偉記車仔麵

營業中

休息中

尼間$38車仔面，特別既餸會另加$3比出面車仔面平好多，又跟飲品，凍飲唔洗另加$3Lunch比附近番工番學既人，真係窮人恩物尼次叫左蘿蔔、豬紅同魚皮餃蘿蔔清甜多汁，豬紅唔會太過咸魚皮餃就不過不失好食指數：😋😋3.5/5

跳咗一個四餸車仔麵，因為係外賣自取返到屋企先發現比漏咗雞翼，啲米線偏淋身食落口感有啲爛，重點係啲沙嗲牛肉己經變酸咗😵‍💫唔知係咪因為天氣關係定係食品保存欠佳。總言之唔會再有下次

作為街坊，偉記車仔麵係我食咗好多年既抵食小店。而家出面車仔麵隨便都賣緊$40up（3餸），呢到先$36，仲要包野飲，認真CP值高！配料選擇都算多，豬紅整得好食好入味，仲要有出面好少車仔麵店既鴨胸！一日未搬走都會繼續支持

今日冇胃口，簡簡單單去街市熟食檔開餐，揀了【偉記車仔麵】。街市內的小食檔口面積細小，廚房同枱凳逼在一個小檔內，當然唔會有舒適用餐環境；食客都係速食速決。雖然檔口細小，但也自家炮製了三款醬汁：咖喱汁、沙嗲汁及秘製麻辣汁。四餸麵（$43）揀了兩樣貴價餸牛腩及豬腸，每樣另外加 $3。講開又講，豬腸只係下欄嘢，唔知點解今時今日變成車仔麵嘅貴價餸。四餸麵揀了蘿蔔、豬腸、豬紅及牛腩。湯底加了牛腩汁，但都係沒有什麼特別味道。蘿蔔最好味，夠清甜。豬紅煙靱都唔錯。碎牛腩就唔得，好硬，有筋。豬腸份量好少，得五小塊；而且好韌，豬臊味亦漂得唔夠徹底。湯底唔好味，車仔餸又唔好味，尤其小編最愛吃的豬腸。就算夠抵食，都應該唔會再來下一次。

今日喺呢度叫咗個三餸豬紅車仔麵外賣，個店員竟然淥完個麵收曬錢先同我講冇曬豬紅夾硬叫我揀過第二樣。嗰啲食材就喺正佢隔離，有咩冇咩真係可以咁都唔知道？咁樣屈人買畀你扺食又點，唔怪得同隔離嗰間生意差咁遠。

12月15日午餐,貪方便就食咗樓下街市既偉紀記車仔麵,附近返學或者居住既朋友一定有食過,因為$34,三餸連飲品真係好底！講反食物質素,今次食公仔麵吾算太淋,漢堡扒正常出品,魚蛋彈牙,雪菜鹹咗少少,正體都吾錯

原本諗住街市車仔麵都冇咩預期驚喜不過呢一間豬紅真係好好食一定要比讚👍🏻👍🏻👍🏻叫左5個餸 油面 秘製麻辣汁蘿蔔韭菜餃豬紅腸仔漢堡扒蘿蔔大大嚿有四舊 韭菜餃有2粒好惹味 豬紅真係世界級好食完全冇腥味 醬汁非常之入味 腸仔漢堡扒正常整體正常份量 味道唔差跟餐仲送一杯嘢飲 我叫咗凍檸茶 都幾好飲埋單$52 下次嚟要豬紅兩份🤣🤣另外 見到原來仲有煎韭菜餃 14蚊有4粒 下次嚟會試下 仲有韭菜豬紅 18蚊一碗 下下次嚟都要試下尼間豬紅真係必食！！！

趕時間最岩叫尼間車仔麵外賣，真係好快！叫餸到拎走一分鐘左右，可能係非繁忙時段🤣 今次叫左四餸，44蚊好抵食，豬紅魚肉雞翼韭菜餃，粗面，少麻辣湯底，外賣有分湯，番到屋企啲面麵唔會發脹變到好糊。我覺得最好食係豬紅，唔會一夾就碎，全部都算完整，食得出豬紅用沙爺醬煮得好入味無腥味；另外，韭菜餃都唔差，個餡料好好味，不過個皮硬左啲，可能外賣番到屋企時間耐左；雞翼要加3蚊，幾大隻，啖啖肉，係滷水味；魚肉分量算多。屋企無煮飯日子又懶唔想煮，一定首選尼間

