元気寿司 (已結業)

因為小朋友鍾意食元氣 （因為有車送食物）所以成日去邊 都會搵佢離食其他分店等得特別耐係有原因哩間啲飛去得比平時快一點 我仲好欣慰咁..入到去 想坐之時 張沙發櫈 癡住粒飯 仲有2滴白色野咁可能睇唔到啦 算每一間分店點兒童餐具無論你幾早篤電話點到最後都係要人口落 仲要死都唔會比埋隻杯哩間都唔例外點咗小朋友最愛嘅粟米軍艦食過咁多間都未見過會癡咗一咋蝦子係兩件壽司嘅四周個碟仲有點唔屬於粟米壽司嘅東東點嗰啲薑同前菜螺肉&八爪魚後點啲野離晒 嗰啲都未離要吹下樓面呀姐先求其比啲薑啲前菜就要再等到呀姐問返我轉頭啲野離返比我未之後先再送到離嘩 又係食過咁多間啲鋪底青瓜好似唔洗錢咁鋪到盆滿鉢滿然後啲主要野我敢肯定比平時少哩間我唯一鍾意嘅係 佢條斟水喉出水量係勁快唔似得其他鋪 水費好似要好貴咁 斟到天光都未有半杯水同埋我叫嗰個牛油果沙律上面嘅蟹柳係冇搣絲半條半條上 我鍾意btw 成個過程食到我想拿拿聲走 真係食得最平嘅一次哩個係為去枱快嘅策略？真係唔會再揀哩間分店食。。。

 ［#元気新餐目］早幾日經過元気見到已經換上新餐目，包括：長崎縣產池魚、九州產油甘魚腩、愛媛縣產鯛魚 、北海道產沙甸魚、本鮪大拖羅、辛辣吞拿魚蓉花卷、三文魚牛油果等等，款款都係日本新鮮直送，見到新餐目咁豐富都急不及待要去試下，仲有超可愛嘅新主角屋太君🦦同德德🦆陪住一齊食，食飽飽元気滿滿為生活打氣。@genkisushihk #元氣壽司 #全新餐目 #日本產米 #日本酢使用 #genkisushi #genkisushihk #LiveTheGenkiLife

好耐無黎元気寿司，本來想去高檔d既千兩，不過阿仔係都要黎高速綫，就無辦法啦。今次一行四人，叫左好多野，唔同種類既都有試。1）刺身赤海蝦刺身 $42 五大隻，又新鮮又香甜，啖啖肉，抵過叫壽司。長鰭吞拿魚刺身 42 五塊，塊塊都厚切，都唔錯，但係好似中拖羅正好多。2）壽司炙燒黑松露帆立貝 $17 一件，非常正！帆立貝又大又厚切，鮮甜啖啖肉，炙燒過後好香。有微微黑松露味道好適當，令帆立貝更好食！絕對要encore！中拖羅 $12 一件，(期間限定)，又係超正。入口即化，完全無筋，吞拿魚味道濃！Encore之選！炙燒一本穴子 $22一件，(期間限定)，呢個穴子有d凍左，唔太肥美，不過都可以既。池魚 $12 兩件，(期間限定)，超抵食！池魚上面例牌加左少少薑蓉同葱花，質素唔錯。貝類三點盛 (帆立貝、北寄貝及白鳥貝)  $19，(期間限定)。貝類可以，都算抵食既。黑松露吉列蠔 $10。炸皮好脆，蠔好多汁，帶有微微既黑松露味道，好食！燒汁牛肉 $10，上面帶有頗辣既辣椒同葱絲。皇帝蟹柳 $17 兩件3）軍艦香蒜海鮮軍艦，唔記得幾多錢。上面帶有頗辣既辣椒同葱絲，海鮮刺身切粒都算新鮮。紫菜唔係最新鮮脆口

