元気寿司 (已結業)

今天下午到了樓下商場吃壽司， 可能是奧運的關係今天12時30分也沒有什麼人客。。。 所以完全不用等位便可以入嚟座位空空如也迴轉壽司帶上載滿不同款的壽司我們都是點了一些經常必吃的壽司例如 炙燒親子三文魚 三文魚 燒牛油熟帶子 炙燒醬油左口魚裙邊 蒲燒鰻魚芝士卷 最愛的是燒牛油熟帶子壽司因為牛油味十分濃郁，帶子大隻肥美，香甜。。而且入口即溶牛油味十分香十分惹味這兩款分別是 赤海蝦壽司和辛辣長鰭吞拿魚壽司赤海蝦肥口鮮甜新辣長鰭吞拿魚由於帶點微辣會令味道更香這款都是我的至愛三文魚子軍艦三文魚子十分鮮甜，而且也有很多粒紫菜非常香脆真是越吃越想吃芥辣八爪魚軍艦wasabi味十分濃郁而且八爪魚都非常彈牙朋友可點的三文魚手卷但看到三文魚的分量較之前少了而且飯也比之前少但慶幸的是紫菜也十分香脆這件千層蛋糕是新出品，所以我都是第一次嘗試千層蛋糕層次分明每一層內夾著綿綿又略甜的cream而且皮也做得十分薄蛋味也相當濃厚 這件千層蛋糕的確做得十分出色而且口感味道也極佳所以有些時候大家來元氣壽司，除了吃壽司外，也可以不妨試一下其他蛋糕甜品我之前吃過的芝士蛋糕和朱古力蛋糕也做得相當不錯。。而且價錢都較大眾化今天進

今日一訓醒就跟男朋友到了樓下元氣食返餐壽司限定既餐牌 但我對這兩款興趣不大 所以沒有點餐廳內卡位數目只有5至6張 其他都是以迴轉位為主象拔蚌 清甜彈牙蝦 爽口肉厚芥辣八爪魚 刺激彈牙煙韌三文魚子 澎湃多汁脆脆特別版玉子壽司 可愛甜甜三文魚 清鮮肥美牛油熟帶子 香濃肥美鮮甜燒芝士皇帝蟹柳 芝味濃郁肉厚炙燒醬油左口魚裙邊 這是新的出品 之前是普通的炙燒左口魚裙邊今次的出口加了醬油 所以除了有原先入口即溶的口感外 更多了一份醬油味濃濃既油香加上醬油味 滋味無窮是次用餐十分滿意 用餐環境舒適 食物質素穩定 更有不同的新食品

同事生日 做完野 即興同佢食個飯叫左2個午餐曼魚飯定食 - 曼魚汁味道幾好，唔會話太咸牛肉烏冬 - 同出面好多食市一樣 味道都唔差 牛肉唔會熟得太老！蒸蛋:基本上每次都必食，我先得佢個蛋的味道好濃，且而仲好滑！超好食！午餐又低又大份！可以間唔時去食下！

今日9點半先收工,同事吹雞食飯開心下，最後選擇未食過青衣城的元氣。 吾知係米因為夜得滯，從客人只有幾桌。我地一行6人就坐大桌，其實係有點迫。但一於小理叫野食。 軟觳蟹手卷：手卷整體係凍同淋。軟殼蟹有味同有少少‘益‘味，因為咁太凍同冇味。飯易爛。其實都失望！ 什錦壽司；都係易爛吾新鮮，筋子細舊左個面乾都冇爆珠感覺。三文魚腩仲差過旺角花園街，又吾新鮮冇色又冇魚油得個乾字。海膽魷魚又係乾身冇海膽味，平時食元氣都有海膽汁而香。只有腐皮同芥辣八爪魚keep到平時水準，但張紫菜都係濕而吾脆。 幸好同事介紹牛肉薯仔餅好味道，夠熱之餘有牛肉味勁濃都係講緊$十四蚊，抵。 最後個人結帳$105，以差不多消夜黎講都飽飽離開，如果停左車既話，每一小時用$100的收據就可免費停泊 。

