俊軒越南餐廳

營業中

休息中

俊軒越南餐廳 中環永吉街36號永吉利商業大廈地下E號舖Shop E, G/F, Willy Commercial Building, 28-36 Wing Kut St, Central, Central永吉街小巷中很多間食肆的, 中午就一大堆上班族來用餐, 俊軒越南餐廳由越南廚師主理，提供正宗地道越菜。越南美食由PHO 湯河, 米紙卷及小食等，應有盡有。$90 火車頭湯河，有牛肉牛根，牛栢葉，大大碗浸一下d生牛到半生熟，先飲口湯好甜富牛味,再夾起滑身的河粉啜入口。鵝肝雞扒法包，勁大份法包有鵝肝醬同牛油抹一層，再夾上雞扒香菜同酸瓜絲。$68 包飲品的招牌海南雞當日賣曬，就試了香茅豬扒，豬扒肉質夠腍，豬扒食落有香茅味外仲嚐到甜甜地，幾開胃。$30 越南架咖啡一向出名今次食唔到招牌之一的海南雞，下次再來。#香港美食 #hkfood #hkfoodie #yummy #foodporn #delicious #cuisine #restaurant # #restaurant #pho #vietnam #soupnoodle #法包 #米紙卷

放工後，來到上環附近呢間裝修有越南格調餐廳，牆壁掛著特色越南帽子。店舖枱面印有QR code，方便客人可以用QR code 自助下單。蕃茄蟹肉湯檬：入面有蟹肉、鮮蝦、扎肉、蟹肉餅，配料非常豐富。蕃茄湯底煮得好濃郁，茄肉同蟹肉餅融為一體，入面配料仲有芽菜、蔥花，口感豐富。而檬粉是我喜愛的幼身爽彈口感，夠晒容易去索晒湯汁，一啖檬粉，一啖濃湯，別有一番滋味，差唔多飲晒成碗湯！牛油果沙冰上面有一瓣薄荷葉，牛油果沙冰打得好綿滑。

難得今晚唔駛加班OT，一於準時收工。今次晚餐係位於中環永吉街的俊軒越南餐廳。其實平時午飯的時候有時都會經過永吉街，但未有機會去試呢間越南餐廳。聽在上環工作的朋友講，呢間餐廳係以正宗越南菜聞名嘅，所以我地十分期待可以試到啲地道嘅越南風味啊！餐牌菜式目不暇給，主打係法飽餐，而且見有鵝肝醬，十分有興趣要試呢個。於是，我地嚟咗杯鵝肝醬雞扒法飽（$68）。我話你知，呢道菜真係令我心花怒放。個雞扒好滑又多汁夠juicy，每一口都好鮮美。香濃的鵝肝醬加上肉碎，一啖落去，濃郁嘅味道真係好出色。我對佢個價錢都好滿意，咁平嘅價錢食到咁好嘅料理，真係無得彈！鍾意食法飽的朋友，絕對唔可以錯過，第日午餐會走過來試試!然後，我地嚟咗越式豬扒撈檬（$68）。呢道菜真係驚喜連連。個豬扒煎得金黃香脆，口感豐富而且好入味，加上檸汁酸辣汁嘅清新，在生菜、蔥的配搭下，一啖啖檬粉食落去真係好開胃。就咁睇佢，都係夏天嘅最佳選擇！唔止咁，我地仲叫咗青木瓜蝦沙律（$70）。嚟到呢道菜，真係啲清新爽口，薄荷葉的香味同汁液混進青木瓜里。青木瓜嘅脆度同埋蝦肉嘅鮮甜真係好協調，好有層次感。呢道菜唔單止好食，仲好健康嘅樣子。我地仲試咗招牌牛油

食左俊軒好多次，但個人唔覺得佢好有越南風味，只係好食嘅粉麵、海南雞飯。平時食開蕃茄蟹肉麵，午餐送小食，個牛油卷好好味！豬扒炸得好，肉就唔多，志在切得細細條，易入口，湯麵湯底足料夠味，略為覺得食完少頸渴。越南凍咖啡好食 ，甜左少少，不過就係甜先好飲。

