倪姐泰國美食 (已結業)

7:30去到服務員話無火鍋食，跟住我朋友來到再問佢又話要等到8:30分先開始，之後見到又有人入來話食火鍋個服務員竟然話等15分鐘，點攪㗎呢間嘢，思覺失調呀😡😡

服務態度很良好，菜色的味道都很正宗，全部都好好食，大大推薦泰式凍奶茶和檸檬菠蘿沙冰。下次有機會會再選擇這間，嘗試其他菜色跟火鍋，價格都很親民，但係需要提早訂位。

九龍城食早餐有勁多選擇，不過通常只有某幾間成日上報紙雜誌的大排長龍. 食過一次4x 蚊一個港式早餐,仲要等位, 極慳家的我一直有個疑問"真係好味到咁?! 定係🐑羣心野?"今日又行到同一條街, 對面有間泰式餐廳, 奇怪做乜咁早開門?一望原來有港式早餐食, $32 有碗粉, 有份牛油多士, 加2個餸, 配埋冷熱飲品, 咁抵?! 再望入去冇乜人的. 朋友話不如過返對面排隊. 我堅持要試一試, 就入咗去坐低. 我叫咗蕃茄湯鮮牛通粉配腸仔炒蛋, 熱咖啡. 朋友叫咗腿蛋治熱朱古力. 飲品先上, 已經好有好感, 朱古力好濃郁, 原全唔洗加糖, 咖啡ok, 幾香, 茶記嚟講係中上. 碗通粉好大碗, 個湯好濃, 有蕃茄粒粒, 牛肉幾好, 有咬口不會"un". 炒蛋炒得又靚又滑, 個牛油多士就更睇得出有heart, 牛油塗滿在金黃色多士上, 雖然說不上厚, 不過成個份量已經超夠. 朋友對個三文治亦讚不絕口, 個蛋又滑又厚, 大滿足 個早餐真係大力推介, 仲做到下午四點, 下次可以當午餐食!

早前在九龍城遊逛，看到一間名字于我感覺很特別的泰菜館，本想一試，但看她竟然有茶餐廳般的食物，恐怕.....，也就作罷了。今天再度經過，心思思，先看一下OpenRice 其他食友的評價吧，出乎意料倒是有不少好評，那就不多想，吃個午餐試試吧。看有些人説醉貓炒河必吃，但一看見有我最愛的泰式豬手就抗拒不了，先來的是餐飲凍咖啡，細細杯，標榜是泰式的，果然跟素常喝的不一樣，沒什咖啡味的，甘甘哋倒像涼茶，就當是泰式涼茶喝吧。肉嫰皮滑醬香濃是泰式豬手的必殺技，倪姐都算做得到，但奇怪個醬汁也是甘甘哋的😁，旁邊橙黃色的辣醬真係🌶🌶🌶之後還有甜品椰汁西米，都幾甜。今次一枝公只能吃一個簡單午餐，下次要叫齊兄弟姊妹父母全部姓倪的來再嚐一下倪姐的手勢哩！

早幾日喺FB介紹倪姐泰國美食出咗泰式一人火鍋已經心郁想試，今日決定落堂去試吓先，大約6:30到，原來逢星期一至四先有，好彩今日星期四有得試我揀咗船河湯底，店員問牛要定豬，我O咗😮，原來餐牌第一行肥牛或豬肉片，我揀咗牛，一陣店員送上一人火鍋同食物即時放哂D丸青口，順便淥片肥牛再加金邊粉，食到咁上吓吃返杯嘢飲先芒果沙冰～呢個不得了，我落單，水吧泰國姐姐即時打，堅好味仲要可以任飲，我想勁飲再叫咗生菜同芫茜，順便叫店員加湯，想提提大家湯底偏濃，建議加咗湯先落金邊粉，如果好似我咁一早落吸咗D湯會偏咸，食埋呢到都飽但又想試埋個泰式椰汁糕喎，我以為得一件，點知原來三件，叫咗就唔好浪費，真係飽到Judy咁先$98咋

