俺流亭 (TKO Gateway) (已結業)

食完唔知食緊物 咁就埋單151🤣🤣咖喱飯加3小舊豬扒 少得可憐烏冬 加西蘭花 加雞肉雞肉剩煮放落烏冬 從未覺得如此新鮮waaa,精神奕奕 52蚊正應該好快又有新分店希望各位師主 開開心心試到151難忘感受

$4x個滑蛋豬扒飯，唔係貴，但都唔值1. 首先D飯唔係珍珠米，係普通米2. 所謂嘅炸豬扒唔係一塊過（正常係一塊豬扒炸完，再切開一件件，排返靚仔，成件放落個碗度）。呢度係幾件各不相干嘅「炸豬肉」，共有四件，其實到底係唔係豬扒我都唔肯定，炸漿又太厚，好難食3. 滑蛋豬扒飯，除咗D蛋唔滑，更加同D炸豬肉各不相干，好似各自煮完放落個碗就算4. 個飯冇汁，枱面亦冇任何調味料提供由D飯，到蛋，到件所謂豬扒，冇一樣合格咁普通嘅滑蛋豬扒飯都煮得咁差，呢間野唔會再幫襯🙅雖然只係$4x蚊，但平都唔等於要差到咁

之前行過見到呢間餐廳以為係做一人火鍋，最近終於放咗啲menu係餐廳外面，原來先知係食丼飯烏冬，而且價錢都頗合理，可以稱得上平價飯。雖然要排隊，但都好快有位。似係速食店，叫完好快就有嘢食送到，好快食完又下一枱。餐廳空間感都幾大配上簡單嘅裝修，而且menu 款式都算多，坐低嗌咗豬軟骨烏冬同牛肉飯。牛肉飯睇落好乾同碎，但食落唔乾有肉汁，牛肉唔係吉x家咁好多肥肉，係有肥有瘦，加埋飯一齊食唔會話無味，而且飯用上珍珠米，$38 一個牛肉飯我個人覺得CP值高豬軟骨烏冬，豬軟骨都唔少而且入味但肉質較韌，烏冬口感係煙韌配上原個糖心蛋都唔洗$50，晚市唔洗$50一個人除咗麥當勞、大快活，呢個都係一個選擇，兩個人加一埋單唔洗$100，真係平民恩物！

經過商場見到一間比較平民價錢既日式餐廳大概既價錢都係$50-90最平嘅$30都有所以就吸引咗我哋入去我同朋友叫咗2樣食野W芝士牛丼 $48啲肉同埋芝士唔係好多個碗亦都比較細不過撈勻左之後啲味道都好重 啲飯粒係日本米嘅質感壽喜燒牛肉鍋燒烏冬呢個係熱食既烏冬鍋師兄會準備一個爐本身個烏冬已經熟個爐同個火只係為咗加熱保溫所以火好快燒完就冇壽喜燒湯底好濃味牛肉嘅份量都幾多而且又彈牙整體來講都唔錯不過價錢方面要在加服務費但價錢來講都好平值得一試

此店位於TKO Gateway!因疫情的關係，已經有一段時間沒有來這裏，今天再臨TKO Gateway 發現元氣消失了，取而代之就是這小店！這店賣的是日式食品，每一樣都是幾十元左右！ 當然，幾十元一款日式食品， 走的是平價路線，所以要求也不會太高！ 小店主要有日式鐵板，日式火鍋，日式拉麵和井飯等！說實在，味道是ok的，當然之前所說的，不是什麼出色的食店，當然價錢唔貴，味道不算差，食物整體算得上合格，日後還是有再來的可能性。

晚上在Tko 放工，唔知吃什麼，去東港城行下，紅假前席,好多人，間間都好好多人吃飯，行行下見到這間，見到幾舒服，就入去試試，叫左雞井飯$38，可樂$9加1共$51，平，好味，下次會再去吃

俺流亭係一間主打烏冬的日式餐廳，除咗烏冬之外仲有丼飯、關東煮及各種日式小食，價錢唔貴性價比高。呢度最特別嘅係可以自選百搭烏冬，有啲似港式車仔麵，可以自己揀配料和湯底。我試咗日式炸雞咖喱湯烏冬再配多個炸雞軟骨小食。咖喱湯湯底唔辣，唔吃辣的朋友都可以試試，不過我覺得唔夠濃郁。烏冬彈牙煙靭幾掛汁，炸雞唔係即炸，不過食落都算香口。炸雞軟骨就係新鮮炸起熱辣辣，用椒鹽調味，咬落脆卜卜，開胃惹味。

屋企人見到呢間好似幾好坐，所以提議去食下排隊排左15-20分鐘先入到去我叫左個「豬軟骨豚骨烏冬」，屋人叫左個鰻魚飯，睇相兩樣好似不錯好快黎左，試左個烏冬嘩！好難食！湯好有味精粉沖岀黎的感覺，死咸，無豚骨味，毫無質感個烏冬，麵無彈性，入面係死實的，同超市急凍無分別其實碗入面仲有兩條豬軟骨同埋一隻溏心蛋但太難食了，我唔想再食，所以同屋企人換左佢個鰻魚飯鰻魚飯ok, 但無特別，合格的但烏冬太難食了，所以一張相都唔想影！

