允升甜品

營業中

休息中

同男朋友食完晚飯，直落去食甜品因為入座時間都比較夜，成九點鐘所以甜品鋪幾乎冇人，包埋我地只得一兩枱諗咗好耐 先決定食啲咩甜品因為種類繁多好難揀，最後我哋嗌咗雜果奶凍＆ 芒果涼粉雜果有哈密瓜，蜜瓜，芒果同埋西瓜 啲芒果比較少，不過好甜好好味至於啲蜜瓜＆哈密瓜就唔夠甜，味道好淡反而西瓜就好甜，不過食落有啲唔夠新鮮咁可能因為我哋太夜去，西瓜放耐咗啩～啲奶凍就好好食，涼浸浸咁又軟又香又滑加咗啲花奶，真係好完美因為我最鍾意就係食花奶

黎到長洲 一定要食芒果糯米糍同大魚蛋一落船已經有好幾間賣糯米糍但淨係想食允升因為見佢openrice都幾多好評點知真係好失望😔芒果係酸..芒果真係酸... 鮮果甜味去左邊...呢下真係完全接受唔到究竟係芒果唔當造定質素下降真係唔知仲要咁岩撞正鋪頭岩岩用完漂白水拖地食食下聞到成陣漂白水味.. 胃口都無埋.. 拿拿林食完就走好過豆腐花涼粉都普普通通 無乜特別之處 唔值得一提下次唔會再去 寧願試新野都唔想再中多次伏

十幾年無去長洲，以前都唔覺有種小食叫長洲糯米糍，近年香港好多地方都有賣，試過一次覺得除左粒糯米糍大舊啲都無乜特別。今次入長洲見到通街小店都有賣長洲糯米糍，總有一間係附近，本身都興趣不大，但朋友帶我過黎話呢間必食，原來是長洲糯米糍始祖！因為食飽左，無即時堂食，只係買左榴槤糯米糍同芒果糯米糍 $15 返屋企做手信。手心般大的糯米糍，透出黃色/綠色就知道皮薄多餡，外層少少煙韌，咬落大啖果肉，真係好好食！！同以往食過既同類食品真係有分別其他跟隨推出的小店可能做得更好，但我唔會一一試食，不過呢間長洲糯米糍始祖係好食既！

話你知元始未必就係最好😌話晒山長水遠入到長洲，都當係個小旅行啦，買番個特產芒果糯米糍做手信都應該啦😌買手信通常一係買最大熱，一係買最元始，今次小JunJun就慕名到芒果糯米糍嘅元祖店幫襯😎🥭💟 紫糯芒果糯米糍 $15 (6.1/10)諗住紫糯好特別喎🤩點知都唔係咁特別🤣入口同普通糯米差別不大，不過之後有紫米回香糯米軟糯，濕潤度剛好，唔𥺦牙但保持咬感比市面款式較少甜味芒果可能唔係當種，普通唔算香甜，少酸芒果糯米糍愈嚟愈普及，係咪老字號一定最好，咁又未必嘅，都有好多新店嘅芒果更大更甜，口味更多更新穎，不過老字號嘅價值可能代表住回憶，又可能代表對傳統文化嘅認同，值唔值去幫襯就睇吓你點睇啦~📍允升甜品長洲新興街5號地舖

吃畢正餐，在同一條街吃個甜品。還記得上次平日下午帶韓國朋友到此吃甜品，雖未至滿客，但亦有2/3客人。當時下午1時的允升甜品只有我們一桌客人，而店員在弄糯米糍。簡單點了兩種甜品，較喜歡皮爽滑的鴛鴦芒果腸粉， 芒果糯米糍則不覺特別好吃，招牌似乎不足以再讓我回頭啊。 -#鴛鴦芒果腸粉 $29 腸粉滑溜溜，夾了大塊卻偏酸的芒果、淋上甜的芒果醬。比起糯米糍，個人較喜歡順口的腸粉。黑腸粉一吃便知是黑芝麻，味道較突出; 白腸粉則令我吃起疑問，一直嘗不出是什麼味，只好問店員，原來是椰汁，可惜我吃到最後也不太能吃到椰汁味。 -#芒果糯米糍(黑糯米) $15 選了黑糯米版本，然而不會吃出什麼特別味，只是皮有點熏紫色。皮不算太煙韌，幸也不黏牙，糍中的芒果肉是甜的。 -

長洲除了大魚蛋，最出名一定是芒果糯米滋當天買了芒果糯米糍和黑白芒果腸粉糯米糍大大粒，芒果爽甜多汁，幾乎有點爆汁，好誇張，皮厚度適中，好軟糯煙韌真係好好食黑白芒果腸粉同樣佳作，好滑好滑好滑，連淋在表面的芒果汁都好綿滑，全部都無渣，香甜新鮮好味，價廉物美。雖然市區已開多了很多芒果糯米糍店鋪，但我覺得允升比起市區很多店的味道還是更勝一籌，以後來長洲一定會再幫襯，太好食了，作為芒果迷一定要試，highly recommend

<老字號糯米糍>🍴芒果糯米糍 15 蚊個🥭 呢間老字號 每次入黎長洲都會食下 佢個皮係好煙韌彈牙 糯米味香 個芒果可能季節問題 唔太甜 少甜少酸 但一定新鮮 都唔錯🍴芒果糯米糍 15 蚊個🥭(紫糯米皮 ) 呢款同糯米糍一樣 不過 係 紫糯米皮 個皮硬 d薄 d紫糯米 幾香 , 好彩地個芒果夠甜 正👍🏻#糯米糍 #芒果糯米糍 #甜品 #芒果 #糯米 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#允升甜品長洲新興街5 號~~~~~~~~~~~~

