優閒堡 (已結業)

經朋友極力介紹下...去左呢間餐廳試下...一方面去支持一班殘疾人士, 另一方面, 聽講呢間餐廳係由酒店廚師主理...都想試一試....最後當然無失望啦...0個日我地一行4人大約11點就去到, 做左第一班客人...一坐低, 侍應已經好有禮貌介紹午餐餐牌..餐湯係咩...服務好好!我地點左4個午餐, 包餐湯或餐飲, 加$5就可以兩樣試晒...南瓜忌廉湯: 好味...好濃既南瓜味..有粒粒南瓜蓉...脆烤豬仔脾伴薯菜 ($48): 有3件豬仔脾, 肉質好淋..煮得好入味..芝士焗海鮮意粉 ($48): 唔漏..好多料...而且仲加左菠菜...感覺健康好多意大利香辣腸炒扁意粉 ($48): 意粉炒得好乾身, 吸收晒香辣腸既肉味...蘑菇雞肉忌廉天使麪 ($48): 我最鍾意呢樣, 清清地0岩晒我...芝士蛋糕 (跟餐+$15): 唔講真係以為係0係酒店買番黎..好好味...芝士味好濃...一定要試最滿意既係...每道菜賣相都好靚, 果然係酒店出身, 見到咁靚都令到食慾大增...而且餐廳奉行健康煮法..少油少調味...食完都唔口渴...加上份量頗多...一人一個餐都可以食到好飽好飽...

昨日同一家人去光顧, 因為之前我本人同男朋友都食過下午茶及按摩, 野食方面好咪另外按摩技術好好價格都好合理, 因此就襯父視節同屋企人一齊吃下晚餐......我地book咗枱8:00 去到已經有位, 環境: 好舒適, 座位都好寛闊, 張枱都好大張, 好整潔食物: 我地order 咗父親節set 1) 頭盤: 露笋三文魚雜菜沙律-----個汁係黑醋汁...我鐘意, 因為酸酸地 個露笋好新鮮 2) 湯: 海鮮雜菜忌廉湯+onion bread 個湯唔係好''杰'' 味道飲到雜菜味....唔係出面個D ONLY 忌廉味 3) 主菜: 煎羊扒 另一個係 大蝦拼牛柳 ---- 我地ORDER 5成熟但兩個扒嚟到都9成熟...LEE 到要改善, 雖然全熟但一D 都唔硬和唔"UN", 個羊好"SO" 唔鐘意吃"SO"人就唔好叫 4) 主菜: 蒜片香草墨魚麵 ----- 夠乾身, 但食落去唔乾好香蒜味, 意粉硬到剛剛好唔會太"林"(合香港人要求) 5) 甜品: 本身set 跟焗牛油麵包布甸---LEE 個好好吃

被 openrice 常客們的食評吸引，早已打算到優閒堡一遊。星期三那天，有兩個 interview，朝早深水埗傍晚北角，兩者相隔五個鐘... 趁住有時間，倒不如找找優閒堡吧﹗那兒的位置真係好入好入... 好彩在見工期間隨身攜帶地圖，如果唔係應該搵唔到的了。入到去，仲未到 lunch hour，見到既係一張張梳化椅，座位舒適.. 雖然某 d 位置係有少少迫，但都唔錯﹗叫左個午餐: 蒜片香草炒蜆肉墨魚麵，另 +$15 心太軟伴雪糕。 蒜片香草炒蜆肉黑魚麵: 好香好香，上菜時真係有好大陣香味飄過黎。睇佢賣相已經好得，同埋佢真係落左好多洋蔥 (唔知點解洋蔥粒係比蒜片多).. 再加上落左相當份量既白酒去炒，所以食落去係好夠味﹗青紅黃椒炒得好爽，而蜆肉係雪藏貨，但勝在有好多粒，差唔多係可以「啖啖洋蔥啖啖蜆」~ 不過，今次既黑魚麵就略嫌硬身左少少 心太軟伴雪糕: 睇左下面既食評，都預計到心太軟既質素... 不過，都係忍唔住，心太軟癮大起，所以都係叫左佢返黎。迷你版既心太軟，感覺還好，因為唔洗驚肥 上碟時，見到佢外面好想有流心「呼之欲出」，咁就好開心啦﹗點知一切，原來裡面只有一毫子 size 咁大

