倫哥尊尚火鍋私房菜 (已結業)

和朋友去了佐敦佐敦道26號E2樓倫哥尊尚火鍋私房菜食雞煲與海鮮火鍋。這是一間非常出名的先食雞煲後食海鮮火鍋 的餐廳。火鍋店佔地相當闊落，而且枱櫈寬闊，讓人坐得舒服。店員服務殷勤有禮，而且很主動。 安排我們到一卡位安坐，感覺自成一角，讓人坐得舒服自在。在食雞煲之前會先奉上鮑魚花菇。這裏是先食雞煲，雞煲有得選大辣，中辣，小辣魚，bb辣。我們選了bb辣，上枱時雞仍未全熟，需要每隔兩分鐘打開蓋攪拌一下，一共攪拌四次，即是大約八分鐘後。雞煲已經香氣撲鼻，引得人垂涎吞口水。果然，第四次攪拌後，雞肉剛好熟透，雞肉嫩滑多汁，而且雞煲調味香濃，惹味。讓人忍不住一件接一段的吃下雞煲。而雞煲內的雞肉可以無限添食，食到夠喉，可以轉鍋食海鮮火鍋，每位會跟一盤海鮮拼盤和牛頸脊。海鮮拼盤食材種類好多，有龍蝦，貴妃蚌，鱔片，龍躉片，蟹等。海鮮拼盤都是非常新鮮。外面還可以取多款的火鍋配料，蟹柳，丸類，蔬菜，響鈴，山根，肥牛，豬肉片等等。還有熟食，糖水，涼拌青瓜等。至於飲品方面有含糖的汽水，與不含糖的茶類，有多達十多款選擇，適合不同人士口味。總結：倫哥尊尚火鍋私房菜是一間非常出名又抵食的雞煲海鮮火鍋餐廳，這裏佔地寬敞，坐

晚市堂食放寬，終於可以同朋友出去開餐啦，今日朋友帶我去咗佐敦，食雞煲同打邊爐嘅任飲任食放題。先講地點，位於佐敦道大街，地鐵站一出行一陣就到，好容易搵。朋友book咗枱，所以唔使等位就有得坐。坐咗冇耐，雞煲先上，放低已經聞到香噴噴，侍應幫我哋炒一炒再冚蓋焗一焗就可以開始食，我哋叫咗小辣，雞為濃味，食落有少少麻辣，幾開胃下，我們得兩個人，但雞煲份量我覺得係三至四人分嚟，我們努力食得七七八八，就轉戰火鍋啦。火鍋料同飲品都係喺放係出面冷櫃任攞，飲品選擇都好多，除咗有韓國牌子，仲有幾款比較少見嘅果汁，正！我比較鍾意食菜，菜嘅款式都多，且望落新鮮，特別係油麥菜，我encore咗三次。如果係食肉獸嘅話，當然要食佢嘅肥牛啦，我攞完一碟都專登影相，色澤好ok，一睇就知係冇雪味果隻，一碟有五六塊度，唔覺唔覺都食左三四碟。最搞笑係我同朋友食食下先知原來有個海鮮拼盤，食物同賣相都好有質素，帶子、生蠔同海蝦都好新鮮，不過我同朋友都覺得，要試哂每一樣嘢根本冇可能，所以只有目標為本，如果各位朋友戰鬥力豐富的話，不妨試下佢嘅幾款醬爆丸同手製韭菜餃，絕對唔會令你失望。食完望住自己個肚，又知道係減肥嘅時候啦。

