元祖和風食堂虎藏 (已結業)

之前同老公都食過e間，已經評價一般圖片真係只供參考，套餐嘅明太子飯, d 明太子多到呢，圖片係整個飯面都係，嚟到得紫菜？原來係紫菜底，4份一都冇咁嘅價錢，拉麵就係咁一般喇今日，婆婆諗住帶兩個小朋友去食午餐，咁佢地11點幾就去到，婆婆腳唔好，所以就同小朋友係門口睇d食物模型，等12點開門可以入去食嘢。但有個呀姐員工就出嚟同佢地講，"你地去其他地方喇，唔係就12點再嚟"真心，咁嘅質素，咁嘅態度，唔怪得冇好評，老闆請左d咁嘅員工真係多得佢唔少。之後婆婆就帶小朋友去街市門前間日本菜食，人地態度好，食物唔差，真係大力推薦

今日午餐同屋企人去試呢間拉麵一入到去就被安排坐最近廚房既卡位都坐得幾舒服 環境算乾淨我揀左和風醬油拉麵配抹茶蕨餅本人對拉麵配糖心蛋都幾有要求問過侍應可唔可以要糖心蛋 佢地話做唔到不過咁都冇辦法啦 畢竟係$50幾蚊既一碗拉麵我屋企人分別揀左豬骨拉麵配抹茶雪芳蛋糕吉列豬排拉麵配明太子飯 加左餃子,牛肉薯餅同咖喱薯餅 都係唔可以要求太高其實我本來都冇諗住打食評 所以就冇影食物相不過因為見到一件好得人驚既事 所以先有呢篇食評可能因為新開冇耐 其實啲侍應做野都幾混亂下係有其他客人追單既混亂中 突然多岀左一杯雪糕冇人要 我地坐正廚房對岀個張枱 睇得好清楚 杯雪糕放置在係岀餐位至少五分鐘冇人理 杯雪糕都開始溶 突然有個侍應想問我地要唔要上埋個雪糕 咁我屋企人就話我地望到杯雪糕放左係到五分鐘 個侍應姐姐先笑笑口收走杯雪糕 點知我屋企人係自助吧行返坐位既時候 目擊到有侍應張放置到溶左既雪糕就咁倒返落部雪糕機到🤮🤮現場亦冇人似經理 當時冇辦法反映俾餐廳知 所以希望如果有負責人可以睇到就提點下員工 留意下食物安全 雖然餐廳收費平 但係食物安全都唔可以咁冇要求😡最後想讚一讚個男侍應 禮貌好而且好勤力唔似其他侍

Lunch黎到藍田唔知食咩好，見到呢間日本野午市都唔算貴，五六十蚊有交易。呢間餐廳整體都算闊落多位坐，但lunch都坐滿場，所以都放膽少少試試佢。餐廳有個自助區，調味料、凍水熱水全部自便，慳番加一服務費，我okay。叫左個炸雞便當。有四舊炸雞，無開炸粉漿炸，不過外皮都算脆，又無油溢味。不過調味差左啲啲，吱埋個檸檬都啱啱好無咁淡口。配菜有薯仔沙律、涼拌牛蒡絲、玉子燒都幾好食，泡菜一般無特別。蟹柳天婦羅個皮都幾鬆化，意料之外。個煙肉包腸仔爆油，食完個嘴令過搽左lip gloss咁。不過整體而言個便當都算幾好，五十幾蚊有湯，性價比ok。見餐牌有個餐係有甜品加迷你拉麵加凍飲，四十幾蚊，抹茶甜品個樣幾正咁（圖片中）。今次怕唔夠飽無嗌，有機會再黎試過。

這天到藍田去，在這區工作的朋友向我推介這間和風食堂。走進店內，看到這店佈置簡約，給人清潔舒適的感覺。店內設有自助區，讓顧客自行拿取水杯、小碗、小碟和調味品。朋友說，這店的抺茶卷蛋蛋糕好吃，拉麵也不錯，所以我們點了一客抺茶卷蛋蛋糕配拉麵定食和一客帶子蟹肉飯拉麵定食。拉麵果然質素不俗，麵爽彈，湯頭也不錯。特別想提的是這店有一種調味料叫拉麵胡椒，在別的地方我沒看見過，把它加進拉麵中，真的能提升整碗拉麵的味道，是拉麵的好搭檔。帶子蟹肉飯方面，帶子不太多，蟹肉則很多，兩者味道也不俗。至於朋友推介的抺茶蛋糕，不太甜，抺茶味濃，好吃。由於價錢合理，食物質素也不錯，下次再到藍田，我想我也會再去這店吃飯。

呢日一行二人嚟到啟田道嘅元祖虎藏和風食堂食晏。我哋叫咗兩個定食套餐，豬肉泡菜飯拉麵定食 ($54)、虎藏牛肉飯拉麵定食 ($54) 及凍檸茶($7)。兩個定食套餐嘅前菜、拉麵係一樣嘅，唯一唔同係飯上面可配搭嘅餸。先講講拉麵，有三款湯底可以揀，和風醬油、豬骨及味噌。我哋今次都揀咗豬骨湯底，湯底飲落似加咗少少味精提鮮，拉麵入面嘅叉燒都算腍身，但食落味道唔係好新鮮，全碗麵較好食嘅係個竹筍，不過有渣。再嚟講講兩個飯，先講飯底，飯粒望落似日本珍珠米，但好奇怪食落鬆鬆散散，完全無綿膩嘅感覺，而且一啲米香都無，失望。牛肉煮得太老嚡口。泡菜豬肉，豬肉少到幾乎揾唔到，而且啲泡菜非常腍，腍pat pat, 口感好奇怪。杯凍檸茶, 跟餐加$7，真心覺得有啲貴，而且茶味同檸檬味都太淡，亦都比較細杯。最後講講服務，可能因為新開張嘅關係，服務有點混亂，我哋張枱同隔離張枱，都有上錯餐嘅情況出現。雖然呢度D套餐定價唔貴，不過好有將貨就價嘅感覺，無論食材、服務都有大大改善嘅空間。

此店於近期才開張, 由於位於公共屋邨商場之內, 所以價錢也算親民, 看看餐牌就知! 一碗滑蛋吉列豬排飯也只是38元, 拉麵加壽司套餐也是60餘元左右起!以日式食店來說, 價錢也算便宜!!當然個人覺得, 價錢平,但味道唔好食都唔值得光顧! 說實在, 這裡的食物不是什麼驚喜之作, 收你幾十元, 店主可以用什麼食材，大家都可預計!!! 但以平民食店而言, 我覺得味道唔差, 都可算好食!!無論是拉麵, 壽司和飯類, 基本上都有一定水準!! 當然, 若平時是食開好嘢，對食物好有要求, 這裡不會是你杯茶!! 但若是一般大聚市民, 這裡會是有性價比和值得去的平民食堂!! 說實在, 此店每晚都要輪候一段時間(約20分鐘) 才能入坐!!!

此店新開張，見門口擺放的食物套餐模型， 非常吸引，價錢相宜，但有很多人輪候，我惟有選擇第二天再來，此店中午12時開舖，我們早上11:45到達，門口已有十多人在等候，總算順利入座，我們每人點了一個套餐。日本煎餃子拉麵定食（ 木魚紫菜飯）62元， 拉麵湯底可以選擇和風醬油、味噌和豬骨湯 ，飯可以選擇白飯、紫菜木魚飯、明太子紫菜飯自選拉麵魚生飯定食88元拉麵壽司拼盤定食78元此店整體食物ok， 選擇配搭多， 做街坊生意，價錢相宜，以後又多一個選擇