俊城牛什魚旦皇 (已結業)

今晚約兩個朋友路經何文田，見到開左間新餐廳，就諗住試下，其實都冇咩期望，但竟然有驚喜！原來老闆親手炸魚皮魚角，仲有手打魚蛋。未食過親手炸既魚角！好彈牙！好回味呀！果然冇失望，魚皮比較厚身，需要浸湯食但炸得好香，正！雲吞西洋菜餃麵！牛腩超級淋，好鍾意！豬肉丸好爽口！豬手係最愛！好淋勁入味！總括來講，係少有好高水準既魚旦粉麵度！下次要試無味精既蒸飯！一定會要來！