19
9
1
| 餐廳: | 元気寿司 (友邦廣場) |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
營業時間
今日營業
11:30 - 22:30
星期一至五
11:30 - 22:30
星期六至日
11:00 - 22:30
公眾假期
11:00 - 22:30
公眾假期前夕
11:30 - 22:30
以上資料只供參考, 請與餐廳確認詳情
超級扺食嘅下午茶餐，五十幾一個set包一盤壽司，一碟小食(有得揀章魚小丸子!)同埋主食(烏冬或者茶碗蒸)，食完係飽到上心口。我通常仲會加$12要埋三文魚湯XD或者加十幾蚊有手巻。留意係得星期一至五嘅五點半前供應。
繼續閱讀
如果你哋都同我一樣係💯蟹迷🦀嘅話去元氣壽司 🦀品嘗【松葉蟹祭】全新餐目就啱曬喇我自己就特別鍾情呢💫6款新品：🦀 DIP DIP龍蝦湯🦞松葉蟹卷以紫菜天婦羅 ➕ 蟹柳小卷搭配而成面層再加上啖啖鮮味松葉蟹肉😋原來仲有✨獨家隱藏食法～❤️先試一口♨️溫暖嘅龍蝦濃湯品嚐龍蝦湯嘅原汁原味想令蟹柳小卷及紫菜天婦羅味道變得更豐富只要喺鮮味濃郁嘅龍蝦湯上DIP一DIP仲即時有助提鮮 為味蕾帶嚟另類新體驗🤤單吃松葉蟹肉可品嘗到最原始鮮嫩口感混入龍蝦濃湯之中亦可令龍蝦湯口感更豐富你哋都一齊創造屬於自己嘅獨門食法喇🦀 炙燒蟹膏味噌松葉蟹棒松葉蟹棒屬松葉蟹最經典嘅部位，食落啖啖肉，味道非常鮮甜，大小朋友都鍾意😍。經炙燒後嘅蟹棒與面層濃郁嘅蟹膏味噌鮮味一併爆發，雙重鮮味令人回味無窮😋🦀 蟹雙式 ─ 松葉蟹鉗 ‧ 蟹味噌松葉蟹鉗 ➕ 蟹味噌飛魚籽軍艦可以一次過滿足雙重願望🤩原隻松葉蟹鉗 啖啖肉😋份量十足 味道鮮甜蟹味噌飛魚籽軍艦以蟹味濃郁嘅蟹味噌及味道鮮美嘅飛魚籽組合而成再配搭爽脆清新嘅青瓜片🥒口感豐富 味道亦富層次 絕對一吃愛上😍🦀 雙式松葉蟹軍艦柚子醋果凍 味道酸酸甜甜 加上鮮甜蟹肉味道出奇搭配🌈 創新食法🌱 清新開胃另一款係松葉蟹肉配搭醬油三文魚籽粒粒晶瑩剔透 口感豐富 鮮味滿分 💯🦀 豪快松葉蟹肉蟹膏一見到面層滿滿 堆積如小山嘅鮮味蟹肉已經令人口水直流🤤 我就忍唔住相機📸食先 🤣再配以鮮甜美味嘅三文魚籽同鮮味濃郁嘅蟹膏 集三重鮮味於一身絕對係鍾意食松葉蟹嘅朋友仔必點之選✅🦀 松葉蟹龍蝦濃湯拌烏冬日本🇯🇵產烏冬 軟滑彈牙配上帶有微微茄香🍅嘅龍蝦濃湯 及鮮甜味美嘅松葉蟹肩肉同蟹棒肉將烏冬拌勻同吃 每一啖都滿載蟹肉鮮味😋加上炸香咗嘅天婦羅脆粒 口感香脆又豐富令人食唔停口🤭款款抵食又新鮮，值得推介！
繼續閱讀
北角呢間元気成日都好多人排隊唔想排隊就要early dinner 先食到😆今日食完壽司食左2個甜品又唔錯喎😊壽司就正正常常，不過不失特濃朱古力蛋糕 $22又真係好濃朱古力味係細件左少少要細細啖細細啖先可以慢慢食😂唔錯幾好食！千層蛋糕 $21家人食左呢個試左啖都ok唔錯舖頭用經典火車軌上菜小朋友見到實鐘意另外，有小朋友既記得埋單可以攞小禮物試過有元気圖畫既扇、膠紙、小圖書等等小朋友攞到小禮物特別開心❤️我地通常平日五點幾六點黎有位唔駛等就算2個人都會照俾坐卡位舒舒服服又唔會趕你走，讚！👍🏼
