健康工房

營業中

休息中

近日天氣轉涼乾燥，咁岩今日放工路過健康工房。就即刻想買支野飲下滋潤下喉嚨！天氣有d 涼，咁我問職員有冇唔凍既，剛好我想要既飲品暫時未有唔凍的。她表示如有需要可幫我座熱，但需等一陣。咁我就再繼續睇。最尾我係雪櫃拎左兩支去比錢，比錢時果個職員仲記得我想要唔凍。佢仲即刻問我洗唔洗幫我座暖返。佢有記得顧客既需要👍🏻而且仲比埋膠袋幫我裝住，可能見我手上仲有拎其他野，估我應該冇手拎掛 健康工房其實都幫襯左佢唔少次，而我每次都係揀椰汁系列。其實我有想試下其他，但椰汁的太吸引 我今次揀椰汁海底椰雪耳，有一粒粒雪耳食下，又有椰汁味，又唔會好甜！買比自己飲，當然就買埋比家人

今日下晝 食飽飯好得閒 就去附近行下 跟手見到 自己成日爆瘡又夜瞓 所以想買啲健康嘢 清下熱氣見到健康工房 有土茯苓療效龜苓膏 就想試下佢係咪真係可以清熱解毒 店員都好好問我有冇需要兩三包既糖漿 我只係拎咗一包啫因為我唔係好好甜佢畀埋個細袋你 冇收到五毫子所以總共價值係45蚊一個佢哋都不忘比匙羹我食落去嘅口感唔會特別苦 食唔得太出有土茯苓味龜苓膏嘅感覺就好似啫喱 加上糖漿可以完全中和曬所有苦澀味 屬於易入口嘅龜苓膏清熱解毒嚟講45蚊可能有啲貴 不過一試無妨嘅❤️

午飯食左個飯團 又覺得肚餓, 走落去公司樓下買小食 見健康工房有健康小食賣, 就買來試一試 淮山杞子燒賣 5粒 都要HKD2X嘩！ 真心貴喔. 加左辣油, 一食入口, 唉…… 有少少中伏了, 因為豬肉質感好軟林, 沒口感, 由於 20幾蚊, 我最低會要求都要類似街坊酒樓質素的, 但好似完全Fail. 至於淮山值得一讚, 因為爽爽地, 令粒燒賣口感返返來, 仲有幾粒杞子裝飾一下。 可能打著藥膳旗號, 加少少中藥而令燒賣變得特別一些, 是好事, 希望改善一下豬肉料的質素, 令你地產品配得上這個價, 消費者才會繼續光顧的.

早餐有時太趕住買先會搵健康工房買，因為係出閘機隔離，實在太近啦。今日買左個豬肉包，其實我係貪佢夠熱夠暖，因為個味就真係馬馬地，吾知係咪健康得濟，一個都要16蚊。比起唐記7個半蚊個菜肉包。。呢個真係「健康」得濟。其實我都食過佢個杞子燒賣，20蚊4粒，就真係幾大粒，同茶樓個d size一樣，不過食落去就好似牛肉球咁既質地下次食補相

收工轉車前去到呢間健康飲品店，見到有幾款飲品做緊特價，款式都幾多，喜歡呢間食品會寫明食物屬性同材料！同埋適合邊種體質！唔會朦查查揀錯，包裝簡潔唔花巧去比錢時有個小插曲，店員無計特價，總數$65，我出聲問（以為店家要求同款先做）佢先睇番職員內部嘅表，先確定做特價！八達通比錢！跟樽嘅膠牌可以放低環保！$50/2支鮮金橘薑露：我飲落以薑味為主，有啲黃色沈澱物，應該係薑末，有薑味但唔辣，柑橘🍊味反而唔覺，唔覺酸味，好在唔會過甜，喜歡薑味嘅我覺得好味！高原沙棘金橘薏米露：肥髀飲店員有禮斯文！做野好爽！新潮健康飲品

剛好下一站工作就在金鐘政府總站附近，見時間尚早，就在地鐵站看看有甚麼好吃好喝。剛好發現有一排飲料只在做特價$50兩瓶，就選了這支高原沙棘雪杏薏米露，聽說是活血護心、潤肺補肝，嘩，那不是一下子為心肝脾肺腎中的三個貨金了？.當然，直到寫食評前都不會感覺到究竟心肝肺在貨金之後可以開盡多少外掛，但一支味道清新、略甜，冰涼舒適的飲品，還是飲得很寫意。.沒有很味精和調味劑的感覺，舒服的飲一支飲品，就馬上上路工作了。

番工買早餐時間, 我說買 : 熱雪梨茶, 豬肉包, 燒買, 唔該, 後我付八達通, 等食物! 最後只給我前兩樣食物, 沒有燒買, 收銀員說: 你只買兩樣. (查單後, 的確只打2樣單) 後, 我告訴收銀員我說買3樣食物的, 但她非常沒禮貌的說: 我聽唔到. (以上同樣事件己發生過第2次, 講的對白亦一模一樣)  這收銀員的一句 [ 我聽唔到 ], 是因為她冇留心顧客要買什麼, 而不是用這句說話將其錯失推給顧客. 