一路都搵緊正宗泰粉既味道今日黎到呢間倪姐，都算坐得舒服叫左兩碗泰粉試下先呢個係豬肉丸船河，叫左金邊粉金邊粉的確係泰國果隻，食落都幾煙韌湯底好重香料，似係泰國食果d不過就好似有d苦苦地呢個係豬手船河，面底是河粉河粉係好粗果隻，但無乜咬口豬手都算蚊得幾林但係湯底同樣都好重香料食物質素都算ok,價錢也都很合理，每碗$45

一樣米養百樣人，不同性格的人會在人生路上各有各的選擇，這些選擇，百貨百客，這大概是我們社會的多元性。 就如九龍城這個小市區，我們都知道泰國菜遍地開花，有貴有平有好食有唔好食有靚有地方好有地方差有地道有異國情調，基本上如果你一個月淨係留喺九龍城食泰國餐，我諗你一個月也不用重複。 或者講到呢度你一定會有自己的心水和喜歡吃的東西，又或者如果你係九龍城的街坊，你又會有什麼隱世食店等等，我唔係有什麼特別研究，不過，上次係九龍城工作，由於之後要趕到香港，求其在附近選了一間泰國菜，以乾淨企理和價錢相宜為主，我選了這間倪姐泰國菜館。 一坐底先來一杯青檸梳打，涼到入心，完全係最基本的甜美和酸的衝擊，直刻令你開胃到不行。 前菜又點可以唔食生蝦刺身，這裡的每隻都是新鮮彈牙爽口，簡單的配上那個辣得惹味的醬汁，不用多說，很快便吃完一碟。 當然要吃點菜吧，通菜一定是最好選擇，這個馬拉棧炒通菜，必定是考驗泰國菜的入門檻，告訴你這裡的泰國菜是做得不錯。 遊船河不一定是昌發的專屬，這裡配上金邊粉又是不錯的選擇，魚蛋的魚味讓人想起了泰國的街邊小吃，最驚喜有那個經典的炸豬皮，配上那個湯，絕對是一絕，而且價錢吸引。

去完附近既幼稚園參觀，我地就隨意挑選一間泰國菜食～～lunch set都係 $45一份，有飲品，飯，小甜品，算好抵食吧！飲品比我想像中細得多了，但龍眼冰夠清甜。燒豬頸肉飯 $45豬頸肉薄薄的一片，但勝在油脂夠香。　青咖哩豬飯 $45　汁夠撈飯，肉片份量不多。但我本身唔食得辣><  青咖哩對我黎講已經好辣。咖哩香茅豬飯 $45 呢個我冇試到呢～菠蘿炒飯 $45炒得分明，仲有唔少配料。我地另外有叫金邊粉，可惜整得太甜喇肉碎生菜包　$65肉碎辣辣地好開胃，如果生菜份量多一少少就好了恐龍蛋 $80第一次食恐龍蛋🥚，原來係蝦餅+皮蛋既一款小食，兩者都幾夾，蝦餅仲好彈牙。不過我向來唔中意食皮蛋，只好淺嚐一下，好彩呢個皮蛋唔太濃味，但我比較中意食淨蝦餅多啲😂🙈lunch餐牌

食慣九龍城出名幾間，離不開隆姐、小曼谷、泰×味、同心，見呢間平均分數高，就去試試：一、燒鰂魚：太濕，外皮啲粗鹽入唔到魚肉，亦有腥味。二、柚子沙律：好多蝦米，有幾條青芒，柚子好大舊，但又乾又冇味，食完碟底好多水。三、芝士炸蝦丸：咬落去唔醬爆，啲芝士同蝦丸唔夾，好似分開一啖蝦丸一啖芝士嘅感覺。四、芒果沙：係雪糕芒果味，顯然開粉噉，唔係新鮮芒果打。貴過去隆姐食，但碟碟都比唔上，真令人失望，算喇，一次就夠……

