俺流亭 (TKO Gateway) (已結業)

俺流亭係一間主打烏冬的日式餐廳，除咗烏冬之外仲有丼飯、關東煮及各種日式小食，價錢唔貴性價比高。呢度最特別嘅係可以自選百搭烏冬，有啲似港式車仔麵，可以自己揀配料和湯底。我試咗日式炸雞咖喱湯烏冬再配多個炸雞軟骨小食。咖喱湯湯底唔辣，唔吃辣的朋友都可以試試，不過我覺得唔夠濃郁。烏冬彈牙煙靭幾掛汁，炸雞唔係即炸，不過食落都算香口。炸雞軟骨就係新鮮炸起熱辣辣，用椒鹽調味，咬落脆卜卜，開胃惹味。