元朗鄉村小廚 (已結業)

INTRO今日食左元朗鄉村小廚, 有記憶的就只有條菜炒得几好, 其他如綠咖哩,京都骨都乏善足陳. 總評D 芥蘭用左蝦米&XO醬炒, 仲加左好多蒜頭炒, 賣相很好, 十分香口. 拿到7分. 更好的, 就要浸下蝦米至無咁硬至炒, 甚至可以浸完再用蒜頭爆香, 睇我阿媽煮就知啦. 服務這裡的服務還可以,但上菜時間太慢啦. 那裡的一個阿姐見我拍照又和朋友評D野食,可能估到是記錄在OPENRICE啦. 佢行過不停話好味好味LE...好似LA LA 隊, 明明跑輸兩條街,仲大叫努力努力努力環境實在無野講, 因為不算是一間正式的餐廳. 有枱布用架, 可以用喎, 咁就高檔少少. 賣相好, (看圖) 見到就想開動.. 而家望相都仲懷念緊..!!味道好,蝦米D硬,但鍋氣好好, 炒得夠碧綠, 香氣四溢,有 蝦米味道很鮮,蒜頭爆左勁香 , XO醬要加多DD, 食到唔停得口, 總之就全碟蝦米&XO醬D 芥蘭吃光啦..!!

平時見人食得多, 今次終於有 friend 一齊食 la, 3 個人 7 點去到即刻有位唔洗等, 聽 waiter 話 order 左幾個餸.老火湯 : 都多渣夠味, 不過冇一大碗叫.唔記得名 炒飯 : 一粒一粒咁, 辣辣地 ok la.鮑魚菇百花豆腐 : 個汁好正, 唔太喊, 蝦肉又彈牙, 豆腐都好香.川味口水雞 (走地雞) : 真係正宗走地雞, d 肉彈到爆重冇肥膏, 碟雞大到 3 個人都食唔晒 (半隻), 辣同麻剛剛好, 唔會 over cover 左雞味, d 雞又多肉汁.士多啤利汁燒豬仔骨 : 開頭以為好奇怪既汁, 食落正到吖, d 豬仔骨燒到骨肉分離, 入口即化, 又多肉汁唔乾, 佩以炸腰果, 一軟一硬, 咬感一流.碟碟都大到死, 3 個人都食唔晒, 要打包走, 聽 d ching 話 d waiter 態度 ma ma, 可能係因為佢地有點 "性格"+"態度" la, 唔會好以其他地方咁當 d 客係神咁拜.

一路都覺得呢間店幾有水準,愛吃呢度嘅海南雞飯, 雞真的有走地雞的鮮味, 老實說唔多地方食到咁好的雞,咖哩亦都係呢度嘅強項, 香椰汁味, 辣度適中近期我的最愛是雞絲撈檬, 聽個名平平無奇, 但其實落咗特製的醬汁, 有點甜有點辣, 十分之開胃的, 有機會要試試啊!

這間小廚吃的都與一般茶餐廳差不多, 今次嚟到就試吓朋友推介的海南雞確實不錯呀, 只係$25一個下午茶餐, 麵就較少(我就覺得夠~), 但係海南雞有四五件, 肉質滑而入味, 加埋杯凍奶茶, 正

海南雞飯$41,好好味啊,滑得離又淋,淋得離又有雞味(係不太濃烈的雞味),無骨(雞翼除外),仲有例湯送, 我(上2個星期食)那次是西洋菜湯,好甘甜又香,一大個滿足呀!

元朗鄉村小廚一開張頭食過一次,當時的印象真係麻麻,見現在好似有點不同,所以比多次機會佢,同女友會一會佢.我所講的有點不同就是多了好多晚餐套餐同多款式的碟頭飯,湯飯等,而小菜都多了不少,印象不錯.菜遠班塊 - 油少班塊鮮,估不到進步不少海南雞 - 上次我食這間的海南雞係食剩的,今次食好似變了另一間咁樣,唯一不足就是若有海南雞個碗飯唔係白飯的話就VERY GOOD啦但係這所食店真係令我有令一個良好印象,唔錯.

路經此地，又不用等就地食個午餐點左個 set lunch 葡汁海鮮魚柳飯, 類似既名字敗筆, 不是炒飯底, 汁尚可, 驚喜在有隻連殼青口其他就如雪藏海鮮, 比較多假蟹柳整體尚不錯30大元埋單可以一食睇睇餐牌，有泰式撈等食物, 幾特別, 下次可以試試。

近期同男友多左入元朗其實同家人都試過此店6:30都座滿人叫左海南雞飯, 琵琶豆腐, 泰式魚肚湯男友話琵琶豆腐好好味, 外脆內滑海南雞飯D雞暖暖地, 幾滑, 雞油飯幾香, 唔會太咸泰式魚肚湯有D似碗仔翅, 但都OK冇加一茶芥, 咁價錢算唔錯啦

近來好多日下午二點半後去 , 咁o岩二點半後有下午茶餐食 , 其中【迷你海南雞飯 + 凍奶茶=HK$26】。 海南雞飯係碟頭上冇分開 , 醬汁有酸辣+豉油鴛鴦醬油碟上 , 下午茶餐碟飯當然係細碟啦 , 本身我唔太肚餓 , 當頂下肚主要係食雞o既鮮及滑味 ... 正! 雞件去骨食落方便又易入口 , 一啖一件雞連皮食 , 平時我係唔食雞皮 , 但呢度雞件好瘦 , 雞皮又薄唔多油膏 , 所以我都會一齊食。 油飯反而普通冇咩特別味道 , 但撈埋酸辣醬就特別醒胃 , 冇呢樣醬相信都差一半食慾 , 但酸辣醬稍嫌鹹o左少少。 杯凍奶茶真係唔錯 , 10分滿分值7.8分 , 茶味及奶味都夠 , 又係我杯茶 ... 正!現場招呼快速 , 有清水一杯呢樣好重要 , 落o左單即刻擺好筷子、匙羹及紙巾 , 服務都算 ok。惟一我覺得有待改善 , 就係現場周時都有好大陣油煙味 , 明顯係煎炸而排出o既極濃油煙味 , 入去幫襯完周身都大陣味 , 食完即返屋企沖涼換衣服就冇問題 , 食完仲有節目會合親朋就尷尬啦 , 希望佢地改善下抽風及抽油煙系統啦!下午茶廿零蚊有咁正o既海南雞食 , 我個人覺得真係好低食 , 不過

