影片
營業時間
今日營業
09:30 - 20:30
星期一至日
09:30 - 20:30
以上資料只供參考, 請與餐廳確認詳情
相關文章
放工好肚餓 但求就手見到店就入就入咗呢間連鎖店車仔麵🌟來多碗🌟由於一放工就入所以人流唔算好多但過咗一陣 店舖就坐滿晒人叫咗一碗六餸同三餸車仔麵✨六餸：咖喱魚蛋- 店內招牌 大大粒又彈牙墨魚丸- 同樣大粒又彈呀豆卜- 超級大大粒又入味豬腸- 其中一餸叫豬腸是常識吧😌豬手- 軟腍腍之餘又好咬口鮮魷- 醃製得好入味油麵- 絕對係車仔麵界首選✌🏻✨三餸：秘製雞翼- 大大隻之餘 味道調校得剛剛好貢丸- 大大粒又新鮮魚皮餃- 食得出內餡好新鮮及自家製銀針粉- 喺車仔麵界相當罕有 估唔到銀針粉都可以好入味✨腐乳通菜：係其中最鍾意食嘅菜之一每一條都充滿腐乳😆
繼續閱讀
以前曾經在紅磡區住和工作一段時間，對這裏的環境非常熟悉，今日路過紅磡，便在這裏吃過下午茶。這間車仔麵的店主曾經在觀塘出名的車仔麵工作，後來出來創業。這間車仔麵沿用老式車仔麵經營，如果點車仔麵，到車仔麵檔，先選擇𪍑類，然後選擇多少個餸，這種模式已經在香港很少見了。豬手，爽脆可口。牛腩炆煮得有點着勁。咖喱魚蛋，香辣味道適中，辣徑十足。豬大腸沒有腥臭味，爽口彈牙。豬頸肉軟硬適中。牛肚炆煮得很入味。牛柏葉爽口彈牙。值得一提的是這裏的辣椒油，辣度頗高，喜歡辣的必是這個辣椒油。檸檬可樂跟餐$10 ，這個性價比超高。
繼續閱讀
車仔麵，對於好多香港人黎講，絕對係童年回憶嘅代名詞。細個放學經過街邊檔，聞到陣陣湯底香，已經忍唔住要停低叫碗麵食。近年車仔麵嘅選擇愈來愈多，唔單止係傳統嘅魚蛋、牛筋，仲有好多新奇配料同醬汁，真是一個美食進化！今日同朋友喺紅磡搵下午茶，無意中見到一間車仔麵店，環境乾淨又涼冷氣，於是即刻決定入去試試，點知真是一個驚喜！因為朋友早餐未食，肚餓到震，於是好豪邁咁叫咗好多嘢食！朋友一開始就點咗一碗「一麵四餸」嘅招牌組合：豬紅、雞翼、魷魚同豬皮，配上幼麵同沙爹醬。呢碗麵一上枱，香氣撲鼻，沙爹醬濃郁得黎唔會太搶，配搭爽口嘅幼麵，食落真是一個字：正！麵質彈牙，雖然唔係貴價手工麵，但以呢個價錢黎講，性價比真心無得彈。豬紅軟滑、雞翼入味、魷魚爽口、豬皮Q彈，每款餸都各有特色，食到停唔落口。另外我哋仲叫咗一碗淨餸，試試其他招牌配料：貢丸、厚肉冬菇、蘿白、魚蛋同台灣腸。貢丸彈牙多汁，厚肉冬菇份量十足，蘿白燉得軟腍入味，魚蛋同台灣腸就係經典嘅街頭風味，每啖都係滿足感！仲有炸魚皮、秘製豬手同軟綿豬軟骨，全部都係驚喜之作。炸魚皮香脆可口，豬手醬汁入味，軟骨炆得軟腍，咬落滿口膠質，超級滿足。呢間車仔麵店除咗食物吸引，環境都好唔錯，涼冷氣之餘，服務都好親切，食甘多野. 都係200蚊, 慢慢叫、慢慢食，完全無壓力。對我同班朋友黎講，呢個下午茶真是一個輕鬆又開心嘅回憶。車仔麵唔單止係食物，仿似將我哋帶返去小時候嘅街頭巷尾。真心推介，下次經過紅磡，記得嚟試試，仲要同我哋一樣，叫多碗！
繼續閱讀
同朋友係紅磡行街又唔想掃街係條街到食野，就走左入去慢慢坐低食返碗車仔麵。食車仔麵梗係要叫多3餸或以上先high！🟥豬紅雞翼尖蘿蔔銀針粉好開心有銀針粉，豬紅正常發揮，雞翼尖入味，蘿蔔幾甜又冇渣，呀姐話鍾意食辣要落個魔鬼辣椒醬真係冇介紹錯，真係好夠辣食到好爽！🟧豬腸牛腩魷魚豬肚油麵另外果碗，朋友就揀左油麵底，豬腸夠晒淋，牛腩啲汁入晒去好正，魷魚佢係細細條 有少少辣好爽口，呢幾款餸加埋落個麵度真係夾🤣🤣我地仲叫左碟腐乳通菜，食車仔麵食返碟菜中和下🤣
繼續閱讀
門面易看易搵，整個都係紅色，環境OK，衛生整潔，座位都舒服。有好多餸選擇，除咗車仔麵，都有其他小食，除咗一般凍飲汽水之外，仲有一啲特色飲品。點左兩碗車仔麵，揀咗六個餸，最特別係佢有新鮮嘅銀針粉，好耐冇食過銀針粉啦！第一碗：銀針粉配豬手、魚皮餃、豬大腸、咖哩魚蛋、蝦餅、牛腩銀針粉滑而彈牙，口感不錯，豬手和牛腩都好腍，豬皮煙韌，魚皮餃彈牙，蝦餅係類似魚蛋的感覺，咖哩魚蛋係呢度嘅主打之一，微辣帶甘。第二碗：油麵配豬紅、牛筋、韭菜、豬大腸、牛肚*油麵彈牙不油膩，豬紅厚薄大小適中，牛筋都係好腍，入口黏韌，韭菜新鮮，豬大腸不肥膩，牛肚微韌香口。有唔同嘅醬料可以落，仲有秘製辣醬，如果鍾意食勁辣，一定要挑戰魔鬼辣。夏天熱辣辣，點都要叫返兩杯飲品凍蜂蜜百香果蜜 ：酸酸甜甜，百香果香味突出，冰涼解膩。陳年柑桔蜜：味道濃厚，清潤止渴
繼續閱讀