，自由選擇加料，非常靈活。如果你唔太鍾意辣，仲可以選擇清湯，真係照顧到每一位食客。辣度由BB辣到大辣，無論你係辣嘅愛好者定係新手，都可以揀到啱你口味的。每人幾十蚊就可以食到好飽，性價比高到不得了，真係好過癮！附近街坊一定要去試下佰天麻辣串，你隨時會愛上佢哋嘅辣味！

幾抵食，不過最少五樣起，但都好平，反到屋企一打開勁大碗，粉絲唔錯，不過叫左中辣有d多紅油，味道唔錯，理個價錢餸算多，cp值高，不過肥牛就唔太抵食，勁碎又少，同可能湯好熱肥牛都hi口，不有下次。

今日做野夜左，又未食嘢，但好多舖都收晒唯有襟吓啲外賣apps 搵食見到呢間麻辣嘢，雖然住附近但又真係未試過佢個麻辣燙，見又有套餐就膽粗粗叫嚟試卜一外賣好快就送到，套餐可揀六款麻辣串+麵底+可樂，都幾抵！而且打開賣相都比我預期嘅好試埋味道都唔錯，好夠辣！我只係叫左BB辣好弱叫咗：雞翼、豆皮、萵筍、海帶結、麵筋同腩肉配埋公仔麵底原來又係一個幾合拍嘅配搭

外賣送漏嘢仲大條道理打電話去傾，叫佢送返死都唔肯送，話咩下次補返，咁咪即係要我再幫襯你？傾唔掂，一句賣晒就cut人線，再打返去仲要繼續鬧人一句「我送漏係我唔啱」就大晒？祝早日執笠

伯天麻辣串夜晚嚟到呢度拎外賣，一去到門口就見到有好多人去排緊隊，好彩嗌咗foodpanda先唔使等🤣自選麻辣串（$36.3)呢個麻辣川至少要嗌五送，我就嗌咗萵筍、海帶結、肥牛芫荽、雞肉、金錢肚、川粉。辣方面就去叫左中辣，唔算好辣。川粉得幾條唔算太多，不過都幾好食幾煙靭。海帶結有少少腥味，但有中辣都可以遮住啲味。個麻辣湯拎到返屋企都仲熱辣辣，睇得出係即叫即煮👍🏻舖頭仲有其他嘢食，有機會都可以試吓😋

麻辣串配料有多款選擇，最少5串起叫。今次叫左豬紅、豆卜、冬瓜、秀珍菇、豬頸肉飯+川粉推薦川粉，系闊身薯粉，口感煙煙韌韌，吸哂麻辣湯底既味道。湯底建議食唔到辣既朋友可以叫bb辣，因為試過清湯同加辣既分別真係差好遠，加辣先惹味！