食泰國菜第一時間諗起九龍城, 但九龍城既泰國餐廳亦有唔少選擇, 而今次我就揀左一間小小既泰國餐廳, 不是集團式, 更沒有分店。正正今早香港打風, 所以街道上已沒什麼人流, 就連餐廳都較為少人。呢度既泰國菜款式亦很齊全, 咖哩、生蝦刺身、沙律、串燒、炒粉麵、冬陰公等等都有供應, 我地就揀左幾款Share齊齊食。【芝士炸蝦丸】HK$75表面炸得金黃香脆, 蝦丸略帶爽口彈牙, 很鮮甜, 再咬深一點, 芝士果然爆漿出來!! 芝士味濃郁, 很有驚喜。【青咖哩牛】HK$65青咖哩帶點辣, 有淡淡既椰汁香, 不過濃郁咖哩完全覆蓋牛肉本身味道, 但呢個汁如果沾薄餅又的確係絕配。【泰式海南雞半隻】HK$80整餐晚餐最有驚喜係呢半隻海南雞, 我地只order左半隻, 但size大得好似平時我地order一隻咁大既份量。海南雞色澤金黃, 雖然沒有被去骨, 但海南雞都幾多肉食, 而且沒有厚厚脂肪連帶, 肉質嫩滑juicy...稍為點一下旁邊既醬汁, 味道更加正!呢度更有海南雞飯選擇, 但因為我地share齊齊食, 所以就揀左半隻雞, 再每人一碗油飯, 咁食比較抵。【油飯】HK$15@1油味甘香, 飯質軟硬剛剛

黎九龍城緊係食泰國野，今次無揀“大牌子”，揀左倪姐。(星期一至五都有一蚊優惠，夠$300就可以用，個人覺得星期一就抵，有烏頭。今日係星期三，所以係泰式恐龍蛋)餐廳都幾乾淨，平日晚八點左右就坐滿哂！不過唔知有無得book位呢椰汁大樹菠蘿冰：唔會過甜，大樹菠蘿比較少有，好飲既！鹵水豬肉河幾得意，上面係炸豬皮，河粉好闊好大條，豬肉好淋，湯底入味，值得試既！魷魚沙律落重本呀！魷魚多過菜，泰式酸辣味好開胃，魷魚唔韌。係細碟左少少咁姐....咖哩炒蟹係優惠價$180，雖然得一隻蟹，個係好大隻好多肉，其實好過兩隻細蟹。夠四個人食！蟹殼有專登打碎少少，蟹肉新鮮！咖哩好香口，加埋洋蔥一齊炒，所以唔好哂，叫左個蒜蓉包點黎食！蒜蓉包個樣好得意，長條型既，焗得香口，點埋咖哩汁真係一流！一蚊雞既恐龍蛋，以為佢會俾細份d,不過黎既應該都係standard size,有兩隻皮蛋。蛋黃位淋身，正！包住蝦肉黎炸都幾特別，而且又幾夾！唔錯唔錯！牛肉生菜包食泰國野就係要食生菜包，牛肉炒得好香，有酸有辣，配菜幾夾！芒果糯米飯有齊黑白糯米，好靚！芒果唔酸，甜得黎又唔會太誇果種！哈！侍應最後每人送多個甜品，粟米西米露好味！飽到上

每逢諗唔到食咩好，去九龍誠食泰國菜就一定唔會失望。首先點左個黃咖哩，味道偏香偏甜，辣度唔算太高，岩晒我呢啲唔係好食得辣既人仲可以配埋新鮮出爐既薄餅，好香脆，唔洗一陣就連咖哩清晒仲有泰菜必點既冬陰功湯，足料之餘味道夠酸夠辣，入面有大量海鮮同菇類，仲有最愛既蜆肉生菜包肉碎頗多，性價比高。加上味道正宗蝦餅併魚餅，岩我呢啲三心兩意既人上到枱拿拿臨放入口，炸得夠香脆主食方面就揀左炒金邊粉，比較特別既係外面由蛋包住，食既時候要撈勻佢，將花生碎同青檸汁撈埋，同樣都好開胃大滿足既一餐！

