倫敦大酒樓

營業中

休息中

約了好友，除夕＜倫敦＞飯聚，係指旺角彌敦道的＜倫敦＞，作為2024年最後的晚餐。 點左几個菜，有素有葷，為了健康 ，晚餐少一點肉類也無礙。燒味拼盤  雞鴨叉，味道正常。北菇紅燒豆腐   軟綿綿，容易咬。錦鹵雲吞    有豬膶，叉燒，魷魚，蝦，青椒，蕃茄，洋蔥。首次遇到配料豐富的錦鹵雲吞。五柳甜酸汁酸度不突兀，沒有蓋過雲吞皮的原味。捏碎雲吞皮，變做碎片，沾上五柳甜酸汁，絕配。五香脆素鵝   香脆外皮，內裡腐竹軟滑。檸蜜焗肉排  豬肋骨，肉質上已經無得輸，再配上酸甜又帶鹹的檸蜜汁，很惹味。瑶柱蛋白炒蝦仁  份量足。炒蛋撈炸雲吞的甜酸汁，又似蕃茄炒蛋。上湯粟子豆苗煲  乾燒伊麵    皆為全素，走葱韮蒜。六位點了八款食物，真係好飽。

3樓收銀台服務人員態度非常惡劣，問問題直接不回答，問了2遍都不理人，甚至搖頭擺手讓你走。沒有一丁點禮貌可講，更別說服務態度。不知道這麼大間餐廳，怎麼會有這樣毫無素質可言的服務員，員工都沒有基本素質培訓的嗎？

呢間舊式酒樓仲有點心車周圍推真係好懷舊，要地方大嘅酒樓先可以咁做。不過呢度最出名嗰樣野係要自己出去點心亭攞嘅，就係呢個椰皇燉鮮奶。拎到返埋位仲係熱辣辣，一揭開就好香椰子味，入面D燉鮮奶好Q彈，又香又滑，一路食一路就覺得好滋潤。叫咗碟山竹牛肉，質素都OK。鮮竹卷都OK。個煎腸粉幾好食，難得煎得好乾身。

Chef Ecy’s Dining Experience:🥰 Food | Corkage Fee | Cake Cutting Fee | Wheelchair | Easy Access | Price🙂 Service | Ambience😠 Pet Friendly | Easy Parking | Restroom CleanlinessThis is one of the tranditional Chinese restaurants in Hong Kong. It serves dim sum and traditional chinese guangdong style dishes. I tried many times especially the dinner banquets. All dishes are delicious! They serve quickly so the dishes when get to the table are still hot. They don‘t have any branches in other loc

今天已經很少遇到樓面面積如此大的酒樓，而且還要在旺角的彌敦道上，估計租金應該非常驚人，不過此酒樓屹立於這個地方已經有很多年，他廚房出品的味道應該不錯，點了四款點心，四款也很好吃。蝦餃皮薄餡靚，雖然不是外間興的巨型蝦餃，不過勝在餡料新鮮，尤其是蝦餃內的蝦，爽脆彈牙。牛肉腸粉也不錯，首先是牛肉有牛味而沒有梳打粉味，腸粉的皮也做得不錯。煎釀尖椒和矮瓜也做得不錯，釀魚肉的魚肉含量相信很高。最後一樣是很久沒吃的臘腸卷，熱辣辣味道佳，臘腸不會太肥，真的不錯。