週三晚，難得晚上不用工作，在食友FL建議下，與食友們一起來這家新開的社企試試。公司最近長沙灣的太公，也順理成章地最早抵達。週三晚市的優閒堡，人不多；店員也很親切地送水送餐單等，有一位見我一個人坐著悶了，主動為我送上他們的中心通訊，讓我了解優閒堡的各類服務之餘，也可解解悶。食友們相繼抵達；(不過由於FL公司有要事，所以我們唯有忍痛作咗個決定：食住等...) 終於可以開動了！晚餐很豐富，有湯有包有沙律有主菜有飲品還送一個香蕉pancake，這麼多食物，才$88；不過，甜魔們最感興趣的，當然是甜品；心太軟等甜品跟餐$15, 不跟餐也才$28，這價錢實在非常親民。- 心太軟：甜魔們共吃了兩round；第一round感覺不錯，心太軟未算很香，但勝在夠鬆軟，也有流心，基本功合格；雲呢拿雪糕不算非常濃滑，配上這朱古力味沒有太濃厚的心太軟吃，味道不濃烈卻教人感覺清新舒服，別有一番風味。只是水準不平均，第二round的心太軟皆烤過龍，過苦了，希望能注意一下 (尤幸我們加$7要多一球雪糕，可多吃點搭救)- 麵包布甸：實在有待改進；烤得頗香，不過蛋汁很不足，只有最底的五份一才吃到香甜感，上面的，食味全無；如

一直好support社會企業，因覺得好有意思。知道我地頭長沙灣新開了一間社企優閒堡，有心太軟供應，即時提議來這裡搞一個甜魔聚會。原本是早一個星期舉行，不過當日有甜魔身體不適，延了一個星期。遲大到，到埗時各位已把主菜、甚至甜品吃完，幸好大家沒有埋單先走人(或者留番張單俾我埋而走先)，而是喝著飲品說著爛gag等我，真感動。由於我來到時全部食物已被幹掉，碟都收埋，無法知道大家吃過什麼。也不理了，自己叫自己的，就一份蒜片蜆肉墨魚汁意粉，另加個心太軟，飲凍檸茶。不久，服務員就把意粉送上。賣相幾好的，顏色配搭得宜，對這味還有點期望。意粉質地較稔身，不過味道就不錯，亦幾香口。雖然蜆肉缺乏鮮味，但青黃椒絲爽口，還有不錯的菇類，其實也是對辦。心太軟原來只是迷你板本，份量比預期中細得多，bownie本身屬硬而不脆，也不香。切開，是幾流心的，可是朱古力醬不及濃郁，而旁邊的雪糕很快便溶掉。當然從沒想過在這地方吃到高水準的心太軟，所以也沒有失望。食友提醒話咖啡好苦，奶茶也只是lipton茶包，咁就兩樣都唔要了。穩穩陣陣要杯凍檸茶，果然是不過不失的。這裡的服務有如其他的社企，不算太專業，卻是很有誠意的，這點我倒欣