好耐冇出去堂食今日想試吓雞煲聽講呢一間雞煲288任食兩個鐘送埋手切牛頸脊（上一次）仲有墨魚滑虾滑.仲有海鮮拼盤可以追加.上到嚟成個場好大好闊落仲有包廂可以用餐。今次叫咗BB辣雖然辣味唔係好勁但係醬料嘅層次好分明唔會死咸，兩個人食個份量都好多雞煲就食咗一round.啲姐姐會幫你每2分鐘炒一次雞煲服務都好好，等緊嘅時間可以去出面攞啲涼菜飲品等住先.我自己就攞咗酸辣木耳酸蘿蔔佢啲小菜都好入味值得推介.雞煲食完之後姐姐會送上牛頸脊、海鮮拼盤仲有手打滑，牛頸脊肉味重好新鮮好好味，手打滑都咬起上嚟好Q彈，不過海鮮拼盤就唔算太出众.出面自己可以攞完水餃菜肥牛魚皮響鈴都幾多選擇.最後甜品係椰汁燕窩偏甜.總的來講都算好滿意除咗海鮮拼盤。

無限時火鍋@倫哥尊尚火鍋私房菜網址:地址: 佐敦佐敦道26號E 2樓電話: 62093572 冬天一定是打邊爐食火鍋的季節啦, 呢間是朋友介紹帶我來的呀, 地方有風味及氣氛。$198 同$288 ，因男友同肉類同海鮮都有要求，就要了$288 那款啦。海鮮雞煲火鍋任食放題 ,每位$288 已經能無限時間暢食暢飲了有好多SEAFOOD呀,九肚魚及鱔片，蝦, 蜆, 帶子, 螺, 蠔仔,魚片, 蟹子蝦滑魚滑等等, 真係有痛風都要食呀!!!!! 一碟上來見到仲好鮮架。肉類牛羊豬雞, 丸類同餃都包埋啦，蔬菜整齊放在冷櫃中自取。 因開頭有好多海鮮湯都有陣鮮味, 簡單一滾菜就吸收了甜味啦, 口湯都不妨一喝(在沒滾肉類前喝一碗, 融合了多稚海鮮的味道在一起!!!!!今天像發掘了新大陸，吃好美味的食物哦！而不設時間，慢慢吃唔洗趕頭趕命。食到埋單仲有糖水送,超級飽

現在疫情慢慢回復，晚飯都已開放晚市堂食，禁了這麼長時間晚市堂食，當然想食最愛的放題，上openrice 搜尋嚇，見到佐敦這間倫哥尊尚火鍋私房菜好吸引，所以訂了位前來食。好在有訂位，上到餐廳見到坐滿了人，都差不多滿座。餐廳有2款套餐，有每位$198及有每位$288任食套餐， 我當然要了個$288套餐了！！ 套餐以外，還有十分多款式的自助放題，有手切美國肥牛片、手切西班牙黑豚肉、 鵝腸、牛柏葉、豬皮、水魷魚、脆皮腸、腸仔、大王蟹肉棒、鵪鶉蛋 、丸類、蔬菜及多款飲品……等放題，任飲任食，嘩！真乃期待哦！！今晚的放題以矜貴又腍又滑的鮑魚扣冬菇，開始了美味的放題之旅！！麻辣雞煲，面份量非常多， 相信有一整隻雞的份量，上枱後前後再煲及再炒上4次，雞肉麻辣嫩滑，又入味， 令我們食到停不了口！！享受完美味麻辣雞煲，跟著要了個芫茜皮蛋湯底，轉煲打邊爐，餐廳隨后送上海鮮拼盤，有 龍蝦、鮑魚、半隻蟹、廣島蠔、班片、帶子、 海蝦、及蜆 …，各款海鮮鮑魚爽口，蟹很鮮甜，真是食盡海之鮮味。美國手切牛頸脊食火鍋當然少不了牛肉，餐廳跟餐的是牛頸脊，切得不是很大件，牛肉味道頗濃！隨餐附送的鮑魚、雞煲、海鮮及牛肉 …等

