元気寿司 (黃埔天地)

營業中

休息中

一行3人提早放自己LUNCH !! 去元氣補充下能量先燒牛肋骨($9) 真係好正 我encore左heeheecheese eel roll 岩晒我呢d cheese怪XDD炖蛋好滑呀>3333< 清清地~~我鍾意=))我發覺我唔太好滑潺潺GE野gar 所以好多咩帶子/蝦等都在我朋友肚子裡=pppp

　本來想吃旁邊的吉野家，不過元氣等位的人並不多，所以就取票了。那時六點，我要等大約十多個，不過大約等了二十分鐘就有位子了，這次沒有想吃什麼，只要吃我最愛的那幾碟就可以了♥玉子♥每次咬下去總是有種甜甜的感覺，它的精華都「咇」出來了！蟹柳♥最愛它的四條蟹柳，滿足我不同的要求饅魚♥不會太難咬，容易吃得下去，所以都蠻不錯！

四點幾喺黃埔放工。又可以tea一tea，so good~去咗元氣tea。兩個人，叫咗一個tea set，加$9吞拿魚手卷、炸蝦卷、粒貝軍艦同炸蠔軍艦。所有野都要等勁耐先有得食，除咗碟炸蝦卷，因為喺迴轉帶上攞。tea set 有4件sushi, + 一個烏冬 + 蟹子沙律。sushi 味道正常，salmon腩勁多魚油。個烏冬就真係唔係好得。個湯係完全無味。同開水一樣烏冬又唔知係咪放得太耐，已經淋淋地，唔夠彈牙。粒貝軍艦又係一般，粒貝完全無鮮味可言。炸蠔軍艦就反而幾蠔，隻蠔新鮮炸，都夠熱，不過就偏細粒。呢間元氣嘅裝修算係咁啦，都幾靚，又坐得舒服，好過旺角嗰d。

再食, 今次選了特大帆立貝壽司, 辣味三文魚軍艦,蒸蛋及紅豆雪糕先講蒸蛋丫, 越嚟越縮水囉~ 一個杯仔得半杯食,我同友人都覺得好揾笨.... (好味又點喎~) 都成18元一個, 元氣真係好易賺囉~紅豆雪糕,係友人介紹, 因為有紅豆原粒及紅豆雪糕味濃,唔錯架~ haha 其他食物ok啦, 不過不失, 只係覺得個蒸蛋好差....

食呢餐飯前一日,正岩我上完堂,收到來電是阿PUI手機的號碼,一開頭是一把女聲,還以為是阿PUI的太太,後來先知是MEACO打來的,問我明天中午有沒有空,跟她們一起吃飯,我問她,是不是普通的吃飯,她說是,我才答應,因為我不想別人破費為我慶祝呀.第二天,到差不多吃飯時間,MEACO問我去和民好嗎???即是吃日本菜,我說不如去元氣吧,我有張八折卡,因為生日,所以有張八折卡,當然我不跟他們說.我們就四個一同搭的士去元氣...(包括MEACO,WAI,PUI,同我)去到,可能時間尚早,不是那麼多客而我們選擇了坐壽司吧,坐下後,我同MEACO努力點菜,看見MENU上有套餐,我們點了.....烏冬炸蝦套餐 - 蝦幾大隻,唔算太油,OK,烏冬又幾好食壽司飯 - 裡面有三文魚,北寄貝,甜蛋,蟹籽,同埋一隻生蝦,隻蝦算幾大隻,唔錯另叫了多款壽司,手卷,味道唔錯呀,冇話唔新鮮,唔好食,保持一貫水準.最後還叫了2客甜品,一款芝士蛋糕,另一款焦糖蛋糕,阿WAI 同 PUI試焦糖,而我同MEACO試芝士,我就將一小部分,分給阿WAI & PU試,結果,得出既結論是...芝士蛋糕好味一點.到最後,埋單用了我張八折卡

想搵間平既食日本野. 好耐冇去元氣, 咁就去一去啦!點知一入到去有陣腥氣. 好唔新鮮! 心諗, 都入左黎, 唯有食多d熟野, 食少d魚生.... 坐底先知, 原來元氣係冇乜熟野, 冇乜小食, 連烏冬選擇都唔多!!!咁都頂硬上叫左d sushi, 味道果然麻麻地. 不過d飯ok wor!叫左少少野食, 跟住走lu服務好(好彩之後冇肚痛! )個商場消費夠$200 就可以免費泊車, 都叫做有d安慰!

果然為了儲印花的關係,只是星期四晚,人龍由七點幾到九點幾都仲有好多人排隊,我地都要係門口排咗半個鐘頭隊先至有位.坦白講,如果唔係為了儲印花做會員,都唔會嚟得咁密,因為壽司質素確實麻麻,好像這裡的三文魚無乜味,油甘魚雖然夠厚,但雪藏味較重,無乜鮮味,炸蝦天婦羅唔夠脆,甜蝦亦唔夠新鮮,蟹肉軍艦唔知點解比較多水,北寄貝也沒有鮮味.唯一值得讚的是燒帆立貝,上面的芝士燒得幾香口,燒過的帆立貝亦比較好味.還有燉蛋,做得很滑,不過欠缺了一點蛋味.到現時為至,食咗兩次都係儲到五個印花,幾時先儲得夠呢?

