傳奇烘焙

營業中

休息中

2022-07-31同女朋友去牛頭角食晚飯🥢入去餐廳之前見到間麵包店超多人🤓間麵包店叫做傳奇烘焙🧁我八卦吓睇吓佢哋買乜包先😉個個都排住隊咁等出爐🔥原來係等緊法式布甸包🍮我都唔執輸買個返屋企試吓😚我買咗兩個麵包，法式布甸包，15蚊個，布甸軟滑食落滑溜溜，仲好重奶味同雲呢拿香味，外皮就好硬，硬到好似法包皮咁，內軟外硬強烈對比，口感好有咬口，超好食，後悔淨係買咗一個🤪台式Oreo奶酥包，12蚊個，個包整得好靚，吸引到我買，最後一個，心諗一定無衰，食完感覺一般，無Oreo味，重奶味嘅包🤣🤣整體傳奇烘焙，平民價錢食到高質味道，傳奇良心小店，值得再幫襯，下次試吓朱古力包🥰🥰#傳奇烘焙#法式布甸包#台式Oreo奶酥包

經過見到依間麵包鋪啲麵包西餅鬆餅撻款式眾多，而且價錢大眾化，忍唔住買左4個試下，依間啲麵包都好鬆軟又大大個，但食落普通話明係台式奶蘇，我expect個餡係乾身脆皮奶蘇渣，即係好似佢個面果啲咁點知佢係流心嘅醬，而且冇咩oreo味，重奶味同偏甜入面好多花生醬，咁大個先8蚊幾抵食，花生醬愛好者可一試外貌似肉桂卷但就變左拖肥，但冇乜拖肥醬而且成個包就係得面果幾粒合桃，冇驚喜，就係普通餐包一個咁佢有幾款口味，揀左最大路嘅朱古力味，點知都係一般，普通朱古力蛋糕但個味唔出，值得一讚係蛋糕幾濕潤唔錯總括而言，第一次幫襯畀佢嘅款式同賣相吸引，但味道唔出色，應該唔會再幫襯

估唔到呢度都有法式布甸包，$15/個，本身都冇咩期望，只係見到有就貪得意試吓，味道就真係冇咩特別，咬落去蛋香唔算好濃，不過法包厚薄就比例適中，而且都幾鬆軟，整體食落唔會太膩，都算唔錯，但未去到會想encore。

父親節經過烘焙傳奇，見到這個父親節蛋糕 - 長勝爸爸， 造型好靚，馬上買返屋企慶父親節，喜歡賽馬的爸爸一見這蛋糕，開心到不得了，影相就好似自己拉頭馬一樣，一家人不停開心影相已值回票價，更驚喜的是內裡既紫薯糯米糍蛋糕，好香甜紫薯味，糯米糍又好彈口，cream 又好滑，唔太甜，好好味！ 值得推薦！

好味街坊烘焙店🤍-💛黃色商家-🧀芝士磚 ($28/件，$100/4件)賣相幾精緻，但係得個芝士樣，冇乜芝士味😂基本上成舊都係cream，不過唔算好甜或者好膩，個人覺得不過不失~-🥭冬日黃昏($28/件，$100/4件)Mousse食落幾滑身，夠芒果味，上面嘅果肉就唔係芒果，食落酸酸甜甜，同埋要讚一讚個底真係好脆好香牛油味🥰-🫐浪漫紫醉($28/件，$100/4件)外型就好似一粒大粒嘅藍莓咁，餅底一樣鬆脆，蛋糕藍莓味好濃，仲有少少芝士味，食落都幾滑，唔會太甜~-🍫朱古力噴泉($28/件，$100/4件)朱古力味好濃，一樣甜度啱啱好，識落味道好濃厚，有淡淡的可可香氣，個人最鍾意食呢件🤍-🍮法式布甸包 ($15/件)小編本身有食過原版，個人覺得呢間冇原版咁好食，法包偏硬同埋外層唔脆，至於布甸奶味同雲呢拿味係幾重，不過味道偏甜，同埋冇原版咁滑溜🤨-呢間烘焙店嘅甜品賣相都好精緻，味道整體上嚟講都ok，同埋好貼心咁用膠紙痴住左西餅嘅底，方便我哋外賣拎走，個人覺得如果經過想食甜品都可以一試!-味道 7.5/10服務 8/10回頭率 8/10總評 7.75/10人均消費 $39💰-📍傳奇烘焙太和太和路

可以上社交平台訂蛋糕，好方便，完全唔洗去鋪頭比錢都得，又可以自備公仔比鋪頭放上蛋糕度，非常好。本身睇相覺得蛋糕隻色有d沉，唔夠粉嫩，點知出黎既效果好靚呀！我地個蛋糕從雪櫃拎出黎，影相影左成個鐘都無溶不過因為蛋糕未食，味道就暫時比唔到評語，但賣相就100分。

