元祖和風食堂虎藏 (已結業)

一家四口叫4個餐，1個鐵板餐遲遲未嚟。另外3個餐就嚟食曬，隔離枱嗰鐵板餐遲過我哋落單都嚟咗，就同侍應講聲差過餐未嚟。侍應一句唔好意思都冇講，淨係話鐵板要時間煮嘜嘜嘜。隔咗陣聽到廚房話啲單出咗問題。（100%漏咗單）之後出嚟2個鐵板，都畀咗另外又係遲過我哋落單嘅枱。見狀即刻話取消，係咁話煮梗，就有啦。（冇野拎到出嚟）講咗幾次取消都唔理，就直接起身去買單。我哋表明其實漏咗單直接講就得，唔洗咁多解釋。侍應都依然一句唔好意思都冇，係咁話「唔係，唔係。要時間煮嘜嘜嘜」。不意外哋，嗰杯原先嘅跟餐野飲都照計返正價。

平日經過都見到好多人排曬隊等位，今次終於黎試下！6點幾入去基本上唔需要等位，裡面環境好寬闊，裝修簡單整潔，座位都好舒適.Order左豚肉拉麵+迷你三文魚子三文魚飯套餐湯底揀左豬骨湯，唔似一般拉麵湯底咁好濃好鹹，我反而覺得合適我口味，而迷你飯則一般，不過一個套餐價錢都係7X蚊，可以一試！

呢間野都開左幾個月，之前星期六，日經過都要排隊，無試到，今日放工七點幾就同T小姐去試下，我食吉列朱排拉面定食，T小姐就食抹茶蕨餅配拉面，呢度d拉面有3種湯底揀，有朱骨，味噌，醤油，我揀醤油，T小姐揀味噌，拉面質素都ok，湯底就味精湯，此終呢個價錢好難食到高質拉面，無期望之中都算唔錯，反而我個朱排炸得幾好食又脆，成個set食完好夠飽。另外叫既牛肉薯餅都好好味。總括黎講性價比都幾好，食物唔差，娤修都有日式食堂feel，地方大坐得幾舒服。

門面賣相非常吸引 價格相宜 同朋友入左去試 咁就中伏了 入到坐低我叫左個吉列豬扒飯 等左一陣都未黎 朋友個定食都食左一半 追完又追 店員態度愛理不理 最後等左半個鐘 (我拎住張單同服務員講 你呢度有個入單時間 真係足足半個鐘）（佢無俾反應我）吉列豬扒飯終於黎了 本身已經慶 我朋友食完我先有得食 見到嗰塊吉列豬扒仲慶 等半個鐘就係等佢整呢塊野出黎 堅難食 一啲都唔吉列 又乾真真 其實平時一塊普通既煎豬排都一定好食過佢 不知所謂

日本菜係一般都唔算平嘅選擇，今次喺藍田就試左一間平民化日本菜。門面睇落幾靚，簡單樸實，有日本嘅感覺！叫左一個北海飯，一個和風醬油拉麵，再加兩杯凍檸水。上菜了，北海飯望落雖然唔似得丼飯咁豐富，但其實都幾多料嘅。帶子晶瑩剔透，幾新鮮。蟹肉份量幾多，夠哂食成碗飯。雞肉係醃過嘅，配埋啲蟹肉一齊食，幾有鮮美，豉油都唔使落。另一個係豚肉和風醬油拉麵，個麵幾彈牙，湯底有豬骨味，配上和風醬油都幾好食。個蛋就稍為失色，因為佢唔係糖心蛋。整體而言，佢嘅味道都係水準之上，加上分量十足，價錢便宜，唔錯嘅。

已經食左好多次，最近有位新面孔大叔，安排坐位時問搭唔搭枱，答佢唔搭，佢就指住我同老公話「咁你等下先啦！」說話粗聲粗氣又嘈，好似去左大排檔咁，唔太好受！食物上枱時無為意，老公份井（33號）少左天婦羅蟹柳同雞尾腸煙肉，之前食咁多次都未試過，只怪自己無睇清楚⋯⋯⋯⋯食物唔差，價錢大眾化，住第二區嘅我地每次都專程嚟食，希望日後會有改善啦

聽朋友講，啟田開左間新嘅日本餐廳，今日就同朋友去試下喇到入得去，都幾大，好闊落，有個自助位俾你斟水，但係啲杯真係勁細，飲兩啖就又要斟，有啲麻煩野食方面都係好多野揀今晚無咩胃口，叫左個冷麵，麵嘅份量係超級多不過有啲怪怪地嘅位係佢麵底已經有啲應該係冷麵汁，佢另外再俾個沙津醬，但個人尼講... 就應該唔會有人用沙津醬送冷麵？😂😂同埋我本身係諗住會有胡麻醬所以先叫冷麵Anyway 見到隔壁叫左抹茶蛋糕幾吸引 可以一試！

打開Menu，睇到有拉麵，有丼，有便當，有刺身，有壽司，有甜品！睇真d，原來玩配配對！即係除左便當同散叫之外，set就可以叫拉麵配飯、拉麵配甜品、拉麵配炸豬扒配飯、餃子配飯。。。。。。。好複雜，要望清楚我地兩個人叫左帆立貝蟹肉飯，配豉油湯拉麵 $75拉麵有一塊叉燒個飯好熱，擺落刺身度好似唔係幾好。。。不過蟹肉撈左沙律醬好好味！仲有抹茶蕨餅配豬骨湯拉麵、COT $48拉麵都係有一塊叉燒個蕨餅幾得意食少少野又有甜品食都幾好！不過我大食，唔夠喉，加多一件牛肉薯餅$10好好味！

