來多碗車仔麵 (佐敦上海街) (已結業)

今晚再次光顧，星期六黃昏，客人不多，店員招呼我們坐下（車仔麵店有招呼，多好）🤩🤩店員勤力， 每張枱清楚整齊， 車仔麵店，少有。今次我仍然食福州丸，因為真係好好食。另外， 試了豬手，好得，好入味。另一半叫了牛肚， 他超喜歡， 大件有chewing ,也叫了豬紅，墨魚丸， 粗麵。。粗麵底，好大個。。麵條好滑， 非常好味。上次我哋晚上7時多到此店， 客人多， 招呼好；今天6時多光顧，人少及服務更就到。多謝前多謝後， 老闆有眼光， 二個男店員均服務優秀。

我是來多碗的粉絲，從觀塘吃到他關門，再在荃灣發現他開分店，試了，再見旺角店試了，幾好，有回頭，到今日發現佐敦店，嘩，超好，好到我決定要寫食評分享。先說回頭，荃灣店已被我列入黑名單，因為去了三次均說壞冷氣8月9 月，好難頂，更有蚊， 第4次外賣， 多收我錢。。。唔老實！唔見啦，荃灣大把野吃！佐敦店是我去過的4間分店中最大最光猛，更有裝修（見圖）此分店落order的方式有別其他店，客人埋位落單，舉手，有待應收單及送上湯麵， 態度好好，超讚！ 食完先出去俾錢！其他分店：在門口叫麵叫餸俾錢，自己攞埋位.（荃灣店我試過跟同事去，同事想找位坐下先， 俾阿姐阻止，嚇死我同事。。🤦🤦）說回食物，當然好啦， 一定要試秘製辣醬， 福州丸，豬紅，魷魚。我今晚叫了2麵2餸麵，1碗4餸湯，共96元，老細好好送了2汽水， 我好快再回來。

自從轉左去佐敦返工 就成日四圍睇下有咩好食～發掘下～.呢間來多碗車仔麵全港都有唔少分店啲料多 又大大碗❤️cp值高就算男仔都好夠食😋同事揀左秘制牛腩 豬腸 蜂巢豆腐 通菜 配粗麵佢話必加呢度既秘制辣醬🌶️同腩汁🐂牛腩肥瘦岩岩好 腍身入味豬腸肥美 連蜂巢豆腐都好香唔好睇湯底顏色深色好似好咸咁 其實清甜架～我當日唔舒服 食得清淡少少～要左枝竹 蘿蔔 特級牛筋丸 菜心🥬牛筋丸好彈牙 牛味好香 必食🤤蘿蔔都好腍 食完都無罪惡感呀

位於佐敦區的來多碗車仔麵店嘅車仔餸選擇非常豐富多達三十多款。對於車仔麵來說，自由度十分高，你想食什麼就叫咩黎食啦！我今日最後嘅選擇係咖哩魚蛋、紅腸同埋福州魚丸（食嘅時候要小心啲呀會爆汁㗎，正呀）配油麵。醬汁方面我選擇清湯（因為有啲唔舒服），但係我最後都忍唔住，因為同行男友就無辣不歡，呢間車仔麵店有自製辣椒醬，佢話真係無得彈，咁我就落咗少少睇吓有幾冇得彈，的確不錯不錯嘛😋男朋友揀咗雞翼、豬大腸、冬菇同糖心蛋。佢呢碗好豐富好好味呀，首先糖心蛋真係溜心嫁，之後個冬菇好大粒（酒樓擺酒的冬菇味道），大腸爽口又好乾淨完全冇腥味👍🏾總括嚟講，呢間來多碗車仔麵店值得一食！效率高，味道唔錯，價錢合理，地理位置好！

週日早上喺香港公園做完運動，循例在美食臥虎藏龍的佐敦搵食。之前在紅磡已經被這間「來多碗」吸引，今日驚喜發現佐敦亦開始了分店，立刻入來試下。鋪面全新裝修，乾淨企理，牆上的壁畫非常有香港特色。餸料的選擇非常多。貼心的店家亦有提供幾款推介套餐供選擇。選擇困難的我叫了套餐B，撈烏冬配豬腸、牛腩、蘿蔔、溏心蛋。非常推薦溏心蛋，淡淡滷水味，蛋黃半流心豬腸是小腸的部分，收拾的很乾淨。蘿蔔清甜無渣。友人選擇了瀨粉麵底，幾特別。我試咗友人選的蠔皇靚花菇，非常有質素，用料靚，花菇夠厚有口感。另外店家秘制的兩款辣醬亦非常惹味，嗜辣的朋友千萬不要錯過了。

