佳記小食店 (已結業)

行過見到太多人幫襯，但係見到d燒魷魚鬚勁香，男友不想等, 打算去第2間, 即係後面個間叫,但係我見到後面個幾間都無呢一間咁香, 就算啦, 等一兩分鐘都算啦!但係我地排頭位都等左5分鐘都無人理, 仲要同佢講左2次要燒魷魚鬚最後終於忍唔住, 問佢: 仲要等幾耐?佢好傲慢地答: 你唔問, 我點知等幾耐呀? 要幾多串呀?嘩~洗唔洗咁串呀? 我企係度咁耐, 唔係咁無聊睇你夾炸魷魚鬚比人呀? 貪熱咩?真係火都黎囉!!! 你咁串, 我以後都唔會幫親, 仲叫人都唔好幫親!!!燒魷魚鬚---係好爽脆, 好有口感, 味道又係唔錯, 但d人真係好唔掂!

一開始以為佳記都會有好多食評~~點知人丁咁單薄呢間佳記都算佔據有利位置了~~所以很多人吃都正常~~~不過就是太多選擇~太多油~~唔知衛生如何~~是令人卻步~不過有炸魷魚鬚後就不一樣了~~每次都在遠遠就引了我買~~就算明知份量不多~~很熱氣...仍然是豁出去~~!!!!因為太好食了~~差唔多次次都要一包!!!不過有時都要有運~~因為熱會好食好多~~本來十一蚊一包~又通脤了~~加了一蚊~十二蚊一包~~ps: 燒魷魚鬚都食過一次~不夠炸的惹味~!

去MK,實會幫襯佳記炸魷魚鬚($12),其實醬燒魷魚鬚都好食,但我比較鍾意香口野.佳記o既炸魷魚鬚勝在夠新鮮,次次幫襯都o甘脆口.我有次仲忍唔住,傍晚6點幾,買左包炸魷魚鬚上左隔離sony ericsson 維修中心等攞手機,引來數以百計艷羨目光,真係罪過罪過......不過佳記o既牛雜就......可以不吃.

食完餐晚飯，竟然即時去掃街 先掃的是佳記，友人推介這裡的椒鹽酥炸魷魚，剛好新鮮熱辣辣炸起一大埋，二話不說要了一包 ($12)薄薄的炸粉包著大大條魷魚，熱辣辣，味道略咸，一包約有十數條，幾抵食!下次路過定要試試醬烤魷魚呢

行過見到都有好多人幫襯，見到d燒魷魚鬚幾香，叫咗一串辣嘅。咬落夠爽脆，個辣汁幾香，味道唔錯。

日期：二零零八年五月三日時間：下午二時三十分地點：佳記小食店人物：我、他食物：臭豆腐、酥炸魷魚鬚旺角的小食店如恆河沙數，但卻良莠不齊，簡單如臭豆腐和魷魚鬚，也未必容易遇上好吃的。雪糕車是未食其味，先聽其聲，而臭豆腐則是未食其味，先嗅其「香」。好吃的朋友往往沿「香」而尋，希望覓得美食，然而，礙於香港社會環境變遷，臭豆腐也要「自我增值」，不是要變得「好食」，而是要變得「唔臭」，否則食環環等部門必定找上門。佳記的臭豆腐也是「增值」後的臭豆腐，而味道也是臭豆腐的味道，畢竟臭豆腐很難有別的味道，只是佳記的醬料除了分辣醬和甜醬外，也把辣醬分為咸辣醬和甜辣醬，你可能會說：「車！有幾奇喎！」這的確可能不是甚麼驚世發現，但在這個多加一小匙醬料也可能遭受白眼的年代，佳記如此「大方」和有誠意，可算難得。此外，酥炸魷魚鬚也算是誠意之作，即使在旺角這個小食店林立的地方，要吃上有水準的炸魷魚鬚也並不容易。因為不知從甚麼時候開始，小食店都喜歡上了「鬆脆」的炸粉，他們喜歡把魷魚鬚包上厚厚的炸粉，炸後的魷魚鬚變得圓圓粗粗，大有只見其粉而不見其鬚的感覺，食之無味。而佳記的魷魚鬚不但沒有厚厚的炸漿，而且堪稱酥炸，既香且酥。

食過清湯腩，當然不夠喉。順步走過嚟旺角，買一件臭豆腐食下...水渠道嘅出品已今非昔比。呢度嘅又如何?皮炸得頗脆，內裏質感亦頗軟，亦食得出嗰種酸酸臾臾嘅味道。但都係嗰句: 依然唔夠臭..要揾番小時侯嗰D隔幾條街都臭到暈嘅臭豆腐? 難矣...