上星期失約，是日終於齊人成局。餐廳頗為偏僻，如不是看了OR地圖正確位置，我真是找不到。大家急不及待先叫2個心太軟及1個麵包布甸作為頭盤。甜品散叫是$28，跟餐就$15，以這價錢，我一直沒有待期這個心太軟會驚為天人，起碼這個心太軟切開後是朱古力醬慢慢流出，奶味較重，似乎用了50%還未到的濃度朱古力製成，幸而甜度適中，而蛋糕表面不夠鬆脆。不過始終份量實在太細，前後叫要5個，平均一人一份。另外麵包焗布甸，做得不夠均勻，表層麵包不夠吸盡蛋汁，入口較乾身，沒有濕潤口感，而下層蛋汁又過多，似吃燉蛋多一點。特濃朱古力蛋糕-有著4種質地做成，看似層次豐富，原來味道是最差的一個。雲石芝士蛋糕-出乎意料之外，這個是全晚最出色的甜品，cream cheese香濃，質地也很細滑。跟晚餐的香蕉pancake，薄薄的薄皮包住厚厚的忌廉及香蕉，為免浪費quota，我只食了香蕉吧了。寫完甜品，接著是鹹食，5個人叫了兩個晚餐及一個廚師推介。晚餐的南瓜忌廉湯是一個普通的忌廉湯，沒有南瓜的清甜味。頭盤是凱撒沙律，沙律菜新鮮爽脆。主菜之一的烚豬手伴薯蓉，超巨型的豬手，因是烚的關係，豬皮沒有香口的脆皮，而帶了一點膠質成份，但豬

不是食友提出，也不會注意到這間偏遠難找的社會企業。而店如其名，優閒堡的環境果真悠閒舒適，服務亦如食家介紹，是有心又親和的，值得支持。　不過甜魔的心無法安靜，一抵達就與Oli及太公心急掃了數款甜品($28@)! 　朱古力心太軟加雪糕-心太軟份量比預期小，香味一般；雖切開頗為流心，可朱古力味不夠濃郁，未能與雪糕形成強烈對比。麵包布甸-豐滿的外型很快倒塌，而在仍熱時食用質感已經很實，味道又不香不滑，不推介。特濃朱古力餅-被誘人的名字騙到，除了類似大陸朱古力的外層，朱古力慕絲及海棉蛋糕絕無濃郁朱古力味，被認為是全晚最差甜品。雲石芝士餅-有點想不到的驚喜：芝士味較濃頗突出，若質感再濕潤少少，將是一件很出色的甜品!　當然也要照顧在場的龍的咸胃，也挑要了2份精選晚餐，$88已包餐湯、餐包、沙律、甜品及餐飲：　南瓜忌廉湯-南瓜味淡淡的，忌廉味較重質感香滑，配以蒜茸脆多士也不錯。凱撒沙律-新鮮爽脆的生菜加上適量沙律醬，有中上水準，很快清碟了!燴羊膝-多肉的羊小腿肉質嫩滑，以此價位實在超值，不過羊騷味不突出，醬汁亦不夠惹味，需額外薄荷醬調味。底層是超大量薯蓉，據Oli講是新鮮薯仔所製，然而香滑度一般。恰豬

佛誕上班日,準時下班後走到這間社企餐廳嘗試一下;原來它隱藏在順寧道最多車房那邊的角落,要不是早有準備,真的不易找到這間隱蔽餐廳,也不知道車房中會有間如此寧靜的小餐廳。還在門外研究餐牌,工作人員已有禮地介紹還有午餐,還幫我開門;內裡佈置簡單,人客三四超合我意!店員送來一杯暖水,怕飲水喉水的月巴人安心飲用!南瓜忌廉湯濃稠香甜, 濃得連表面也有層皮,利害!!南瓜湯質感滑溜,味道香甜濃郁,加上一撮蕃茜碎,真的好飲!! 所配小麥包烘得熱乎乎的,又軟又熱還有點葡萄乾甜味,抹上牛油味濃的安可牛油,好吃好吃!! 當日月巴人沒吃早餐餓得要緊,這碗熱湯和麵包簡直是我的救星!意大利香辣腸炒扁意粉意想不到的大碟!最吸引我的還是意粉中那支搖曳生姿的葉子!!扁意粉煮得彈牙很有水準,雖然我一向不太喜歡扁意粉,但今次的確水準很好!香辣腸份量不少,並不是寥寥幾片算數,味道微辣頗為特別,吃極仍有的香腸片令我極滿足! 紅綠燈甜椒份量多又甜, 還有少量鮮冬菇和雞髀菇片, 清清的又是好吃! 最佩服是炒意粉用油份量不多,所以一點也不會油膩,讚!凍奶茶明顯是茶包味道, 輕淡的紅茶對我來說是很不夠味,而且糖水下得稍多以致有點過甜,這

