來多碗車仔麵 (佐敦上海街) (已結業)

行過見係車仔麵，心想支持下小店，尤其是現在疫情期間，好多食店都話經營困難，就算外賣都試下，結果好後悔冇睇食評。兩個人買咗兩個外賣，回家一放入口便知中伏了，就講下其中牛丸魚蛋豬皮最基本幾款，質素？湯頭死咸，味精重手，牛丸死實冇牛味，魚蛋嬌小但冇味道，最正係豬皮，$11只有4片比香口膠畧大。總結：原來佢有幾間分店，睇其他店評論都係負面多多，唔知點解仲生存到，希望只係‘’個別事件‘’，顧客的口及眼睛是雪亮的經營困難，心,，執到錢都唔好嚟，一次過！

最近開始係佐敦返工，仲未知有乜好食所以OpenRice 睇下有咩平靚正因為只想清清地食碗麵所以揀咗呢間車仔麵外賣自取，不過去到都未拎得，要等多一陣Lunch時間發現都無乜人，心諗會唔會中伏😒但叫咗啲好基本嘅野，應該難食極都有限掛。最近要戒口，所以只㡳清清地叫咗蘿白、滷水蛋、生菜加米粉（$39），仲有素湯底可以選擇 蘿白-好淋甜、入味、無渣滷蛋-入味、但好鹹湯底-素湯、都係勁鹹我食完飲咗1L水都仲好口乾😢

100分推介車仔麵！ 真材實料！ 豬大腸採用新鮮豬不用急凍材料！ 蘿蔔超甜超好味 ！ 最緊要是試埋秘製辣椒醬 ！ 地方乾淨整潔坐得舒適 ！平民價錢優質服務！ 睇得出老闆用心經營！

下雨天没有带雨伞，只能随意找一家店吃饭，随便避一下雨。以前没有留意这家车仔面店，这次无意中发现了，便进去试试。店外在菜单，都是一般常吃的车仔面配菜，没有什么特别，但价钱是便宜一点。下雨了，再加上快打烊了，客人不多，店员也开始在搞卫生了。跟其他车仔面店一样，都是用专门点菜的表格下单。他们说猪红是推荐的配菜，吃下去带点小辣，不会太腍，有少许弹性，口感不错。至于另外的贡丸和牛腩就比较普通，但味道还是可以的。这顿饭不到40元，算是便宜之选。

呢日去開佐敦做野，食晏時間想整番碗車仔面，終於有機會食喇，入到去初初搵左個門口位座。店員見天氣甘熱就叫我唔好坐近門口位安排左個卡位我坐涼下冷氣。好鬼nice既😊望落去乾淨舒服比你慢慢劃麵底選了油麵，秘製辣汁小辣，餸就叫左台灣黑椒腸，蜂巢豆腐，馳名辣魷魚再加罐可樂$42三餸一麵套餐。車仔麵檔有得食台灣腸相當少見，蜂巢豆腐相當入味，馳名辣魷魚都幾多，佢個秘製辣汁叫左小辣都要辣到狂飲水，成碗面都好好食。有機會會再食

2021年想係街食碗車仔麵，好多時無50蚊都落唔到樓～但係今日竟然係佐敦發現仲有間有平靚正嘅車仔麵！裝修有別於一般粉麵店，牆上會有壁畫，一邊係會展同維多利亞港，另一邊就係如上圖所示，西九站！唔知佢其他分店係咪會有唔同裝修呢🙈🙈晚餐 - 抗疫餐： 蘿蔔、牛腩同魚蛋加3蚊仲可以轉豆漿，total只係42蚊，物超所值！食完再上網睇，原來佢係連鎖店黎，下次你行過其他地區見到「來多碗」，不妨入去試下啦～

上星期經過上海街，發現了這間車仔麵店，看到餐牌，車仔麵套餐40元，幾抵喎！現在的車仔麵，動輒六七十元，貴過吃茶餐廳。Honey叫了四號餐：每樣都好食。豬紅很嫩很滑，豬腸不肥膩，而且有鹵水香味。魚蛋是比較實口的魚蛋，咖哩味好味。Honey改出前一丁+$3是剛淥起，很爽口，最怕是預先淥好的。另外，改飲豆漿+$3這個豆漿就一般。我就叫一號餐：生菜份量不少，新鮮，不過熟。鹵水雞翼大隻又好味。 我飲coke zero(罐裝)不用加錢。上次已試過這個「魔鬼辣椒醬」，真的很辣，但是非常香口，所以越吃越想吃。這個不起眼的小店，但每樣食物都不錯。而且，很相宜。我常常在佐敦覓食，這個價廉物美的小店，我想，我會常常來光顧的。

車仔麵可算是香港特色小食之一，早前在紅磡遇上”來多碗” 之後，已有一些時間沒有再來，適逢今天，麻甩俠相約過來佐敦，話想吃車仔麵，乾淨企理有卡位，這裡算是不錯的選擇。門外有大大個餐牌寫: 五個防疫套餐作選擇。由於麻甩俠第一次到來，我們一行三人，除了選擇自己心頭好之外，還點了一些小食。單單是防疫套餐，左揀右揀，唔想飲汽水，最後選擇了單點項目加原味豆漿。疫情期間，筆者喜歡點原支飲品，相比餐茶，原支上飲品感覺穩陣點。原味豆漿:少甜，糖份每100只得4.2，適合愛美女士們。豬腸、魷魚鬚、滷水豆卜米粉~ 酸辣貓耳朵$20~秘制鮮豬手$28~由於麵食和小食於上次已細說，所以今次只會分享秘制豬手的感覺，$28/4件豬手，醬汁帶甜，有點點豬腳 薑的影子，那份甜味，惹人討好，夠腍身，如果一人到來可配搭於車仔麵餸之中，合附經濟效益。台灣麻辣鴨血$18~每次都會點這鴨血，筆者喜歡其質感多於豬紅。整體來說:佐敦店今次是第二次到來，發現由新開到現在，價錢依舊，尤其小食方面，由$18-$28大衆化價錢，適合附近上班一族。另外很喜歡這裡的店長，由於朋友第一次過來試，問他秘制醬和魔鬼辣醬的分別，他也細心講解，朋友又說怕

