俊軒越南餐廳

營業中

休息中

最近同事介紹公司附近有一間號稱越南人主理嘅越南餐廳唔錯可以去試。今日想起呢間餐廳就去拜訪一下。難怪我平時行過都唔覺有間餐廳啦，門口細 招牌細 完全唔顯眼。午餐時段 一個人。唔需要等候直接有位。後來逐漸多客。一張4人枱，坐了3組客人。香港餐廳一般自己幫自己落單，呢間都一樣。選好炒豬肉湯檬餐，選了走蔥，其他標準無特別要求。餐上得快嘅，一睇芫茜不見了，問一位男士樓面，反映我無要求走芫茜喎，佢就話打咗走蔥啦，我即時反應對啊，但我要芫茜嘛，佢話蔥同芫茜係一齊嘅，咁點解我落單時仍可選芫茜？佢仲怪我唔知咩？我答真係唔知喎，第一次嚟見識。食第一口嘅炒豬肉片，賴嘢；又硬又鞋。坐隔離枱有位唔識睇中文字嘅男仔要落單，當然叫佢自己搞掂啦，直至知道客人唔懂中文，才幫忙下單，點到飲品，男仔唔知道有飲品，個樓面一直用粵語問佢飲乜，個男仔好茫然，雞同鴨講咗一輪，男仔終於點咗餐飲。我坐旁邊都覺得服務極不友善。另一方兩位客人走後，另3位客人被安排坐兩位座。我連坐旁邊男生身上嘅汗味都聞到，因為餐廳冷氣開唔夠大。有客人已經坐低咗等上餐，被要求轉位，問題係好似無得say no, 扯住走🫣本以為3人坐兩人枱已經好迫，連食物都唔夠

下晝兩點幾經過灣仔，見仲未食lunch就諗住搵間餐廳坐低食野，點知差唔多係食tea嘅時間，就入咗呢間話係正宗越南人處理嘅越南餐廳，一入到去，餐廳裝修好企理，牆身又有啲越南特色掛畫，睇下午茶嘅menu 都係一般越南餐廳食嘅嘢啦， 之後我就叫咗個香茅雞扒撈檬，其實以下午茶嚟講，佢份量都算幾多，女士可以當係一個lunch，佢塊雞扒煎得好脆，同埋好juicy，一啲都唔鞋， 香茅都醃得好入味，仲有啲配料夾埋檬粉一齊撈嚟食其實都幾好食，仲有包一杯嘢飲，食完已經好夠飽，晚餐仲可以食少d添。

一個灣仔地膽極力推介， 想食最好味的越南餐， 就要來俊軒越南餐廳， 在灣仔軒尼詩道61號地舖， 離地鐵站只是幾分鐘路程， 非常就腳方便 。餐廳不大， 但很精致， 牆上佈滿富有越南特色的畫像， 有越南美女 ，越南風景 ，越南飾物 ，竹帽和燈飾都是越南風格， 坐得舒舒服服 ，老闆是越南人， 大廚更是正宗越南大廚， 店員熱情招呼， 奉上餐牌， 介紹特色食物， 有賓至如歸的感覺 。地膽朋友負責點菜 ，一個越式拼盤 172元 ，一個午餐套餐， 越式豬扒法包配鵝肝75元 ，包一杯飲品熱檸茶 ，然後再加錢點一個越式咸桔水， 兩個人的份量應該足夠了。 大廚還提醒不夠再點 ，不用心急慢慢享受 。小食拼盤內容非常豐富 ，有好味爽口的扎肉， 炸得香噴噴外脆內軟的 蒜香雞翼 ，晶瑩通透的蝦肉牛油果米紙卷 ，還有越南特色春捲， 配菜就是新鮮的生菜葉， 薄荷葉和酸蘿蔔 ，賣相非常上鏡 ，材料新鮮， 味道鮮美 ，絕對是食材的美味而不是調味料的味道 。份量確實不少， 配上越南特有的魚露 ，兩個人食得很滿足。 越式豬扒法包配鵝肝套餐 ，也是一個很出色的菜品， 首先色字當頭， 賣相非常搶眼 ，炸得香香的豬扒配上新鮮的配菜