肥姑姐飲食推介 - 溫玉子喜壽燒牛肉飯 & 蜆麵豉湯（高速限定）1) 環境衞生一般元氣格局，因為疫情關係1.5米距離，坐得舒服左。2) 食物質數呢個牛肉飯真係好好食呀，牛肉係煎過嘅，加洋蔥再煮，少少肥完全唔un, 而且牛肉嘅油脂同埋醬汁都流入白飯中，真係令人食指大動，雖然我唔係大食，但我都將成盒飯食完。非常推介大家試吓。呢個溫玉子喜壽燒牛肉飯係元氣高速限定，唔係間間分店都有㗎，所以如果大家想試，就要查吓邊間分店有。偏咸的濃味麵豉湯加上新鮮的蜆肉，係16度的環境下喝來特別舒暢暖心💕而且HK$16碗，XL size仲有非常足料（每碗8粒蜆肉）真係好抵。3) 價格蜆麵豉湯HK$16溫玉子喜壽燒牛肉飯$58 (另收加一服務）4）再惠顧指數👉🏻  

今日出外見客，見完客返到銅鑼灣，剛好約 2:30 PM，又可以食個下午茶；最後去咗「元氣壽司」，因為星期一至五，下午2時半後有一個幾抵食嘅 Tea Set「午後の三食」A. 刺身盛 A $621️⃣ 皇帝蟹柳壽司、赤海蝦壽司、炙燒牛油熟帶子壽司2️⃣ 炸蝦卷3️⃣ 三文魚刺身、八爪魚刺身B. 茶餐小食：炸南瓜薯餅C. 茶餐輕食：日式海鮮燉蛋價格💰：$68.2 ($62 + 加一服務費 $6.2)味道😋：OK留意⛔️：要用手機📱掃瞄單上的2D條碼落單

嘩嘩嘩，好耐都冇食過壽司啦，我個人係非常之鍾意食壽司嘅，乜嘢壽司都會試，正宗係一個日本通嚟㗎喎，哈哈今次你都平時都會食開嘅元氣壽司，都係正正常常嘅水平啦，唔會失望。而我要分享吓嘅就係我真係非常之鍾意食鰻魚壽司嘅。鰻魚壽司就係好香，而上邊又會有一層燒汁，令到個口感同層次都有提升。相信有食過鰻魚壽司嘅人都知道如果啱啱做好拎出嚟係會特別好食嘅，而今次元氣壽司就做到呢一點，送到上嚟嘅時候中感受到嗰舊鰻魚熱嘅非常好

天氣非常之熱，所以想食一啲冰涼嘅嘢，而唔想食野！！今日去咗銅鑼灣睇醫生，嗰度嘅天氣真係好鬼死熱啊！於是去咗皇室堡嘅元氣壽司食壽司🍣燒三文魚🍣超好食！明太子薯條亦都非常之好食烏冬亦都唔錯！！

自上年社會運動以來，不少餐廳都被分了不同陣型，元氣壽司有一段時間應該減少了不少顧客。最近招募新會員，客人又開始增多了，開始要排隊。我和朋友因為很久沒有外出吃飯，今天也想回味一下。每次來到元氣，即汁綠茶必定要飲過痛快。我必點的壽司，蟹膏蟹肉壽司，蟹膏蟹肉味香濃，上面的飛魚子增加口感。脆蒜油甘魚壽司，脆蒜長鰭吞拿魚，同樣有沙律醬中和辛辣醬，咬下充滿魚油。今期新出日立橘汁鯛魚壽司，有點像柚子的味道，清新味淡，吃出魚鮮味。最後帆立貝壽司，很大顆，抵食。但我比較喜歡刺身帆立貝。最後還點了啤酒，啤一啤。

We used to visit Genki Sushi often but hadn't come in a long time. Today we passed by and decided to drop by for a quick afternoon tea. It was Sunday 5:30p.m. and we didn't have to wait for our seats.Not having been here for quite a while, we gave up old items and ordered a few different new items to try. We ordered 3 sushi.日本和牛 at $16+10% The seared beef was pretty lean and quite rich in beef. It was well seasoned by roasted meat sauce. Yummy!脆蒜雞肉 at $14+10%The garlic were really crispy but wer

🔹炙燒澳洲牛 ($10) 有油脂+一口壽司😊🔹炙燒鰻魚牛油果 ($22)有少少魚籽起鰻魚上面, 好精緻😍壽司入面有滿滿嘅牛油果好香😀🔹湯烏冬 ($19)對個湯有講唔出嘅喜愛, 配烏冬無得輸😘