新年伊始第一個午餐，五人選址屹立逾年的倫敦大酒樓茶聚。甫走入局，即時重現以前茶樓訂酒席的樓面場景：一張長枱加數張大櫈，說着多少圍翅加多減少，勁超！酒樓分有幾層，蒸點自取，煎炸點及腸粉是推車的，還有可以走到其他層數拿點心，老格式的碗柜，可樂也！走動不休，無需擔心會坐至窒息，挺有意思！酒樓供應的俱是傳統點心，其中最好食的乃是鳳爪和腸粉。鳳爪腍滑入味，牛肉腸粉更有不少牛肉餡！其次是南乳豬手，南乳味足卻不會過鹹，豬手軟彈，做得不錯。反而其他的好像金錢肚很靭，燒賣、蝦餃以及牛肉都不夠熱，影響食味。炸點有春卷、鹹水角和炸雲吞，雖然未算極油，可是脆硬得來不夠鬆化，不過爾爾。未知是否酒樓的冷氣太勁了，到枱的點心放下不久經已擱涼，有些剎風景；喜見原來食的就是懷舊的意思。

一間仲要自己走出走入去攞點心嘅酒樓，真係好懷舊，想當年我都仲係小學生一名😆呢度真係好多人，排隊係唔洗理佢，最緊要大叫「有乜」、「想要乜」有時可能有一、兩架車會繞場一周鴨腳紮雞紮仲用緊沙爆魚雞做餡料麻蓉包算係最新式嘅包點，芝麻蓉未到流心，不過甜度適中豉汁鳳爪味道足黑椒金錢肚黑椒好足，金錢肚好夠黑椒嘅辣，而且新鮮蒸出嚟，質地好爽彈西米布甸懷舊酒樓甜品之一，少有酒樓供應！中心嘅蓮蓉餡太少😔 好返啲先會有更好嘅味道，不過本身都做得好滑溜，甜度亦都配合現代健康潮流

今天跟韓國朋友一起來旺角「倫敦大酒樓」飲茶外國朋友說想去一下比較傳統的飲茶，我覺得倫敦酒樓還保留了推車子的飲茶習慣很是特別，所以就帶他們過來了車子推過來我們叫了一大堆的燒賣、煎堆、蝦餃、錦鹵雲吞、乳豬、叉燒包等等一大堆食物，再去他前面的一些小吃部拿一些現成的小吃或者叫他們馬上做，韓國朋友覺得很是新鮮又特別而且這裡的裝潢還在很久以前年代的樣子，他們很是喜歡，老實說這裡的飲茶不是很貴，可是重在氣氛而且位子又多，很滿意的一餐

今日和家人飲早茶，選了一間旺角的懷舊酒樓，地方寬闊共2層，坐得舒服，酒樓還是採用手推點心車，將一籠籠熱辣辣的點心送到你面前，或者拎點心紙出去自己拎，想起小時候跟父母飲茶的窩心回憶，彷彿回到小時候，想重溫呢種感覺，這里能滿足你，老人家應該也很喜歡這里，推介一家人來感受下特別推介：金錢肚相當入味，質感唔會太淋，口感剛剛好，十分推介叉燒腸蒸得熱辣辣，口感嫩滑，味道很好咖喱魷魚好有咖喱味，味道濃郁，魷魚煙韌彈牙，好咬感

屹立旺角多年既傳統茶樓 仍然保持手推車點心 🙋‍♀️舉手姐姐嚟幫你埋單 充滿香港特色嘅茶樓今次一口氣點咗鳳爪 煎腸粉 牛肉球 小籠包 椰皇燉蛋 先講要自己去搵點心車 逐架車仔問有乜嘢食 姐姐回覆 好似尋寶嘅過程幾有意思🤭鳳爪大大隻 整得入味 山竹牛肉球好食 夾雜馬蹄 爽口 小籠包熱辣辣 每粒都灌湯 一定要趁熱食 腸粉即叫即煎 外皮煎到少少乾身 配埋花生醬 甜醬 好食😋 最後椰皇熱辣辣 燉蛋除咗🥚蛋香 仲有陣陣嘅椰青水味 軟棉口咁 屋企家人長輩一定鍾意🥰

第一次見識倫敦大酒樓，可能今晚係星期五，非常旺場，而且好嘈😂食物普通。啲嘢非常之油，龍蝦伊麵，一般嚟講好快清碟，但係喺呢度，食到尾都仲係喺度🥲蝦多豉油到不得了🫢落完 order ,等咗一陣已經擺到成張枱都係，出菜之快真係誇啦啦🤣

