佳餚美饌 (已結業)

我們二人光顧這間餐廳，因我男朋友是比較大食，通常二人都會叫三個餐， 一女侍應幫我們落單 ，她見我們得二人就話要扣起一個湯和一個飯， 我們話食得曬，她才肯給番我們一個飯， 但給我們的飯特別細碗，這顯得Ｄ餸特别大碟，這樣盡心盡力為老闆慳錢的員工增值得老闆讚許！ 此外，叫了個肉碎蒸水蛋吃，碎肉甚少，但加了皮蛋咸蛋，如果自認腸胃十分之強的話，又想食有特別怪味道的水蛋就即管叫吧！茄子魚腩是用厚炸粉整的，想食冇炸粉就不要叫這道菜了！

朋友介紹的小店。來到剛好有位子。點了些家常小菜。是日老火湯滿好喝，炒斑塊感覺是海班，魷魚新鮮，啫啫菜煲很夠鍋氣。不新鮮的他們就說今天的還好不如點別的。總體來講水準很高，值得推薦！

同屋企人(7個人)食飯,係星期三,小店提供優惠,$68就有一個小菜,好抵👍幾大碟外賣都係$70,下次懶煮飯可以外賣!!星期一至五都有😝不過今次請屋企人食就豪少少,叫正價餸同食海鮮!!我地叫咗咖哩蟹,蒸魚,欖角骨,生炒骨,桂花炒瑤柱,南乳炒藕片咖哩蟹($380,時價)有一隻大海蟹,個汁好惹味,有新加坡風!我地本來無打算食白飯,但都撈咗汁🙈淨番仲打埋包!蒸魚($480)係海魚,叫燕星斑.蒸得恰恰好,好滑,個豉油唔會太油👍長輩好滿意,食埋骨!欖角骨($138)新產品,有欖角味,甜甜地好惹味😍😍 d骨唔係雪藏,係新鮮一字排,所以有肉汁!生炒骨($98)係大路餸,但le間做得好好,一樣骨唔係雪藏,係新鮮一字排,所以有肉汁,而且個汁酸酸甜甜,好適合小朋友同我撈飯👍桂花炒瑤柱($128)睇餸名唔知係咩😂原來係係蛋炒豆芽同瑤柱,d蛋炒到細細粒,好似桂花咁,好足料,抵食!南乳炒藕片($80)出去食飯最驚好油,特別蔬菜,好恐怖,但le度完全無!好好😍今餐好滿足,長輩們勁讚!!!下次食小菜,好抵!

是晚菜單： 蓮藕餅 龍蝦撈麵 粉絲蟹煲 豉椒炒蟶子 薑蔥炆斑頭腩 豉油雞 啫啫唐生菜 呢間佳餚美饌係朋友介紹，話抵食又免開瓶，好啦，有人生日又去試吓。 海鮮要預訂，最出名係個龍蝦麵。 可能知我哋肚餓，第一碟出場的竟然就係個龍蝦麵，用兩隻龍蝦拆肉，上湯煮，再加薑蔥、蝦子，粗麵墊底，確然幾好食，味道略鹹。 其他菜都陸陸續續上場，比較矚目係碟蟶子，因為平時啲菜館都係炒埋一碟就上枱，邊有人排到扇形咁好心機，味道好，也新鮮。薑蔥炆斑頭腩，好食，食咗一舊想再食都冇。 豉油雞，應該係新鮮雞，都幾鹹。 粉絲蟹煲 ok 啦。 總括嚟講，幾抵食 ，呢餐埋單＄3500 ，9個人。 雖然喺跑馬地，但係冇咩裝修，而且前身係茶餐廳，所以啲裝置有啲奇怪，仲會聽到廚房炒餸時的”哄哄聲”真係熱鬧。 另外，服務一般，又係嗰啲叫佢可以攞個生日蛋糕出嚟，係會連紙袋放上枱嗰隻， 大家想去的話就留意番要冇咩要求。