小弟百無禁忌,新年流流,臭豆腐照食.路過登打士街,比一股"臭氣"吸引過來,小食店門口被人重重包圍,原來大家正在同臭豆腐交個朋友.人流多之關係,所以每個人手上的臭豆腐,也是新鮮熱辣.聞落就臭,一食,就現形.一點也不覺得臭,如一件普通的炸豆腐.即炸之關係,吃落又幾香脆鬆化,當其為一件炸豆腐,會比較像樣.連臭豆腐也可做到流於表面.好一個"糖衣陷阱"這陷阱!這陷阱!偏我遇上..

由好怕臭豆腐陣味，到陪老婆食，直至宜家鍾意食，都係發生在呢間擠迫既小店門前. 通常老婆會加甜醬，辣醬，豆瓣醬，好味. 因為人流太多，佢地有時要預先炸定D臭豆腐，所以會唔夠熱.

呢間店成日都堆滿人，其實係地點問題，食物好一般。要左４件小食同一隻炸脾。小食：炸得幾香，不過面頭既魚肉好易分開，蕃薯餅切得厚得滯，食落實實地，冇蕃薯香，而且佢冇比豉油，唔多好。炸脾：炸粉過厚，但加左黑胡椒落去炸，所以幾香，不過肉質幾乾，少少鞋，唔得。

平時見好多人食，所以又買了一串來試試。D燒汁好惹味，甜甜地，不過如果再多少少會更好。魷魚鬚屬中等粗，不算太韌，好嚼頭，有d位又會淋少少。不過同之前有d食評所言，燒過火，有"火農"味。又買了五蚊四件炸茄子。size ok, 魚肉都算多，無骨，不過無咩味。仲有一個好處就係唔係太油，唔會一咬就成口油。

同朋友仔掃街，見到好多人買呢間d燒魷魚鬚，於是買左串試下。睇個樣好似好好味同好大串，但食落發覺d"火農"味搶曬d魷魚鬚味，但d燒汁都ok既。

昨天在旺角行街, 在家樂商場對面的有一當叫"佳X小食"的店舖,他們應該是出名那些燒魷魚鬚的小食的,我就是看見他們的店員在那個燒魷魚鬚的燒爐上不小心弄跌了一串魷魚鬚鬚在地上,那店員就把它拾回交回店內的人,示意那串魷魚鬚曾掉到在地上的,那時候我又在食著魚蛋,一心想著好奇想知他們會怎樣處理那串魷魚鬚啦,那麼我就站在旁邊看著, 見店內的人員把那掉在地上的魷魚鬚放在和未燒的魷魚鬚一起, 隔了一分鐘左右, 店內的人又再把那曾經掉在地上的魷魚鬚放在那燒爐上買給其他食客啊~~~天呀,之前也會知道那些街邊小食是有一定程度的不潔,但想也想不到自己會親眼看見掉在那條街上的小食也可以當無事發生的再賣給其他人... 實用太嘔心了

早一排行開呢頭, 行行下見到呢度有勁辣魚蛋, 賣相唔差好吸引下喎, 忽然間好想食, 師傅就決定埋去買一串試下啦!一串魚蛋有六粒, 咖哩汁非常香而且真係好辣, 淨係個汁都超惹味, 加上魚蛋爽口彈牙, 非常好味, 本來想要多一串, 不過為免夜晚食唔到野, 師傅唯有留待下次啦!總括黎講呢度個勁辣魚蛋真係值得一試, 夠香夠辣, 呢一區都係賣五蚊, 完全係勁抵食, 下次一定會再黎, 或者可以試下其他添!

朋友話一定要食栗米, 所以揀左芝士煙肉栗米.栗米係撈左沙律醬唔係就咁一粒粒, 煙肉唔係長條型好肥果隻, 似圓咕碌切片, 片片都好厚好大塊, 係咪靚野就唔識食喇. 但芝士就較孤寒, 只有兩少塊食呢個野都幾輪盡, 尤其去到底時, 不過愈底愈好食, D 醬呀送呀都積哂落去.個皮就一定冇ICHIPAN 果D咁好而且太薄所以好易爛(不過冇咁飽).但價錢平好多.PS...唔記得個鋪頭名個地址就係咁上下, 希望冇記錯啦