今日lunch試左呢間車仔麵，叫左個4餸既車仔麵，送多罐汽水比我，一共$46湯底正常，佢個辣醬都幾香。感覺有d似車仔麵之家，但車仔麵之家個辣醬好食d. 餸方面，響鈴無分開上，唯有一黎就即刻食左佢先。魚卷同菜肉餃不過不失，唔算好食。溏心蛋ok，成粒上無切開，但味道OK。

佐敦來多碗車仔麵裝修後較新淨及明亮，牆上畫了佐敦的地標。菠菜麵+溏心蛋+古法豬紅+秘制辣醬(小)溏心蛋有溏心之餘，都有流心效果。豬紅滑嫩，不會太鞋口。秘制辣醬頗為豐富的味道，不會只有辣味。薯粉+秘制牛腩+秘制牛筋+腩汁牛腩肥瘦適中，都算淋唔鞋口。牛筋大致上炆得夠淋。辣魷魚魷魚爽口，而且份量十足。蘿蔔豬腸蘿蔔只有少少渣，有少少苦澀，但夠淋。豬腸係雪藏，都夠肥，滷得夠入味。枱上有魔鬼辣醬，實在好辣，愛辣者應該鍾意

依個星期食左幾餐日本拉麵，依餐唸住食下我地既真。香港特產---車仔麵早排行過上海街，見到新開左間車仔麵，餐廳鋪面用上紅色既裝修，非常搶眼今日就去試下依間新開既來多碗車仔麵先新鋪新裝修，啲野好新淨，好光猛坐位亦好闊落，唔会坐得迫迫夾夾開放式既廚房，感覺上食物處理会更乾淨衛生餐牌上有散叫，亦有套餐我今日就嗌左個秘製撈麵試下有啲咩係秘製既先個秘製撈麵係用腩汁撈，無我所祈望既秘製醬汁豬大腸都幾香，無咩腥臭味，不過有少少韌牛腩都幾淋最好食係溏心蛋每個套餐有汽水送，有我最鐘意既sprite plus整體都ok既，唔会有咩驚喜，埋單54蚊唔算係好好食，亦唔会覺得難食

車仔麵是經典港式平民美食。藏身街頭巷尾，靈活多變，一撮油麵、十幾廿款餸任意挑選、再加兩殼熱湯、淋匙辣汁，就是一碗庶民Comfortfood。不過並不是間間餐廳都可以做到好吃的車仔麵，好低調。平時很少接受訪問，但是附近街坊就不會不知道。店鋪的裝修雖然新派，可以仍保留著傳統車仔麵的點餐方法。我走到玻璃前看到各式各樣的送，最後點了豬紅，魷魚，蘿蔔，雞翼等傳統車仔麵必點食物。魷魚是他們的鎮店之寶，豬紅也很滑，雞翼入味不會太咸。

之前聽家姐成日講～佢嗰邊有間叫來多碗車仔麵好好味～成日都叫我去試吓～但近排實在小去佢嗰邊～所以一直都無試過～今日喺佐敦經過見到新開咗一間車仔麵～正正就係來多碗車仔麵分店～擇日不如撞日～一於入去食吓有幾好味～餐廳環境好簡潔～Order紙都好多餸揀～有選擇困難症嘅都唔洗怕～後面仲有推介套餐，唔洗左諗右諗～我揀咗咖喱魚蛋、秘汁雞翼、惹味豬腸、馳名辣魷魚同生菜(秘製辣醬)咖喱魚蛋彈牙好味～雞翼有兩隻，好入味但又唔會滷到啲肉梅晒～豬腸做到兒時車仔檔嘅味道～魷魚份量都幾多，爽口彈牙，唔太辣～秘製辣醬我揀咗小辣～不過覺得唔夠辣～所以加咗一匙羹魔鬼辣醬～我比較喜歡魔鬼辣醬嘅辣，比較刺激啲～朋友叫咗秘製牛筋、蘿白、漢堡扒、溏心蛋同菜肉餃佢就激讚牛筋同蘿白～車仔麵嚟講算唔錯～下次我會再試吓佢其它秘製嘢～