咁啱做完運動啦就會喺附近食啲嘢 咁我平時就食隔離嗰間韓國嘢 咁今次就想轉下口味去左食呢一間車仔麵嘅係門口已經見到抗疫優惠價$42 有三餸仲有嘢飲其實嗰個3餸有限制嘅就會係兩個$8嘅款式啦同埋一個$10或者$12嘅款式嘅 望下個餐牌先我就嗌咗佢個招牌嘅辣魷魚，蘿蔔同埋魚餅嘅 辣魷魚係真係有驚喜好爽口 辣又好開胃 蘿蔔都好入味嘅啱啱吸晒啲腩汁 魚餅我就覺得普通啦 同喺街市買到食嗰啲其實都差唔多 不過要講嘅係佢嘅服務態度因為佢可以加$3配豆漿嘅 咁我自己就唔飲凍嘢啦 佢都主動話幫我坐返熱佢 我覺得呢個係好好嘅

好食車仔麵尤魚，麵根，豬皮，豬大腸秘製辣醬惹味推薦豬大腸奶茶亦吾錯吾食辣嘅可以揀素嘅清湯烏冬夠彈牙同煙un 👍🏼吾錯點解車仔麵用咁平嘅送就可以賣到咁貴😅不過起碼佢算好食

今次又黎佐敦搵野食啦，想食車仔麵，就黎左依間來多碗車仔麵，唔知係咪真係好食到可以來多碗呢。咁我就叫左三個餸，甜心蘿白，菜肉餃，同埋糖心蛋，之後就係米線走湯。是關我on緊diet,又想食車仔麵，所以就咁食得咁清。黎到其實個分量都夠既，我唔on diet應該要加大先夠。食落蘿白又真係幾甜，又夠大舊，唔太硬，幾好咬。菜肉餃都大粒，食落都幾夠料。糖心蛋都好好味，夠大粒，夠飽肚，仲要咬落去真係有少少流心！米線走左湯，但本身啲餸都夠味，所以無問題。地方都乾淨，雖然舖唔大，但都唔會坐到好迫。

放飯時間又唔想食禁飽，想食啲湯麵嘅嘢，所以就嚟左呢間車仔麵店。坐低之後見到有個抗疫套餐$40有3個餸加嘢飲，好似幾抵所以就叫咗個餐2。-蘿蔔貢丸牛腩油麵個湯底係腩汁不過就好普通飲唔出有任何香料味，白蘿蔔就清甜無渣， 幾好食😋。貢丸都唔錯，好彈口而且有肉汁爆出嚟，可以一試。可惜最失敗就係個牛腩，牛腩非常之瘦，一啲脂肪都無，乾柴柴咁，好似食緊擦子膠禁，要咬好耐先食到。油面嘅硬度都唔錯，不過可以煮耐少少，因為有啲麵仲未散開仲痴埋一齊。如果午餐想食平啲，呢間都唔錯3餸仲包嘢飲，嘢食都唔算難食。

車仔麵以前係便宜菜式窮人恩物，而家都要成40-50蚊一碗，今日叫左一麵兩餸，食冬菇同埋餃子，冬菇整得幾林幾好食，餃子正常貨色，坐卡位唔算迫，但都多客人黎食有點嘈

Tl;dr 難食今朝起身同女朋友想食碗麵就喺openrice 上面求其揀一間車仔麵，我叫咗餐肉金錢肚一丁，而女朋友就食烏冬。雖然我哋揀咗唔同湯底但係其實係完全冇分別嘅，所以其實係冇選擇。我碗麵嗰兩塊餐肉（一開二）係就咁用熱水滾，老老豆豆正常都知要煎，滾水白「圾」嘅餐肉真係少見。btw麵質軟到接受唔到。而女朋友碗烏冬根本未煮熟！條麵中心仲係硬嘅，蟹柳食落就好似食緊麵粉一樣。至於價錢方面大家自行判斷，我就覺得咁嘅價錢大把其他選擇，早知係咁嘅味道我寧願去大快活好過。

今天來到這家連鎖式的車仔麵店，環境很整潔乾淨，雖然座位不算多，但因為我是在繁忙時間前入座的，所以基本上都不用等位。餐牌上餸菜的選擇與一般傳統車仔麵店差不多，沒有什麼特別款色，但種類算多，每次吃車仔麵，必定點的就是滷水豬腸和豬紅，今次也不例外，另外還點了一個餸，就是他們推介的魷魚。點餐後，需要等一段時間才有食物送到枱上，賣相還算不錯。平日多數會點油麵的，但家店較特別，有薯粉，所以點了薯粉。薯粉很煙靱，好吃，但份量唔算太多男生加底。豬紅也好，很入味。至於魷魚就沒有如推介般好吃，是那種帶點硬的口感，不過沒有鹼水味。至於滷水豬腸就一般吧，雖然沒有異味，但切得很細段，滷得不算入味。整體來說都算不錯，有機會拿到再幫襯，跟餐有附送一罐汽水，價錢是$46 ，算抵食。不過如果要幫襯，就要選擇午飯前入座，因為客人在繁忙時間是蠻多的，遲了就要等位囉。