來多客餐廳

營業中

休息中

今晚放工之後帶個仔去睇醫生，搞掂都成十點幾，咁夜都唔知食乜，行過就入咗來多客，全店都係卡位，整齊光猛又坐得舒服，不過宵夜餐同晚餐價錢差不多，只係平$2-$3，所以都唔使刻意喺宵夜餐牌稔食乜～我叫咗個粟米石斑飯，飲茶走，呢到叫茶走啲煉奶會分開上今日啲汁少過平時，依然椰菜墊底，不過真係唔係個個飯都夾到椰菜，白汁還好，如果茄汁就有D奇怪，魚柳都幾好食～老婆大人叫滑蛋牛肉飯，賣相幾好喎，好多牛肉咁，牛肉厚身又大片，可惜筋多同太韌跟餐唔要飲品可以轉糖水，所以叫咗西米露滋潤下

有段時間沒來，今晚路過就進店吃晚飯，全店卡位，坐得舒服～日常晚飯當然食平D，我們點了A和E餐餐飲可以轉糖水，我們點了茶走和西米露，煉奶是分開上的，保證一定有煉奶，但奶茶不夠熱A餐菠蘿汁燴豬柳飯，普普通通不過來多客最騎呢的是所有飯都會加椰菜墊底，而且很多時椰菜跟汁的味道是完全不夾的，不過多吃蔬菜總是一件好事來的😂本來我點的是E餐蒜香乾炒牛肉意粉，而單亦是寫E餐，結果廚房記錯整了F餐西炒飯，由於不想浪費食物，所以確認不是別人點的送錯餐後，我跟店員說我照食西炒飯味道0k，但蝦是沒有挑腸，如果介意的就別點這個餐了

呢間茶餐廳係朋友介紹，最喜歡食呢個雞扒腸仔頹飯。因為細個窮，好恨出街食，返學時試過成日食什扒飯，所以而家都想回味吓。講返個飯，有雞扒、腸仔、椰菜、炸薯角、洋蔥汁。經典頹飯組合，加埋凍零茶，正。

住在該區都有廿多年，光顧還是第一次。第一次已經有良好感覺、良好印象，實屬難得（還要在晚飯時間呢。）＊價錢很「貼地」的關係，所以不要太大奇望＊蒜蓉包脆卜卜鐵板餐，｛黑椒雞扒＋香茅豬扒｝～意大炒意外的多。雞扒醃得很好，黑椒味很濃郁。豬扒煎得很香，但肉仍然很腍。還點了一個飯餐，4X元一碟，好大碟=>這就是#一分錢一分貨#煙肉已經很少地方會煎，所以吃下去特別的香。豬扒不多食，很讚。難得配菜有薯角，誰想到……綠豆沙～～有「臭草」，超香～（有臭草，很糖水店感覺）渣喳～～好多豆豆～

下午茶- 選擇普通 但價錢比附近茶餐廳貴 點左雪菜鴨絲米 凍檸茶 乾炒牛河 凍利繽立小冰首先食物等左20分鐘有多 出餐極慢 服務員4個收拾一張枱亦無人下單追餐亦只系叫我等 之後不了了之...食物味道不過不失 但太多油同味精飲品 太多冰 就算小冰都有有3/4杯系冰飲品竟然比食物黎得慢 追左3次先黎到!!! 環保還ok 但人多會超迫. 枱底好似早上到下午無人掃咁 超多紙巾收銀果個掛住同姊妹傾計 連比錢都企系收銀等左7分鐘先有人收錢 唉 唔會再去!!!!!!!!!!

點解名字可以互相對調，無論係：客多來或來客多或來多客，都會令人感到困惑！不過食物水準都算唔錯！價錢都算平宜！坐位又可以坐得舒舒服服！但仕應態度就麻麻！我叫咗一個叉燒拉麵～湯底係豬骨湯，味道都幾濃！雞蛋係半生熟，賣相很吸引！有大大塊叉燒、木魚、紫菜等！蛋白全熟！蛋黃係晶瑩剔透，仲係流心！叉燒味道唔錯，肉質鮮甜美味！拉麵質感彈牙！以38蚊嚟講，真係超抵架

下午茶3點3, 求其入左呢間茶餐廳醫肚. 下午茶唔想食太多, 叫左吉列魚柳薯條, 配凍奶茶.吉列魚柳炸得夠金黃色, 不過唔係好熱, 所以有少少回潮, 唔夠脆, 唔夠香口. 不過魚柳就幾軟嫩, 而且無腥味. 薯條又係唔熱既, 比較乾, 口感麻麻.凍奶茶比較正常, 茶味較香濃, 少甜有少到.

