佳記甜品 (已搬遷) 新店位置

成日聽人講b仔涼粉......？🧐乜黎嫁？點解咁出名嘅？涼粉咋喎，可以有幾好食呀？（我個人唔鍾意食涼粉😅）我唔係扮野，我係上年先知原來「佳記甜品」就係食b仔涼粉嘅地方，b仔涼粉係呢度其中一個signature，大大碗 - 涼粉上鋪滿好多新鮮生果，可以幾個人share 都未必食得晒，應該係新鮮而且大件夾抵食，因此而聞名。亦因此好多人會叫呢度做「b仔」😆所以用「b仔」係喺OpenRice search 唔到嫁！我都係「b仔」fans之一♥️因為為佢個蒜辣雞翼尖⭐️⭐️⭐️⭐️⭐️太好味道，我一個人可以會兩碟嫁！

今日特登黎元朗搵朋友拎手信，之後佢帶咗我去附近甜品鋪頭食甜品.地方唔算太細，同朋友講嘢唔需要太大聲，環境唔錯坐得舒服。對伊間甜品鋪頭印象唔錯，值得回味。我哋叫左三份甜品，份量都比較大以及好平抵食。

經常都有聽到人講元朗的B仔涼粉，但元朗對於九龍人而言實在係太遠了，難得今晚有屋企人去元朗，當然要叫屋企人外賣甜品返黎食下屋企人買完拎返屋企差唔多要一個鐘再多少少，不過最近天氣咁凍，所以返到屋企都唔洗再放入雪櫃，直接一齊食B仔涼粉（$78）真係好大兜，雖然係有啲貴，但三個人食都夠仲有剩，而且水果好足料又有唔同款，香蕉同埋荔枝都覺得唔錯另外屋企人再叫左芒果西米露（$30），食第一啖覺得無咩問題，跟住咬埋啖芒果就，芒果太酸，食完仲會有少少苦味，一碗最後食唔曬，都幾失望整體而言，B仔涼粉勝過芒果西米露，因為芒果的關係，所以我決定評價不能再高了，希望下次再有機會食可以試到又甜又多汁的芒果肉。不過B仔涼粉真係好大碗同埋多水果，我認為起碼都要兩人以上先可以食晒。

B仔涼粉 從來覺得B仔涼粉的價值在於視覺上的震撼多過味覺的享受看到這麼一大盆，先來個“哇”一聲。😱B仔涼粉的材料製作不算複雜，亦不副什麼技巧（或者涼粉的製作有吧），只是將不同種類的生果和涼粉切粒堆切而成（堆切功夫少不了，不然怎能堆得滿滿也不倒塌？）。雖然材料簡單，但賣相確實吸引！生果新鮮清甜（有少部分生果，如椰果應該是罐頭的，不過這也能理解，因為不是每款生果也長時間當造）。涼粉很爽，軟硬適中，而且糖水也不會過甜，整體來說配合得不錯。相信真材實料，價錢合理，是持續令B仔涼粉首歡迎的主要原因罷！會繼續支持呢！😊

同friend番完大陸落返黎，突然有d想食糖水，就幾條友仔走左入去元朗B仔食宵夜!!黎到已經超級多人企曬係到等位,我地都等左大約15分鐘先有位坐低1⃣️坐低即刻拎起餐牌點野食 點完糖水再點左d小食腸粉超邪惡 佈滿甜醬同麻醬 腸粉都幾滑呢到最出名既雞翼尖本人就唔食的但朋友話冇之前咁好食 味道大不如前芝麻糊 甜度適中 呢個過得去芒果沙冰 份量多到就黎🈵️瀉但味道偏酸 好明顯芒果唔夠靚呢碗野好水汪汪 生果配料又少 豆漿冇麥特別 最正常不過

我知道有好多元朗人都唔食b仔，不過我鐘意食呢度ge雞翼尖。通常過來都是去教育路分店，覺得嗰間比較多位，坐得冇咁迫夾。不過呢今次比較近呢頭，所以隔硬黎呢間。呢邊好多遊客，唔知係唔係啲店員招呼得遊客多，真係冇乜禮貌，態度非常一般你要明白店內位置雖然好多，枱櫈擺到密密麻麻，又冇安排個位置比客人等位，又冇派飛仔，咁梗係企喺啲枱隔離㗎啦，阿姐又大聲夾惡話阻住佢。生意真係唔憂做。除咗糖水，呢度仲有唔少小食，例如腸粉、雞翼尖、魚蛋、蘿蔔等等，以前就真係幾平，咁而家都加左價。但問心嗰句，其實都真係唔算貴B仔雞翼尖:我不嬲都好鍾意食雞翼尖，覺得B仔嘅最好食，出邊其實好多小食店都有做呢款雞翼尖，但冇咁好食。通常我嚟親，都要食兩碟先救。試過買外賣返屋企，質素差好遠。堂食熱辣辣，蒜蓉味好香，辣度夠重手好惹味！魚蛋、腸粉:腸粉都係我另外一樣必點嘅食物，其實都幾滑溜，最緊要多醬汁，新鮮熱辣。呢度嘅魚蛋係普通陳皮魚蛋，都算幾彈牙，但未至於必食！