夏日限定的抹茶芝士蛋糕，芝士味道超濃，完全把抹茶味蓋過了。當它是一件綠色的芝士蛋糕就不錯了。鵝肝做到外脆內軟的效果！但質素不算上盛，不過這價錢不能要求太多。三文魚子份量都不少，但不算十分新鮮。炸芝士年糕是我這芝士及煙韌迷的必然之選！年糕好煙韌，內有流心芝士，小心燙口！必點的是辣味三文魚軍艦，不容易吃到！三文魚混了醬，再切成茸，不太辣。兒童之選的玉米蝦船和蟹柳船都不失為熟食的好選擇！還有羅勒香草三文魚及帆立貝，西方調味料跟日式壽司很夾！蟹籽沙律的青瓜很新鮮，沒苦澀味。螺肉同樣新鮮，只是不太喜歡這裡調的醬汁，不辣又太甜太稠身。

每人也有屬於自己的 comfort food，即是吃了會令自己很開心的食物。除了燒賣外，海膽 、三文魚子及蕃茄也可算是我的 comfort food ！是日心情麻麻，到了「元氣」吃些食物為自己打打氣。「海膽 / 三文魚子手卷」$38 / $35吃手卷，紫菜夠脆一定是重點！這裡的手卷我想大家也吃過不少，即 order 即弄，紫菜趣卜卜，三扒兩撥就將兩個手卷極速 KO「牛肉鮮茄湯烏冬」$55第一次吃這裡的烏冬，麵條質素一般，勝在鮮茄湯底味精感不強，蕃茄味算濃，牛肉似打邊爐的肥牛，說真不難吃的。吃完開心就好了！

尋晚屋企人出哂街得返自己一個就係屋企附近求奇搵啲野食，諗起都好耐無食過壽司就入左元氣度食啦。其實間鋪都算旺，如果係正常用餐時間黎多數都見到好多人係出面等位，但個陣我6點就走左落去食野所以都好好彩地唔駛等位。無每樣食物都影到，但真係覺得元氣無以前咁好食啦。三文魚唔新鮮又無乜味，炸蝦卷又凍又唔脆，就連自己叫既一個軟殼蟹手卷都係"林"嘅。下次想食壽司都係搵過第2間食比較好。

兩個女生這天合共叫了兩份下午茶餐及一份北寄貝壽司。元氣的壽司味道還是跟平常一樣頗新鮮。套餐的選擇蠻多，不喜生食的人客也有一定選擇。倒是從迴轉帶上拿的北寄貝壽司出了點問題。可能是因為下午茶時段的迴轉壽司都是午餐時段開始擺放，北寄貝比較乾身，另外其中一件還有沙子，吞下後灌了一整杯水才去掉口中的不適感。

是日因為工作時間改變了的關係，所以放工返到青衣已經是晚上九點半了，要急於找個地方食個遲來的晚餐，突然想起食壽司，所以便到青衣長發商場的元氣壽司開餐。長發邨的商場重新裝修之後，已經由一個傳統的街坊商場變成一個現代化的商場，大型連鎖店開始進駐呢個商場，元氣壽司便是其中之一，元氣壽司是美心集團的其中一個品牌，而本人對美心集團旗下的食店相當滿意。時間已經不早了，店內只得幾個客人，本人肚子已打鼓，所以急忙坐在迴轉帶那邊，看看有什麼可醫肚。先來一碟三文魚壽司，一大片三文魚放在飯團上，三文魚新鮮肥美，食落口感唔錯幾好味。墨魚壽司，墨魚幾爽口同彈牙。然後再來三款大滿足，每碟$9，分別有鰹魚壽司、劍魚腩壽司、辛辣長鰭吞拿魚壽司都相當好味。無論環境、食物質素、服務都令本人滿意，元氣壽司是青衣區食壽司的一個好選擇。