如題，星期一特別blue! 番工燥左成個上午，午餐好想食一個舒服的飯安慰個胃。開門用手示意一位，已經聽到待應親切的接待：啊妹一位過嚟呢邊梳化坐。聽到‘啊妹’個胃已經舒服左一半（🤣）揀左湯檬午餐，一個價錢有主食，一款小食及熱飲，算幾抵。揀左招牌火車頭湯檬，小食揀左米紙卷，及熱奶茶。（小食三選一：a,木瓜沙律；b,越式春卷；c,牛油果米紙卷）火車頭足料，味道及熟度都啱啱好，聽到隔離枱話法包都好食，下次會試吓。食完成個星期一嘅blue mood都掃走晒。準備埋單待應過嚟收拾，好有禮貌問：靚靚，係咪食完可以收拾喇。 （決定左一定會再嚟，要帶埋啲同事嚟。星期一開心番晒😆）文字：一個膚淺的我圖片：餓

lunch路過入去，覺得麻麻地，叫佐個生牛肉河粉，個湯唔夠濃，普普通通，價錢偏貴，差唔多80蚊，有春卷送，但1d都唔脆，好硬。上菜速度都比較慢，想講包糖，一拎起濕哂，入面潮佐🥲希望可以改善一下

位於灣仔嘅「俊軒越南餐廳✨」，由越南人主理，口味夠正宗，越南湯河、撈檬粉、越南法包等等，每款都抵食又好味。佢哋仲有午餐及下午茶，配埋小食及飲品，性價比十分高。先講講佢哋嘅湯河，香茅豬扒湯河同香茅雞翼湯河，啲湯底好夠味，唔會太鹹又唔會太淡，啱啱好！啲河粉又夠滑，豬扒同雞翼都好入味，正！😋雞翼外脆內軟，豬扒夠軟腍，非常好味。跟住要讚下佢哋嘅越式豬頸肉法包🥖，配鵝肝醬㗎！個法包烘到脆卜卜，豬頸肉又夠香，加埋鵝肝醬，簡直係畫龍點睛！最後，仲點左越式馬拉盞炒河，炒河鑊氣夠，味道非常唔錯，不過如果可以再辣啲就好喇！🌶️「俊軒越南餐廳」嘅嘢食抵食又好味，想試正宗越南嘢嘅朋友一定要試下！👍

今日收工無聊去灣仔電腦廣場，肚餓經過呢間越南餐廳，平日lunchtime見好多人食，今日星期日下午經過，見人流唔係咁多，咁就入去試下，叫左個香芧雞扒撈檬，一杯凍檸水，跟餐一個小食同埋加個蝦餅，諗住求其食個下午茶，頂一頂個肚，夜晚再食晚餐，點知出來碗撈檬咁大碗，，我先食少少木瓜沙律，開一開胃，，嗯！呢碟野夠晒開胃，酸度啱啱好。跟住食塊蝦餅，唔係太油，好彈牙，而且凍左之後食都唔會腥，出邊有d食肆蝦餅有時凍左之後會太腥，好啦，係時候食主食啦，碗撈檬咁大碗，點食得晒，不過，我都唔係細食，而且食左碟沙律開左個胃，我就先食件雞扒，香芧味好足，而且好滑，好少餐廳下午茶會俾咁大塊雞扒，跟住食啖檬粉，好彈牙，好食，諗住食過下午茶啫，無諗過咁飽，利申：個下午茶餐係$56，凍飲加3蚊，我加左碟蝦餅，$100有找，但我係兩餐變一餐

