傷心酸辣粉 (康寧道)

營業中

休息中

成日晏晝個陣都見到有好多學生食呢間傷心酸辣粉，因為我想知道係咪真係咁好食，所以就搵日夜晚去左食雖然店鋪面積有啲細，但係勝在易搵，又近民居，而且佢嘅顏色好鮮艷，一眼就認得出坐低後發覺有好多唔同嘅菜式，淨係啲小菜都成板咁多！叫得多會食唔哂，所以淨係叫咗幾樣~碟皮蛋中間嘅蛋黃係流心嘅，口感非常豐富，而且佢嘅份量都唔少，淨係食佢都已經有啲飽香噴噴嘅小辣蒜泥白肉好開胃，肉質好嫩滑，份量適中，好夠味半隻口水雞都好大碟下！味道又香又辣又開胃，雞肉仲好嫩滑，會想食完一件再一件而豬骨湯都好濃郁，肉片亦都好淋好入味，入口即化，雲耳就爽脆可口，麵質亦都軟硬適中另我男人仲叫左晶瑩剔透嘅酸辣粉，淨係小辣已經好好食，而且麵質彈牙，加埋花生一齊食好有口感

傷心酸辣粉係香港算是多分店，愛吃辣的我，怎麼能不來試一下。 叫左個大的二人餐，包2碗酸辣粉，加三款小食。鹵水拼盤，凍，硬，冇味，完。鹵蛋最正常。。麻辣拍青瓜同木耳，又係冇味嘅，調味實在是差。連鎖來說，"勿演小辣"果間好食好多。最正常的是這個酸辣粉，雖然唔夠酸唔夠麻辣。跟餐連飲品，每人約$130。如無意外，都係比較少機會來食。

自從公司附近的佐敦既傷心酸辣粉結業後已經好耐無食過，曾經係好似上左癮咁幾日就心思思想去食，不過依家唔就腳都無辦法。今日忽然好想食，於是特登去康寧道幫襯，點知。。。極可能會係我最後一次幫襯傷心酸辣粉。先講環境，執執下之後放低走去落單，由得d碗碟冋殘渣放係食客隔離，乜玩法？食食下發現原來係近廚房位的食客品有未完成既餸菜半成品，雖然舖頭有冷氣同部分食品有蓋住，但始終都係非接受範圍之內講返食物，老公點的炸醬冷麵。嘩！D炸醬少到吖！唔講仲以為係食湯麵送果一匙仔！花生同蔥仲多過炸醬，不如改名叫涼伴冷麵，我會為你送一匙仔炸醬而好開心到我果碗紅薯粉雲耳，中規中矩，畢竟雲耳應該好難唔好食的。蘿蔔，完全無味！雖然無渣，但完全唔知食緊乜，隱約好似食到不正常的酸味，食左一淡之後直接放棄豬大腸，反而幾好，唔韌，尚算入味，而且洗得乾淨唔肥唔知是不是無叫要加5元的晶絲薯粉，所以我果碗薯粉真係好難食！軟身不煙韌，毫不彈牙湯底仲出事，我叫小辣，但唔酸又唔辣，完全無惹味的感覺，真係會傷心到喊同酸到流鼻涕？！小食叫左海哲脆耳。先講海哲，又瘦弱又硬的感覺豬耳仲衰！好硬，同爽脆完全無關。全碟小食最好食竟然係墊底的青瓜絲叫左兩杯

收工之後想食酸辣粉，之前就知道酸辣粉嚟講，傷心酸辣粉喺算唔錯嘅選擇，係觀塘附近有間，咁就去食吓先~~餐牌上面會教點樣點酸辣粉，先選粉麵，然後再揀湯底，有辣有唔辣，最後就係餸料，分6蚊款同8蚊款，多多選擇！！我叫咗貢菜皮蛋、芝士豆腐、牛肚海帶絲米線總共三樣野貢菜皮蛋，賣相真係可以講喺晶瑩剔透，而且蛋黃仲流緊餡，食落好鮮甜。黃金芝士豆腐呢，口感外皮喺炸過嘅，所以外面嘅口感特別酥脆，入面嘅豆腐軟熟嫩滑，口感似日本豆腐咁牛肚海帶米線嘅份量真係好大，而且料又夠，我嘅湯底要嘅喺小小辣，味道啱啱好，酸得嚟夠開胃，辣得嚟夠爽，牛肚煮得好嫩。食之前先飲啖湯，再食米線，果然正宗！

喺香港，如果覺得口淡淡，想食返啲辣嘢刺激自己嘅味蕾，真心推介去傷心酸辣粉！！味道夠濃，辣得過癮呢度嘅招牌菜有酸辣粉、口水雞、皮蛋~~~之前嚟過幾次，都試過晒喇，今次嚟要搵啲新嘢試吓先！先嚟一碟普通嘅唐生菜先，唐生菜份量好大，而且口感爽脆，菜味十足，非常fresh！！天氣變得越嚟越熱啦，食飯又點可以少得嚟翻碟涼菜呢~~…紅油蒜蓉青瓜就係我嘅首選！蒜蓉味道好香好濃，青瓜同紅油嘅搭配真係好好，微微嘅辣味，令我好開胃！~~終於嚟啦！！！手撕雞冷麵，因為熱，所以唔想食湯粉，冷麵就喺唔錯嘅選擇!手撕雞、花生同芝麻嘅配搭，令冷麵嘅口感更加豐富。冷麵食落口感清涼，而且會越食越開胃,食完真係大滿足呀！