嗌左個 豬頸肉撈檬&鮮蝦米紙卷… 係幾好食既本身都諗住嗌多一個撈檬食點知.. 我女朋友突然間嗌停我話.. 你睇下匙羹上面就見到一隻曱甴… 呢間餐廳 本來感覺幾好食都幻滅曬…唔會再幫襯😮‍💨😐🤢

去開中環做嘢，經過永吉街呢間小店，就入去試下。下晝兩點幾去到，唔算超多人，可能因為過咗繁忙時間。天氣太熱唔想食湯粉，於是叫咗個鵝肝三色扎肉法包，一上枱，勁大份，一個人完全食唔哂。法包有鵝肝醬，扎肉，越南叉燒，材料好豐富，可以話係真材實料。老闆娘話個包係佢家鄉特色，果然無介紹錯！講下店舖環境，鋪頭細細，有兩層，目測應該坐到30-40人。座位之間距離唔算遠，不過小店算係咁啦，整體坐得舒服。另外不得不提，一路食嘢期間見到唔少人嚟買外賣，相信鋪頭都儲落一班熟客仔

鵝肝醬三色扎肉法包法包🥖烘到外脆內軟外皮香脆但唔會刮口💯內裏麵包體仍保持到煙韌咬口法包包住扎肉、燻蹄扎肉、越南叉燒、鵝肝醬、青瓜絲、酸蘿蔔絲🥒配料豐富🤩鵝肝醬尤為出色令成件事更加惹味可以講係我係香港食過最好食既越南法包🥇鮮蝦牛油果米紙卷🌯米紙有韌度煙韌得黎唔會咬唔開包左鮮蝦🦐、牛油果🥑、青瓜絲🥒、酸蘿蔔絲同檬粉🍜配搭得宜點埋酸辣汁味道清新🥗口感豐富好正❗️蕃茄蟹肉湯檬🍲配料蟹肉🦀、鮮蝦🦐、扎肉、蟹肉餅蕃茄🍅湯底酸味自然湯底清爽、唔油膩檬粉烹調時間拿捏到位口感爽口、無過淋配料份量同味道都唔差😇招牌海南雞起左骨👏🏻啖啖肉雞肉嫩滑🐥點埋越式醬汁酸酸甜甜🍋🍯更加開胃、好食🤤牛油果冰沙即飲無咁濃郁🍹要放耐啲口感會變得creamy牛油果味突出🥑無草青味👌🏻整體而言，巷仔越式小舖食物出品高質💯幫襯左兩次試左唔同野食每樣都唔錯👍🏻值得encore👅

叫外賣的豬扒撈檬包裝不錯，送到來好企理，香茅豬扒味道好肉質不會鞋，撈檬分量剛剛好不會太少，裡面仲有好多生菜同青瓜絲食吃嚟很爽口，跟餐仲有春卷同青檸梳打，好豐富下次一定會再order!

本想着一個小時午餐時間，隨便選一間越南粉來吃。結果碰着這間店，除了難吃便沒有更好的形容詞。午餐點了生牛肉湯河，牛肉只是數薄片, 碎碎的。最差就是那個湯和河粉。越南河粉的要缺是湯底夠熱而且夠清, 這家店的湯又不夠熱, 不知道為什麼河粉會那麼油, 整碗湯上面都一層浮油。午餐是$71 連凍飲。本身跟着午餐有一小吃,但進店以後，店家說小吃只有一種，跟餐牌上的三款有出入，只剩下木瓜沙律,聽到旁邊的那台客，聽到只剩下木瓜沙律，就跟店員說那不用給他們了。如果是下午一時已經沒有其他那兩款小吃的話，那就是店家準備不夠吧。要是這個情況，那倒不如不要列出三款小吃,因為顧客可能是看到其中一款米卷或是越南春卷而進店的。還有他們的地氈也真的要清洗一下了，進店後上樓梯，一直走着也覺得是烏黑的。

叫外賣雞扒湯河，走河粉，返到公司先見到得塊雞扒，湯又無，芽菜都無。打電話問佢，佢話你叫走粉無話要湯。態度奇差。我為乜要成60蚊買哩塊野。中上環绝對有其他更好選擇。

通常星期六/日黎食lunch, 雖然店舖細小，坐位不多，但都算坐得舒適，價錢唔貴而食物質素高，職員態度好。過去幾個星期試左幾款唔同食物，樣樣都不錯，好味過附近方圓百里既越南食店。個人覺得佢整得特別出色嘅係蕃茄蟹肉湯檬👍🏻😋值得一試