藍田新開餐廳，晚上想吃簡單一點，又想起它，就出發去食。好多街坊去食， 等位等了差不多20分鐘，算快，入面原來都大 位好多。拉麵有3種湯底揀，和風醬油拉麵/味噌拉麵/豬骨湯拉麵， 總有一款岩你其他餐配合都多選擇，可配壽司魚生飯還有好幾個定食餐單，一家人去食都適合作為街坊之選，值得再去

平時經開都超多人，排到出門口，今日終於趁下午茶人少少有機會一試。一入去就有staff招呼，上菜速度都好快，仲要係熱既。味道唔錯，份量多，平平地可以食得好飽。諗住叫兩杯雪糕，但係食完個餐都已經飽到裝唔曬，下次有機會再試

係觀塘行街，途經此店所以試下食店舒適光猛，叫左鉄板牛肉定食定食包括主菜、白飯及湯，$65牛肉送上時，鉄板仲好熱，feel到D肉嘅香氣撲鼻，賣相又靚！牛肉好淋同好多肉汁，份量勁多，食極都仲有菜有椰菜、芽菜同紅蘿蔔，D芽菜好嫩同脆，索哂肉汁，送飯至啱湯個味噌湯超熱，好味，真係very good ，最驚飲D湯唔夠熱下次嚟開再試其他食品！

2019年3月4日 (星期一) 1:20pm 20°C 環境光亮整潔，餐具乾淨。 餐廳設置「自助區」，食客可以自行斟水、拿調味料、碗仔等等 ... 下單和奉餐均由侍應負責，服務態度好。由於本人的熱奶茶太淡味，於是叫女侍應多給 2 包砂糖時，她說不要吃太甜，不健康的，語氣友善。 人數：2 人 HK$100 不用等位 滑蛋豬扒飯 - 豬扒熱騰騰，外層算脆，內層肉嫩偏腍。蛋漿金黃滑溜，配合洋蔥圈一起吃，爽口香滑，而珍珠米飯質亦軟綿綿。整體來說，以半自助形式餐飲店比較，味道不俗，沒有馬虎欺場行為。豬扒不肥膩，洋蔥圈細小，份量足夠女士們，但男士們應該覺得不夠喉了。【推介之選】❤❤❤ 豬肉醬汁炒麵定食 - 豬片肉質肥而不韌，黃芽白爽口，紅蘿蔔幼薄，麵質一般，醬汁較少，有點而不足。 味噌湯 - 蛋花軟綿，份量多，洋蔥絲亦爽，只是味精成份重。 熱奶茶 - 香濃提神，不苦澀，茶與奶的份量恰到好處，不錯！《 餐 牌 》：《 環 境 》：《 門 面 》：【 溫 馨 提 示】：❶ 飲品須另加 HK$7❷ 只收現金❸ 不另收加一服務費❹ 結帳付款須自行到收銀處

原來屋企附近開咗間新嘅日式餐廳，唔係朋友講都冇發現到。於是就同朋友一齊去試下。以日式餐廳嚟講，食物選擇種類都算頗多，所以都睇咗一段時間先落到單。自選拉麵魚生飯定食呢個定食有得揀唔同拉麵同埋魚生飯。而今次就配撘左和風醬油拉麵同蒲燒鰻魚飯。拉麵嘅湯底尚算濃郁，拉麵嘅軟硬適中。而鰻魚都幾新鮮，食落好有鮮味。不過兩碗嘅份量都偏小，食完都唔算太飽。如果下次會再食，會考慮分開嗌一碗拉麵同一碗飯，價錢差唔多，但份量會比較多。

和朋友到 元祖試一下新野。 交通方便位於啟田商場地舖 附近有巴士 地鐵需步行十到十五分鐘 這裏前身是茶餐廳 現在變成了日式料理 整體氣氛和之前差不多 但食物質素算高 意外面飾物櫃有擺放食物圖樣 朋友點了一個便當。 便當裏有雞翼 有腸仔 配白飯 我點了一個飯面雙拼餐 而且附有前菜 飯小小的還精緻。 豬肉配上燒汁味道不錯。 豬骨湯 叉燒拉麵 湯底淡淡豬骨 叉燒薄薄兩片 味道不差 前菜偏鹹 配上飯 差不多 整體而言 晚餐 每位 60 元 食飽飽 而且選擇種類多又有甜品 服務態度一般 環境氣氛一般 以晚餐來說算便宜 建議各位不妨一試

賣相一般，味道唔太得…服務半自助…禮貌就……都算……最重要系貴得來份量又細……出面下午茶輕食份量…收茶記加底再加底價錢……再去D人，除佐有錢外，味覺絕對失調…無下次，絕對………想俾差評都要寫夠200字，我為佐呢200字，我點都要寫夠佢，你地就知我中伏嘅怨念有幾深…講真，你唔好食，都唔好收咁貴…開系屋邨附近，都系做街坊生意…又細又貴又唔係特別好食…下次搵鬼再去食咩…終於寫夠200字，可以去俾個差評佢……完……