之前有個重慶嘅朋友，喺HK生活咗好多年啦，最近傾起川菜，問佢香港有無咩正宗嘅川菜介紹，一講起佢就強烈推薦我嚟傷心酸辣粉～點咗幾樣睇落好正（其實食完之後味道真係好正！）嘅菜式～呢碗“牛肚蟹柳海帶絲薯粉”味道就正到唔知點樣形容好！..每一啖落入口都係濃濃嘅海鮮風味，薯粉口感好Q好彈牙，蟹柳好軟，海帶爽口滷水拼盤就微微辣，睇個樣喺睇唔出佢喺辣嘅，食嘅時候就好似有種發現新大陸嘅感覺，最鐘意嘅就係滷蛋，加咗芝麻嘅口感非常香口黃金花芝丸炸得香口又彈牙，好食！海蜇手撕雞上面鋪嘅全部都係海蜇，原嚟手撕雞收埋喺下邊，海蜇酸辣嘅味道，真係令人流連忘返，海蜇口感爽口清脆，手撕雞肉嫩多汁，好味！！！

朋友對川菜數有硏究及鍾愛。普通的一碗麵都鍾意加辣椒才進食。一於去附近食佢偏愛薯粉。大家都會認識以酸辣粉為主打連鎖店。原來我甘耐以來未食過。今次佢帶我大開眼介。套餐一及套餐二都好抵食。我見好多二個人都叫。我叫了貴小小二人餐有口水雞好吸引😍全隻雞上比位置一定不怕佢韌同鞋口呀，加上芫荽同麻辣油花生，相當美味呀。佢雞皮又不肥，全件食曬。我點名要他們的滷味拼盤，一碟可滿足我多個要求，有滷蛋、肥腸、雞腎、難翼。佢每樣野少少滿足我肚位置不夠大但又為食少女😋我要嘗嘗麻辣木耳，佢對通血管好有益，仲有降膽固醇， 大家不能忽視。平時我嫌佢太無味，唔會點食。今次我覺得刮目相看，佢爽爽地加上麻辣汁不錯。個餐仲包二碗酸辣粉。雖然淋左少少但用料酸辣度剛剛好，有大量芫荽、花生、芽菜、肉操、酸菜非常滿足。其實這個份量對二個人來說已經好飽肚。朋友仔話要食紅油蒜蓉小黃瓜同麻辣肚絲。佢話有菜食會更加有益。上面充滿蒜蓉非常香口，重口味是我最愛。正！麻辣肚絲我第一次食，好難比較其他小店出品好與壞。但這個夠份量好足同入味。。因為太飽關係我們無食送甜品就結帳。😋

難得今日放假，當然要食啲平時比較少食嘅嘢因為要去銀行嘅關係今日落咗黎觀塘突然之間心血來潮好想食啲酸辣既野，就走咗過嚟食碗傷心酸辣粉。本身個人唔係食得太辣，所以叫左個肺片餐包一碗薯粉同一碟小食而且有大，中，小，BB辣可以選擇個薯粉口感彈牙，唔會淋，個人好中意呢個口感！個湯底勁好味，酸酸的，十分開胃夫妻肺片味道唔算辣，我都可以接受到食落軟熟但保持到口感，我幾中意！下面仲有少量青瓜絲座底，食落爽脆，唔錯其實一個人都夠食，如果比較大食既可以將個粉加大的另外叫左個酸辣土豆絲，口感爽脆，唔會炒到一pat野咁。柑桔話梅雪碧每次黎到必選嘅飲品之一有原粒話梅，加上柑桔既甜，口感好有層次。自己倒入雪碧後，要攪拌之後更加好飲

有一日隔離公司有個朋友話想食辣野，比較近的係傷心酸辣粉。但我唔想叫酸辣粉，呢排食多左，所以叫左口水雞同另外一個小食土豆絲share，兩個都係叫左中辣。口水雞唔係好多麻，但就夠辣，都幾多辣油，辣油都幾香吓！佢個面灑上不少花生碎同芝麻，令整個口水雞變得更香。麻辣土豆絲比想像中好，十分爽口，一啲都唔粉。 麻辣味十足，浸了響每條薯仔絲。 而且軟硬適中，一邊傾計一邊咬吓嘢，都幾㩒食。佢啲嘢都夠辣，叫杯凍飲一起食都幾正！

呢間野其實我覺唔錯既佢地D海哲同雞軟骨都ok但係服務態度就真心覺得好差有幾次中午同D FD食lunch有個睇落幾老，綁馬尾，成日坐係收銀台果個玩手機吖姐我地有好多時叫落單佢話好忙但係明明你坐係收銀台玩手機有一個重企係度傾計添叫左好耐先好唔耐煩過黎幫我地點口氣重好差添今朝去買外賣都唔係好多人又見到果個吖姐坐係收銀台玩手機我同佢講外賣吖唔該佢同我講好忙之後問佢拿菜單佢叫我自己拿點知張菜單冇學生餐張牌同佢講跟住佢就好唔耐煩講乜你禁蠢架之後穩比我係lo冇張野係我蠢lo之後落完單之後又唔比張單攪到找差D比人鬧唔知點解呢個吖姐禁樣都冇比人炒真係激死