收到元氣的訊息"於5月22日至7月14日內累積消費滿$750便可續會".算起來已半年沒有吃元氣,今晚就去青衣長發店開餐.6點半去到,可能是時間尚早的關係,店內只有三枱顧客.此店除了有傳統的廻轉座位外,還有廻轉卡座和order枱.筆者較喜歡與食物四目交投,所以選擇了廻轉座位  安頓後便order每次必吃的炸軟殼蟹,炸墨魚嘴,日式燉蛋和限量供應的三文魚頭湯,其餘的見好便吃 大大件新鮮的北寄貝壽司,有嚼勁的酒煮榮螺壽司從遠處逐步逐步向我移近,當我們對視的同時它們通通已被我佔有.嘩!不得了,面層蓋上香濃朱古力,蛋糕入口幼滑軟綿的日本朱古力蛋糕俘虜了我.沾上薄薄的粉漿,即叫即炸的軟殼蟹和墨魚咀以吸油紙墊底吸走多餘油份.蟹脆,墨魚煙靭,保持一貫水準. 海鮮是筆者的至愛,三文魚,劍魚,鯖魚,帆立貝,蟹棒,八爪魚...... 炸物還沒吃掉,店員已把暖笠笠的三文魚頭湯和燙咀的日式燉蛋奉上.湯內有蘿蔔和兩大件煲至諗骨的魚頭,再加上小許七味粉提升了魚湯的鮮味.而配上香菇和日式魚蛋的燉蛋,蛋香樸鼻,入口滑嘟嘟.  久違了的元氣,無論食味,環境和服務都不錯.這晚埋單結脹$405,距續會消費金額還差$350

星期六的下午 懶洋洋地落街和媽媽吃午飯突然想食壽司 碰巧不用等位就決定在元氣用餐了說實在的 餐牌上的選擇太少 基本上都無咩好食如果有一些日式烏冬或飯的定食會比較好若主要食壽司的話 款式是否應再多一點?芥辣八爪魚軍艦 $13 一向愛食芥辣八爪魚 這個不過不失 芥辣味足夠 八爪魚都幾多粒 粒粒爽脆大隻除了八爪魚較爽口外 都不見得比幾蚊一件的外帶壽召好三文魚子軍艦 $32一開頭真的以為是筋子式蟹子壽司 誰知這是$32的三文魚子好細粒 口感很差 不彈牙 不爽脆一PAT野咁 而且好咸 很差-做緊promotion的長鰭吞拿魚 $9一件食得出唔新鮮 魚肉仲有點"梅"吞拿魚味很淡 基本上可以說無咩味...-_-不過係長身既 又厚 講抵食的話就算抵了下午12點幾侍應竟然說的點的壽司有3款都無其中一款係三文魚腩 真的很無奈所以轉了 三文魚壽司 薄薄的兩片 三文魚蠻新鮮的 沒有雪味就是不夠魚腩的甘香 沒有油脂就只能說味道一般了墨魚壽司 $13 爽口 新鮮 好脆口 新鮮的墨魚不沾豉油 滿口都是墨魚味 讚!元氣卷$20薄薄的三文魚包著小飯團 里面有炸物應該是軟殼蟹吧 軟殼蟹炸得香脆 "煙煙un un"的而且用