同朋友去灣仔附近搵食，想食越南野又無咩特別preference就揀左呢間。星期六下晝唔多人，唔使等位，有下午茶。呢個金不換肉碎飯 ($60)一上枱，賣相真係幾「家常」——白飯堆成小山，旁邊一兜深啡色偏濕潤嘅肉碎，有啲頹，肉碎質地鬆散，無乜咬口。金不換嘅香氣有，但唔算突出。配埋啲菜整體睇落似茶記碟頭飯，同想像中係有啲出入，味道同賣相都無乜特別。另外嘅越式生牛肉湯河 ($62)，牛肉片夠薄嫩，靠熱湯慢慢浸熟，份量唔算少，湯底都幾香，但湯面嘅油感比較明顯，建議加多啲辣椒平衡下。

今日去咗一間正宗越南人主理嘅餐廳，餐廳裏面裝潢好有越南氣息，雖然店小小，但係好舒服。越式拼盤呢個越式拼盤有齊幾款唔同嘅小食。鮮蝦米紙卷-呢個小食係越南嘅一個涼菜，蝦肉喺薄薄嘅米紙裡面，口感清新開胃，喚醒味蕾。香茅雞翼-外焦內嫩，陣陣香茅味道，惹味可口。越式春卷-內餡豐富，炸得金黃咬酥脆，配埋酸酸嘅醬汁，亦都係好開胃嘅小食。扎肉-有微微嘅鹹香，有嚼勁。青木瓜蝦沙律呢個沙律好特別，望落好似一碟麵，木瓜絲切得幼細得黎好有口感，而配上嘅蝦都係鮮嫩，配料仲有扎肉絲、花生，份量好十足嘅開胃菜。香茅雞扒撈檬雞扒整得金黃均勻，肉質鮮嫩唔乾身，入口仲有陣陣香茅味道又香口。牛肉法包法包外脆內軟，香嫩嘅牛肉又多汁，配埋內裏嘅蔬菜，食落唔膩仲好夾。

今日喺灣仔收工，約咗同事食呢間地道嘅越南菜☺️ 叫咗個二人餐價錢好合理，食得好飽～首先上咗兩款前菜🫶🏻香茅雞翼（兩隻）用香茅醃製，味道香濃，外皮炸得金黃酥脆，肉質鮮嫩，食落好過癮！越式春卷（兩件）外脆內軟，裡面包住新鮮的蔬菜同埋粉絲，味道清新可口，一道非常受歡迎的小食。然後主食係一飯一麵🍜🥢招牌海南雞配黃薑飯必食！以嫩滑的海南雞為主角，雞肉大大件 配上醬料一流🤤搭配香氣四溢的黃薑飯，飯粒鬆軟，雞肉鮮嫩，整體味道非常出色🥢香茅炒豬肉檬粉有驚喜～豬肉炒得香口惹味，搭配湯檬粉，味道香濃，口感豐富🍮最後仲有甜品，係芒果布甸 有勁多芒果粒，加上花奶好好味🥰

我上網搵到呢一間越南餐廳，佢嘅地點位置好方便，喺正軒尼詩道近修頓球場嗰間滙豐銀行隔離。我係夜晚去嘅，所以呢好多鬼佬喺度食緊嘢，我諗佢哋都係住喺呢度附近近嘅酒店，因為呢度附近都有三四間酒店，啲鬼佬呢就鍾意食越南嘢，咁佢哋有冇其他中國嘢可以揀，所以呢度應該係佢哋最近最方便。講吓食物嘅質素，我一個人叫咗個半生熟牛肉粉，都幾正。我鍾意佢嘅湯夠濃，而且佢落蔥喺度，洋蔥味道好好！放埋芽菜，非常好咬口我諗我下次要來食多幾個菜試吓！中午lunch有一啲八折優惠嘅，不過你要問吓老闆娘邊啲先有折！

