來多客餐廳

營業中

休息中

再次經過呢間餐廳。。。今次食下午茶。叫左個炒蕃茄雞絲意大利粉。雞絲肉少左d，不過個意粉炒得唔錯，有鑊氣得黎唔太油，味道唔會太咸，同埋d蕃茄個甜味好好，炒得好好味，好開胃餐連埋凍西米露做甜品，成個餐都幾好味，Lunch黎講我幾滿意！！。

今日放工經過呢間餐廳。見裝修幾靚，就入去試下佢d野食，雖然係食飯時間，但餐廳無坐滿哂咁都好，因為我唔鍾意迫既。。。叫左個印尼炒飯試下，講真味道幾好，我好怕勁油既炒飯，太咸/得個顏色但無味既都唔鍾意。。。但佢呢個飯炒得合我口味，味道幾好，顏色都幾靚，d料夾得好，我比較大食，不過佢份量係適中既。結論：呢間野幾好味，環鏡都幾好，可以用八達通埋單，都幾方便。

星期一要到深水步開工, 行過來多客見幾新，就入去食早餐 .... 火腿通粉唔得, D 比例係通粉太多, 個湯太小 (D通粉又快索晒D湯.. ) 通粉好淋好難食……… 餐飽係一D都唔熱, 冷冰冰的.... (佢應該係由袋就拎出來上碟的, 應該整番熱小小會好好多)，熱奶茶又是凍的。

懶洋洋嘅星期日，瞓到晏一晏，十一點幾先起身，餓到饑腸轆轆，快快落街搵地方醫肚，近近地去了『來多客』，食客真係唔少，再來多我們兩客，仲有卡位坐，快看餐牌，點了A餐與B餐：A餐：鮮茄蘑菇燴斑腩飯～獻汁是一般的茄醬味，不太甜亦不太酸，   斑腩有五至六小塊，炸得頗香脆，合格水準。B餐：黑椒豬扒拼雞中翼飯～一大塊豬扒加兩隻雞中翼，很入味，   稍嫌黑椒汁過濃，伴以炸薯條，更加香口。糖水也可以像普通飲品般跟餐，不另收費，凍糖水也不用加兩蚊，茶啡改凍飲卻反而要；所以我揀了『凍椰汁西米露』，西米很足料，粒粒煙靭，撈凍椰汁，好飲又好食！

  今天放中午飯，一走進來多客就有空位，心想有真好運，因為有時候要等很久。  餐廳的主題顏色是紫色，沙發，牆壁都是紫色，看起來很高貴。  一坐下就叫了一個B餐和熱咖啡（注意我是在一張學生減6元的餐單裏點的B餐，而且每天都不一樣），而今天B餐是吃豬排。這餐是只用一個盆子裝的，賣相十分不錯，讓人覺得很高級。餐盤上有豬排，飯，菜還有三小塊炸薯角。第一口吃豬排，軟硬剛剛好，飯也不會太軟，份量蠻多的，而今天的醬汁是咖哩（注意B餐的醬汁也是每天不一樣）陪起來豬排吃更提升口感。熱咖啡和平常的差不多。  吃完後，今天沒什麼客人，所以店員給我們繼續做在這裡玩電話（我們和店員都很熟悉）。每位店員都給我們改『花名』，店員都不介意，還說笑呢。

打完波，去新餐廳食下午茶。可以試新野，真好！全新裝修，以紫色為主體，光猛又舒服。繼續邪惡下去，吃西多士。金黃的色澤，大舊牛油，自行多加糖漿，外微脆內鬆化味甜美，中間更夾著花生醬的香，都好難會唔好食。當然，如果可以再厚身一點，必會更正。熱檸茶，茶味濃，喝得舒服。下午茶都有飯麵選擇，看見鄰檯有人吃，份量都唔少，好抵食喎！

如果不是朋友介紹的話，實在不會留意深水埗多如繁星的茶餐廳，入餐廳後，最欣慰的是餐廳所有電視機都是作餐牌用途，不是播放電視，所以不太嘈吵，店員主動有禮而殷勤，感覺不錯，餐牌上的選擇不多…或該說不太吸引。點選了香茅豬扒飯跟茄子排骨飯，豬扒上的鬆肉粉洗得不夠乾淨，鬆肉粉味道殘留在豬扒上，茄子排骨做得很好，份量很多，味道也很好，值得一讚的是米飯煮得很好（這是朋友推介的重點）飯粒煙韌有致，而且有飯香，比得上酒樓飯店的水準。三十多元一餐晚飯以深水埗來說算便宜了，沒有送味精老火湯，但可以以半價享用飲品或糖水，糖水有綠豆沙跟喳咋等四款擇選，我覺得這個安排不錯，約六、七元一個餐飲或糖水價錢也很公道，以價論貨，是很滿意的一頓晚餐。

突如其來收到前店結業的惡耗, 香港又少了間焗之專門店。  不過, 快速地在原地址卻又有另外一間食店的降臨, 一日復一日地成長, 直至某天在巴士上層窺視到她的名字是「來多客」, 還要採用無憂「紫」來作食店的主顏色。早餐食乜好!?  快快讀讀這兩張早餐牌吧! 中式西式都是任君選擇。早餐配意大利即磨咖啡或奶茶 (凍飲加$2)西式鋸扒早餐可分為香煎雞扒 ($27)、煎豬扒 ($27)、吉列魚柳 ($29)、吉列豬柳扒 ($29)、鮮嫩牛扒($29), 再可從以下系列配料中選兩款(煎蛋、火腿、餐肉、腸仔、煙肉、薯餅)或只選→蘋果沙律, 另再配一件牛油餐包。牛扒拼煎蛋、薯餅、牛油餐包 $29牛扒肉質正常, 並沒有用鬆肉粉鬆到變渣滓, 薄牛扒是有肉味之餘, 廚師又煎得嫩嫩, 咬落無渣。扒爐煎太陽蛋, 煎到又厚又熟兼無脆邊(別給太陽蛋的外貌騙了, 蛋黃芯是熟的)；炸薯餅是比預期的大塊, 新鮮炸起就香脆無比。吉列豬柳扒拼煎蛋、腸仔、牛油餐包 $29豬柳扒比較乾身, 無油無脂, 食落口會感覺粗糙, 而吉列炸皮的脆炸程度又未去到「咔嚓」咁聲, 個人不能接受這種吉列豬扒。  尤幸那條一向被廚師忽略的腸仔, 今

(826)去年於黃大仙光顧過一間來多客餐廳，今天路經深水埗元州街，發現有一間新的來多客餐廳，門面招牌裝飾亦相近，這裡...應該就是分店了。中午時段，選擇了這店的飯飯掂套餐，這個餐由A至G共有7款，揀了當中的B餐，黑椒豬扒煙鴨胸肉飯，飲品要了熱奶茶，這個餐應該是最抵吃，是包埋餐飲的；其他餐是沒有包餐飲，如要餐飲，飲品的價錢會收半價。黑椒豬扒煙鴨胸肉飯，豬扒軟腍好味，豬扒有少許肥邊，不過肥的位置，油香美味，黑椒汁開胃惹味，煙鴨胸肉吃來甘香又帶煙燻味，米飯煮得都正常。熱奶茶，茶味重過奶味，不過味道都好飲。這店室內設計簡單，冷氣電線槽露現於天花板，並且噴上深綠色，兩旁格仔玻璃牆，全店約有80座，疏化座全部均一為深紫色，環境順眼舒服。還要一提的是身穿校服之學生，每個餐均可減6元。