果然, 係黃埔係諗唔到食乜, 見元氣已經多好味ge logo 0既食肆, 所以就去食啦, 雖然係第一次, 但係其實好早好早之前, 我都諗住係apm食元氣0架啦.元氣其實好乾淨呀, 唔好因為個別分行影響個image 啦. d sushi 都幾好食同埋新鮮, 係板前因為過度擴張而水準下跌, 元氣就保持返佢0既水準, 所以簡單0黎講, 就係兩者差距細左啦. 唔坐bar 台仲好, 卡位多位又舒服d, 橫掂我bar台都係寫紙仔0架啦.........無海膽, 女朋友無得食...............埋單$140, 超值呀

在元氣，或許食壽司并非穩妥之舉，但其實牠亦有自己的competitive advantage，即——抹茶任飲。中華沙律：少了和花亭的甜，但味道也不過不失吧，其實沒有腥味我就已經滿足了。三文魚壽司：三文魚的肉質實在孤寒了些，和龐大死實的飯團相比實在太瘦弱了，和峰壽司的出品沒法比呀。辣味三文魚：食不出有什么辣味，還好配上沙律醬和麻油后亦是比較香口的。三文魚的部位應該是魚腩部分，尙算肥美。辣味吞拿魚：和前者相似，都是沒有辣味的，“高級位”是多了少許魚籽，其實并沒有什么特別之處。太卷：入面有玉子、蟹棒、青瓜，味道比較清淡，但配在一起吃口感算是豐富。天婦羅蝦卷：飯團的比例過重，入面的蝦不夠彈牙，粉也厚了些。蟹棒壽司：蟹肉比較假可以不追究了，可是怎么可以沒有沙律醬呢…變得十分無味了…平平的一餐下午茶，食物質素亦十分平庸，不過可以飲到香濃抹茶也不錯，配得上一個“ok”了。

昨晚喺黃埔䏲完戲差不多成十点，就在附近食晚飯。自從老鼠事件後都冇幫襯過元氣系列，今回適逢DBS咭有優惠、又近，就試吓。迴轉帶上只有廿多碟壽司，但店內仍有好多人！侍應並沒有特別提到DBS優惠，我於是問她張咭有乜優惠，她話有85折，我又問是否有些食品半价，她回答是！咁即喺セ呢？她才不願意地去攞張宣傳咭俾我。當我話想柯打其中一款時她竟然要我出示張DBS俾佢睇先！感覺有如......這絕不是一個好的服務態度！講到食物，曾經一度是元氣之die hard fans......無奈今次使我太失望了！DBS promote 嘅海鮮加洲卷若是俾原价$30我一定唔食，只是多了些碎三文鱼肉！其他壽司都唔掂，如象拔蚌壽司 ->有雪水兼且腥，帶子壽司 ->又喺有雪水，招牌貨元氣壽司 ->裡面塊炸鱼皮淋晒；要咬好耐。所有壽司d 飯都喺一夾即散，差点要用 spoon 食！還有，面鼓湯......吉野家好過佢！食唔飽都唔再柯打，費事益佢！

I love Genki, coz of the quality food for the money paid. Of course, you should not compare this place with the high-end restaurants but the fish is quite fresh.Unfortunately, that's not the case with this branch. Went there for lunch with a colleague, Salmon not fresh, no Hamachi and sword fish staled. Most of the fish are not available, with only limited rolls on the conveyor belt. Very little selection, very disappointed. No wonder the place is not packed. Will not go again la... at least not

星期六...朋友仔有8折生日coupon...所以去食...人都幾多...排了一陣先有位.見有coupon..就食d貴少少...叫左2客海膽sushi...剛剛入貨的....好開心....但點知係唔新鮮...有陣苦味..仲有"壓壓"地的味道...><!!!!呢個都算...個師傅竟然就咁放板海膽係枱面..等左好耐都唔放入雪櫃...好唔衛生!!!!係其他元氣吃過...都無咁差!!!其他sushi都ok正常。想吃抺茶雪糕..又無...><!!!3人total吃了480左右...8折後390左右。

2-18-2008來這裡午餐，要特別講講($20)，今期的冬日新登場。份量真的少，說的是飯，而不是蟹肉，相反蟹肉和魚子都幾足料，雖則不能填肚，但還好吧可以多點其他壽司。是次2個人總共14碟，另一想介紹就是首次試的彩虹卷，當然真正賣相跟想像的有分別不過三文魚加吞拿魚生一起併放於壽司飯面，都幾不錯。至於其他的辣味三文魚，牛油果軟殼蟹，都Keep住一貫水準。其實只要質素有一定保証就可以了，不用排隊，不用等位，不用迫狹的坐迥轉桌，食得舒服就可以了。下次時間更充裕才慢慢到另外些壽司店等位吧。

最鍾意食壽司, 所以好多壽司舖都會去試. 元氣一直都有支持, 畢竟做會員做左咁多年. 坊間多左好多迴轉壽司店, 但始終不離不棄既只有元氣. 講質素一直都keep到, 而服務更加係返轉頭再幫襯既原因. 今次黎食左最愛既海膽, 幾鮮甜, 以咁既價錢算唔錯. 油甘魚同劍魚都好新鮮, 唔會係啱啱係雪櫃攞出黎咁有成層冰. 鍾意食炸蝦卷既朋友一定要試下呢度既出品, 又熱又脆, 好好味. 元氣卷都係好介紹, 反而推介既彩虹卷就麻麻. 呢度既手卷都ok, 可以試下軟殼蟹或者海膽, 兩樣都幾好. 要軟殼蟹既話, 記得要多d醬, 咁樣會好味d. 臨走一定會食個蒸蛋, 幾飽都會食, 因為實在太好味.

情人節同老婆去左呢到食,野食既味道都幾ok啦,幾唔太夠鮮,但係咁既價錢,係差唔多嫁啦,可以話好抵食推介有:1)三文魚(味道只係ok,但係$9抵)2)煙三文魚(呢個味道好好多)3)燒三文魚(還可以)