來左好幾次, 好似越來越多人, 等位時間越來越長。等左半個小時先至有位, 入到去仲要坐彎角, 真係不是味兒。點來點去,都係果幾樣嘢:炸蝦卷:飯團真係好散,細件之餘D飯好散, 拿起就散, 但味道無變, 而蝦就好脆, 味道、口感唔錯, 叫左三碟。三文魚刺身: 有4 件, 新鮮, 厚厚哋, 幾好。三寶: 三文魚、烟三文魚、吞拿魚, 三種各有口味, 加上飯有少少暖, 好味! 不過, D魚係雪櫃剛取出, 部份還有點未解凍。炸軟殼蟹小食: 比以前大碟, 起碼見到一隻完整的蟹, 少少咸, 脆, 不過油份都幾多, 不宜多吃。湯烏冬: 清, 食開鑽岐, 這隻頓然口感平平。三文魚手卷: 紫菜好脆, 魚有鮮味。迷你泡芙: 都係即叫, 真係好味好多, 因為CREAM 夠凍。估唔到, 叫左一個朱古力黑糖蛋糕, 好好味, 蛋糕少, 朱古力味勁濃, 加上夠凍, 口感有點食雪糕, 小朋友好開心。

仲有幾日, 三月份優惠券到期, 還是去多一趟吧 !兩個人, 單是小朋友只叫泡芙及炸蝦卷已經各幾碟, 食極都唔厭。泡芙 : 一碟三件,比之前細件好多, 迴轉上取的忌廉無即叫即做的好味, 試了一碟還是再即叫即做好味得多。炸蝦卷: 真係夠熱, 賣相吸引, 飯不太疏, size 無變 。蟹柳壽司: 唔錯, 夠鮮甜。鰻魚壽司: 好耐未食過, 熱熱地真係正 !配以蘸汁, 超正 !炸軟殼蟹 :意外驚喜, 大隻好多, 夠熱, 好惹味 ! 三文魚刺身: 鮮甜, 賣相好 !

唔知係唔係已感到無新意, 但又有coupon 優惠去到三月, 每月有張不同優惠, 一張都唔用又感浪費, 心情卡忑 !坐下又係叫幾樣嘢, 今次還要重覆呢 !三文魚刺身 : 4片厚厚哋, 質素無大分別, 新鮮而矣 !炸蝦卷 :食左3碟, 真係可能無得掂揀,又要飽, 但夠熱 及脆泡芙 : 都係即叫即整好一點, 裡面夠凍, 又食多幾碟 !軟殼蟹 (小食): 一隻超細的蟹, $31/碟, 味道唔錯, 但真係幾唔抵 !帶子sushi: 近來至愛, 大大粒, 上面有數條芝士, 唔錯 !三文魚sushi: 飯少左魚大片少少蓋住, 但整體係縮水 !.......加左價,感覺好似越來越唔抵!

為左儲分,必須要爭取時間, 特意在平日吃埋個尾數, 終於儲夠分成功 !6:30 p.m. 不算多人, 好快就可以入座 。先叫一個炸蝦卷, 三文魚壽司、燒三文魚壽司, 先說說炸蝦卷, 質素無變, 仲有少少熱, 唔錯 ! 三文魚壽司、燒三文魚壽司, 無乜大分別, 飯少左少少, 但塊魚都見得下, 咬落去少少凍凍哋, 冧冧哋, 味道都不是太差, 可接受 。特大帆立貝壽司, $32/碟, 但味道真係唔錯, 大大件帆立貝, 一口食晒回味無窮 。元氣卷: 三件都好平均 。三文魚刺身: 叫左兩碟, 比上次還要薄一點, $38/碟, 好似越來越唔抵吃, 但味道真係ok 。炸魷魚鬚: 等了約10分鐘, 今次份量算多, 夠熱、夠脆, 配以檸檬汁, 好香口。蒲燒鰻魚壽司: 略為細件, 鰻魚細塊帶骨, 比較削 ! 泡芙:每次都係小朋友點, 亦是至愛, 但真係細細粒,10元一碟, 唔係好抵, 不過真係額外叫裡面d cream夠凍先至好食 。另外, 還有三文魚手卷, 不過不失 。螺肉:份量算多, 但醬料更加多, 但幾好吃 。加左價吃一餐都算幾貴,但間中幫襯都可以接受 。