倫哥尊尚火鍋私房菜 (已結業)

好想食雞煲火鍋，於是就約朋友仔去倫哥尊尚火鍋私房菜，+1服務費之前兩舊水都唔使，非常抵食。坐低之後首先揀雞煲嘅辣度，我哋就揀咗BB辣，少少香辣就最正！裏面啲雞都比想像中滑，仲有好多配料例如芫荽洋蔥等等，味道豐富。之後就加湯打邊爐，有幾款湯可以選擇包括豬骨湯，酸菜湯同埋蕃茄湯，我哋就揀酸菜湯。酸酸地都好開胃！首先會送上一盤海鮮，都幾新鮮的，包括有青口、魚、蝦、蜆等等。另外有好多都可以喺出面拎，包括牛肉、豚肉、所有其他丸類，質素都可以，有好多唔同款式嘅丸，呢個價錢食到已經非常不錯，所以都冇特別高要求。另外出面仲有湯品，很有中式風味，輕微鹹香。也有比較爽口嘅前菜小食包括雲耳，豆等，好香辣，值得推介！出面仲有好多唔同款嘅飲品自由選擇，呢個絕對得住價錢！