晚飯時間好多人, 等位等咗20分鐘😐 元氣壽司已經冇再用tablet落單, 而家scan店員提供既QR code手機落單. 網頁介面清晰, 同tablet差唔多; 分類清楚, 圖文並茂👍 另外 隨時可以去我的清單, 睇下叫做咩嘢食同埋銀碼, 非常方便👍🔹牛肉烏冬 $32熱辣辣送到, 湯味好濃! 雖然知道有味精, 但係都忍唔住飲咗半碗😜 可惜牛肉有啲鞋🔹牛油果軟殼蟹卷 $22軟殼蟹夠脆應該啱啱炸起😊 另外有啲松子同埋青瓜粒, 口感脆脆地幾好味😋

之前去行街，行到夜晚，有點累，想找個地方叉下電同食晚餐，就好快黎左元氣，依到既壽司有生/熟既壽司，有我喜愛食既壽司，例如炸蝦壽司，青瓜小卷，蟹柳小卷，芥末八爪魚壽司，飛魚子壽司，加州小卷，加州手卷，蟹籽沙律壽司，我重叫左一碗鳥冬，同埋中華沙律，同埋，當然唔少得可樂！依到既食物好新鮮，紫菜都脆脆的，而且飯既酸度都適中，😃😃希望下次去食既時候，都能快d有枱有位😂😂

🍣元氣壽司🍣❤️午後之三食壽司盛+小食+輕食$50再加一炙燒牛油熟帶子炙燒黑椒熟蝦炙燒黑椒三文魚珍寶皇帝蟹柳玉子壽司小食選左［南瓜薯餅］甜甜的南瓜薯蓉配上外層脆卜卜輕食就叫左［烏冬］爽滑彈牙好味另外用優惠價$12加配三文魚頭湯非常抵食的下午茶餐之選👧🏻有時候會突然想食小小壽司🍣過下口癮😂唔知你們會不會呢😂

今日下午半日都出外工作，完成了工作之後就可以提早收工，正值下午三點多可以食一個低食下午茶餐，可能天氣十分炎熱我由灣仔走到銅鑼灣都冇一間餐廳令我真係好想入去食，去到心怡一間諗住去食個下午茶，點知睇到menu之後發現加咗不少價，所以我決定都係再睇睇，再去銅鑼灣搵下有啲乜嘢可以有抵食又飽肚走到去皇室堡地庫有兩間餐廳一間係食馬來西亞一間就係元氣，天氣咁熱梗係選擇食壽司，可能三點幾四點好多人都仲係返緊工所以店內有好多空位，一入到店內職員很快讓我就坐，我就開始用電話scan個QR code睇下有啲咩抵食嘅下午茶餐好快我就選擇咗一個50蚊套餐內有五款壽司 熱食同小食壽司：加州卷 三文魚 帆立貝 辛辣香蔥吞拿魚 鮮蝦熱食 小食：日式海鮮燉蛋 炸墨魚更額外追加了大滿足$10一件壽司：珍寶皇帝蟹棒 灸熱澳洲牛 三文魚腩

記得今年四月中，元氣被爆左一單新聞話佢用嘅三文魚其實係淡水紅鱒魚，是次食已經係隔咗一兩個月，嗰日入去幫襯係閒日嘅夜晚八點幾九點，以往好多人排隊攞飛嘅情況不見了，一行入去就有位之餘，仲見到有好多張空枱，睇嚟大家都驚驚地唔敢去食喎。我哋都係為咗用埋啲coupons 就食吓，真係愈嚟愈差，諗住佢冇乜人啲嘢食水準應該會返嚟，相反仲差過之前呀。例如我叫咗幾碟魚生（無圖），個樣都唔多新鮮，食落都無之前咁鮮甜，真係好hea, 而家質素降落到以前元綠咁。Hea 到爆嘅仲有佢啲碟，隻隻油笠笠，唔知係咪就咁啲人食完求其沖下就算，有啲污糟喎大佬。佢愈做愈差我都唔太再想返去食了。