繼續閱讀
尋日路過北角唔知食乜好，最後又入咗元氣，元氣有到好，就係……就算你唔係好想食嘢，淨係叫一碟，你都可以慢慢坐，坐好耐又唔會限時，最後都食咗幾多唔同款嘅食物，例如：鹽燒黑椒熟蝦、鹽燒珍寶帝王蟹柳、次次都食嘅日式海鮮茶碗蒸、同埋佢新餐單嘅三文魚親子、醬油蝦、同埋蝦貝三點有螺片，赤貝同埋甜蝦，最重要係叫埋三文魚湯，我次次都有飲嘅，另外亦都叫咗麻薯金川燒（吉士味），佢外皮有元氣logo煙煙韌韌嘅麻糬 甜品 （不過忘記影相）Ps:我要投訴佢！🙈😢😢😢今次個玉子太細舊好小家！我成日都幫襯佢🙈都係咁話！咁樣好冇競爭力㗎！要改一下啦！
繼續閱讀
餐廳：元気寿司地點：炮台山電氣道餐牌：新出左期間限定，特別係角落小夥伴款式，餐牌都乘機加價芝士蟹柳粟米蛋奄列 $12 另加一芝士蟹柳粟米蛋奄列係印左可愛角落小夥伴公仔既奄列蛋包住蟹柳粟米沙律加芝士，入面都有飯。三色腐皮壽司 $13 另加一雖然個角落小夥伴公仔唔係咁易見到，不過係印左可愛公仔樣既腐皮包住熱三文魚沙律，玉米沙律同飛魚籽。芝士冬甩串 $25 另加一芝士冬甩串一客三串，每串一粒，炸得外皮香脆，入面真係有芝士流心，另配煉奶可稍稍降溫，甜甜地，味道口感都唔錯。價錢少貴。極上厚切鰻魚 $15 另加一極上厚切鰻魚真係幾厚切，質感好正，唔洗加汁都夠味。柚子胡椒鰈魚 $16 另加一柚子胡椒鰈魚一客兩件，面頭柚子胡椒比較鹹。塊魚無特別。魷魚咀唐揚 $30 另加一第一次食魷魚咀唐揚，都有少少似炸雞軟骨，不過無雞軟骨咁脆，都幾好食，不過較鹹，面頭加上一片檸檬，不過加完檸檬汁都鹹。厚切長鰭吞拿魚腩 $12 另加一厚切長鰭吞拿魚腩一客一件，都幾厚身，算唔錯啦。味噌壽司三點 $29 另加一味噌壽司三點我試左炙燒帆立貝同三文魚軍艦。炙燒帆立貝炙燒味道好香，都厚肉。三文魚軍艦就正常。不過唔覺太味噌。燒左口魚裙邊軍艦 $19 另加一燒左口魚裙邊軍艦一客兩件，係切碎燒左口魚裙邊放係飯上面，左口魚裙邊入口即溶，紫菜都仲脆脆地。赤海蝦 $29 另加一赤海蝦一客三隻，好大隻，都鮮脆，質素唔錯。炙燒黑松帆立貝 $19 另加一炙燒黑松露帆立貝一客一件，帆立貝又厚肉又鮮甜，上面加左適量黑松露醬，再炙燒吓，啖啖肉，正!油甘魚蓉軍艦 $18 另加一油甘魚蓉軍艦一客兩件，油甘魚蓉都好滑溜，味道都算鮮，面頭加上少少七味粉。軟殼蟹手卷 $28 另加一軟殼蟹手卷都有大大件炸軟殼蟹，沙律醬同少量飛魚籽。牛油煮蜆 $27 另加一牛油煮蜆一客有好多連殼蜆，個湯牛油味好香，加上少少京蔥同葱花。芝士焗雜菌 $21 另加一芝士焗雜菌芝士拉絲，而雜菌有金菇，蟹味菇，燶左芝士更香，好味道！日本芝士蛋糕 $20 另加一 日本芝士蛋糕賣相平平，不過個忌廉芝士又滑溜又軟又香，下底就係一層薄薄蛋糕底，好食！鹽檸焦糖蛋糕 $21 另加一 鹽檸焦糖蛋糕個蛋糕底食落好似日本芝士蛋糕，又滑溜又軟又香。面頭有焦糖同兩片鹽檸。唔理好唔好食，小朋友見到角落小夥伴菜式已經好開心！
繼續閱讀