佳記甜品

營業中

休息中

幾個朋友諗住食完飯坐低傾下計, 近近地去B仔, 對上應該已經幾年前既事, 而家疫情期間坐低食既時間唔長, 分左區域坐既時間, 可能因為星期五關係, 外邊有大批人在等買外賣, 我地等左約1-2分鐘就可以入去坐喇!我地叫左個冰花燉蛋, 芒果西米露 & 魚蛋燒賣1/ 冰花燉蛋$20 - Okay, 香滑唔太甜2/ 芒果西米露$32 - 一般, 芒果有的好酸但有的可以3/ 魚蛋燒賣 - Okay, 魚蛋偏辣彈牙, 燒賣過多粉總括：揾個位坐下傾計冇咩要求既都可以既🙃🙃

聽左B仔涼粉咁多年，終於有日入元朗可以順道一試。滿心歡喜，叫左個B仔涼粉share，都幾貴😂。大盤到O哂咀，啲水果擺晒喺上面，要食咗啲水果先可以「筆」啲涼粉出嚟😑，如果唔係會跌。水果唔算超新鮮，有D仲要酸既😩，成$86真係有D伏😓。係咪我唔識叫呢？😅

.📍佳記甜品📍香港元朗鳳琴街22號金龍樓地下4-5號舖我覺得這家店必點的是芒果西米撈(31hkd)，很多芒果墊底加冰沙，再額外上一碗西米讓你自己加合適的量，不然其實那個碗也放不下😂夏天喝超清爽，還點了蜜瓜涼粉撈(31hkd)跟燒賣(10hkd)，甜度基本上也不高，水果給的也很足，然後辣油跟燒賣就是絕配❣#foodiblum甜點#foodiblum港式

作為元朗人，耐吾耐就會諗起想嚟食B仔， 佢個雞翼尖真係有種魔力 有時會特登來買二份開par添呢日番開元朗，下午茶見牙仔痕，又吾想甘飽肚，孖住老公叫左一份 雞翼尖+魚蛋腸粉+哈密瓜冰呢個係我心目中既 絕佳配搭雞翼尖老公唔食得辣，都同我爭住食， 就證明有幾好食😂都話有魔力㗎喇哈密瓜冰當雞翼尖食到好辣，飲啖上層既哈密瓜汁，即刻解辣。而飲品下層係球型嘅冰哈蜜瓜肉，非常消暑，香甜可囗。 其實唔止哈密瓜冰好飲，西瓜冰都唔錯， 其他味我就好少試啦， 但相信都好好味。腸粉魚蛋都水準上~腸粉軟滑。

今日突然好想食腸粉！於是就即刻打比B仔，叫咗三份腸粉，咖厘豬皮蘿蔔魚蛋，榴槤班戟同埋雞翼尖！姐姐超好人！幫我張腸粉分咗3包！唔使一份夾黎夾去！豬皮特別出色！軟滑入味！榴槤班戟，個皮就硬咗少少！但榴槤肉份量十足！雞翼尖就一如既往地惹味！另外，值得讚賞嘅係，打電話去落單，十分方便！3分鐘就有得拎唔使等！

今日元朗，一定要去佳記吃B仔雞亦尖！大約4點令，人不多👍🏻蒜蓉香辣雞翼尖，帶少少辣，香濃蒜蓉味，但今次辣味不夠，沒有舊店的好吃⋯⋯還點了蛋白燉奶，夠滑！木瓜鮮奶和鮮榨椰子汁也很滑..但總括來說，下次再去，一定去舊店🤭

星期日帶仔仔囡囡入元朗踩單車，肚餓時入左去位於元朗鳳琴街22號金龍樓地下，佳記甜品，食左我一家人都鐘意食得蒜香雞翼尖，酸酸甜甜辣辣，連我屋企小朋友都喜歡，食完一碟又再叫一碟，另外又叫左B仔涼粉價錢才84元，系佳記最出名的糖水，一大盆可以食足四至五人，又叫左爽滑腸粉配有豉油，甜醬，花生醬，比出面路邊的好味😋，魚肉燒賣有六粒，食入口好彈牙，，如有入元朗的朋友值得去試試，食完每次入元朗都必去佳記甜品🍮⋯⋯