天氣轉涼，開始有些許痰。路經健康工房便進去有什麼化痰良方。細看之下，發現這支健康茶適合我！蜜棗杏貝雪梨茶 ($24): 這支標榜「滋陰潤肺，生津止渴」的健康茶，由平貝、杏仁、雪梨、雪梨乾、天冬、蜜棗及枇杷葉所配製。味道略帶清甜，底部亦有少許雪梨果肉，用後發覺真有化痰作用，感覺不錯。雖然價錢略為偏高，但能幫到我都值得的。

遲來的冬天終於來到了，天氣亦變得十分乾燥，起床後感到有點喉乾鼻涸，就來個滋潤的早餐吧川貝燉蘋果雪梨 $26［評分：8/10］早餐吃糖水雖然有點格格不入，但還是被這個燉蘋果雪梨所吸引，感覺蠻滋潤的，以密封膠袋所盛載，售賣後可要求店員倒進膠盒內方便進食一盒約有4件蘋果及2件雪梨，再加入了少量南北杏。兩款生果味道頗甜且不帶酸味，兩者煮至表面微腍但內裏爽口，相比之下雪梨比蘋果爽一點，而糖水甜度適中，不會太甜，帶點果香，入口清爽輕怡，十分舒服豬肉包 $14［7/10］單吃糖水感到有點不足，就多點了一個豬肉包伴著吃，肉包份量不少，記得上次購買是倒汗水蠻多的，弄得包面也變濕了，而這次包面乾身之餘，外形亦保持得不錯，感覺好多了～標榜著健康的肉包油份確實比一般的少，蒸包入口尚軟，帶點微甜，而肉餡則混合了少量洋蔥作提味，肉質嫩滑，少油少鹽，感覺不錯健康工房 (金鐘)金鐘港鐵金鐘站大堂32號舖～～～～～～～～～～～～～～～總消費：$ 40味道：7/10環境：7/10服務：7/10衛生 : 7/10抵食 : 6.5/10

呢排同肥髀食好嘢多！要排排毒！之前話呢間用足料，所以一向都會在呢度買！因為地點在地鐵站方便，地方衛生企理！呢度有好多健康飲料、小食，去到時櫃台好多人，有4個店員在忙，其中一位招呼我，我話要兩盅「皇方鮮茯苓療效龜苓膏」（我當然無講咁撓口嘅名，兩盅黃色龜苓膏）店員一定會sell買套票（原價$40一盅，套票$36，多買多送）我通常買一套即用（一套5張）然後我見另外有一隻「鹿角靈芝療效龜苓膏」（個名都係好撓口，紅色招紙）問小姐有乜分別，佢當然係讚不絕口，不過佢話更適合小朋友食，又可以套票加$8咪試下，兩盅都要熱，拎走，小姐睇完熱櫃話鹿角無熱，問我介唔介意凍嘅，其實都係返屋企袋，都無乜所謂！小姐好好笑容，又問介唔介意放埋一袋，我無問題先放一齊（感覺好窩心）臨走店內都好多人，我講聲「唔該晒」都有三個店員應我，覺得呢間店店員好有禮貌！返屋企食完飯，攞龜苓膏出來食，硬膠盒裝住，膠盒仲可以入微波爐，個膠盒唔會漏汁，我會留起用來裝水果返工！唔好即用即棄！我唔落糖食黃色，微苦，其實隻膏色唔係全黑，係深啡！甘苦入口，大人嘅口味！肥髀落糖食，佢當甜品，主要係食糖漿，我只會比佢落一包，唔比佢落太多！我試一啖，無乜

肚餓，想買些什麼吃的，經過健康工房，發現除了有包賣之外，現在還有腰果糖、花生糖等物出售。但想要飽肚一些的，有這款鮮淮山紫米粽（$15）。它據說有健脾益胃、補氣養血的功效，內有糯米、紫米、蘿蔔乾、鮮淮山、冬菇和花生，而且是全素的啊。其實我管它什麼功效，端午節時好像沒有吃過素食的粽，價錢又不算很貴，已經值得一試。店員從暖櫃內拿出棕子，隨膠袋還附上一隻膠叉。（吹毛求疵的話，當然是自備食具會較環保了。）粽子不算很大隻，全隻是紫色的，可見紫米的份量還不少，味道不算太濃烈，主要都是來自配料，吃下去感覺上比較油，但吃得粽的話也無可避免。我想當正餐可能未必夠飽，當小食還好啦。

一月中旬也有需要差電的時候，到海灘散散心也是好事，攤躺在砂堆上，閒聊上小半天，大家對生活與及活著的意義各有看法，工蟻或會羨慕蟋蟀的生活，但換轉角度牠最終還是喜歡飾演自己角色，是天命？夕陽西下，竹蔗馬蹄水也喝得七七八八，清潤亦有薄薄蔗甜，添加的糖不多頗天然，正好替肺部多餘的廢氣排出，感覺好多了。

上班途中, 每日都路過健康工房, 只見其只賣湯水涼茶, 沒有吸引到我的意欲去飲湯做上午或下午. 晚上若回家吃飯, 阿媽靚湯始終好D.今日路過, 放在counter上的一個LCD牌仔閃著 淮山杞子燒賣, 首先, 是行在我前面的OL發現, 令其停一停, 我就因此留意到這牌. 二人同時轉進小店, 同時要了這個所謂的 "藥膳燒賣"上面紅色的一點, 不是蝦子, 不是蟹羔, 而是一粒杞子. 燒賣內, 肉入面果然夾著淮山粒. 味道亦等同茶樓的燒賣. 有點可惜的, 自己要求加了豉油. 不加應該更佳.

喉乾舌燥得要命，要下火怕涼茶等太寒了，體質不宜，於是要了杏仁茶，骨碌骨碌的喝下一支，好清潤，甜味又適中，濃淡相宜，順晒～