佳記美食 (英皇道)

營業中

休息中

今時今日很多家庭要外出返工, 有兩餸飯真係方便, 選擇多又抵食今日來到佳記美食看看睇睇靚餸都幾多選擇看看餐牌兩餸飯34元我揀選蕃茄魚柳+椒鹽豬扒, 大大盒多餸多飯誠惠$34, 好抵蕃茄魚柳有好味嘅蕃茄, D魚柳嘅炸粉有D厚, 味道都好味椒鹽豬扒都是炸粉厚了點, 味道較鹹用來送飯好D

平日食飯時間好多人排隊， 條龍行得好快，不需要等太耐。 店員工作速度都快， 所以記得要諗定自己食咩餸。 店舖餸款式都多， Refill 速度都快。 外賣分量都多。 $34 兩餸飯CP值高。

「外緩」外賣兩餸飯💪🏻自問都係無咩能力煮飯，都係要屋企幫手買外緩，兩餸飯係幾好既選擇再加個中湯靚仔🤵‍♂️，咁就搞掂左一餐唔洗諗太多，去到就咁選就可以😌番到屋企再放到上台靚靚擺盤，係咪睇唔出係兩餸呢

今日去佳記見到有期間限定饅魚飯，眼見得返3條，於是揀咗38蚊饅魚飯，另外加咗8蚊要青瓜炒肉片。原來價值38蚊既饅魚飯本身已跟咗份菜心同飲品，唔洗加錢要多個餸都有菜食，變咗我用46蚊買咗三個餸。返到公司打開個飯，饅魚應該係細size，鰻魚都有飯盒既長度，味道正常，仲有一大堆炒菜心，好好味，青瓜炒肉片爽脆可口，每次都必點，呢次既飯好抵，38蚊真係抵到爛，但12月好似無咗饅魚飯，呢次係我唯一一次食到佳記饅魚。

意外驚喜，好少到北角，盲摸摸搵到呢間店舖，見週末下午兩點幾都幾多人幫襯，應該好食首先要在門外同姨姨講要咩餸，之後就去到中間店員收錢，好適合返工要快靚正選擇如果返工不能帶飯，可以選擇呢一間

平靚正之選本身本人好鍾意食三餸飯因為又快又方便👌不過食過幾間 味道都只係一般而啲間三餸飯值得一食再食選擇又多 味道絕對唔係hea你果種最緊要係大大碟 可以啖啖肉兩個三餸飯 一杯檸檬茶 一罐汽水盛惠HKD$ 8x 咁抵食係邊度搵拍拖有時唔係餐餐都貴價既三餸飯都可以食得好開心嫁!鐘意食個三餸飯既你絕對唔好錯過

今天途經北角佳記美食，看見店鋪內幫襯的食客頗多，再看看玻璃內的餸菜亦頗多選擇，原來大多數的食客點的都是兩餸飯，套餐還送飲品一杯。最後，我便買了一盒$40淨餸，為晚餐加餸。我選了雙拼：咕嚕肉和椒鹽豬扒。意想不到的是這盒外賣份量不少，塞滿了整個外賣盒。回到家中，將食物翻熱，再炒一個青菜，已是一頓豐富的晚餐。咕嚕肉甜甜酸酸很醒胃，醬汁不會太濃，但肉不算滑。椒鹽豬扒亦惹味，肥瘦適中。兩個餸都算合格，以$40來說，確實是超便宜。

北角有間新鋪,短短數月已成當區人氣小店佳記美食專賣兩送飯,即自選菜式每日有接近20種菜式選擇最常見有咸蛋肉餅,炒蔬菜,蒸煮豆腐,小炒,生炒骨,椒鹽豬排,肉片炒菜蒸魚,港式咖哩雞,不定時有特別小菜,辣炒豬肚  招牌梅菜扣肉一盒$45 白飯一盒$10兩個人慳慳地一晚幾十蚊就搞掂,又夠飽肚,最重要味道唔錯,好多都係即煮,食既時候仲係熱既平過自己煮飯$33兩款料加飯蒸蛋夠嫩滑,小炒皇夠香口送茶或豆漿或咖啡或例湯淨送一盒$40北角英皇道490號地舖

平日出街食飯起馬$50，今日發現呢間兩餸飯包埋中湯/汽水/茶/豆漿，都係$33，全日同價，難怪咁多人食啦！超過12款餸菜選擇，🐷🐮🐓🐟🥒🥬🥦🌽🥕🥔🍗都有，味道都幾好，塞滿成個飯盒。

最近轉左係呢頭番工，行過發現好多人排隊就望下，原來賣33蚊既雙餸飯，堂食外賣同價，可跟冷熱飲，中湯或者汽水！價錢上真係非常吸引，餸菜選擇多，擺晒出黎比你選擇。味道比較一般，不過如果你要菜既話都夾好多比你，想食多菜少肉既人不妨可以考慮下。

依間行平價食物的餐廳，食物唔會有咩期待，但服務態度極差，尤其是一個裝送的男仔，根本睇唔起d 食客，當所有人都係窮人，要輪候佢個平價餐，對排隊的食客呼呼喝喝。我想買個兩餸做餸，佢就鬧人話你要講清楚。同埋我見到佢極唔衛生，將食物盤就咁放地下，之後個盤底又拖過d 食物。本身d 野食又倒黎倒去，完全冇衛生常識，賣剩的野食就咁倒d 新既上去，咁盤底個d 咪放左好耐。我叫左個咖哩雞完全唔掂，雞肉是凍的。總之依間野冇下次

佳記應該開左3個月左右，但由第1日開張已經係排長龍好奇心去8掛下，原來$33兩餸飯，包埋凍熱飲嘩嘩嘩，真係好抵食，起碼有1x款熱辣辣嘅小菜俾你揀今晚嗌左個豬肚＋腩肉，豬肚微辣，腩肉不過不失...可能我去時已經差唔多9點幾，所以飯有d凍枱面亦有d dirty🤦‍♀️希望會做返好d清潔喔

每晚下班路過這新開店都見到有人在門外排隊，冷眼旁觀，原來是賣兩菜飯，$33連飲品或例湯，相當廉宜，在北角應該沒有比這店更便宜，怪不得這麼多人排隊。這晚從深圳公幹回港，適逢家人都外出無飯開，想起這店，倒不如來試試。問了店員規矩，無論堂吃或外賣都在門外排隊，排隊時可看到廚窗內食物，約有二十多款，自己可選定吃甚麼，大約排了十分鐘便到我。店員先問你堂吃還是外賣，以便她用甚麼盛載你的食物。我選了炆排骨和蒸鯇魚，堂吃，付款後，又在前方位置要了熱奶茶，自行找個地方吃，晚市時份，搭檯是必然的。炆排骨味道不錯，雖然溫度一般，排骨容易將骨頭褪出，肉亦夠腍；蒸鯇魚，頗新鮮，亦頗大件，無泥味，惟欠些少豉油，白飯過得去。熱奶茶夠熱，奶味濃郁，茶亦是，不錯！$33，在這區是無敵價，若偶爾家中無炊事也會再來，希望不是新張期內的宣傳價，讓居民多些受惠。