我超鐘意食酸辣粉，但又唔食得辣，所以次次食酸辣粉都會走辣😂😂 雖然走左辣，但係d粉都係好好味！好Q好彈又有酸味，撈左d肉碎又香，仲有炸菜正呀！除左酸辣粉，次次都會叫口水雞食！口水雞我會叫小辣，因為個粉走左辣😂 雞肉好嫩好滑，小辣對我黎講已經夠晒辣，最鐘意係辣得黎又麻，勁野味！仲有土豆絲都好出色！薯仔切到細細條，撈左辣油，食落好爽口，而且吸晒麻辣味，超正！

上次諗住去食下辣野 見好多人都推介呢間幾好 就諗住入去試下我叫左個晶絲薯粉 要芝士豆腐 我朋友就要豬大腸既 由一個短髮唔帶眼鏡既女服務員點單 之後發現碗粉既芝士豆腐冇左 而我朋友既豬大腸則落左係我碗內 我就立即問返頭點單果個人 佢話冇聽過我話要芝士豆腐 我諗住忙中有錯 比返張單佢睇 清清楚楚寫住有 之後佢好唔耐煩咁換左比我 芝士豆腐就有返啦 但碗內既豬大腸就只得返幾舊 我以為會另上返比我朋友 點知佢話叫我朋友夾返我碗入面既豬大腸就得 但係好明顯佢係專登夾走左好多我見個服務員態度太差 都費事撩交嗌 就算啦但食落口 辣又唔辣 麻又唔麻 粉又lum曬咁 仲要超鹹 好似唔知食緊乜咁好想飲返啖野 而餐飲凍檸水仲未黎 就叫服務員 點知佢一手好大力咁放落張枱頭都唔回就走 d水飛曬出黎我實在食唔落 就走左 事後我發誓唔會再去呢間分店度食實在太劣 尤其係果個短髮唔帶眼鏡既女服務員 態度差到好似唔休做咁 當客人唔知係乜

又是麻辣的一餐,不過今次唔夠爽皮,因為我竟然去食小辣!事關貓姐我前晚全身發晒粒粒,麻風甘…超級痕癢.. 成晚訓唔到…食緊中藥既我仲唔死去介口…午餐仲去食麻辣… 真係唔識死 !係架, 我tea仲食左薯片(熱氣野)夜晚仲食左生冷野食壽司添 (理直氣壯mode”)所以果晚咪番發囉!呢個係反面教材,大家切勿以身是法 !! 今次去既係傷心酸辣粉,好耐先前食過,不過酸辣粉既店越黎越多,食其他都未食到佢,今日行開附近 就去回顧一下…室內環境ok,光猛企理既～我同朋友2個點左個$118 2 人餐 ,有2個粉，3個餸 ，2杯飲品（其實幾抵食)囗水雞 - 雞有d生, 所以肉質係嫩滑既，不過有d un, 醬汁味道可以，不過麻味可以再重d～豬耳𢇁～麻辣汁味道比口水雞香濃，平時出面食果d係好多油浸住，呢個少d，可以自己選擇點多或點少， 耳絲爽脆美味～手拍青瓜～清清涼涼的一道餸，吃出青瓜的青點味道，緩和一下麻辣濃列和刺激嘅味道～米線～我叫左小辣, 我又唔記得走花生添！麪質林左d，不過好滑好滑，配菜比較hea，肉碎比較少～湯底味道可以。 $118，2個人，甘多餸，甘豐富，算抵食嘅！等我好番，我要挑挑挑戰你

今日老豆話想食辣，當然帶佢黎去觀塘食酸辣粉啦😏佢挑戰食中辣酸辣粉，睇落去好紅，味道麻香，辣到佢係咁邊食邊流鼻水，真係辣得好過癮😂😂 佢又傷心又覺得幾好食。紅薯粉QQ彈牙好特別^^另外再黎一碟大辣既肥腸，配餸大辣竟然要另外加$2！唔抵lor!! 雖然面頭幾多辣醬，但食落口完全唔夠辣，但係就幾香口，肥腸也是挺彈牙的^^算是不錯吧！

今日有d喉嚨痛，但又好想去傷心酸辣粉食野>< 只好食番一碗bb辣既紅薯粉了><不敢吃太辣～這碗「小孩辣」有清清淡淡既酸香味道，只放了一點點辣油，這是不吃辣的另一番味道^^但是這次花生比較「淋」，花生不脆口不好吃T.T 但這個味道，喉嚨痛也吃得到^^另外配一碟香油海蜇，海蜇看上去賣相不錯，有青瓜絲在底，這個小菜不辣的，是麻油香味～^_^ 而且海蜇同青瓜都很爽口，很喜歡這種口質^^