旺角倫敦大酒樓真係有一份懷舊嘅味道，最特別嘅係佢哋仲保留咗點心車，點心車將一籠籠熱辣辣嘅點心送到你面前。今次我拎咗金錢肚、牛肉腸粉、咸水角同埋必叫既蝦餃同燒賣，每樣都做得非常之有水準。金錢肚相當入味，質感軟腍之餘唔會太淋，趙落口感啱啱好，非常滿意。腸粉係係我近一年食過最好味既腸粉，口感非常滑身，亦好想米味，牛肉餡嘅味道鮮美，加埋嗰陣茜味，真係好出色。至於燒賣同蝦餃就係點心嘅經典之作，蝦餃皮夠薄，蝦夠爽口彈牙，燒賣啲豬肉味道濃郁，每一啖都幾飽滿，真係唔會失望。整體嚟講，呢間酒樓嘅點心唔單止味道唔錯，最特別嘅係嗰份懷舊情懷。舊式推車喺現今社會已經唔多見，想重溫呢種經典飲茶體驗，旺角倫敦大酒樓絕對係一個好選擇。

位於旺角倫敦大酒樓 係一間舊式酒樓 無人幫你入坐要自己等位但係酒樓好大 仲有2層拎點心方面 有點心車 都係比較受歡迎嘅點心一係就自己去廚房果邊拎<牛肉腸粉>腸粉皮夠薄 食落好軟滑又唔會太爛<蝦餃>蝦餃皮都夠校薄 但係隻蝦唔算係好大粒果種<山竹牛肉>好真材實料嘅牛肉球 軟熟得來但又唔覺得佢溝好多粉<鯪魚球> 好實淨嘅魚肉球 都幾彈牙唔腥<牛柏葉>牛柏葉有啲咸同個汁我覺得杰<鳳爪>拿得好鬆化嘅鳳爪 整體黎講 啲嘢食都唔錯而且點心車都幾有趣

假日搵左間酒樓想同老人飲個茶，千簡萬簡，簡左個爛燈膽。野食，差，唔好食，只能夠話入得口，未至於要吐出黎。糯米雞 啲米都未熟一粒粒 雞紮 正常發揮無特別，44蚊無芋頭就有啲失望，得一塊雞，棉花，冬菇咸水角 凍嘅，炸野凍又油，自己想像味道😂叉燒腸味道正常，不過唔係熱，係微溫。煎腸粉最好食係呢個！立即叫立即煎到脆口，蝦米又多。，口感好。點心部姐姐服務態度好好，相反啲樓面 男女部長都態度差，尤其係黑色衫果啲，我黎消費仲要睇你面色？ 其他酒樓出色太多，呢間一定無下次，請我都唔黎。

好耐未去過, 今日再來, 3樓肯定多人, 所以去左4樓, 不過都要排隊, 等左四張飛便輪到我們😅 比安排二人枱, 但個位好熱😂 之後叫左壺水仙, 出去拿左一籠燒賣, 一籠蝦餃, 再落3樓拿左一個北菇雞蒸飯同椰皇, 飲啖茶先, 唔係太有茶味, 不過夠熱, 天氣炎熱只係飲杯水, 另外食件燒賣同蝦餃, 入面用料充足, 味道唔錯👍😍, 再飲蒸飯, 味道麻麻, 飯有d淋, 飯的味道麻麻, 雞亦無乜味, 質感都麻麻, 唔建議叫😅, 之後同家人一人一半椰皇, 雖然擺左最後先吃, 但依然熱辣辣, 椰皇味好重🥰🤩燉奶亦唔算好甜, 我每次來如果有, 都會食👍👍, 但依度地方寬敞都唔算好迫, 都係聚舊的好地方🥢🍵