上次試過旁邊果間越南野，今日試埋呢間，今次個生牛肉河我覺得比較好食，個湯夠野味。跟餐個米卷就好普通。門面好細，原來樓上仲有位置，環境普通，lunch 時間係門口冇人理，要行入去問先有人照呼。

我係附近返工，尋日同同事去買外賣，因為話呢間好好食，但收錢個女人對我同同事既態度已經勁差，又唔出聲我地咪嗌餐，佢一句「你等等我落緊單！」咁我同事諗住講餐編號，點知佢又勁差咁講「下次你講食乜得架啦下，唔洗攪其他野！」之後我同事已經嬲緊，到我買佢又落完單掉低張單我點知係咪俾我，我咪問張單係咪我？佢答我「係呀！咪邊個架？」我真係勁多粗口係心了！😡😡到今日再去食，佢既態度一樣咁差！又唔講幾錢又唔數錢就收入銀頭又唔找錢，我話幾錢架我俾$80你啵？！佢話$60得架啦，我話咁你攞哂我$80？！佢話「你肯定呀麻？！我唔會數錢架！」我心諗係你問題姐唔數錢！找啦！之後佢找$10我心諗，岩岩唔係話$60咩？我再問佢佢又鬧我，「我岩岩唔係俾$20你咩？！我俾返$20你架啵！」我心諗我成身得$80，要唔要俾你搜下呀？！我當時唔知點解禁住自己唔好發火，仲同佢講唔好意思，而家我真心想返去小佢！！！！返到公司睇仲見到佢俾少一包檬汁我！以後都唔會再食！

中午去完南豐中心做gym ，做完之後想食啲粉麵之類嘅輕食。喺行仔度見到雲吞麵，本來諗住入去食。行到門口口嗰陣，有個同口音嘅小姐好有誠意咁介紹佢哋個午餐，心想越南phở也好，可以一試。門面不算闊落，枱唔多不過反而顯得工作人員仲多。雖然自取筷子但店內算乾淨。午餐包小食+主食。叫咗個牛油果米紙卷，份量足且皮薄，不錯。主食點咗最大路嘅生牛河，一上枱賣相很好，牛肉帶紅，但由於很薄，所以落湯即熟。味道真是有驚喜，河粉好滑，配料足，混搭一齊口感好。湯底夠味但唔係味精湯，不過略嫌多油。聽到幾個阿姐用越南話溝通，一定正宗。服務亦好殷勤，仲問我要不要加粉(free) ，遞東西時好有禮貌。

呢間小店唔太起眼，只有8個座位，而且個店名又似香港人名。如果唔係喺附近做嘢嘅朋友極力推介，我應該唔會入去試。第一次去到，我請店員推介，當日氣溫34度，店員推介我食肉丸烤腩肉撈檬。肉丸同烤腩肉都係浸喺暖嘅撈檬汁入面，但食落口竟然仲脆㗎！肉丸係免治肉丸，好好味，烤腩肉好香口，唔油膩，正！😋 個撈檬有好多蔬菜絲丶薄荷葉丶九層塔丶花生丶炸蒜片，食落好清新又有層次，呢度嘅檬粉比一般幼，整體味道同我之前喺河內出差嘅味道一樣！店員問我啱唔啱食，我話好好食同埋同我喺河內食嘅味道一樣，店員話佢哋都係河內人，用番河內嘅煮法。唔怪之得個味咁親切啦！由於嗰日好熱，店員見我成身汗，就推介我飲鹹檸檬梳打，果然好解渴👍🏻店員叫我下次試吓湯檬。不過因為我太鍾意個肉丸烤腩肉撈檬，所以第二次去都係叫番一樣嘅嘢。第三次去喺下午茶時段，下午茶餐無肉丸烤腩肉撈檬。我問店員有冇其他推介，佢話炒豬肉湯檬好食。講真賣相麻麻，但原來好好味，豬肉炒得好香，個湯超香甜，幼檬熱食原來仲正🤤 我食食吓不知不覺飲咗好多湯，出奇地之後完全無覺得口渴。呢次我飲咗香茅青檸梳打，勁足料，好飲！見到隔離枱個越南女仔叫咗杯smoothie，好似好正，等我下