灣仔區嘅平靚正越南餐廳-「俊軒越南餐廳✨」，佢哋嘅傳統越式美食款式好多，而且價錢合理，絕對係性價比高嘅選擇！💰👍「香茅雞翼湯河🍜」，湯底清甜，雞翼炸得外脆內嫩，咬落去啖啖肉，河粉滑溜溜，吸晒湯汁😍「香茅豬扒撈檬🥗」，豬扒煎得香口，肉質juicy，撈檬嘅酸甜汁好開胃，加上花生碎同生菜，口感豐富🤤「越式馬拉盞炒河🍤」，鑊氣十足，馬拉盞嘅香味好濃郁，河粉炒得乾身唔油膩，仲有其他配料，食落去好有層次感🔥「越式豬頸肉法包配鵝肝醬🥖」，法包外脆內軟，豬頸肉烤得啱啱好，加上鵝肝醬嘅香濃，真係一啖就愛上！😘 呢個組合簡直係邪惡得嚟又令人難以抗拒！😈佢哋嘅二人餐同下午茶餐都超級抵食，份量足，價錢合理，真係食到捧住個肚走！💸🤰 🌟

位於灣仔的越南人主理餐廳，鄰近地鐵站，方便易找，地方企理整潔，下單以掃二維碼就可。餐牌選擇很多，款式多樣，而且亦有套餐，價錢合理，性價比高。越式湯河 ：招牌火車頭湯河 各個牛部份都有，有生牛肉、熟牛肉、牛百葉、牛丸，牛骨湯底，麵底是河粉。生牛肉灼一灼，滾湯很快便變熟了。肉質新鮮，牛百葉及牛丸口感爽彈，份量蠻多。越式湯檬：越式雞絲湯檬除了牛外，還有豬肉、扎肉及雞肉等選擇，雞湯底，清甜而不膩，雞絲放在麵上，麵底選了檬粉，蠻吸收湯汁的。沙律：越式芽車快雞肉絲、大量椰菜、乾蔥蒜粒，增添口感，而且酸甜醬汁特別開胃，清新。飲品：凍越南滴漏咖啡齋啡色濃，咖啡味道更加突出、濃香，微微苦澀。

之前幫襯過中環店 店仔細細 出品出色見灣仔開咗分店 即刻過嚟幫襯吓呢度嘅裝潢好適合打卡 有好多充滿越南感嘅佈置午餐同下午茶去到5:30 㗎！❣️招牌火車頭湯檬食越南嘢當然要食火車頭啦一碗有齊生牛肉、熟牛、牛筋、牛丸、牛百葉生牛肉好滑溜重牛味又唔會肥熟牛肉其實係牛腩嚟 肥瘦相間 牛筋炆到好腍夠入味❣️越式香茅雞扒叫咗個小食 一份有兩大塊雞扒炸到好脆口 雞肉醃得夠晒入味配埋啲薑蔥食一流❣️越式墨魚餅好surprise外面冇一層好厚嘅炸粉 墨魚餅咬落好彈牙 仲有啲墨魚粒粒 口感層次豐富❣️青檸梳打係一杯我最鍾意最Pure嘅青檸梳打夠晒氣又夠晒青檸係新鮮青檸嚟㗎 唔係用青檸精㗎

呢日同朋友🧒🏻一齊嚟咗呢間越南🇻🇳餐廳🍽️食個 early dinner 🤣呢度有「越南🇻🇳法包套餐包熱飲 Banh Mi Set Menu Includes Hot Drinks」，咁揀咗 $80「越南🇻🇳三色法包配鵝肝 Vietnamese Signature Banh Mi with Foie Gras」：材料有 扎肉、燻蹄、越南叉燒 Vietnamese Sausage, Smoked Pork Knuckle, Vietnamese Char Siu，扎肉燻蹄越南叉燒 全部都幾好食，法包外皮脆脆哋，一齊食好夾好味🤩加 $15 「熱越南滴漏咖啡」：熱熱哋🤩$128「招牌海南雞🐓半隻 Specialty Hainanese Chicken 🐓」：去咗骨啖啖肉食得非常暢快😋；雞肉白雪雪夠滑雞皮金黃色仲滑，朋友同我都忍唔住食咗一塊雞皮🤣；仲有一碟秘製汁可以沾海南雞食👍$78「馬拉盞炒通菜 Stir Fried Water Spinach with Belacan」：通菜大大碟，新鮮、爽脆，用馬拉盞炒，梗係香口😋