在跑馬地返學已經10幾年,幾乎把所以餐廳都試過,近來有這間.本來是一間不起眼的茶餐廳,聽說易手了,中午是茶餐廳,有小炒,快餐.晚上是酒家型式,是由一名有名食家區生和拍擋郭生開的.今晚和家中長輩食飯10個人,所以點了一椒鹽鮮魷送酒!龍蝦撈麵,炒象拔蚌(較貴),和朋友推薦的士多啤梨骨,自己再點了豉油雞,生炒骨和茄子炆斑頭腩.自己帶了香檳(不收開瓶/_\!!!感動!)茄子炆斑頭腩炆得很入味,適合送酒和撈飯!龍蝦撈很有睇頭,可能因為點大隻.肉很嫩,做得剛好.店員有給我們蟹夾和剪刀,亦有換碟,還幫我們把頭剪開.麵是薑葱和蝦子撈,我很惹味.小菜也做得不錯!朋友的推介的士多啤梨骨,不錯,不會只有甜,有酸味.但我個人更喜歡生炒骨,顏色不像一般的紅,加色素般,這個很酸甜,有山渣味,應該是煮的同肉很脆.豉油雞是店員介紹,原來這店用的是新鮮雞,不是一般用浸的方法做,所以每天只有三隻豉油雞,特別之處是附上雞雜!雖然豉油的色很深,買相一般,但十分好味.這三道菜令我們不斷撈飯.店員和郭老闆很親切常和我們談天,去洗手間就提小心滑.我地問點煮都講我地知,老闆亦親力親為.不過地方有點小和窄,可能廚房細,出菜較慢,而且洗

當晚去醫院探完屋企人，諗住係跑馬地附近食d嘢，就入嚟囑間啦，一坐底，餐廳內有一陣怪味，本來想起身走人，但又唔好意思，餐廳內只有兩枱客。本想點個炒牛河，餐廳職員話河粉賣光了，之後想點蒜蓉蒸勝瓜，店員又說：「沒有了」。我看一看錶，只是剛到8點，什麼也沒有，但店內只有兩枱客人。心想：「有無攪錯」。之後，我同老公隨便點了兩個小菜，西炒骨和啫啫通菜煲。西炒骨味道ok，但啫啫通菜煲咸到苦。店員態度惡劣，只是一直推銷紅酒白酒，令客人反感。肯定唔會再去呢間餐廳

想當年佳餚店盛極一時，自創士多啤梨排骨，鎮店名菜上湯龍蝦生麵、煎封鱸魚、紅酒燴牛尾等，想起亦回味無窮！店主區生美酒佳餚均有要求，用料上乘，有心有力，高峯期的山頂店亦是名人富豪之家庭聚點。可惜九七亞洲金融風暴後，地產市道滑鐵爐，佳餚亦逐一關店！過往十多年，偶爾亦見佳餚影子，倒如於中信大廈或數碼港，總是不成勢！近月知道佳餚區以打不死之身，又再重出江湖，豈可不支持，於是相約友好，設席試菜。位於跑馬地的佳餚美鐉位置方便，門口可停車，附近不少咪錶，方便停車人仕。附近亦有不少名店，相信競爭亦激烈。小店門面寬敞雅緻，但面積不大，我們的十一人大枱就設置近大門，見其他均為中小枱，奇怪地飯廳的右方劃分為類似粥麵店的廚房，未有用盡空間設餐桌，可能是保留了從前茶餐廳之間格，據說上手是新祥興茶餐廳；走到盡頭是廚房及洗手間，後者略為簡陋，但尚算清潔。記憶中雜誌提及有貴賓房，真是不知藏在那兒。周一晚光顧，客人不多，服務員充足，有位順德藉的男仕替我們點菜，熱情有加，建議我們多試幾款開胃前菜，可替我們分件，於是除了預訂了鼓油雞及龍蝦外，我們選了以下幾款家常小菜。 梅酒石榴  梅酒涼瓜梅子若非新鮮絕不能發酵成酒，因此梅