商場內有間性價比高嘅日本餐，店內裝修光猛，座位寬闊。食物選擇有炸雞，湯烏冬，鐵板飯，咖喱飯等。上次喺樂富食過已經覺得好正，今次嚟到坑口一定要再食。豬骨湯烏冬上枱滾熱辣，仲有糖心蛋。炸雞另上，粉漿唔算太厚。鐵板鰻魚牛肉飯，鰻魚好香口，只係牛肉略為無味。

呢間日式餐廳開咗有一段時間，睇過吓食評，普遍都唔錯。頭一兩個月每日都要排隊，終於等到呢排人流稍為回落可以試吓，比我感覺食物味道可以，但價錢偏貴。芝士蘑菇釀雞翼，無咩芝士味，有幾片蘑菇，炸得幾香，不過差唔多$50得兩件同埋都幾細件。珍寶奄列，應該連飯食會好啲，中間嘅肉有少少鹹。九州濃厚豚骨拉麵，麵條同湯都唔錯。蒲燒原條鰻魚定食，兩大片鰻魚，又唔係好薄嗰種，呢個真係幾抵。香濃蕃茄海鮮鍋燒烏冬，湯底夠濃，但係得幾隻蜆，一隻蝦仁，一隻小元貝，好少配料。+$9凍香濃奶茶+12蜜瓜梳打

今次是我第二次選擇這店外賣自取，理由是由落單到取餐只是10分鐘，店舖預計時間15分鐘，唔係求其得個快字，係由包裝到食物質素，加上仲有恆生信用卡10 Cash Dollars 回贈，冇得輸。

呢間餐廳出名食烏冬坐低望下個餐牌先知原來仲有好多選擇😯今次同朋友叫左一個飯同一個烏冬share食🤪-🌟日式叉燒豚骨鍋燒烏冬 ($58)本身餐枱上面已經有一個好細嘅爐店員會幫你點火再將個鍋鳥冬放上去加熱保溫首先個湯底係好濃郁嘅豬骨湯🍲加上烏冬亦都好彈牙塊日式叉燒仲肥瘦分明 d脂肪好有油香🤤-🌟麻辣牛肉燒汁鐵板飯 ($48)個造型同pepper lunch 好似🤣都係用鐵板上 再自己加入醬汁 撈勻就可以炒熟埋d牛肉個麻辣燒汁好惹味而且我覺得個辣度啱啱好🌶️食到麻香之餘又唔會辣到流晒鼻水-呢度仲有咖喱🍛、拉麵🍜、火鍋同小食性價比好高！

見呢間店上埋雜誌有宣傳，特登搵黎試下。一口牛鐵板炒烏冬，一口牛算腍，但呢間賣烏冬嘅，烏冬堅料，好煙韌又足味，鐵板上夠熱，成件事相當夾。叫埋招牌deluxe，炸嘢另上。烏冬口感同上，不過浸番湯更顯烏冬掛到起湯，配料極多，大部份都正,唯讀叉燒差啲，唔夠味。整體黎講算抵食，似日本，可以再試。

經過東港城見到新開餐廳都有唔少人排隊，滿心歡喜，可惜..../🍅香濃蕃茄海鮮鍋燒鳥冬海鮮超級唔新鮮，蜆肉有沙，帶子同蝦係有腥味，湯底似用蕃茄醬🥫開出嚟，烏冬以為會自製手打，但食落係普通超市東東質素烏冬🌚，連稻庭烏冬都唔似😑～/🍛日式炸雞咖喱湯烏冬比較正常一款，炸雞係夠熱嘅但都幾厚粉，湯底係日式咖喱偏甜，但唔夠濃厚掛唔到湯，失望😞！/🍢關東煮味噌鍋燒烏冬湯底越食越鹹，籮白係有渣🌚，魚旦都烚得偏𣺉，整體來講唔好食～/最後食完同朋友都好口渴，証明好重味精，冇服務下加一收費，食物亦唔得絕對唔會想再幫襯🙅🏻‍♂️

過黎食左兩個鐵板套餐冷熱飲品都係加9蚊牛肉燒汁鐵板飯 $48份鐵板飯黎到既時候痴住鐵板果邊既牛肉已經熟過頭但d煙仲不停噴緊出黎證明佢地既鐵板真係好夠熱👍🏻👍🏻佢地個燒汁無乜特別個飯份量好多 粒粒分明有少少黑淑味 但唔算重牛肉比較瘦 有少少um😨蒲燒鰻魚鐵板炒烏冬 $68鐵板黎到既時候又係噴哂煙熱辣辣然後我地無理到佢最後d烏冬痴哂式燶哂食唔到😂😂😂烏冬好煙銀 但比較咸 適合重口味人士入面既鰻魚份量好多👍🏻