其實呢間店新開時服務好差可能有派員工上來睇意見..改變不少食物唔錯...雞飯....的雞無骨.好滑.好甜檸茶大大杯...大把檸.茶味濃....其實食物真係好正一定有下次

之前睇OPENRICE有食評介紹過呢間D海南雞飯好正, 昨晚入開元朗咪去試下囉好在6:30已到咋, 遲少少已經要等位啦套餐--一碟海南雞飯+例湯/熱飲 $41.00, 要肶/要翼加$6.00, 凍飲加$2.00反正都係費事諗食咩, 叫左兩個海南雞飯套餐都係要肶, 一個要湯, 一個要熱飲D飯都幾大碟, D海南雞起晒骨, 啱晒我地, 雞肉嫩滑好味, D飯又唔太油, 個湯都唔錯, 正!好食過泰X人海南雞兩個餐一佰蚊有找

因有人生日order 要去呢度食晚飯, 去之前無聊睇下食評, 唉...食評唔得多過得, 無乜奇望...出奇地全晚既嘢都得喎.......!!泰式無骨鳳爪 ~ 係幾好味, 不過鳯爪太少la!!例湯一煱 ~ 唔記得乜湯lu, 唔係送o架, 有人話要order飲湯...好大煱喎, 出奇地湯味好濃又無味精...正!!咕嚕魚 ~ 雖然魚唔係太滑, 炸得好, 酸汁都好味!泰式海南雞 ~ 叫咗一隻起骨, 唔係話好滑, 都ok!花支小棠菜 ~ 係其他地方都食過, 呢度花支味都幾重, 唔會得個粉字!辣椒桶蠔煲 ~ 唔係太辣, 一上枱好香, 完全無過火, 超得...不過唔夠分..!金銀蛋莧菜 ~ 一d 都唔油, 好好味添!梅菜扣肉 ~ 買相唔係好得, 出乎意料係幾好味(人不可以買相)砵酒桶蠔煲 ~ 因辣椒桶蠔不夠分, order 咗砵酒味, 蠔好大隻, 超惹味..超得芝士大蝦伊麵 ~ 芝士味唔夠濃, 全晚最差既一個!沙拉骨 ~ 即千島醬金沙骨, 無食..因不太喜歡千島醬, 最後都無剩, 應該唔差掛!! 燒汁什菌炒豬頸肉 ~ 豬頸肉爽口, 汁炒得好惹味!泰式蒸烏頭魚 ~ 好泥味, 唔好食, 不過依家d烏

早幾日同小瑜去食 Lunch，原本諗住去食「士林台灣麵」，點知又係要排隊，條街又熱到死，所以是是旦旦搵一間搞掂個肚就算。抬頭一望，比我望到「泰式海南雞」呢幾個字，於是就決定去呢間「元朗鄉村小廚」。小瑜食既「三絲抄河」，佢話麻麻地，唔夠料。三十幾蚊。我既「泰式海南雞」，四十幾蚊。去骨既雞肉都算嫩滑。雖然雞味就一般，但係整體味道都唔錯。D飯亦夠味之餘又唔會好油，幾好。左邊既特制豉油，右邊既係辣雞醬。兩樣都幾好。下次想食「泰式海南雞」既話可以再黎呢間。更多圖片及網誌：http://hk.myblog.yahoo.com/stewart-too/article?mid=3680

其實幾次經過呢間舖頭都無入去，因為見佢格局，仲以為好貴，點知有一次夜晚費事諗，咪一行三人入去食。我地叫咗個海南雞飯，一個炸蝦餅，一碗札肉檬同埋一碗牛肉檬。d野都算快，雞飯好好味，仲有燉湯送，雞又滑飯又唔會食到好滯。湯粉d湯好清，一d都無出面好油膩的感覺，炸蝦餅大大件，點埋魚露仲正。埋單都係120蚊度，覺得抵食。之後有次下午茶時間，一條友入去食碗麵，大大碗湯粉加埋野飲，都係21蚊。今次叫雞絲湯粉，雞絲去晒皮，唔會整到d湯油淋淋，啖啖肉。仲有大大舊的蘿蔔同菜，仲有電視睇，同樣價錢，有人serve埋，好過去快餐店多多聲啦！我見好多人都食焗飯，下次都諗住試一試。

又到晚飯時間，今次試下這間「元朗鄉村小廚」，在門口見到他們的招牌菜是「正宗泰國海南雞飯」，被它給引進入。點菜還有「鮑魚菇百花豆腐」，算是清清地。兩道菜同時來，唔駛等，可一齊起筷。海南雞飯味道不錯，沒有甚麼驚喜，可能是「正宗」，所以沒有任何「花腎」，沒有骨的雞也不只是他們獨有，但雞肉有雞味，果然是他們的招牌菜。鮑魚菇百花豆腐，賣相及味道都好，蝦膠也打得不錯。店內空間不算大，如果遲少少來便要等位，始終是星期六。埋單：兩個人，一百有找。