好想食雞煲火鍋，於是就約朋友仔去倫哥尊尚火鍋私房菜，+1服務費之前兩舊水都唔使，非常抵食。坐低之後首先揀雞煲嘅辣度，我哋就揀咗BB辣，少少香辣就最正！裏面啲雞都比想像中滑，仲有好多配料例如芫荽洋蔥等等，味道豐富。之後就加湯打邊爐，有幾款湯可以選擇包括豬骨湯，酸菜湯同埋蕃茄湯，我哋就揀酸菜湯。酸酸地都好開胃！首先會送上一盤海鮮，都幾新鮮的，包括有青口、魚、蝦、蜆等等。另外有好多都可以喺出面拎，包括牛肉、豚肉、所有其他丸類，質素都可以，有好多唔同款式嘅丸，呢個價錢食到已經非常不錯，所以都冇特別高要求。另外出面仲有湯品，很有中式風味，輕微鹹香。也有比較爽口嘅前菜小食包括雲耳，豆等，好香辣，值得推介！出面仲有好多唔同款嘅飲品自由選擇，呢個絕對得住價錢！

倫哥的放題最近便宜到了一個點，１９８就有超豐富的選擇，當中手作水餃是任吃的，水準卻令人意外地高！比部分單點的火鍋店更佳！氣派的門牌，一眼就認出倫哥來了！＄１９８加一全包，無額外收費！免收費項目己經夠吃，不然收費項目也有一些海鮮跟手打墨魚滑之類的東西，不錯啊～餐具有夠搞笑！在上菜之前，就有一些任吃的東西，比如例湯，炒飯，豬手，番薯湯水，最值得試的是長期炆燒的豬手，非常稔軟，骨膠原很豐富！醬料是免費的，還是選了我最愛的辣椒跟蒜頭跟醬油，除此以外有泰式辣醬跟沙嗲令人十分驚喜！雞煲要煮八分鐘！每２分鐘翻一次以免黏底，煮好轉１號火。整整一隻雞的份量，意想不到超好吃！非常入味但又不會鞋，味道夠麻但不過份辣，份量有夠多！讚～點一盤海鮮拼盤，最好吃的是蜆，超鮮甜嫰滑，鮮味極濃！另外脆肉鯇的爽脆令人驚喜，正！魚皮的好吃度比想像中高，想不到不如想像中油膩，雖然還是有點咸啦～但打邊爐是絕對合理的！飲品選擇很多，尤其有一種可以拿包裝袋喝的飲料，意不想到地好喝但低糖。。。可以自己選擇肥瘦紅白的牛跟豬肉，很喜歡這設計自己慢慢挑選好吃.適合自己的！菜類的爽脆無置疑是高水準！

二人限聚令放寬後即刻約了一枱麻雀腳去打邊爐，幾乎整年無見面，終於可以一班人坐低傾下計。朋友推介這裏的雞煲，可無無限添加，而且無收醬料費及不限時任飲任食，幾個人可以慢慢歎啦！先上中辣雞煲，雞件份量十迚足，我估4個人應該有一隻雞份量，雞件由廚房拌入醬汁後上枱，店員解釋要每兩分鐘炒至一炒，炒4次後就可以食，我們邊炒邊飄出麻辣香味，雞件炒熟後非常嫩滑，麻辣惹味又入味，雞肉完全無雪味，同醬汁超夾。我們再加了一次雞，真係無限添加，而且啖啖肉。火鍋湯底就揀了豬骨湯，外面有多款配料自助形式任食。聽到隔離枱話水餃雲吞好味，所以我們都試了，確實不錯，大大粒雲吞，蝦肉新鮮彈牙。牛肉就略嫌厚身，有肉味但略肥。一次性海鮮拼盤，生蠔及海蝦都很鮮甜。飲品就不包啤酒，正常汽水及茶等。

吃 A 餐（另收加一服務費 ）$288/位, 包以下1:倫哥醒胃二重奏2:阿嫲雞煲任食3:鮑你上位(人頭送一份)4:自選鍋底* 5:環游海鮮盤(每天6-9款時令海鮮, 指定5款無限添加 6: 低鹽少油響鈴魚皮(任食)7:阿媽雲吞水餃(任食)8:無與倫比牛頸脊(人頭送一份)9.任食美國靚肥牛 (任食)10.秘制手打墨魚滑/鮮蝦滑 (任食)11.田園有機時蔬(任食)12.甜蜜約定雪櫃配菜任食（有48款）無洒精飲品任飲轉鍋不收費 轉鍋鴛鴦湯底(需加$30) 重庆麻辣湯底退還有 B 餐（另收加一服務費 ）$198/位, 包以下阿嫲雞煲任食送海鮮盤一份有四至六款(直至另行通知)雪櫃配菜任食（有48款）美國肥牛任食 無洒精飲品任飲甜品轉鍋(需加$30)鴛鴦湯底(需加$60) 重庆麻辣湯底(需加$98)花膠老雞金湯底(需加$138）