店員無甚禮貌黑口黑面，對於客人問題甚至不願回答，覺得你唔應該開口問野，價錢above average, 一磅唔夠既普通士多啤梨忌廉蛋糕$238再加個膠牌$15，以為味道應該會中上就諗住俾人黑面點都值得，但味道只是一般，無下次

第一次食真菠蘿包冇諗過$9 可以買個真菠蘿包仲要有餡菠蘿餡唔係好甜，好有菠蘿味餡係菠蘿果醬同埋粒粒菠蘿肉超滿足舖頭位置好方便，係大馬路。除左呢個菠蘿包，仲有好多款麵包都好吸引

某日買左4件西餅見佢100蚊4件好似幾抵甘就買左黎試下，但係呢…四件分別有一件芒果味既蛋糕，呢幾件蛋糕個貌相的確幾吸引，但係食落就...一試便怕了，芒果既蛋糕味道食落其實好似食緊芒果加上面一堆啫喱奶凍甘，芒果外層奶凍味都ok既但上面果堆芒果醬真係唔太好食，無芒果味入面好多cream...第二件芝士磚...omg..說好的芝士味呢？滿心期待佢芝士造型甘靚，點知...一d芝士味都食唔到...檸檬味都仲食到d但蛋糕皮感覺好糖膠甘，一試唔會想再食...藍莓蛋糕：比較好少少，真係食到藍莓味同見到藍莓，不過佢蛋糕既面果層硬膠口感都仲係有d,比起其他兩舊好少少。朱古力蛋糕：最正常既一件用左黑朱古力整成，朱古力味香濃，唯一一件係好味既。oreo卷蛋：$38偏貴而且完全食唔到oreo味既蛋糕...我買左d咩呀～oreo味去左邊呀～點解好似無味蛋糕甘，好多cream之餘仲要無味...真心有待改良...不喜勿插...如果有負分,我會俾負星星.....><""""唔明點解咁多人買.....

提子什皮士干 $15/3呢個名我真係笑左🤣🤣🤣hahaha士干，驚喜真係一個接一個，就係比上次ABC bakery仲要平😧一個士干大約三分一個手掌咁大，食落唔漿口偏乾身，一摵就碎濕濕😅第日微波爐輕輕加熱，牛油香突出好多，無前一日食咁dry，提子唔多，所謂既什皮亦唔多覺😙不過呢舊士干我幾歡喜🥰QQ波 $15/3😚竟然俾我見到呢排大熱既菠蘿皮麻薯波波，個個脹卜卜確實好靚仔。眼見QQ波只有兩隻味，緊係兩款都要試😗係我既錯，拎到返屋企凹鬼左，但唔影響質地既，拉扯力幾強，煙韌得黎有點硬，菠蘿皮唔酥脆一扯就碎濕濕「呢咁hea」😅 濃而不膩既朱古力係我心水口味。其次係較為失色既芝士味，唔濃郁唔鹹香，唔講唔知係芝士😅燕麥方包 $8唔係走軟熟路線😗加入左燕麥，方包口感較為粗糙乾身，單食感覺會更大，當三文治食就無咁明顯，完全係健康之選，但再回購既機率唔高🤣🤣🤣

本在趕時間，信步至裕民附近斜路，見一列列食肆，突然被其中餅店西餅櫃那幾件深紫、草莓紅、鮮黃；被類似貴價croxx…i 餅店的凍餅造型款吸了眼球，衝了入去。網搜下，又是新店一間，買了一大堆，一時也忘了記下餅名，五顏六色慕絲組合$100/4件；4款慕絲蛋糕甜度適中，身為紫色控尤愛藍莓那款，刹那鯨吞；士多啤梨款賣相cute，切開裏面同樣層慕絲夾住蛋糕，墊底同樣是餅乾，面層是士多啤梨醬，新鮮士多啤梨及環形朱古力裝飾，先嘗第一口，感覺士多啤梨醬跟慕絲很夾，酸酸的，惜士多啤梨一般貨，沒驚喜，餅底還是不夠香脆；非時令，因此芒果款的芒果肉顯得暗啞，沒啥芒味，造法亦與其他慕絲蛋糕雷同只是換上不同水果配料味道，不贅述；芝士造型是混合了芝士味及檸檬醬，挺清新。另買了半打撻，計有：芝士檸檬、葡撻、牛油皮蛋撻、藍莓撻、酥皮蛋撻，價錢不一，隱約記得每件$4-$11。芝士檸檬撻的偏強烈的檸檬味令到已吃了慕絲打底亦不覺膩，藍莓撻略帶酸；葡撻椰汁味比蛋味濃。總括來說，撻的實而不華比起慕絲以味道及價錢稍勝。白色裝慕絲蛋糕的紙盒太脆弱，左右卡住的卡紙很易爛，拿不了多久，有待改善。