香港既夏天非常悶熱，想食餐開胃泰國菜刺激一下味蕾，朋友就帶我黎食倪姐，座位幾闊落，坐得舒服，落左單好快就有野食！椰汁紅毛丹冰，平時無論新鮮定罐頭都好少食紅毛丹，原來好厚肉架，仲有6,7粒咁多，非常有誠意！泰式鹵水豬船河，本來以為只係平平無奇既河粉，但個湯底超好味！好濃郁既香料味，唔係淡茂茂，飲左好幾啖！河粉好闊，平時少見，鹵水豬手好入味，但係就比較碎。咖喱炒蟹做緊特價$180,抵食！有咁多汁唔好嘥，叫份蒜蓉包點汁食無得輸，個咖喱其實一啲都唔辣，偏甜，唔知下次可唔可以order加辣呢？蒜蓉包形狀特別，唔係一般既長法包切片，而且擺耐左仍然好脆，慢慢食都唔怕啦！星期三既$1優惠係恐龍蛋，即係蝦膠包住皮蛋去炸，有酸薑伴碟，不過我覺得包左蝦膠都係點返泰式辣醬match啲！雖然只係$1,但係絕對無偷工減料，倪姐誠意可嘉！泰式燒糯米雞翼，第一啖食落去有食燒乳鴿既感覺，個皮燒到好脆！入面釀滿糯米飯，外脆內軟層次豐富，點埋個辣醬更加惹味！最正係唔洗𦧲⻣丫嘛！芒果糯米飯係我最愛既泰式甜品！估唔到呢度既糯米飯係兩溝架，即係一層白色，一層黑色！幾有特色！椰漿香濃，芒果清甜，正！最後原來仲有糖水送！絕對加分！係

訓醒係屋企呢樣整下，o個樣整下都2點幾，少少野都無落左肚，就近近地落九龍塘搵野食，上個禮拜食牛腩麵的時候見到對面有間未食過的泰國餐廳 - 倪姐，其實早就默默地決定要試一下餐廳是茶餐廳的格局，勝在空間夠大，3點黎到，可以包場，我諗無咩人好似我咁訓到咁晏先食午餐好彩仲有午市套餐食，平日星期一至五著校服去食一律$38送飲品同糖水，就算我唔係學生價錢都唔係差太遠，送泰式飲品幾抵食睇到牆上寫住晚市食滿$300，就可以以$1換購每天不同的菜色，一眼望落，星期一係最吸引的明爐魚喔凍咖啡 (跟餐)、芒果沙冰 ($25)凍咖啡我試左一啖，咖啡味濃無被冰溝淡，原來泰式咖啡不比越南遜色芒果沙冰係個人喜好，大熱天時飲兩啖已經暑氣盡消，如果芒果味再濃D會更好燒糯米雞翼 ($25/PC)糯米雞翼以每隻計算，乃手工之作，要先將雞翼去骨再饟入糯米，雞皮燒得脆脆，入面就軟棉棉，同時間享受兩種好大落差的口感泰式炒椰菜苗 ($65)菜可以揀泰式、馬拉盞、鹹肉或鹹魚炒，今次揀左簡簡單單的泰式，泰式食落辣度夠炒金邊粉 (雞) ($45)花生碎放係一旁如果唔喜歡可以選擇唔伴入金邊粉，喜歡泰式炒金邊粉那種黏黏口感，食落甜甜地，唔知

家人一向很喜歡食泰國菜, 有時周五都拉着我去九龍城, 看看有什麼未吃過的泰國菜館吃一 頓美味的泰國菜, 經過見到這間叫倪姐泰國美食好似不錯, 因為內裡客人很多, 加上未試過這間, 所以就試一下吧~ 倪姐這裡與九龍城其它泰國菜差不多, 同樣有泰國人服務員招待, 地方算乾淨, 地面冇積水紙巾, 而且價位都不貴, 亦有很多特式和傳統泰國美食可在此中尋, 所以不妨一試~ 太熱的闗係, 先來杯椰汁冰, 椰汁很香滑而且喝下去不會水水的, 有濃香的椰奶味, 甜度適中, 美味可口又解渴! 這個豬手湯河粉好好好好食!! 除了有好脆的小蝦片放在湯河上面, 增加其不少口感外, 豬手又滑又鬆化, 湯頭都美味, 不過這個味道是偏微辣, 不好辣者要慎點~ 馬拉盞炒通菜, 又香又辣, 通菜不老爽脆, 用來送飯一流~ 真的點了個白飯, 份量十足, 足二人用, 飯粒晶瑩剔透, 泰國米一向不錯~ 泰式明爐魚- 烏頭- 這個媽咪說好好吃! 她說口感是酸酸辣辣, 魚肉細滑, 最重要是沒有泥臭味, 而且用上明爐來上, 温着熱湯的魚真的好好吃~~~見她連魚湯和魚頭全部KO, 都知這個不能錯過! 餐廳