俊城牛什魚旦皇 (已結業)

午膳時段，貪呢間少人，但原來人少其實有原因。牛腩飯$40，得8小塊牛腩，少少汁。羊腩飯$50， 汁太稀，少肉。未食完就收碟趕客走。性價比非常低。應該唔會再幫襯 。。。

最近在週日禮拜聚會地方旁發現了這所新開的茶記加粉麵店。往往要在會後找地方開餐的我們，當然無可避免要跑過來試嚐的....太太和我都揀選了牛腩跟丸這一類的和粉麵相配的東西，相反小友點的是在普通茶記中也能叫到的蔥油雞扒飯....對太太的雙丸粉沒興趣，便唯有只專攻我的那碟牛腩飯。說實在，清湯牛腩雖還說入味但質地就有點偏硬韌，不算是最好品質的牛腩....相反小友的雞扒飯倒是非常不錯，雞扒熱辣辣的煎起，皮仍是脆的滲著油香；肉醃得入味亦夠軟淰。飯方面有了鹹鹹香香的蔥油配合來吃，自然是事半功倍了....忽然口痕想吃炸魚皮，就來一小碟。上桌時才發覺它就和在7仔買到的零食魚皮一般，脆是脆但味卻尤如在嚼蠟一般，基本上食完一件後已不想再拿起第二件了....說老實，在吃完這幾道後我真的未太理解為什麼這兒會有不少的佳評....充其量只是一間可用以充饑的茶記而已....

今晚我們去咗何文田窩打老道嘅「俊城牛什魚旦皇」食晚飯！我們叫咗炸魚皮炸得極之香脆薄身！梅菜蒸鯇魚蒸嘅時間火候控制得恰到好處，肉質相當嫩滑，梅菜嘅味道好香甜！豉汁蒸排骨嘅肉質好爽滑彈牙，唔會好硬實！淨腩什有鬆軟嘅牛腩、香腍嘅牛蒡同爽滑嘅牛肚，淋上濃郁嘅腩汁，真係好惹味！

見有間粉麵小舖新開, 當然要試一試 支持下。同朋友坐低後發現, 呢到既枱比起其他粉麵舖較大, 坐得較舒服, 讚呀 !!唔駛坐得咁迫麻 !! 好啦, 由於放工太肚餓 所以叫左碟香茅豬扒飯食!!豬扒夠鬆軟, 同埋有好多伴菜, 岩哂平日懶食菜既我,再黎店主介紹既招牌菜 - 淨牛什牛什好大碟!! 大概 2-3人份量, 好岩同朋友一齊SHARE 食.. 另外, 牛什煮得好爽口同夠哂入味, 店主果然冇介紹錯 下次黎食, 一定會再 ENCORE.. 仲有見隔離枱叫左南乳豬手, 賣相好似好吸引因為食左一大碟飯既關係,  都飽到食唔到了..唯有等下次啦 !!

一條友行街肚餓，最想食咩？便就得！見到呢間門口全部30零左右，即入！入到去先知，原來係新開既鋪頭，枱凳全部新淨靚仔，仲有電視睇。可以優閒舒服咁啖下午茶啦最正係，見到疑似靚仔伙記（阿叔輩）叫個牛腩雲吞河等他煮俾我食先~。好味有水準，以後tea time 又有新歡啦～

今晚約兩個朋友路經何文田，見到開左間新餐廳，就諗住試下，其實都冇咩期望，但竟然有驚喜！原來老闆親手炸魚皮魚角，仲有手打魚蛋。未食過親手炸既魚角！好彈牙！好回味呀！果然冇失望，魚皮比較厚身，需要浸湯食但炸得好香，正！雲吞西洋菜餃麵！牛腩超級淋，好鍾意！豬肉丸好爽口！豬手係最愛！好淋勁入味！總括來講，係少有好高水準既魚旦粉麵度！下次要試無味精既蒸飯！一定會要來！

今日下午我們行過何文田窩打老道見到有間新開嘅「俊城牛什魚旦皇」！見到店內全場爆滿，我們都要等咗起碼15分鐘或以上先有位！聽店員話他們嘅雲吞同水餃都係自己包，所以我們叫咗鮮蝦雲吞麵嘅雲吞皮相當嫩滑薄身，蝦肉非常爽甜彈牙！淨魚蛋拼西洋菜餃嘅魚蛋係手打，口感好爽口彈牙，而且唔會有好腥嘅味道！淨崩沙牛腩嘅肉質極之鬆軟嫩滑，唔會好「嚡」同好實，牛肉味非常濃郁！淨豬手燜得好腍好入味，豬皮超爽滑彈牙，骨膠原好豐富，唔會有好油膩嘅感覺！而且價錢亦唔係好貴，真係好抵食！