朋友超級推薦呢度嘅芒果糯米糍，話有好多人讚好。黎到舖頭，好多人，全場滿坐，所以買咗外賣附近食。長洲價錢度度都一樣係15蚊。個人覺得呢度size比較細，皮比較厚。唔係人地講得咁好食🙈

趁秋意涼涼地，同男友長洲出走一下，疫情港人未能外遊，果然迫到離島人山人海。食完辣辣魚蛋後，想食碗糖水解下辣，我見網上多人推介此店甜品，我地剛好經過就即管試試。店外有很多人聚集，以為要等好耐入座，幸好部份人係等外賣的，入去即有位座。店內好繁忙，舖仔細細食客同店員來來往往，我地快快手點了芒果水晶及芒果糯米滋(紫糯米皮)。芒果水晶 $29有芒果的糖水差極有個譜，有芒果汁、糖水同花奶做底，加了芒果粒及水晶蒟蒻之類，水晶Q陣涼透心，味道正正常常。芒果糯米滋(紫糯米皮) $15芒果糯米滋食得多，見有紫糯米皮又好似幾特別咁，一切開糯米滋就見到紫色嘅皮，包住大大塊香甜嘅芒果，糯米皮比想像中煙韌，味道同正常糯米滋無太大分別。店內設有最低消費每位$15，想二人分享一碗糖水，就只好外賣吧。

天氣熱一熱，緊係要食返個糖水啦～因為怕濕熱，都唔敢食芒果，唯有揀返啲最普通嘅糖水食。菜單上有好多配搭，剩係豆腐花同涼粉都好多配合，搞到我都有啲選擇困難症。最後我同朋友就揀左個芝麻糊豆花同埋豆腐花食。芝麻糊唔算好甜，食落都唔似用粉開，芝麻味都夠，但未算濃。豆腐花就好滑，豆味都濃，而且糖漿係自己落，想健康啲就原味甘食啦～價錢我覺得算平，個豆腐花好似14蚊左右，個芝麻糊就好似18蚊，本來以為遊客區啲野應該偏貴，點知又唔係。

本身坐低食個糯米糍，不過最低消費唔包糯米糍，咁就叫左個最愛既杏仁蛋白。黎到望落質地都同平時食開既唔係好同，放埋入口試第一啖、第二啖亦係最後一啖，食唔落去了，生平食過最難食既杏仁蛋白出現，差過超市買返屋企加幫果幾隻。食得出一粒粒粉狀物體，好似加左粟粉咁透透地明朋友叫左個楊枝甘露，好多水好淡味。以此作記，提醒自己唔好再去...(可能你會話佢其他野好味，但我覺得煮得唔好既，唔應該拎出黎賣先對得住自己個招牌)

芒果糯米糍$15·雖然好似唔係食咗好多嘢咁 但係我哋已經有啲飽飽地 所以決定行下 消化下 就去左泳灘個邊 泳灘既盡頭一出就係呢間芒果糯米糍既始祖🤩🤩之後我哋勁好彩 去到嘅時候佢啱啱包緊啲新既糯米糍 所以我哋呢一粒係新鮮既 佢啲芒果超級甜 而且個皮超級煙韌 好味😋不過因為佢啱啱包起 我覺得佢啲糯米粉有啲太多 我最後zhuk親🙊😂不過都唔影響我對佢嘅鍾意😏😏·📍允升甜品 (長洲新興街5號地舖)·#rbyeat #rby好去處#rby港式 #rby甜品飲品#rby長洲 #rby離島

本好懷念長洲的糯米糍， 一個人去到說要3個 糯米糍， 一個堂食，兩個拿走。 怎知夥記說糯米糍要到門外食不可以堂食。我說算，我要三個糯米糍拿走。但夥記又話三個糯米糍冇盒裝，盒要加錢，四個就不用。 都算啦，我要咗四個糯米糍每個$15，一共$60 問他可不可以堂食他說都不可以，要到門外食。當天是星期一，有沒有太多人，大把位，為什麼這樣趕客呢？唯有到碼頭食咗四個糯米糍啦。講番味道…… 芒果非常熱酸，啲皮唔夠軟熟 。下次都係唔幫襯。

原來這間人所共知的……"允升" 出名的糯米糍不准在堂食， 一個$15 我買咗四個$60都不准在堂食。要在門口食。 哪有這樣的道理呀， 又不是假期，人不多。 算啦。以後冇幫親.講番味道…… 一般, 大大個， 芒果好酸，的皮唔夠軟。

夏天去到長洲熱辣辣🥵又怎能不吃甜品降降溫？今次來到內街的甜品店，來試試他們的長洲糯米糍😍#芒果糯米糍 $14價錢比外街的貴一點點，但芒果很甜，不會酸，而且糯米皮厚度適中，口感煙韌，拿上手時還很軟，證明不是放了很久的糯米糍，除此之外，芒果不會太小，不會發生吃到一半已經沒有芒果只剩下皮。#芒果西米露 $30（加大）店家沒有手軟地放了很多芒果粒，芒果也是很甜，應該是當季的關係所以較少酸的芒果，而整碗都是芒果汁和西米，西米不會過硬或過軟，吃完整碗也是冰冰涼涼的。要留意的是，加大了份量不是比小碗的大很多，而小碗的價錢是$24，可以自行考慮要大碗還是小碗的。餐廳設有人均最低消費，每人最少$15，而芒果糯米糍並 #不計算 在內，所以只想吃糯米糍的讀者們只可以外賣到外面吃了。如果想要發泡膠盒裝著的話，要買四件糯米糍或以上才有，大家要留意啊！