今日中午時間嚟到已經有唔少人係鋪外等外賣，我係堂食，稍等一陣就有位。我偏好多菜少肉，於是今餐叫咗四個餸都偏素🥬蘿白無根，豆卜清甜應該有再加工煮過唔係白灼，白菜新鮮，雪菜肉絲同辣汁好夾，全部餸都正常份量 ，中規中矩，我最欣賞依間嘅係秘製麻辣汁，撈堆烏冬實在太正，湯有少少花椒粒，香辣麻味十足，我覺得辣汁算係做得有特色嘅心水車仔面之一🌶🌶🌶 今餐43蚊 ，仲有杯凍檸茶，好解辣好爽，抵食。簡簡單單解決一餐，平民美食，街坊價錢😀會再encore 🤣

好耐無食車仔面，今日中午嚟依間試下。今餐3餸34蚊包一杯飲品，真係良心小店，熱飲凍飲都一樣。我叫左凍檸茶，油面，餸就咖喱魚蛋冬菇韭菜餃，三個餸都各有特色，好好味。咖哩魚蛋都幾辣有4粒，冬菇大大粒忟得好入味又爽口，最正係韭菜餃真係招牌推薦，食得出係新鮮包唔係急凍餃子👍🏻我叫左2溝湯底牛腩汁+咖哩汁，好豐富，老闆好有禮貌好好人，完全無嫌我麻煩多要求😆檯頭仲有辣椒油，覺得唔夠辣可以再加少少更加提味。以咁價錢嚟講份量都岩岩好，而且十分之好味，絕對係有特色既車仔面。😊整體嚟講係一間好抵食既車仔面，會再幫襯試下其他餸。

呢間係一間細鋪頭，睇晒全場應該坐到18-20個客人左右。因為我知道中午時段會有一大堆學生放飯，就晏少少2點落去食。首推車仔麵最傳統材料，豬紅豬皮羅白，份量好多。豬紅可以話係鎮店之寶，亦係我食過咁多間車仔麵最入味既；豬皮唔硬唔軟，口感岩岩好，；羅白正常水準。米線唔算多，但夠食。湯底我揀左秘制麻辣，好嘢味。對於我唔太食得辣既人黎講，岩岩好，如果係一d食好重辣既可能會覺得唔夠辣。重點係，隻辣汁準同豬紅豬皮味道係好配，回味無窮。消費左$34，有杯凍檸茶送，低食又好味！

今日去左食車仔麵，呢間係彩明街市入面，鋪頭比較細，黎幫襯過幾次，店員幾有禮貌，野食好快就到。今日食左：豬腸 雞翼 雪菜肉絲 酸辣個人比較喜歡食酸，發現佢地雪菜加酸辣真係好美味，好夠酸。而佢地既豬大腸無臭味，可以同老闆要求要肥定瘦，食過幾次，味道都無咩偏差。另外，雞翼係滷水雞翼，都好入味。不過有時兩隻大大隻，有時就有大有細，整體黎講都OK。最最最重要佢杯凍奶茶真係超好飲，飲過好多間唔同食肆，佢地杯奶茶真係三甲以內，真心正！仲要係跟餐送比我地顧客飲，有啲甘既水準先值得表揚！$40有找，抵食！

其實已經好耐冇落街市搵野食覺得街市好污糟但商場既選擇真係太少今日心血來潮去街市行一轉發覺原來街市係想像中乾淨好多咁就揀左偉記試下發現原來好大驚喜！鋪頭細細，但係整體係好乾淨我坐低左望下餐牌老闆好有禮貌話枱上有紙可以慢慢揀我就諗住試下個精選套餐比較受歡迎既餸都係晒度碗麵黎到，賣相覺得幾好我先試下豬紅，竟然可以食番童年既味道，勁入味又有口感跟住我見韮菜餃都係有手指公食落係多菜少肉，非常之入味再黎係冬菇我都係超鍾意忟得好入味其他仲有雞尖、魚蛋、豬皮、羅白味道都係唔錯湯底我係揀左秘制麻辣同上邊既餸都幾夾，係唔同風味既麻辣食左$50覺得好低食而且送飲品呢個年頭仲有咁優惠既車仔麵係好良心同埋難得正常餐係三餸$34送飲品整體係食過會翻尋味

態度惡劣，鬧客戶，整跌咗佢少少野，好聲好氣同佢講唔好意思，仲走來大聲鬧我，希望唔好再有人幫襯佢，佢已經唔止一次㗎啦，忍無可忍，總之食物份量少坐得唔舒服都算，最衰一樣野就係態度惡劣

試左 $34 三餸 又包飲品 乾淨的我最care的 豬皮 同 大腸豬皮清得好乾淨 無毛⋯ 而且入味👍而冬菇 無草味 明顯飛過水 大大件 而且煮得好淋 (好緊要另外試食左個韮菜餃好似係司傅自己整的 料多的因為吾會偏多肉 或者 多菜比例剛剛好地方舒服的 其實我從來未係街市入面堂食 但個時好肚餓 見地方乾淨 又有中央空調 最緊要 係枱面無痴笠笠 最後決定堂食 值得翻去再食又平 又飽 又乾淨 😉