入到元朗冇理由唔去佳記b仔食個雞翼尖夠哂惹味保持到水準但推介埋大家試吓佢既陳皮魚蛋$10/8粒好入味正當日仲食左佢兩款中式糖水都算合格呀😆埋單$95 合理🐥🐥🐥

通常黎到元朗我都會去呢間B仔涼份食糖水，貪佢款式夠多同埋佢既招牌雞翼尖，去親我一定會食嘅，因為佢個辣汁真係整得好野味，每次去我一定會幫襯👍🏻👍🏻大家不妨黎元朗都試試佢喇

上星期晚去元朗探完朋友，大家都想食啲小食，其中有2位朋友從來都冇食過B仔涼粉，佢話想試吓，咁我哋就去咗鳳琴街嗰間，我哋4個人叫左一個B仔涼粉一個B仔船。B仔涼粉分量同以前差不多，生果好新鮮好甜。我哋都食到好飽，以這價錢，我覺得一啲都唔貴。

宵夜時間悶悶地 同朋友揸車落去食b仔 今次叫左大樹菠蘿涼粉 咖喱蘿蔔魚蛋 腸粉 雞翼尖同奇異果汁share 雞翼尖依然咁香咁辣咁惹味 個個都邊食邊話好辣但係又食唔停口魚蛋腸粉就同出面差唔多冇乜特別（反正都係外面買返黎加下熱咁解）本身唔鍾意食大樹菠蘿就唔評論個大樹菠蘿涼粉喇奇異果汁略嫌過酸 不過都係好事黎既 即係佢應該冇乜點落糖水 健康dB仔既味道真係十年如一日不過近排佢地又被爆係地下處理雞翼尖 相都影埋 希望佢地注意下衛生啦

🔥凍蛋白燉奶🥚 ($17)可選凍或熱 抵食!🔥芒果糯米卷🥭 ($37/ 6 pcs)除左最常嗌既芒果西米露 楊枝金露, 芒果糯米卷都好正架!!芒果啖啖肉 糯米皮厚薄剛好💯芒果fans仲可以試芒果腸粉同芒果涼粉! Instagram @eatsassily

終於食到B仔西米露啦🥰🥰係幸福的味道。今次我哋仲叫咗一份雞翼尖，兩樣都係呢度嘅招牌黎架。西米露面層有好多唔同的水果🥭而且份量好足，建議可以三至四個人一齊食。雞翼尖辣辣地🥳都幾特別。..🏡佳記甜品 (元朗)元朗鳳琴街22號金龍樓地下4-5號舖

食物水準比以前下降，新店比舊店乾淨和面積大了，但是服務認真要改善一下。最有名氣的B仔涼粉不如以往，生果有點不太熟，帶點酸，服務方便就認真不是太好，奇異果🥝不是太甜，而且有點酸，有海底椰算是不錯，甜果比例算是平均，不會因為某一些生果廉價而多一點，但是木瓜有點不夠熟有點失望。食物款式雖然多，但多年年來都沒有改變，遲早會被時代淘汰。總評：食物價錢不算太貴，但是有很多東西都需要改善，希望下次到元朗再不會令我失望。

啱啱喺元朗食完晚飯，就行咗過去隔離街「佳記」食甜品，因為時間尚早七點多，冇乜人。一般甜品店都係細細間，但係「佳記甜品」就間間好似餐廳咁大間，而呢間新嘅店舖，我估可能係香港最大面積嘅甜品店...睇咗一陣，兩個人心多多，都未決定到B仔配什麼好，因有好多種不同配搭，例如：涼粉、大菜糕、杏仁豆腐、啫喱等等。唔知係咪店員聽到我哋講乜，佢好爽朗咁走埋嚟話：雙拼都得，一樣價錢，食唔晒，加一蚊可以打包！😆咁我哋就點咗「B仔涼粉拼紫米露」$84好快，一個好有氣勢，好似花果山咁樣嘅B仔雙拼就到咗，雖然入面只有一半喺新鮮水果🍉🍌🍓🍍🥝，其餘喺罐頭水果🥥🍑，但係拼埋一齊好得意，乜都有，食得好開心😆，好食。