元朗都係一個美食天堂，甜品鋪都有好多間，今日同男朋友黎到元朗食飽飯，又點可以唔食埋甜品呢？相信好多人都聽過B仔涼粉，提起元朗相信會諗起B仔，有好多粉絲慕名而來，B仔似乎成為一個景點。所以，即使住元朗既朋友話我知，元朗人係唔會食B仔，我都仲係想去試下，上一次食已經係好多年前，最記得係佢個辣到傻既雞翼尖。我地去左又新街既分店，諗住大d多位d。幸好，今日係平日夜晚，不用等位，但仍然十分多客人。我地貪心一點，亦低估左份量，兩個人竟然點了一個B仔西米露。B仔西米露上枱一刻十分興奮，然後便擔心食唔晒，所以俾錢買左個細外賣碗先裝起一d。先講外貌，絕對是100分，水果款式多，超過7種，西瓜，哈蜜瓜，木瓜，蜜瓜，大樹菠蘿，荔枝，罐頭菠蘿等，色彩繽紛。味道方面，其實好一般，有點失望。水果大部分尚算新鮮，以西瓜最甜，但食到中間荔枝菠蘿太甜，而果種甜唔係水果天生的甜味，而係加得太多糖水！西米露較大粒較硬，亦都唔好食，可能揀涼粉會好d，可惜男朋友唔食涼粉。總括黎講，都係凑下熱鬧，一班朋友食咁大盤係會幾開心既，下次可以試下其他，但係b仔西米就真係唔好點。menu

難得入元朗，就算凍到震都要去會一會b仔！呢間分店座位之間無咁逼，又大d，好過另一間。📌b仔涼粉 ᴴᴷ$78真係好巨型‼️ 呢個份量兩個人食根本就食唔晒，如果有半份叫就好啦 ！佳記應該好好考慮一下，咁樣兩個人可以食呢個正甜品之餘又唔會晒嘢！生果種類好多，都好新鮮：有西瓜🍉、蜜瓜、哈密瓜🍈、菠蘿🍍、桃、椰果、蘆薈、龍眼、大樹菠蘿、奇異果🥝等等，簡直係睇到眼花撩亂；涼粉口感亦都好夠爽口。呢個甜品性價比好高👍🏻係市區食一定貴好多！

服務態度差不在話下，我問佢有冇位，佢叫我自己入去搵，今時今日咁嘅服務態度點得㗎。啲嘢又唔係平喎，又唔係好食喎。虛有其名，都算元朗甜品界嘅垃圾，真係唔知點解咁出名🤢🤢🤢

一份什果凉粉，真的好大份，这是两人份吧？一个人真的吃不完，其实水果也不是很当季，芒果和火龙果都有点酸，凉粉是那种爽口；鸡翅尖，终于知道为什么那么招牌出名，相当于可以脱骨吐骨头了，皮特别软烂，有点辣

10年都唔入一次元朗，今日咁啱要入元朗見客，點知早左到，仲諗緊去邊度Hea...突然醒起，好耐都無去食元朗最出名嘅佳記甜品，於是一於去食埋先去見客一嚟到唔好講笑，即刻叫番碟，我最鐘意，同時都係呢度其中一樣最出名嘅...雞翼尖!!每次黎都一定要點，因為佢呢度嘅雞翼尖真係好入味，辣度又啱啱好。其實見到佢都幾油，不過真係會忍唔住食下食下就食晒 食緊嗰陣都覺得都有少少辣，所以就叫番杯芒果汁解下辣。我個人好鍾意飲呢度嘅芒果汁，因為佢唔會太稀又唔會太"杰"，又唔會太甜，整得啱啱好見仲有啲肚餓，叫多個芒果班cake，啲芒果都幾新鮮幾甜。下次入到元朗一定要再食佳記甜品！

晚飯過後，突然想食下甜品，就去左呢間B仔試下。果然係傳聞中既糖水舖，一行到去已經好多人，食緊既又有，係門口既都有，唔怪之得咁出名。等左大約廿分鐘到，就入左去落單準備食野，餐單見到食物款式都幾多，有生果，有雞翼尖，腸粉，野飲，選擇都幾多。但係價錢就可能比較貴左少少。食物方面，味道唔錯，生果幾甜幾新解，雞翼尖都唔洗點講，話曬都係招牌食物，掂!

講到B仔有咩係最好食？梗係B仔雞翼尖啦，又平而且份量又大，身為超級粉絲嘅我，要食夠兩碟先夠喉。最衰佢係九龍區開分店，搞到次次都要老遠嚟食。佢嘅雞翼尖超入味，小小辣再加上多多蒜蓉，實在回味無窮。

繼續元朗一天遊既遊記今次食頂頂大名既b仔涼粉門口已經大排長龍 好多人拎籌 等外賣 不過等候時間唔算長今次點左芒果糯米卷好大好大粒噢😍😍😍可能唔係芒果季節 芒果有少少酸 當然 有d都會甜 糯米皮不算厚 有調過味 淡淡芒果味 幾清新不會過甜 😋😋😋今次仲大食左 食完仲加多個小食魚蛋 腸仔 粉腸絕對係大人細路都鍾意食既小食👅👅👅全部有得揀要辣 定 走辣魚蛋 腸仔無特別反而腸粉加埋甜醬 豉油 芝麻醬 就好正🤤🤤如果下次唔會坐得咁迫就好了只係坐到背貼背 有點辛苦😓

B仔涼粉聽就聽得多，今次係人生第一次去食傳說中既b仔涼粉，冇去到坑渠個間總店，反而去左佢另一間分店，佢附近都有幾間糖水鋪都出名，但得佢就特別爆，係遠處己經見到有人排隊等位，好在佢間鋪都大，等左15分鐘度就入左去，好多糖水丫，又選擇困難症發作，㨂左成分鐘先揀到，haha，最後揀左雜果涼粉，真心份量比平時食開個啲大，生果又多，不過可能芒果唔當造，有啲酸😓，但係就非常抵食，一個人食到非常飽，下次人多食佢個b仔船都好抵