這間位於佐敦的倫哥火鍋，朋友很久之前帶我過來試過，海鮮新鮮，火鍋料款式很多，隔了年多襯開晚市，一於去打返個邊爐。先食雞煲後火鍋是近幾年火鍋的變化，這裏雞煲是任添任食，我們選了燼BB辣，雞煲上枱是雞肉是生的，加了些洋葱、蒜頭及特製的醬汁，炒至雞肉帶焦香，雞肉剛熟時既入味又嫩滑。食完雞煲後，店員會幫忙清理餘料，再添加豬骨湯就開始打邊爐。每人會有一盤海鮮包括蝦、鯇魚片、生蠔、青口、帶子及蜆，海鮮新鮮，味道鮮甜，唯一係蜆肉有點沙。其他火鍋配料都在外面自取，必食包括雲吞、水餃，新鮮又脹卜卜，裏面餡料豐富有肉汁。手切肥牛就比較厚身有咬口。豬肉片都很腍。其他配料都比較大路，味道不過不失。

建議：如果想飽啲，可以按需要，加購倫哥配料/套餐 or 自購辣度： 有4種辣揀：無/小/中/大辣揀左中辣，鍾意食辣既可以再辣啲 (備：食開譚仔中/大辣)曾經幫襯過倫哥西環店，印象好一般 😅所以都無咩話好想再去。點知依排佢出左3-4人份 $188懶人雞煲，包埋個火爐仔😋 就林住再一戰。提早係倫哥wtsapp問定點落單，老闆話只需要提前20分鐘係wtsapp同佢地落單就得 💯✔，再揀埋觀塘/佐敦分店拎。配料：個雞煲入面已經有洋蔥/芫荽/汁/雞/辣椒香料。 作為芫荽fans, 當然不能忘記問有無得多芫荽，老闆話無問題 ☺👍值得一讚既係有一碗辣汁同額外芫荽係分開上，可以按需要先落。其他配料：係街市買左大概HK$130，嚮鈴/枝竹/丸/肥牛/芝士腸。關於火爐仔：係牛肉飯邊爐個種，用起黎好方便，只需要一個打火機。老闆話用到2hrs，Umag 寫用到1.5hrs。所以用個刻一直都驚打打下邊爐會唔夠火 😅，最後結論係跟住老闆既建議，2hrs 係夠用既 🔥👍食法：雞煲放係鐵架上，火爐仔用火機點火，放係煲底。蓋住膠蓋甘煲一陣，不時再開蓋搞下避免癡底。大概煮左25分鐘就有香味😋。吹熄個火 (老闆教甘樣可以耐

喺朋友推介下試咗呢間雞煲，主要係見到好多人讚佢雞煲夠惹味，仲有海鮮可以打邊爐，啱晒成班朋友各自有唔同口味😆😆😆雞煲揀咗BB辣，唔食得辣嘅朋友又想有少少刺激感覺，不妨試吓呢一個口味。雞煲一上枱已經超級香，本來想快快手打邊爐，最後都叫咗兩轉雞煲先再食海鮮🥳火鍋叫咗鴛鴦湯底，所有海鮮食材都好鮮甜，值得一試🤩