前排睇雜誌見到介紹依間社企, 見地址又近屋企, 一心黎試下, 表逹下對弱能人士既支持。食物水準不錯, 甜品的確較主菜吸引, 服務生招呼好細心可改善之處就係食物份量較細, 尤其甜品, 賣相不錯但比較細size。>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>相比一般cafe, 環境静d又有大電視睇, 價錢合理(晚餐六十蚊左右有意粉同飲品)。最最最緊要係----------服務態度好, 我一諗到去d旺區cafe, 環境又差, 招呼又求其, 俾錢食野仲要受氣! 我寧願搵間遠少少, 但保証服務生用心咁serve你既cafe去食! 好值得支

當你以為荔枝角係一個工業區，西餐唔會有太多選擇的時候，其實不然。隨便數數都有成十間鋪，要華麗的有G. Gallery，要普通坐得舒服的有Jazz Café或Uno Uno，要速食可以去Cheers & Taste。要經濟實惠，可以去優閒堡---餐飲由曾於酒店工作的大廚主理，樓面由唐氏宗合症及弱智人仕負責。店舖唔係在大街長沙灣道同青山道，反而係縮入去的順寧道，要搵亦唔難，不過就是不太就腳。當然有實力的，多遠都有人幫襯。 第一次係同老細同班舊同事去，我要咗煙雞雜菜沙律($32)，亦試咗老細的龍脷柳($48)。餐跟包同湯或餐飲。我的沙律新鮮，煙雞份量足，配黑醋的食法都係第一次，感覺新鮮又美味。而老細的魚柳的煎功不錯，皮脆肉嬾。同檯的濶太舊同事，大讚個魚柳白汁，係用靚貨做既。不過最大驚喜係甜品(餐加$15)，款式好多，我地一共選了五個。先上特濃朱古力蛋糕同綠茶紅豆蛋糕，是來貨的，味道較甜。之後上的木糠布甸都幾滑。朱古力心太軟加雲呢哪雪糕，剛焗好，以凍碟上檯，夠認真。鬆化的外殼包住熱辣辣的朱古力，加上凍冰冰的雪糕，味道幼滑。最後上的麵包布丁，充滿了牛油和蛋香，外脆內軟，絶對值得一試。是日發生了小

星期六去完香工, 但老公又唔肯出來陪我吃飯, 我就call個friend出來吃飯. 不過, 我又唔知吃什麼好. 我個Friend就話不如試下間新開的Serene Club. 佢話早上搭車見到的, 是香港唐氏綜合症協會開的. 個餐廳師傅之前是酒店度做的. 我話OK試下啦去到個處環境唔錯, 成間Coffee shop咁. 跟住入到去見到有Lunch set. 我地就一人選了一樣Share來吃. 我地點了一個三文魚薯仔沙律, 一個吞拿魚煙肉蘑菇焗意粉. 呢個餐一係跟湯, 一係跟餐飲. 如果想2樣都要就加 5蚊. 我地見佢個湯好特別下, 不是一般的羅宋, 忌廉, 就要了湯.佢地有部份的侍應是唐氏綜合症的人士, 但招呼好好, 做野也很小心.正式上菜了, D湯唔錯, 真係用南瓜煲出來, 仲有南瓜蓉係入面. 我同個Friend都好鍾意.跟住沙律同意粉上來, 哇..真係鋪得好靚 , 好似酒店個D. 試下個味先..哇個意粉好熱..(好在個侍應剛才有提.) 好味..又夠汁, d料都好多. 而且個汁唔會太稀, 最正就係個意粉焗完後仲好彈牙. 個沙律都唔錯, 如果再多2片三文魚仲好. 跟住我地吃完後, 心