影片
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
打工仔日日收工返黎已經好攰🥱根本唔會有時間心機去買送煮飯兼洗碗。兩餸飯呢個時候簡直係我地平民福音，簡單方便快捷又似住家飯，最緊要係平！唔係點頂得住日日出去食飯一般兩餸飯就33蚊，可以➕嘢飲（可樂、雪碧、芬達或者湯）就加三蚊。淨係收現金💰，最好帶定散紙啦。打包外賣拎走一樣價錢。亦都可以堂食，記得自備紙巾啊🧻佳記已經係長沙灣附近周邊兩餸飯做得比較好嘅啦，因為菜品多，而且新鮮。見到門口排長龍就知幾受歡迎。
繼續閱讀
是日由於同親戚有交收，所以，沿青山道由深水埗行到去長沙灣一頭，並且，順住路搵食。原本都打算搵間茶記或快餐店搞掂，因為得一支公，可以簡單啲，但經過「佳記美食」鋪面，見好多人排隊，睇睇究竟，一個字：「平」！點平法？兩餸飯，包例湯或啡茶，只收$32，每額外加一款餸就+$8，另外揀蒸魚亦需加錢。唔少街坊嚟食兩餸飯，或者買淨餸攞走。而餸菜嘅選擇非常多，全部放晒晌門口櫥窗後，目測大概有成廿款，不少見慣見熟嘅小炒菜式。店內環境就好街坊，簡單裝修，似飯堂咁。好多枱都隔住塊大膠板，防疫方面就喺咁多，所以，有唔少一個人嚟嘅客就喜歡揀啲面壁位，此外，啲客都好自動自覺隔開坐，盡量都唔會坐埋一齊。由排隊，嗌咩餸，要湯定嘢飲，到俾錢都一條龍晌櫃枱順住落。餐具放晒晌枱面，而熱水、廁紙晌出面，總之就一切都自己顧自己，零招呼。生炒骨、椒鹽豬扒飯+熱奶茶 $32由於得我一個，完全唔使就老婆，所以，揀兩款都喺肉，仲喺濃味系列，師傅仔真喺唔手緊，飯多，餸亦多，更可以講餸多個啲飯，我見啲人大食嘅仲可以加飯添。老實講，呢類大製作，就唔好抱太大期望，再者，包埋嘢飲，只收你32蚊，就唔好要求太多喇，總之生炒骨做到酸酸甜甜（粉漿少少厚），椒鹽豬扒鹹香惹味（有點油），撐得飽飽都收貨啦。不過，好老實，杯奶茶就真喺無乜茶味，得個樣而已。擺到明，呢類街坊店主要就喺靠薄利多銷，質素唔會喺賣點，純粹平平哋等大家有飯開，可以喺唔少打工仔、基層嘅開飯救星。
繼續閱讀
經過好多次，都是有人在排隊，諗住罷工唔煮，去試下呢間下午6點半左右已經要排隊，食物款式很多。眼見好好單身漢叫三餸飯堂食，大大碟，分量夠。店員做野也快手快腳, 快餐的感覺, 食物大大盤,好快賣哂又要加.晚飯時段真的新鮮出爐.而我，買咗3個餸返屋企，大大盒，味道都不錯。最好食是豆腐, 生炒骨不太硬,適中.豬扒味道也不錯.買到返屋企(行10分鐘), 仲係熱呀, 唔似其他店, 由頭到尾都是凍/暖的, 要回家加熱才食得. 同區有好同類型食店，要突圍，要 keep住。唔好hea 做。
繼續閱讀
您可能會有興趣的...