黎到第二集，我揀左間茶餐廳，坐低，叫左個午餐E，叉燒炒意。味道有家的感覺，不多油，不太咸，份量很足。驚喜既係，有得配甜品，椰汁黑糯米都有落足料，椰汁味香。街坊茶餐廳質素來說，算中上。

香茅雞翅膀好吃 夠香茅味煎太陽蛋 一件午餐肉味道出奇配合 湯用豬骨熬足7吋長瘦烟肉出現在早餐非常好吃的肉片豬排味道比外表好林 入口酥軟入味 水準椰菜好吃 又多 米線水平也高味道精緻 軟綿但有咬口咖啡是即磨香氣盎然，好認真的一個餐飲店7 味粉都任用的深水埗出色食堂

落深水埗買野, 行到肚餓就是但搵間茶記食下午茶, 見呢間地方大又多位, 一於試下啦.下午茶時段除左輕食之外, 仲有炒麵飯.想食D濕濕地既野, 所以要左"乾炒义燒意粉"$40, 跟凍0茶+$2.凍0茶都幾有茶味, 夠凍.凍0茶都飲左一陣, 見隔離枱遲黎都已經食緊野, 心諗梗係漏單啦, 咪追個阿姐話野食未黎, 佢睇都無睇下就話黎緊, 好...我忍你. 再過左一陣都仲未黎, 又叫另一個阿姐睇下, 佢有行去睇但又無過黎講D咩, 我就以為整緊. 點知又再等都未黎, 有個阿姐仲想黎收我杯凍0茶, 我大聲話野食都未黎過, 仲收我杯野飲, 佢當堂驚一驚即刻嚴謹地幫我追個炒意粉. 等左一陣終於野食黎.炒意粉鑊氣夠, 意粉炒得唔會太腍, 彈牙. 味道唔會太咸, 不過都幾油. 义燒分量適中, 唔會得义燒絲, 味道整體都唔錯, 夠茶記風味.最差係服務態度, D阿姐掛住傾偈, 叫佢追野就是但答你.

又到下午茶時間啦！今次我叫了一個秘製豬柳包，賣相唔錯！雖然，豬仔包麻麻地，個麵包面不脆！仲幾厚！但係豬柳幾腍！幾入味！仲幾大塊！口感豐富！不會肥膩！沙律醬幾多添 有新鮮嘅蕃茄同青瓜一齊！真係最好嘅配搭！就算不食哂個包都足夠！到晚上放學再食過晚餐

講真唔算好肚餓，叫左碗香茅豬扒配公仔麵，算係輕食既一餐埋相其實幾好，$32蚊，麵連甜品/飲品d香茅豬扒我覺得好好味！唔會太乾，唔會太肥，口感非常之好，最緊要好入味，同埋唔會勁咸，啖啖肉真係食得好開心好滿足丫哈哈，麵就正常出前一丁咁樣囉，湯底都係正常味道，不過不失啦呢餐

返學前同同學歎個下午茶先！餐廳內光光猛猛，舒舒服服！坐位闊闊落落！最啱同學傾下計！做下功課！我叫了一個吉列石斑沙律！石斑外面金黃色香脆可口！裡面石斑熟既程度啱啱好！加上鮮果沙律用生菜盛載著，俾人有清新既感覺！仲可以選擇糖水呀，有幾種款式選擇添！

又到食飯時間啦。入去叫左個醬爆茄子班腩煲，晚市套餐，個醬汁好惹味，茄子整得夠淋，又入味，班腩脆得黎口感好好，亦都好入味，呢個煲送飯真係一流。價錢都唔貴，值得一試。

收工經過食個下午茶，叫左個洋蔥豬扒腸仔飯埋相唔錯洋蔥汁唔會太多，塊豬扒唔會太乾，腸唔會太咸，個汁都幾好味，套餐連埋凍飲，整體黎講幾好味。收費唔貴，絕對ok，推介。