傷心酸辣粉 (衙前圍道) (已結業)

好耐冇食個酸辣粉，入到店裏已經有很多人排隊買外賣，我就買了一個一人套餐。眼見得兩個員工，可能疫情關係。我買完外賣員工都好有禮貌，同我講可以坐低等或者轉頭返嚟拎。（我排緊隊時都聽到其他客人講:我啲外賣得未？已經5分鐘...）其實我哋買個外賣基本都要等10分鐘至15分鐘。佢不停問得未，我排緊隊都覺得佢好煩。我眼見一個員工落緊單、另一個包緊外賣，包好外賣的時候，佢哋都會叫號碼，很有系統地分配外賣畀客人。老實說，煮一碗麵都需要時間，更何況是繁忙時段，需要等待一陣也很正常吧！ 疫情之下，店內員工仍然保持服務質素，同時亦忙於處理不同的外賣，我已經覺得不錯。香港人，其實應該多一點體諒和包容!

收銀員工態度差用App叫外賣，顯示可取餐預計時間可取，遲了15分鐘到店取餐但去到店舖取外賣時問收銀員工（疑似經理）取餐，員工唔理會直行直過等多15分鐘後再次問店員可否取餐收銀員好悔氣話：全部外賣未得，未整但又冇提及要幾耐就直行直過當時店內等侯外賣客人直接行去出餐處問先發現一早已出餐，但收銀員竟然不理會再等多5分鐘才包裝處理現場等侯既客人APP落單如果未得，就唔應該禁制話可取白白浪費左客人時間，亦都做唔到外賣自取方便既優點當時等侯其間，堂食客人坐低冇招呼大多數係午市任食食物評價：食物味道淡而無味薯粉發漲晒 希望貴公司注意一下員工態度同服務由其是收銀位置員工完全不理會任何客人

趕在第四波疫情前食個烤魚。鋪頭位置近富豪東方酒店方便坐巴士的朋友。魚不是烤是炸的所以皮很好食，配料都是平常凍肉店那些絕對對得起價錢。有台客因為等得太久發脾氣走左，幸好有另一台客要了那個雞煲。其實也就等左十幾分鐘，我和那一台是前後腳進入的。希望大家也要體諒下樓面人手不足的情況，有錢不是大曬禮貌都很重要尊重別人也是尊重自己！

個外賣咩事..份量少到離譜..然後陣味又奇怪，叫得尼間預左唔會乾淨得去邊，但唔係離譜到咁.......其實d商家係咪唸住外賣就可以求求其其...個牛肚少的過分.收我78一個餐

湯內有曱甴，係疫症期間，餐廳廚房內部理應加強清潔，可見餐廳衛生程度惡劣。假若餐廳內有定期消毒清潔，曱甴將有機會帶同化學產品和細菌到食物內，食客進食後影響身體健康，強烈建議餐廳應正視該問題。

以前食傷心酸辣粉會食到上引仲記得會企係條街食🤣又或者上二樓但都係企係度食😓 而家有方便嘅外送速遞apps係屋企都食到好開心😊今次叫佐兩碗，一碗bb辣一碗大辣～ 仲有唔辣口水雞🤣同埋蒜泥白肉小辣因為我唔係好食得辣，所以我覺得好味（特別係伴菜嘅花生，我一粒都唔放過🤣）同係鋪頭食差唔多😃 不過老公碗大辣就好一般，我覺得都唔算好辣但老公就覺得一啲辣都無😓九龍城送嚟我屋企都好近，所以食嘅時候仲係熱嘅😁

今日同朋友去九龍城搵食，行過傷心酸辣粉，見到有雞煲/烤魚/牛肋骨煲/胡椒豬肚雞煲任飲任食放題2小時，重點係$99一位，店員仲同我地講免加一，價錢真係好吸引，於是就入左去幫襯啦！我哋點左胡椒豬肚雞煲，個煲味道好好，胡椒味濃郁，仲有好多豬肚同雞件，整體嚟講個煲非常好；跟住講吓任食有咩配料，有肥牛、雞件、豚肉片、豬紅、腸仔、牛丸、豬肉丸、芝士丸、蟹籽丸、芝士豆腐、魚腐、豆卜、芽菜、黑木耳、薯粉、寬粉、蘿蔔、薯仔、菇類、生菜、娃娃菜等等；至於飲品方面就有各款汽水、清涼茶、菊花茶、冬瓜茶、橙汁、蘋果汁、菊花蜜、咸柑桔、雪梨海底椰等等，以$99一位嚟講有咁多配料同飲品任飲任食，絕對係超值！值得一提嘅係除左晚巿放題，仲有午巿放題優惠，只需要$79一位，限時90分鐘，真係好抵！

叫左個外賣一份口水雞一份蒜泥白肉一開，口水雞得幾件，仲要都係骨；兩個湯面俾得一個湯，仲要係錯湯底！酸辣湯變左酸梅湯咁嘅味係咪做外賣諗住唔會有人投訴就hea做？真係不可一不可再