11月同事farewell，比主角佢發板食咩，同事提議去倫哥雞煲打邊爐放題，奧義之處係無限時任食，冇乜印像係邊間，上網見簡介餐廳由藝人杜大偉開設，主打雞煲及火鍋等，訂了5位7:00，thank同事訂位。餐廳面積頗大，座位都幾鬆動，如卡位會更舒服。自助的醬料、飲品及食物，飲品都幾多選擇，酒就另計錢，食物就唔算太多，丸、腸、餐肉、水餃及豆腐等常見的打邊爐食物，肥牛都係任食但唔係自助，確保衛生。我地係呢個餐，嚐鮮十二式，$288/位。倫哥醒胃二重奏，醒胃小食。阿嫲雞煲，好耐冇食雞煲，好多芫荽及配料，侍應教每2分鐘炒一次免黐底再煲下，合共4次就可食，雞肉份量頗多，入口好惹味肉質都幾滑。鮑你上位，鮑魚爽口彈牙。食到咁上下轉湯打邊爐，自選湯底，花膠老雞金湯，湯底味道濃厚，有雞的鮮甜味，仲有少少的花膠粒，都幾得。環游海鮮盤，賣相幾吸引，同幾多款色，蠔飽滿，其他唔算好肥美正常水準。仲有響鈴、魚皮、水餃等。牛頸脊，有咬口肉味濃。手打墨魚滑及鮮蝦滑。肥牛，正常味道。甜品係椰汁燕窩，味道以椰汁西米露，打邊爐後再食甜品幾滿足。雞煲、同個湯底都幾得，其他食物正常水準。大家熱鬧食一餐。

過了廿四節氣既小雪 天氣終於開始轉冷 有點似冬天天氣轉冷正好食火鍋 友人誠意推介倫哥尊尚火鍋私房菜貪其火鍋選擇多 食物新鮮鮮味 湯底少味精 而且價位合理倫哥尊尚火鍋私房菜主打雞煲火鍋放題先雞煲再火鍋 雞煲更可以無限添食不另加收費 非常適合熱愛食雞煲人士雞煲更有不同辣度可選 貼心設計令客人感到窩心雞煲未開動前 店員會先送上冬菇鮑魚、酸辣雲耳同四季豆冬菇鮑魚仍是溫熱 味道鮮味炆得入味 質感爽口彈牙 煙韌有咬口酸辣雲耳同四季豆同樣爽脆帶微辣 作為開胃前菜實為不錯雞煲上枱賣相不俗 但有別於坊間一上枱就已經係熟左既雞煲倫哥既雞煲雞件係生的 需要炒4次炒至熟透先可進食配以大量芫茜及紫洋蔥 邊炒邊聞到麻氣四溢 足以證明香料配料十足炒好既雞件雞油味香濃 肉質軟腍嫩滑吸盡香料味道 所以雞肉非常入味惹味 味道偏向重口味 而且食落件件雞都係啖啖肉 很是滋味食過雞煲是時候入正題選了較為溫和下火淡口味既芫茜皮蛋湯底 足料味道鮮味火鍋套餐會送一碟牛頸脊 是牛味較為濃厚既部份脂肪分佈平均 雪花紋理清晰 入口細嫩 質感豐腴油香味濃 非常推薦套餐仲包肥牛同豚肉片 質素算不俗 岩晒喜歡嚐肉既朋友仔墨魚滑同蝦滑係自家手作製

第一次去食倫哥雞煲，原來全層都係佢，地方好寬躺。由於我唔想食辣，所以今次點了一個唔辣雞煲。侍應話雞煲唔似平時已經煮熟咁上嚟，叫我地要煮8分鐘，每2分鐘就炒一次。雖然點了唔辣，但味道都好濃好夠味，但又唔會覺得好鹹好口渴。食完個雞後，其實可以繼續refill雞，不過我哋兩個人食一隻雞，都差唔多半飽，所以決定邊爐。我哋198個餐，有酸菜湯底番茄湯底揀，我就揀咗蕃茄湯底，好多嘢食都係自己出面攞，只係肥牛及其他肉類就要侍應幫你，另外都上咗個海鮮拼盤，質素都唔錯。雖然出邊啲嘢食任食，但質素都幾好，例如我哋鍾意個芝心牛丸、厚切午餐肉，鮮淮山及菜。飲品種類都幾多～