午飯時間經過佐敦上海街，發現一間新開的車仔麵檔 ,店名好熟，記得喺荃灣，觀塘等區都見過， 信心保證 當然要試試啦裝修座位簡潔，有卡位， 坐得蠻舒服的。一進店，店員便熱情招呼， 小小的店得到熱情款待確是驚喜。菜單都多選擇， 點選了我最愛的蘿蔔，牛筋和午餐肉，牛筋細細粒易入口 ,蘿蔔 雖然大舊但很入味，午餐肉的味道很特別， 像素午餐肉的， 至於河粉都很滑溜沒有黏住的感覺。湯底方面我選了 牛腩汁， 驟眼看色澤不太濃郁，但其實都有很濃的腩汁味啊！

今日係上海街買甜品用具， 行到餓餓地順便食埋野先翻屋企啦~~~而間野都幾多野揀下架！！ 而且價錢都尚算合理！溏心蛋，我的最愛喔！ ！ 超喜歡吃的！ 不過如果成粒上就更完美了~ 佢切開左好驚d蛋黃會流出黎真係好吃好吃啊😋墨魚丸同台灣腸 ， 平時我都好少叫而兩樣~見格離枱有嗌！ 見到我又想食下~~唔錯既選擇！生菜🥬 ， 為了健康點都要嗌翻碟啦 要吃多點蔬菜 ！而個都好味， 夠脆身天氣太熱了， 一座低就要嗌翻枝凍飲👍🏻飲品方面都好多選擇！

還記得有次無意中在紅磡發現”來多碗”, 短短的日子裡，原來已開了多間分店，今天一行三人，正當午餐時段，被筆者發現，最近已在佐敦開分店，怎能不試！就是這個秘製醬，配在車仔麵相當夾檔，當看點餐紙時，原來還有魔鬼辣醬，嗜辣者可挑戰一下。一張點餐紙，一目了然，底、面清楚列明，選擇快靚正⋯⋯背面還有套餐及單點項目，圖文並茂，選擇清晰。之後筆者將點餐紙交給店員，店員用黑色水筆再在食客面前，劃圈確實，減少錯誤機會，值得一讚。筆者還向店員打趣地說: 這個景象有如老師改卷⋯⋯魷魚、豬腸、咖喱魚蛋、魚卷麵~豆卜、菜肉餃、豬腸、牛筋米粉~蜂巢豆腐、蘿蔔、魷魚、豬腸米粉~這是筆者到紅磡店必點之項目，來到佐敦店，也照板煮碗，但相比之下，魷魚好像比紅磡較老身，但整體上，每款都很入味。店內很多紅色卡位，比一般車仔麵檔來說，環境及座位倍感舒適。台灣麻辣鴨血$18~麻辣味濃，鴨血質地紮實，筆者喜歡的質感，略嫌太鹹，令到底部那些韭菜鹹味甚重。油菜$13~酸辣貓耳仔~酸辣度適中，筆者至愛。整體來說:店員服務好，當筆者付款時，大意地付多了一張$100 ，店員很誠實，筆者連番道謝，店長笑說，可以留下餘額等下次再來，大家即時笑一

近日因為進行生銅飲食所以食嘢的選擇不太多！不是豬扒牛扒燒肉，就是煎蛋蒸蛋靸蛋炒菜油菜，今日在公司附近開咗間車仔麵其實，佐敦附近食肆都好多、競爭都好大、車仔麵附近就不算太多、一係就要行到尖沙咀一係就要行到如畫國貨附近！試一試這間來多碗車仔麵，我叫了牛腩比較煙銀, 秘製豬大腸味道就唔錯好似有啲元朗X年的味道、都可以、香辣金錢肚味道一般！ 其他嘅嘢食就下次再過去食先至再試下 ！ 二價錢就一般啦大部份都係8至$12左右！ 因為新開張環境都清潔乾淨而我亦都冇事到佢哋勁辣醬汁！ 大家可以一試！

今日見到公司附近新開的車仔麵，期待了很多天終於去試下好唔好食，因為佐敦附近啱食嘅嘢都好有限，由於減肥既關係，我冇食麵底只叫了餸食.豬腸入面仲有少少肥膏，雞翼都OK入味因為我食得比較鹹所以我覺得湯底都可以，總括一句唔算好出色，但不妨一試